zankalooni
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتديات زنكلوني الأدبية ...شعر ..قصص قصيرة...روايات
 
الرئيسيةالرئيسية  البوابةالبوابة  أحدث الصورأحدث الصور  التسجيلالتسجيل  دخولدخول  

 

 قصائد للآدمن الزين الماحي

اذهب الى الأسفل 
كاتب الموضوعرسالة
Admin
Admin
Admin


المساهمات : 35
تاريخ التسجيل : 12/11/2011
العمر : 33

قصائد للآدمن الزين الماحي Empty
مُساهمةموضوع: قصائد للآدمن الزين الماحي   قصائد للآدمن الزين الماحي I_icon_minitimeالجمعة فبراير 17, 2012 8:17 pm

الزين الماحي
(قصيدة بعنوان عوضية)

ساقوها نص الليل
لا جوطة لاكوراك
والحلة جت ساكته
كان جوها عربيتين
جدعوها في البوكسي
والليلة جد ساقطة
لمت هدمها عليها
مخلوعة جد كانت
مستغربه الجاتا
قعدت تجوط تسأل
مالكم معاي ياناس
شاتوها بالباته
دمعاتها كبن شو...
هاكم دي سته جنيه
كان إنتو همباته؟
سألوها شن إسمك
رفعت رويسا تمام
وبي نبرة جد ساخطة
أنا إسمي عوضية
لكن نسيتو زمان
مشهورة بي بطة
وبتقري وين يابنت
ضحكت وقالت هوي
طلعت من ساته
طيب أبوك وأمك؟
يطرشني يعميني
لاسمعت لاشفتا
ورينا عمري كم؟
سنين كتار راحو
بس ماني حسبتا
المهنة والشغلة؟
ست شاي وست دكان
فاتحاهو للفته
سمعنا إنك فوق
طلباتك بالدولار
والجية بالواسطة
ضحكت كمان تاني
ياباشا شن بتقول
أنا لاقية أتغتى ؟
قالوا بتبيعي خمور
ده كان زمان الله
لكني جد تبتا
ساقوها جلدوها
ضحكت وقالت هوي
زولكم البجلد ده
أكبر زبون عندي
وحابسني من سته


عدل سابقا من قبل Admin في الأحد مايو 20, 2012 5:06 pm عدل 1 مرات
الرجوع الى أعلى الصفحة اذهب الى الأسفل
https://zankalooni.hooxs.com
Admin
Admin
Admin


المساهمات : 35
تاريخ التسجيل : 12/11/2011
العمر : 33

قصائد للآدمن الزين الماحي Empty
مُساهمةموضوع: أبيات في رثاء الإنسان نادر خضر   قصائد للآدمن الزين الماحي I_icon_minitimeالأحد مايو 20, 2012 5:00 pm


همسة شوق يازول يانادر
وغنوة حزينة تطيب خاطر
ماحدثتنا عاد بالرحلة
فايت وين بالله مهاجر
فقد عظيم لي كل العرفك
ما بين أقرانك باين و ظاهر
فرضت علينا نريدك عنوة
صيتك ذائع و نورك جاهر

بأرقى إسلوب بتعامل الناس
خطفت قلوبم جت يا ساحر
لي آخر لحظة تراك حساس
وما ودعتنا قبل تغادر
وماكا براك وأنحن معاك
معاكا معاك وأكيد للآخر
ربنا يقبلك عندو هناك
بيكا رحيم ولي ذنبك غافر
الرجوع الى أعلى الصفحة اذهب الى الأسفل
https://zankalooni.hooxs.com
 
قصائد للآدمن الزين الماحي
الرجوع الى أعلى الصفحة 
صفحة 1 من اصل 1
 مواضيع مماثلة
-
» ثلاث قصائد لنسيبة علي

صلاحيات هذا المنتدى:لاتستطيع الرد على المواضيع في هذا المنتدى
zankalooni :: منتدى الشعر السوداني-
انتقل الى: