ﺗﻌﻴﻘﻨﻲ ﺍﻧﺎ ؟؟ ﻳﻌﻴﻘﻚ ﺍﻟﻠﻪ ﻳﺎ ﻣﺠﺮﻡ .. ﻭﻛﻴﻒ ﻫﺴﻊ ﺗﺴﺮﻗﻨﻲ ؟؟ ﺗﺴﺮﻗﻚ ﺑﻄﻨﻚ ﺍﻥ ﺷﺎ ﺍﻟﻠﻪ .. ﺗﺨﻠﻴﻚ ﺩﻳﻤﻪ ﻣﺘﺄﻟﻢ ﺣﻀﻴﺮﻱ ﺍﻥ ﺷﺎ ﺍﻟﻠﻪ ﻳﺒﺮﺍﻙ .. ﻭﻓﻠﺴﺎً ﻟﻠﺠﻴﻮﺏ ﻳﺨﺪﻡ ﻭﺍﻟﻌﻄﺶ ﺍﻟﻴﺤﺮﻕ ﺍﻟﺠﻮﻑ.. ﻳﺨﻠﻲّ ﺍﻟﻔﻘﺮﺍ ﻗﺎﻳﻤﻲ ﻭﻗﺎﻋﺪﻱ ﻟﻴﻚ ﺗﻌﺰﻡ ﺗﻌﻴﻘﻨﻲ ﺍﻧﺎ ؟؟ ﻳﻌﻴﻘﻚ ﺍﻟﻠﻪ ﻳﺎ ﻣﺠﺮﻡ.. ﺑﻤﺪﻓﻊ ﻛﻼﺷﻨﻜﻮﻑ .. ﻳﻮﺍﻟﻴﻚ ﻓﻲ ﺍﻟﻤﺴﻴﻤﻊ ﻋﺎﺩ ﻳﺨﻠﻴﻚ ﻻﺳﻤﻊ ﻻ ﺷﻮﻑ ﺗﻌﻴﻘﻨﻲ ﺍﻧﺎ ؟؟ ﻧﺎﻥ ﺑﺎﻟﻠﻪ ﻟﻮ ﺳﺄﻟﻮﻙ ..ﻧﺎﻥ ﻋﻤﻴﺎﻥ ﻣﻦ ﺍﻻﺳﻮﺍﻕ ؟؟؟ ﺗﺴﻮﻕ ﺍﺭﻭﺗّﻲ ﻓﻲ ﺳﺎﻗﻴﻪ ﺗﻮﺭﻫﺎ ﻳﻘﻄّﻊ ﺍﻟﺨﻨﺎﻕ ﺗﺴﻮﻕ ﻟﻚ ﺩﺍﻑ ﺗﺪﻗﺸﻮﺍ ﺗﺮﻟّﻪ ﻓﻲ ﻋﻘﺒﻪ .. ﻳﺨﻠﻴﻚ ﻻﺿﻬﺮ ﻻ ﺳﺎﻕ ﺣﻜﻤﺖ ﺗﺠﻴﻨﻲ ﺍﻧﺎ ﺍﻟﻤﺴﻜﻴﻦ .. ﺍﻟﺒﻠﻘﻂ ﺑﻲ ﻗﺮﺵ ﻭﻗﺮﺷﻴﻦ ﺗﻘﺮﺷﻚ ﻋﻘﺮﺑﺎً ﺗﻠﻘﺎﻙ ﻓﻮﻕ ﺍﻟﺮﻳﻖ.. ﻳﻜﻮﻥ ﺟﺴﻤﻚ ﻣﺮﻃﺐ ﺗﺐ ﺗﻘﺮﺷﻚ ﺳﻤﻮﻣﺔ ﺻﻴﻒ .. ﺗﺨﻠﻲ ﻭﺷﻴﻚ ﻗﺎﻳﻢ ﺣﺐ ﻭﻗﺮﺷﺎً ﻳﺒﻠﻌﻚ ﻳﺴﺮﻉ ﻳﻠﻒ ﺑﻲ ﺟﺪﻩ ﻭﺍﻟﺼﻮﻣﺎﻝ.. ﻭﻳﺠﻴﺒﻚ ﻟﻴﻨﺎ ﺗﺎﻧﻲ ﻫﻨﺎ ﻳﺮﻣﻴﻚ ﻓﻲ ﺍﻟﺮﺻﻴﻒ ﺑﻲ ﺟﺎﻱ.. ﻳﺨﻠﻴﻚ ﺑﺲ ﻋﻀﺎﻡ ﻭﻋﺼﺐ ﺗﻌﺒﻘﻨﻲ ﺍﻧﺎ ؟؟ ﺗﻄﺮﺷﻖ ﻟﻲّ ﺑﺮﻧﺎﻣﺞ ﺍﺧﻄﻂ ﻓﻴﻪ ﻟﻲ ﺳﻨﻴﻦ ؟؟ ﻳﻄﺮﺷﻖ ﻓﻴﻚ ﻛﻤﺒﺮﺳﻮﺭ.. ﻳﺨﻠﻴﻚ ﺍﻧﺖ ﺑﺲ ﺳﺮﺩﻳﻦ ﻳﻄﺮﺷﻖ ﻓﻴﻚ ﺑﻮﺗﻮﺟﺎﺯﺍً.. ﻳﻜﻮﻥ ﺟﻤﺒﻚ ﺻﻔﻴﺢ ﺑﻨﺰﻳﻦ ﻭﺗﺮﻗﺪ ﻣﺎ ﻧﺸﻮﻑ ﻟﻨﺎ ﺯﻭﻝ ﻳﻘﻮﻝ ﻟﻨﺎ ﻣﺎﺷﻲ ﻓﻲ ﺗﺤﺴﻴﻦ ﺗﻌﻴﻘﻨﻲ ﺍﻧﺎ ؟؟ ﻛﻤﺎﻥ ﺗﺴﺮﻕ ﻣﻼﻳﺎﺗﻲ ﺍﻟﻤﻦ ﻛﻴﺴﻬﺎ ﻣﺎ ﺍﻧﻔﻜﺖ ؟؟ ﻭﻻ ﻋﺎﺭﻑ ﻧﻘﻮﺷﻬﻦ ﻛﻴﻒ ؟؟ ﻳﻔﻜﻚ ﻣﻨﻨﺎ ﺍﻟﻠﻪ ﺍﻟﻴﻮﻡ ﻗﺒﻞ ﺑﺎﻛﺮ ﻳﺨﻠﻴﻚ ﻻﻑ ﺻﻴﻒ ﻭﺧﺮﻳﻒ .. ﻳﻔﻚ ﺿﻠﻌﻚ ..ﺗﻔﺎﺭﻕ ﻋﻘﻠﻚ.. ﺗﺴﻚ ﺍﻟﻤﺎﺷﻲ ﻓﻮﻕ ﻋﺪﻟﻚ ﺯﻱ ﺟﻤﻼً ﻋﺸﺎﻩ ﺍﻟﺰﻳﻒ ﻧﻔﺴﻚ ﻓﺎﺗﺤﻲ ﺗﺮﻗﺪ ﻓﻮﻕ ﻣﻼﻳﺎﺗﻲ؟؟ ﺗﺮﻗﺪ ﻳﺎﺑﺎ ﻓﻲ ﻋﻨﺒﺮ.. ﻧﺼﻴﺤﻮ ﻳﺸﺎﺑﻲ ﻛﺎﻳﺲ ﺍﻳﺪﻭ ﺗﺮﻗﺪ ﻳﺎﺑﺎ ﻓﻲ ﻗﺒﺮﺍً.. ﺍﻋﻮﺫ ﺭﺑﻲ ﻣﻦ ﻫﻮﻟﻮ ﻭﻋﺬﺍﺏ ﺳﻴﺪﻭ ﺗﺮﻗﺪ ﻳﺎﺑﺎ ﻓﻲ ﻏﺮﻓﻪ ..ﺗﻜﻮﻥ ﻣﻔﺮﻭﺷﻪ ﺑﺎﻟﺼﺮﻓﻪ ﻭﻧﻤﻠﻬﺎ ﻳﺨﻤّﻮ ﺑﺎﻟﻘﻔﻪ .. ﻭﻻ ﺗﺸﻮﻑ ﺟﻨّﻪ ﺑﻲ ﻋﻴﻨﻚ.. ﻭﻻ ﻓﻲ ﺍﻟﻌﺘﺒﻪ ﺗﺘﻌﺘﺐ ﻋﺸﺎﻥ ﻋﻤﻠﻚ ﺗﻤﻠّﻲ ﻛﻌﺐ .. ﺗﺴﺮﻕ ﺍﻟﺠﻴﺐ.. ﺗﺴﻮﻱ ﺍﻟﻌﻴﺐ.. ﺍﻧﺖ ﺣﺮﺍﻣﻲ ﻭﺩ ﺍﻟﻜﻠﺐ
الرئيسية 
البوابة 
التسجيل 
موضوع: ﺷﺎﻳﻘﻲ ﻳﺸﺘﻢ ﻓﻲ ﺣﺮﺍﻣﻲ ﺳﺮﻕ ﻣﻼﻳﺎﺗﻮ 
الأحد نوفمبر 13, 2011 1:46 pm