منتديات زنكلوني الأدبية ...شعر ..قصص قصيرة...روايات
 
الرئيسيةالرئيسية  البوابةالبوابة  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 ﺍﻧﺎ ﺑﻌﺸﻘﻚ- ﻛﻤﺎﻝ ﺷﺮﻑ

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
c.ronaldo

avatar

المساهمات : 18
تاريخ التسجيل : 12/11/2011

مُساهمةموضوع: ﺍﻧﺎ ﺑﻌﺸﻘﻚ- ﻛﻤﺎﻝ ﺷﺮﻑ   الأحد نوفمبر 13, 2011 1:45 pm

ﺍﻧﺎ ﺑﻌﺸﻘﻚ- ﻛﻤﺎﻝ ﺷﺮﻑ *ﺭﺩﺍً ﻋﻠﻲ ﻗﺼﻴﺪﺓ ﻧﻀﺎﻝ ﺍﻟﺤﺎﺝ- ﺍﻧﺎ ﺑﻜﺮﻫﻚ* ﺃﻧﺎ ﺑﻌﺸﻘﻚ ... ﻳﺎ ﺭﻳﺘﻨﻲ ﻟﻮ ﺷﻔﺘﻚ ﺯﻣﺎﻥ ﻣﻦ ﻗﺒﻞ ﻣﺎ ﻛﺖ ﺑﻌﺸﻘﻚ ﻭﻳﺎ ﺭﻳﺘﻮ ﻟﻮ ﻛﺎﻥ ﺍﻟﺰﻣﺎﻥ ﻛﺎﻥ ﺑﻌﺮﻓﻚ ﻣﻦ ﻗﺒﻞ ﻣﺎ ﻳﺮﻣﻴﻨﻲ ﻳﻮﻡ ﻓﻲ ﺳﻜﺘﻚ ﻭﻳﺎ ﺭﻳﺘﻮ ﻟﻮ ﻛﺎﻥ ﺍﻷﻣﻞ ﺑﻌﺮﻑ ﻛﻤﺎﻥ ﺇﻧﻮ ﺍﻟﺰﻣﺎﻥ ﻣﺮﻫﻮﻥ ﻭﺻﺎﻝ ﻣﻦ ﻓﻜﺮﺗﻚ ﺑﻲ ﻛﻞ ﻓﺎﻝ ﻣﻦ ﺫﻛﺮﺗﻚ .. ﺃﻧﺎ ﺑﻌﺸﻘﻚ.. ﺃﻧﺎ ﺑﻌﺸﻖ ﺍﻟﻘﻠﻢ ﺍﻟﺒﻠﻮﻥ ﻟﻠﺠﻤﺎﻝ ﻓﻲ ﻟﻮﺣﺘﻚ ﻭﺃﻧﺎ ﺑﻌﺸﻖ ﺍﻟﻮﻟﻊ ﺍﻟﺒﺠﻴﻨﻲ ﻣﻦ ﺟﻤﺎﻟﻚ.. ﻭﻫﻴﺒﺘﻚ ﻭﺃﻧﺎ ﺑﻌﺸﻖ ﺍﻟﻮﺟﻊ ﺍﻟﺒﺰﻳﺪ ﻛﻞ ﻣﺎ ﺗﺰﻳﺪ ﻓﻲ ﺟﻔﻮﺗﻚ ﺃﻧﺎ ﺑﻌﺸﻘﻚ ... ﻭﻣﺎ ﺑﻬﻤﻨﻲ .. ﻣﺎ ﺑﻬﻤﻨﻲ ﻣﺮ ﺍﻟﻜﻼﻡ ﺍﻟﻘﺎﻟﻮﻩ ﻓﻴﻚ .. ﺍﻟﻤﺎ ﺑﻄﻮﻟﻚ ﻳﻠﺤﻘﻚ ﻭﺍﻟﺒﺴﻤﺔ ﺟﻮﺍﻱ ﻓﻲ ﻓﺮﺡ ﻟﻤﻦ ﻳﺠﻴﺒﻮ ﺫﻛﺮﺗﻚ .. ﺃﻧﺎ ﺑﻌﺸﻘﻚ.. ﻭﺍﻟﻨﻈﺮﺓ ﻣﻨﻚ ﻳﺎ ﻫﻮﺍﻱ ﻟﻤﻦ ﺃﻛﻮﻥ ﺟﻨﺒﻚ ﺑﺮﺍﻱ ﺃﺿﺤﻚ ﻣﻌﺎﻙ ﺃﻭﻧﺴﻚ ﺃﻧﺎ ﺑﻌﺸﻘﻚ ... ﻟﻮ ﺧﻴﺮﻭﻧﻲ ﺃﻋﻴﺶ ﺃﻣﻮﺕ ﺑﺨﺘﺎﺭ ﺃﻣﻮﺕ ﻭﺃﻧﺎ ﻣﻴﺘﺔ ﻓﻴﻚَ ﻭﻣﻦ ﺯﻣﺎﻥ ﻣﻦ ﻳﻮﻡ ﻋﺮﻓﺘﻚ ﺑﻌﺸﻘﻚ ﺃﻧﺎ ﺑﻌﺸﻖ ﺍﻟﺤﺮﻑ ﺍﻟﻨﻈﻤﺘﻪ ﻋﻠﻴﻚ ﺣﻨﻴﻦ ﻭﺃﻧﺎ ﻓﻲ ﺭﺟﺎﻙ .. ﺃﻧﺎ ﺑﻌﺸﻘﻚ ﻭﺃﻧﺎ ﺍﻟﻐﺮﺑﺔ ﺍﻟﻠﻄﺎﻟﺖ ﺑﺎﻟﺴﻨﻴﻦ ﻳﺎ ﺭﻳﺘﻬﺎ ﻟﻮ ﻛﺎﻧﺖ ﻣﻌﺎﻙ .. ﺃﻧﺎ ﺑﻌﺸﻘﻚ ﻟﻮ ﻗﺎﻟﻮﺍ ﻋﻦ ﻭﺟﻬﻚ ﻗﻤﺮ ﺯﺍﺩﻭﻫﻮ ﻧﻮﺭ .. ﻭﻛﺴﻮﻫﻮ ﺩﺭ ﻭﻛﺘﺒﻮﺍ ﻋﻠﻴﻪ ﻣﺤﻈﻮﺭ ﻋﻠﻰ ﻛﻞ ﺍﻟﺒﺸﺮ ﺃﻧﺎ ﻣﺴﺘﺤﻴﻞ ﺃﻗﺪﺭ ﺃﺳﻴﺒﻚ ﺃﺗﺮﻛﻚ ﺃﻧﺎ ﺑﻌﺸﻘﻚ ... ﺃﻧﺎ ﺑﻌﺸﻘﻚ ﻓﻲ ﺑﺴﻤﺘﻚ .. ﻓﻲ ﺿﺤﻜﺘﻚ .. ﻓﻲ ﻧﻈﺮﺗﻚ ﻓﻲ ﺭﻳﺤﺔ ﺍﻟﻌﻄﺮ ﺍﻟﺒﻔﻮﺡ ﻣﻦ ﺑﺪﻟﺘﻚ .. ﺃﻧﺎ ﺑﻌﺸﻘﻚ ﻗﺪﺭ ﺍﻟﻤﺴﺎﻓﺔ ﺍﻟﺒﻴﻨﻰ ﺑﻴﻨﻚ .. ﺳﻜﺔ ﺍﻟﺒﻴﻦ ﻭﺍﻟﺨﺼﺎﻡ ﺃﻧﺎ ﺑﻌﺸﻘﻚ ... ﻗﺪﺭ ﺍﻟﺪﻣﻮﻉ ﻟﻤﻦ ﺗﺴﻴﻞ ﺗﻨﺰﻝ ﻋﻠﻲ ﺧﺪﻱ ﻭﺗﻨﺎﻡ ﺃﻧﺎ ﺑﻌﺸﻘﻚ ... ﻗﺪﺭ ﺍﻟﺒﻴﻮﺕ ﺍﻟﻔﻲ ﺍﻟﻤﺪﻥ ﻣﻠﻴﺎﻧﺔ ﺑﺎﻟﺤﺐ ﻭﺍﻟﻮﺋﺎﻡ ﺃﻧﺎ ﺑﻌﺸﻘﻚ ... ﻗﺪﺭ ﺍﻟﺸﺠﺮ ﻭﺃﻭﺭﺍﻗﻮ ﻓﻲ ﺯﻣﻦ ﺍﻟﺨﺮﻳﻒ.. ﻟﻤﻦ ﺗﻔﺮﻫﺪ ﺗﺰﺩﻫﺮ ﻓﻲ ﺇﻧﺴﺠﺎﻡ ﺍﻧﺎ ﺑﻌﺸﻘﻚ ... ﻋﺪﺩ ﺍﻟﺤﺮﻭﻑ ﺍﻟﺸﺎﻳﻠﺔ ﺇﺳﻤﻚ ﺗﻔﺘﺨﺮ .. ﺍﻧﺎ ﺑﻌﺸﻘﻚ ﻋﺪﺩ ﺍﻟﺸﻌِﺮ ﻭﺃﺑﻴﺎﺗﻮ ﻓﻴﻚ ﺍﻟﻘﻠﺘﻬﺎ ﺑﻴﻦ ﺍﻟﻤﻄﺮ ﺑﻴﻦ ﺍﻟﻐﻤﺎﻡ .. ﺃﻧﺎ ﺑﻌﺸﻘﻚ ﻋﺪﺩ ﺍﻟﺰﻫﻮﺭ ﻟﻤﻦ ﺑﺘﺤﻀﻦ ﻟﻠﻔﺮﺍﺷﺎﺕ ﻭﺍﻟﻄﻴﻮﺭ ﻓﻲ ﺇﺑﺘﺴﺎﻡ ﺃﻧﺎ ﺑﻌﺸﻘﻚ ... ﻋﺪﺩ ﺍﻟﻨﺠﻮﻡ ﻭﺃﻧﻮﺍﺭﻫﺎ ﻓﻲ ﻋﺰ ﺍﻟﺸﺘﺎﺀ ﻟﻤﻦ ﺗﻘﻴﻒ ﻓﻲ ﺇﻧﺘﻈﺎﻡ ﺃﻧﺎ ﺑﻌﺸﻘﻚ... ﻋﺪﺩ ﺍﻟﻨﺠﻮﻡ ﻭﺍﻟﻠﻴﻞ ﻃﻮﻳﻞ ﻣﻬﻤﺎ ﻳﻄﻮﻝ ﺃﻧﺎ ﻣﺎ ﺑﻌﻴﺮ ﻟﻴﻬﻮ ﺇﻫﺘﻤﺎﻡ ﺃﻧﺎ ﺑﻌﺸﻘﻚ ... ﻳﺎ ﺭﻳﺘﻨﻰ ﻟﻮ ﺻﺎﺩﻓﺖ ﺯﻭﻝ ﻳﺴﺄﻟﻨﻰ ﻟﻴﻪ ﺃﻧﺎ ﺑﻌﺸﻘﻚ؟؟ ﻛﺎﻥ ﺍﻟﺠﻮﺍﺏ ﻣﺎ ﺷﻔﺖ ﺯﻭﻝ ﻓﻲ ﺍﻟﺪﻧﻴﺎ.. ﺯﻳﻚ ﻓﻲ ﺍﻟﺨﺼﺎﻝ.. ﻓﻲ ﻋﻔﺘﻚ ﺃﻧﺎ ﺑﻌﺸﻘﻚ ... ﻭﻣﺎ ﺷﻔﺖ ﻓﻲ ﺍﻟﺰﻣﻦ ﺍﻟﻘﺒﻴﻞ ﻭﺍﺣﺪ ﺟﻤﻴﻞ ﻓﻲ ﻫﻴﺒﺘﻚ ﺣﺘﻰ ﺍﻟﻌﻮﺍﺯﻝ ﻗﺎﻟﻮﺍ ﻓﻴﻚ ﻣﺎ ﻟﻴﻚ ﻣﺜﻴﻞ ﻓﻲ ﻣﻌﺪﻧﻚ ﺃﻧﺎ ﺑﻌﺸﻘﻚ ... ﻭﺍﻟﺬﻛﺮﻯ ﺗﺤﻜﻲ.. ﻭﺍﻟﺨﻴﺎﻝ ﻋﻦ ﻗﺼﺔ ﺍﻟﻨﻴﻞ ﻭﺍﻟﻨﺨﻴﻞ ﻭﺍﻷﺻﺎﻟﺔ ﺍﻟﺴﺎﻛﻨﺔ ﺟﻮﺍﻙ ﻳﺎ ﺟﻤﻴﻞ ﻭﺑﺘﺸﺒﻬﻚ .. ﺃﻧﺎ ﺑﻌﺸﻘﻚ ﺃﻧﺎ ﻛﻨﺖ ﻓﺎﻛﺮ ﺍﻟﺮﻳﺪ ﻛﻼﻡ ﻓﻴﻬﻮ ﺍﻟﺨﺼﺎﻡ.. ﻓﻴﻬﻮ ﺍﻟﻮﺋﺎﻡ ﺃﻧﺎ ﺑﻌﺸﻘﻚ ... ﻟﻜﻦ ﻋﺮﻓﺖ ﺍﻟﺮﻳﺪ ﻣﻌﺎﻙ ﻓﻴﻬﻮ ﺍﻷﺩﺏ ﻭﺍﻹﻟﺘﺰﺍﻡ ﺃﻧﺎ ﺑﻌﺸﻘﻚ ... ﻭﻋﺸﻘﺖ ﻓﻴﻚ ﺻﻤﺘﻚ ﻛﻤﺎﻥ.. ﻭﻟﻘﻴﺘﻮ ﺃﺣﻠﻰ ﻣﻦ ﺍﻟﻜﻼﻡ ﻭﺃﻧﺎ ﺑﻌﺸﻘﻚ ... ﺇﺣﺴﺎﺳﻲ ﺑﻴﻚ ﺇﺣﺴﺎﺱ ﻓﺮﻳﺪ ﺳﻤﻴﺘﻮ ﺭﻳﺪ.. ﻭﻟﻘﻴﺘﻮ ﻓﻮﻕ ﺍﻟﺮﻳﺪ ﻳﺰﻳﺪ ﻭﺍﻧﺎ ﺑﻌﺸﻘﻚ ... ﺳﻤﻴﺘﻮ ﺧﻮﻑ.. ﻭﻟﻘﻴﺘﻮ ﺟﻮﺓ ﺍﻟﺠﻮﻑ ﺷﺪﻳﺪ ﺃﻧﺎ ﺑﻌﺸﻘﻚ ... ﺳﻤﻴﺘﻮ ﺣﺐ ﻭﻟﻘﻴﺘﻮ ﻓﻲ ﻃﺒﻌﻮ ﻋﻨﻴﺪ ﻭﺃﻧﺎ ﺑﻌﺸﻘﻚ ... ﻣﻦ ﺍﻟﻮﺭﻳﺪ ﺣﺘﻰ ﺍﻟﻮﺭﻳﺪ.. ﺃﻧﺎ ﺑﻌﺸﻘﻚ ﻣﻦ ﻳﻮﻡ ﺭﺳﻤﺘﻚ ﻓﻲ ﺍﻟﻮﺭﻭﺩ.. ﻭﺃﻧﺎ ﺑﻌﺸﻘﻚ ﻣﻦ ﻳﻮﻡ ﻋﺮﻓﺘﻚ ﺯﻱ ﺑﺤﺮ ﻣﺎ ﻟﻴﻪ ﺣﺪﻭﺩ.. ﺃﻧﺎ ﺑﻌﺸﻘﻚ ﻣﻦ ﻗﺒﻞ ﻣﺎ ﺃﺻﺒﺢ ﻭﻟﻴﺪ.. ﻭﺃﻧﺎ ﺑﻌﺸﻘﻚ ﻭﻣﻦ ﻗﺒﻞ ﻣﺎ ﺗﺒﻘﺎﻟﻲ ﺳﻴﺪ.. ﺃﻧﺎ ﺑﻌﺸﻘﻚ ﻭﻣﻦ ﻗﺒﻞ ﻣﺎ ﺃﺭﺣﻞ ﺑﻌﻴﺪ.. ﻭﺃﻣﺸﻲ ﻣﻌﺎﻙ ﻣﺸﻮﺍﺭ ﺟﺪﻳﺪ ﺃﻧﺎ ﺑﻌﺸﻘﻚ ... ﻭﻣﻦ ﺑﻌﺪ ﻣﺎ ﻳﺨﺘﻮﺍ ﻋﻠﻲ ﻗﺒﺮﻱ ﺍﻟﺠﺮﻳﺪ .. ﺃﻧﺎ ﺑﻌﺸﻘﻚ ﻭﺣﺄﻓﻀﻞ ﺃﺣﺒﻚ ﻭﺃﻋﺸﻘﻚ .. ﻭﺃﻓﻀﻞ ﺍﺣﺒﻚ ﻭﺃﻋﺸﻘﻚ ﺃﻧﺎ ﺑﻌﺸﻘﻚ .. ﺃﻧﺎ ﺑﻌﺸﻘﻚ .. ﺃﻧﺎ ﺑﻌﺸﻘﻚ —
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ﺍﻧﺎ ﺑﻌﺸﻘﻚ- ﻛﻤﺎﻝ ﺷﺮﻑ
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
zankalooni :: منتدى الشعر السوداني-
انتقل الى: