جميع أشعار محمد الحسن سالم حميد

.1.جوابات ست الدار
ﺳﺖ ﺍﻟﺪﺍﺭ ﺑﺖ ﺃﺣﻤﺪ ﻗﺎﻟﺖ : ﻟﻴﻚ ﻳﺎ ﺍﻟﺰﻳﻦ ﻭﺩ ﺣﺎﻣﺪ ﺷﻮﻗﻨﺎ ﺃﻣﺎ ﺑﻌﺪ ، ﺍﻟﻤﺒﻌﻮﺗﺔ ﺍﻟﻤﻨﻚ .. ﻭﺻﻠﺖ ﻭﺭُﺡ ﻓﻜﻴﺖ ﺍﻟﻄﻠﺐ ﺍﻟﻔﻮﻗﻨﺎ ﺑﺎﻗﻲ ﺍﻟﺪﻳﻦ ﻳﺎ ﺍﻟﺰﻳﻦ ﺧﻠﺼﺘﻮ ﻗﺪﺭ ﺍﻟﻔﺎﺿﻞ .. ﻣﺼﺮﻭﻑ ﺭﺍﺷﺪ ﻭﺍﻟﺘﻮﻣﺎﺕ ﻭﺍﻟﺠﺎﻳﺎﺕ ﻣﻦ ﺟﺎﻱ .. ﻻ ﺟﺎﻱ ﺯﻱ ﻣﺎ ﻗﺖ ﻟﻚ ﻗﺒﺎﻝ ﺩﻩ ﺷﻬﺮ ﺇﺗﻨﻴﻦ ﺣﺎ ﻧﻄﻬﺮ ﺭﺍﺷﺪ ﺷﻬﺮ ﺇﺗﻨﻴﻦ ﺍﻟﻤﺪﺭﺳﺔ ﺗﺄﺟﺰ ﺍﻟﻠﻪ ﻳﺒﻌﺪ ﺍﻟﻌﺎﺭﺿﻲ ﺗﺠﻴﻨﺎ ﻭﺭﺍﺷﺪ ﺣﺎﻟﻒ ﻣﺎ ﻳﻄﻬﺮ ﺇﻻ ﺃﺑﻮﻫﻮ ﻭﻋﻤﺘﻮ ﺗﺤﻀﺮ ﻭﺇﻻ ﻳﺠﻴﺒﻮ ﺍﻟﻐﻨﺎﻳﻴﻦ ﺷﺎﻥ ﺍﻟﺸﻮﻕ ﺑﺖ ﺳﺮﻧﺎ ﺗﺮﻗﺺ ﻗﻠﻨﺎ ﻧﺠﻴﺐ ﺍﻟﻤﺪﺍﺣﻴﻦ ﻃﻨﻄﻦ .. ﺃﻧﺎ ﺟﺎﻱ ﻣﻦ ﺍﻟﺤﺞ ﻭﻋﺎﺭﻑ ﺭﺍﺷﺪ ﻟﻤﺎ ﻳﻄﻨﻄﻦ ﻛﻞ ﺍﻟﺪﻧﻴﺎ ﺍﻟﻔﻴﻲ ﺗﻄﻨﻄﻦ ﻏﺎﻳﺘﻮ ﺑﺸﺮ .. ﺑﺲ ﺭﺑﻮ ﻳﻬﻮﻥ ﻣﺎ ﻛﻠﻤﺘﻚ ﺑﺎﻟﺘﻮﻣﺎﺕ ﺃﻭﻝ ﺍﻟﺒﺎﺭﺡ ﺟﻨﻲ ﻳﺮﻃﻨﻦ ﻗﺎﻟﻦ ﻧﺤﻨﺎ ﺍﻟﺨﻮﺍﺟﺎﺕ ﺑﺴﻢ ﺍﻟﻠﻪ .. ﻣﺮﻕ ﺣﺼﻠﺖ ﻟﻘﻴﺖ ﻟﻚ ﺟﻌﻔﺮ ﺯﺍﺭﺩ ﺍﻟﺒﻴﺖ ﺑﺎﻟﺨﻮﺍﺟﺎﺕ ﻳﺒﻘﻰ ﺣﺪﺍﺷﺮ ﻭﺧﻮﺍﺟﻴﺔ ﻧﺎﺱ ﺍﻟﺒﻠﺪ ﺍﻟﻜﺴﺮﻭ ﻋﻠﻴﻬﻦ ﺻﺪﻭ ﻳﻘﻠﺒﻮ ﻓﻲ ﺇﻳﺪﻳﻬﻦ ﻋﺪﻣﺎﻧﻴﻦ ﻣﻦ ﺇﺳﻢ ﺣﻜﻴﻢ ﻭﺍﻟﻼ ﺧﺒﻴﺮﺍً ﻟﻠﻤﺸﺮﻭﻉ ﻋﻠﻤﺎﺀ ﺁﺛﺎﺭ .. ﻓﻀﻠﺖ ﻓﻲ ﺁﺛﺎﺭ ﻣﺎ ﺧﻤﻮﻫﺎ ﺍﻟﺠﻮﻧﺎ ﻗﺒﻠﻜﻦ .. ﺷﻦ ﺧﻠﻮﻟﻨﺎ ﺑﻼ ﺣﺠﺎﺭ ﺍﻟﻠﻪ ﻳﺼﺮﻑ ﺍﻟﺨﻮﺍﺟﺎﺕ ﺑﻴﻨﺎﺕ ﺟﻌﻔﺮ ﻭﺍﻟﻤﺤﺠﻮﺏ .. ﻭﺍﻟﻤﺤﺠﻮﺏ ﻭﺍﻟﺨﻮﺍﺟﺎﺕ ﻃﻘﺖ ﺣﺠﻲ .. ﺍﻟﻌﻤﺪﺓ ﻃﻔﺎﻫﺎ ﺑﺎﻗﻲ ﺍﻟﻨﺎﺱ ﺍﻟﺠﺎﺕ ﻟﻠﻔﺮﺟﻲ .. ﻗﻨﺒﻮ ﻗﻴﻠﻮ ﺷﺒﻌﻮ ﻟﺤﻮﻡ .. ﻭﺍﻟﺨﻮﺍﺟﺔ ﻳﺼﻮﺭ ﺳﺎﻛﺖ ﺳﺘﺔ ﺧﺮﻓﻦ ﻭﺗﻴﺲ ﻣﺎ ﻛﻔﻦ ﺳﺘﺔ ﺧﺮﻓﻦ ﻓﻲ ﻓﺪ ﻳﻮﻡ ﺍﻟﻤﻌﺪﻭﻡ ﺃﺷﻜﺎﻝ ﻭﺃﻟﻮﺍﻥ ﺃﻱ ﺧﺪﺍﺭ ﻓﻲ ﺍﻟﻴﻮﻡ ﺩﺍﻙ ﻓﻲ ﻛﻤﻠﻦ ﺭﻑ ﻛﻤﻴﻦ ﺩﻛﺎﻥ ﺃﻭﻝ ﻛﻔﻮ ﺍﻟﺨﻮﺍﺟﺎﺕ ﺑﻌﺪﻭ ﺍﻟﻌﻤﺪﺓ ﻭﺻﻤﺪ ﺍﻟﺴﺎﻗﻴﺔ ﻧﺎﺱ ﺍﻟﻤﺠﻠﺲ ﻭﺍﻟﻤﺸﺮﻭﻉ ﺑﻌﺪﻭ ﺍﻟﻄﻠﺒﺔ ﻭﺑﺎﻗﻲ ﺍﻟﻨﺎﺱ ﺣﺘﻰ ﺍﻟﺸﻔﻊ ﻭﺍﻟﺤﺮﻭﻡ ﺳﺘﺔ ﺧﺮﻓﻦ ﻭﺗﻴﺲ ﺇﻧﺼﻔﻦ ﺳﺘﺔ ﺧﺮﻓﻦ ﻓﻲ ﻓﺪ ﻳﻮﻡ ﺟﺎﺕ ﻣﻦ ﺻﺎﻟﺢ ﺑﺖ ﻛﻠﺘﻮﻡ ﺗﺴﻜﺖ ﺗﺨﺒﺰ ﻃﻮﻝ ﺍﻟﻴﻮﻡ ﻟﻤﻦ ﺣﺮﻗﺖ ﺍﻟﺪﻭﻻﺏ ﻗﻨﺒﺖ ﺍﻟﻤﺴﻜﻴﻨﺔ ﺗﺪﻋﻲ ﺍﻟﻠﻪ ﻳﺼﺮﻑ ﺍﻟﺨﻮﺍﺟﺎﺕ ﻏﺎﻳﺔ ﺍﻟﻠﻴﻠﺔ ﺍﻟﺴﻘﺎ ﻳﺸﻮﻟﻖ ﻭﺍﻃﺎﺕ ﺍﻟﻠﻪ ﺩﻱ ﺳﺖ ﺭﺷﺎﻫﺎ ﻣﺎ ﻓﻲ ﻏﻨﻮﺗﺎً ﻣﺎ ﻏﻨﺎﻫﺎ ﻣﺎ ﻓﻲ ﻣﺪﺣﺘﺎً ﻣﺎ ﺳﻮﺍﻫﺎ ﺣﻤﺎﺭﻭ ﺻﺒﺢ ﻟﺤﻖ ﺃﻣﺎﺕ ﻃﻪ ﺳﺐ ﺍﻟﺪﻳﻦ ﻭﺍﻷﻣﺮﻳﻜﺎﻥ ﺟﻨﺲ ﺑﺪﻉ ﺯﻭﻟﻚ ﺩﻩ ﻳﺤﻴﺮ ﻋﻨﺪ ﺍﻟﺠﺪ ﻛﺎﻥ ﺃﺩﻩ ﻳﻨﻘﻨﻖ ﻋﻨﺪ ﺍﻟﻔﺎﺭﻏﺔ ﻳﺸﻴﻞ ﻭﻳﺒﻌﺰﻕ ﺇﺫﻛﺮﺕ ﻛﻼﻣﻚ ﻟﻴﺎ .. ﺇﻧﻮ ﻓﻲ ﻧﺎﺱ ﻻﻋﺒﻴﻦ ﺑﺎﻟﺪﻳﻦ ﻭﻧﺎﺱ ﻻﻋﺒﺎﺑﺎ ﺍﻷﻣﺮﻳﻜﺎﻥ ﺍﻟﻠﻪ ﻳﺼﺮﻑ ﺍﻷﻣﺮﻳﻜﺎﻥ ﺍﻟﻠﻪ ﻳﺼﺮﻑ ﺍﻟﺼﺮﻓﻴﻜﺎﻥ ﻣﺎ ﺧﻠﻮﻧﻲ ﻧﺸﺪﺗﻚ ﻣﻨﻚ ﻛﻴﻔﻦ ﺣﺎﻟﻚ ﻭﺍﻟﺨﺮﺗﻮﻡ ﻛﻴﻒ ﺍﻟﻤﺼﻨﻊ ﻭﺍﻟﻌﻤﺎﻝ ﺣﺎﻟﻢ ﻟﺴﻊ ﻧﻔﺲ ﺍﻟﺤﺎﻝ ؟ ﻭﻣﺎ ﺭﻗﻮﻙ ﺳﻮﻭﻙ ﺑﺎﺷﻜﺎﺗﺐ ؟ ﻳﻮﺭﻳﻨﺎ ﺍﻟﻠﻪ ﺯﻳﺎﺩﺓ ﺍﻟﺮﺍﺗﺐ ﻛﻴﻒ ﺍﻟﻨﺎﺱ ﻭﺍﻟﺤﺎﻟﺔ ﻋﻤﻮﻡ ؟ ﻭﺍﻟﻌﺰﺍﺑﺔ ﺍﻟﻜﺤﻴﺎﻧﻴﻦ ﺳﻴﺪ ﺍﻟﺒﻴﺖ ﻋﻞ ﻣﺎ ﺯﻛﺎﻛﻢ ﻟﺴﻊ ﺗﻘﻌﻮ ﺗﻘﻮﻣﻮ ﺑﺮﺍﻛﻢ ؟ ﻗﻠﺒﻲ ﻣﻌﺎﻛﻢ ﺭﺑﻲ ﻳﺨﺪﺭ ﻋﻮﺩ ﺿﺮﻋﺎﺗﻜﻢ ﺑﺎﻟﻲ ﻣﻌﺎﻙ ﻳﺎ ﺍﻟﺰﻳﻦ ﻭﺩ ﺣﺎﻣﺪ ﺑﺎﻟﻲ ﻫﻨﺎﻙ ﻭﺍﻟﺸﻮﻕ ﺍﻟﺸﻮﻕ ﺧﻠﻰ ﺷﺪﻳﺮ ﺍﻟﺠﻮﻑ ﻣﺤﺮﻭﻕ ﺭﺍﺟﻲ ﻣﻄﻴﺮﺓ ﺍﻟﺰﻳﻦ ﻭﺩ ﺣﺎﻣﺪ ﻧﺤﻨﺎ ﻧﺼﺎﺣﺎً ﺯﻱ ﻭﺍﻃﺎﺗﻨﺎ ﻧﺤﻨﺎ ﻧﺼﺎﺡ ﺇﻻ ﺍﻟﻘﺮﺍﺹ ﻭﺍﻟﺘﺠﺎﺭ ﻭﺍﻟﺤﺎﺹ ﺍﻟﺒﺤﺼﻞ ﻛﻞ ﺻﺒﺎﺡ ﺷﺘﻼﺗﻚ ﻗﺒﻀﻦ ﺍﻟﺤﻤﻼﻥ ﻛﺒﺮﻥ ﺑﻠﺤﻴﻞ ﺍﻟﻌﻀﻤﻴﻦ ﺍﻟﺮﻭﻛﺔ ﺇﻧﺰﺭﻋﻦ ﺍﻭﻋﻚ ﺗﺸﻔﻖ ﻣﻦ ﺗﺎﻻﻧﺎ ﻭﻻ ﻧﺒﻘﺎﻟﻚ ﻣﺸﻐﻮﻟﻴﺔ ﺯﻳﻚ ﻭﺍﺣﺪ ﻣﺴﺘﻮﺭﻳﻦ ﻭﻣﺎ ﻧﺎﺳﻴﻦ ﺍﻟﻤﺴﺌﻮﻟﻴﺔ ﻫﻲ ﻳﺎ ﺍﻟﺰﻳﻦ ﺯﻏﺮﺩ ﺑﺖ ﺍﻡ ﺯﻳﻦ ﺟﺎﺑﺖ ﻟﻬﺎ ﺑﺖ ﺳﺘﺔ ﺃﻭﻻﺩ ﺣﺘﺎﻥ ﺍﻟﺒﺖ ﺍﻟﻤﺤﺠﻮﺏ ﻳﻨﺸﺪ ﻣﻦ ﺧﺒﺮﻙ ﺷﺎﻓﻌﻮ ﻣﺤﺴﺐ ﻣﻦ ﻳﻮﻣﻴﻦ ﺍﻟﺘﻮﻣﺎﺕ ﻃﻴﺒﺎﺕ ﻭﻧﺼﺎﺡ ﺇﻻ ﻏﺒﺎﺵ ﺑﻠﺤﻴﻞ ﺁ ﺍﻟﺰﻳﻦ ﺭﺍﺷﺪ ﻛﺮﺭ .. ﺷﻬﺮ ﺍﺗﻨﻴﻦ ﻛﺎﻥ ﻣﺎ ﺟﻴﺖ ﺃﻧﺎ ﻣﺎ ﺑﻄﻬﺮ ﺍﻟﻠﻪ ﻳﺒﻌﺪ ﺍﻟﻌﺎﺭﺿﻲ ﺗﻌﺎﻝ ﻛﺎﻥ ﻓﺪ ﺩﻭﺭ ﻳﺪﻭﻙ ﻳﺎ ﺗﻌﺎﻝ ﻛﺎﻥ ﺑﺎﻟﺨﺼﻢ ﺇﻥ ﺷﺎﺀ ﺍﻟﻠﻪ ﺗﻌﺎﻝ ﻭﻣﺎ ﺗﺘﻮﺻﻰ .. ﻭﺩﺍﻋﺔ ﺍﻟﻠﻪ ﺃﻭﻋﻰ ﺍﻟﺒﺸﻐﻞ ﻭﺍﻟﻌﺮﺑﺎﺕ ﻭﺍﻟﺤﻴﻜﻮﻣﺔ ﺍﻟﺴﻤﻬﺎ ﻓﺎﻳﺮ ﺃﻡ ﺃﻭﻻﺩﻙ ﺳﺖ ﺍﻟﺪﺍﺭ ﺑﺖ ﺃﺣﻤﺪ ﺟﺎﺑﺮ ﺳﺖ ﺍﻟﺪﺍﺭ ﺑﺖ ﺃﺣﻤﺪ ﻛﻴﻔﻚ ﺟﺎﻧﻲ ﺟﻮﺍﺑﻚ ﻣﻔﺘﻮﺡ ﺷﺎﺭﻉ ﺟﺎﻧﻲ ﺟﻮﺍﺑﻚ ﻭﺍﻧﺎ ﺑﺘﺼﻮﺭ ﻓﻲ ﻧﺎﺱ ﺭﺍﺷﺪ ﻭﺍﻟﺘﻮﻣﺎﺕ ﻓﻲ ﺍﻟﺸﺘﻼﺕ ﻭﺍﻟﺤﺎﻟﺔ ﻋﻤﻮﻡ ﻧﺎﺱ ﺣﻠﺘﻨﺎ ﺍﻟﺘﺤﺖ .. ﺍﻟﻔﻮﻕ ﺍﻟﻠﻴﻬﻢ ﺍﻟﻠﻪ ﻭﻋﻴﺸﺔ ﺍﻟﺴﻮﻕ ﺟﺎﻧﻲ ﺟﻮﺍﺑﻚ ﻭﺍﻧﺎ ﺑﺘﺼﻮﺭ ﻓﻲ ﺍﻟﻤﺸﺮﻭﻉ ﻭﻋﻤﺎﻳﻞ ﺟﻌﻔﺮ ﻭﻟﻤﺎ ﺑﻜﻴﺖ .. ﻳﺎ ﺳﺖ ﺍﻟﺪﺍﺭ ﺃﻳﻮﺓ ﺑﻜﻴﺖ .. ﻳﺎ ﺳﺖ ﺍﻟﺪﺍﺭ ﻟﻤﺎ ﻗﺮﻳﺖ ﻋﻠﻤﺎﺀ ﺁﺛﺎﺭ ﻋﻠﻤﺎﺀ ﺇﻳﻪ ﻳﺎ ﺑﺖ ﺍﻟﻨﺎﺱ ﺳﻮﺍﺡ ﺇﻳﻪ .. ﻣﺎ ﻋﻨﺪﻙ ﺭﺍﺱ ﺳﺖ ﺍﻟﺪﺍﺭ ﺗﺘﻮﻫﺪﺑﻲ ﻟﻴﻪ ﺩﻳﻼ ﺟﻤﺎﻋﺔ ﺍﻟﺴﻲ ﺁﻱ ﺇﻳﻪ ﺗﻌﺮﻓﻲ ﺇﻳﻪ ﺍﻟﺴﻲ ﺁﻱ ﺇﻳﻪ ؟؟ ﺍﻣﺮﻳﻜﺎﻥ ﻓﻲ ﻛﻞ ﻣﻜﺎﻥ ﺩﻳﻞ ﻣﺎﻟﻴﻦ ﺍﻟﺪﻧﻴﺎ ﻣﻠﻲ ﺩﻳﻞ ﻗﺎﻟﻴﻦ ﺍﻟﺨﻠﻖ ﻗﻠﻲ ﺑﺎﺳﻢ ﺍﻟﺪﻳﻦ ﻭﺍﻷﻣﺮﻳﻜﺎﻥ ﺃﻱ ﻋﻮﺝ ﻣﺒﺪﻱ ﻭﻣﺨﺘﻮﻡ ﺻﻮﺗﻨﺎ ﻫﻨﺎﻙ ﻭﻫﻨﺎ ﻣﻜﺘﻮﻡ ﻭﻣﺎﻓﻲ ﻓﺮﻕ ﻓﻲ ﺍﻟﻮﻗﺖ ﺍﻟﺮﺍﻫﻦ ﺑﻴﻦ ﻭﺍﺷﻨﻄﻦ ﻭﺍﻟﺨﺮﻃﻮﻡ ﺃﻧﺎ ﻣﺄﺯﻭﻡ .. ﻣﺄﺯﻭﻡ .. ﻣﺄﺯﻭﻡ ﻳﺎ ﺧﺮﻃﻮﻡ ﻭﻳﻨﻚ ﻭﻳﻨﻚ ﻳﺎ ﺧﺮﻃﻮﻡ ﺷﻦ ﺷﺐّ ﻭﻗﻠﺒﻚ ﻭﺳﻠﺒﻚ ﺣﻠﺒﻚ ؟ ﺯﻧﺠﻚ ؟ ﺑﺠﺘﻚ ؟ ﻧﻮﺑﺘﻚ ؟ ﻋﺮﺑﻚ ؟ ﺃﻧﺎ ﻣﺄﺯﻭﻡ .. ﻣﺄﺯﻭﻡ .. ﻣﺄﺯﻭﻡ ﻳﺎ ﺧﺮﻃﻮﻡ ﺃﺯﻣﻨﻲ ﺍﻟﺼﻠﺒﻚ ﻓﻮﻕ ﺍﻟﻄﻠﺤﺔ ﺍﻷﻣﺮﻳﻜﻴﺔ ﻳﺎ ﺧﺮﻃﻮﻡ .. ﺃﻭﻩ ﺧﺮﻃﻮﻡ .. ﺃﻭﻩ ﻭﺍﺷﻨﻄﻮﻡ ﻃﻦ .. ﻟﻔﺘﻚ ﻓﺠﺮﺍً ﻳﻘﻄﻊ ﺭﺣﻄﻚ ﺳﺖ ﺍﻟﺪﺍﺭ ﺳﺎﻣﻌﺎﻧﻲ ﻳﺎ ﺍﺧﻴﺘﻲ ﻭﻣﺮﺗﻲ ﻭﺍﻣﻲ ﻭﺃﻡ ﺍﻟﻜﻞ ﺃﻧﺎ ﺑﻨﺪﻫﻠﻚ ﻣﻦ ﺷﺎﺭﻉ ﺍﻟﻠﻪ .. ﻓﻮﻗﻲ ﻫﺠﻴﺮ ﻭﺍﻟﺘﺤﺘﻲ ﺑﻘﻞ ﺳﺒﻲ ﻣﻌﺎﻳﺎ ﺍﻟﺸﺮﺩﻭ ﺭﺍﺟﻠﻚ .. ﻭﺍﻟﺤﺮﻣﻮﻧﺎ ﺷﻮﻳﺔ ﺍﻟﻀﻞ ﺳﺒﻲ ﺍﻟﺤﺎﻟﺔ ﺍﻟﻌﺎﻟﺔ ﻋﻠﻴﻨﺎ .. ﺣﺘﻰ ﺍﺣﻜﻴﻠﻚ ﺑﺎﻟﺘﻔﺼﻴﻞ ﺣﺎﺻﻞ ﺍﻟﺤﺎﺻﻞ ﻳﺎ ﺑﺖ ﺃﺣﻤﺪ ﺟﺎﻧﻲ ﻭﻓﺪ ﻓﻲ ﺍﻟﻤﺼﻨﻊ ﺯﺍﻳﺮ .. ﻭﻛﺎﻥ ﺍﻟﻮﻓﺪ ﺩﻩ ﺃﻣﺮﻳﻜﺎﻧﻲ ﻟﻒّ ﻭﻓﺎﺕ ﺍﻟﻴﻮﻡ ﺍﻟﺘﺎﻧﻲ ﺟﺎﻧﺎ ﻣﺪﻳﺮ ﺍﻟﻤﺼﻨﻊ ﻓﺎﻳﺮ ﻭﺷﻮ ﺣﻤﺎﺭ ﺍﻟﻌﻤﺪﺓ ﺍﻟﻌﺎﻳﺮ ﻧﻘﻔﻞ ﻣﺼﻨﻊ ﻓﻴﻬﻮ ﺧﺴﺎﻳﺮ ﻭﻗﺎﻟﻮﺍ ﻳﺨﻔﻀﻮﺍ ﻣﺎﺋﺘﻴﻦ ﻋﺎﻣﻞ ﻣﺎﺋﺘﻴﻦ ﻋﺎﻣﻞ ﻓﻲ ﻓﺪ ﻣﺮﺓ ﻣﺎﺋﺘﻴﻦ ﻋﺎﻣﻞ .. ﻣﺎﺋﺘﻴﻦ ﻋﺎﻣﻞ ﻳﺒﻘﻮﺍ ﻫﻮﺍﻣﻞ .. ﻳﺒﻘﻮﺍ ﻫﻮﺍﻣﻞ ؟؟ ﻣﺎ ﻳﻬﻤﻮﺵ .. ﺍﻟﻬﻢ ﺍﻟﻤﺼﻨﻊ ﺗﻒّ ﻗﺮﺍﺭﻭﺍ ﻭﻓﺎﺕ ﻓﻲ ﺣﺎﻟﻮ ﻣﺴﺌﻮﻟﻴﻦ ﻭﻧﻘﺎﺑﻴﻴﻦ ﻣﺎﻓﻲ ﺍﻟﻌﺎﺭﺽ ﻭﺍﻟﻼ ﺍﺗﺮﺟﻰ ﺍﻟﻌﻤﺎﻝ ﻣﻦ ﺳﻤﻌﻮﺍ ﺍﺣﺘﺠﻮﺍ ... ﺳﻴﺮﻭ ﻣﻮﻛﺐ ﺻﺎﻣﺪ ﻭﺻﺎﻣﺖ ﺇﺗﻀﺎﻣﻨﺎ ﻣﻌﺎﻫﻢ ﺳﺮﻧﺎ .. ﺃﺏ ﻋﺮﺍﻡ ﺩﻭﺭ ﻋﺮﺑﻴﺘﻮ .. ﺍﻟﻌﺮﺑﻴﺔ ﺍﻻﻣﺮﻳﻜﻴﺔ ﺯﻧﻘﺢ ﺧﻼ ﺍﻟﻤﻮﻛﺐ ﺛﺎﺑﺖ ﺍﺣﺘﺠﻴﻨﺎ ﻣﻊ ﺍﻹﺣﺘﺠﻮ ﺇﺗﻜﻠﻤﻨﺎ ﻛﻼﻡ ﻣﻮﺿﻮﻋﻲ ﻗﻠﻨﺎ ﺍﻟﻤﺼﻨﻊ ﺣﻖ ﺍﻟﺪﻭﻟﺔ .. ﻭﺍﻟﻌﻤﺎﻝ ﺃﺻﺤﺎﺏ ﺍﻟﺤﻖ ﻫﻲ ﺍﻟﻠﻲ ﺗﻘﺮﺭ ﻭﺍﻟﺘﺘﻮﻟﻰ ﻫﻲ ﺍﻟﺒﺘﺤﺪﺩ ﺳﻴﺮ ﺍﻟﻤﺼﻨﻊ ﺇﻳﺪ ﺍﻟﻌﺎﻣﻞ ﻫﻲ ﺍﻟﻘﺎﻉ ﺗﻨﺘﺞ ﻣﺎ ﺍﻟﻤﻜﻨﺎﺕ ﺍﻷﻣﺮﻳﻜﻴﺔ ﺯﻳﺖ ﺍﻟﻌﺎﻣﻞ ﻳﺎﻫﻮ ﺍﻟﺒﻄﻠﻊ .. ﻣﻮ ﺍﻟﻤﻜﻨﺎﺕ ﺍﻷﻣﺮﻳﻜﻴﺔ ﻭﺩﺭﻥ ﺍﻷﻳﺪﻱ ﺍﻟﻌﻤﺎﻟﻴﺔ ﺃﻧﻀﻒ ﻣﻦ ﻟﺴﻨﺎﺕ ﺍﻟﻔﺠﺮﺓ ﻭﺩﻳﻦ ﺍﻟﺪﻗﻦ ﺍﻟﺸﻴﻄﺎﻧﻴﺔ ﻭﻣﻦ ﻛﺮﻓﺘﺔ ﺍﻟﺒﻨﻚ ﺍﻟﺪﻭﻟﻲ .. ﻭﻛﻞ ﻭﺟﻮﻩ ﺍﻟﺮﺍﺳﻤﺎﻟﻴﺔ ﻭﺃﺷﺮﻑ ﻣﻦ .............. ﺩﺍﻙ ﺍﻟﺤﻴﻦ ﺍﻟﻤﺼﻨﻊ ﻫﺎﺝ ﺟﺎﺕ ﻋﺮﺑﺎﺕ ﺍﻟﻼﺕ ﺑﻮﻟﻴﺲ .. ﻓﻀﻮﺍ ﺍﻟﻌﺎﻟﻢ ﺑﺎﻟﻜﺮﺑﺎﺝ ﻭﺍﻟﺒﻤﺒﺎﻥ ﺍﻷﻣﺮﻳﻜﺎﻧﻲ ﺷﺮﻗﺖ ﺷﻤﺲ ﺍﻟﻴﻮﻡ ﺍﻟﺘﺎﻧﻲ ﻛﻨﺎ ﺣﺪﺍﺷﺮ ﻭﻧﻮﺑﺎﻭﻳﺔ ﻣﺘﻬﻤﻨﺎ ﺑﺎﻟﺘﺨﺮﻳﺐ ﻭﺍﻟﺘﺤﺮﻳﺾ ﻭﺍﻟﺸﻴﻮﻋﻴﺔ ﺍﻟﺒﻮﻟﻴﺲ ﺻﺎﻗﻊ ﺷﻴﻮﻋﻴﺔ ﻭﻓﺎﻛﺮ ﻧﻔﺴﻮ ﺑﻨﺒﺬ ﻓﻴﻨﺎ ﻫﻲ ﺁ ﺑﻮﻟﻴﺲ ﺃﻣﻚ ﻣﺴﻜﻴﻨﺔ ﺍﻟﺒﻮﻟﻴﺲ ﻋﻤﺪﻧﻲ ﺷﻴﻮﻋﻲ ﺍﻟﺘﺤﻘﻴﻖ ﻃﻠﻌﻨﻲ ﻣﺪﺍﻥ ﺍﻟﺘﺤﻘﻴﻖ ﻃﺒﻌﺎً ﺗﺤﻘﻴﻘﻬﻢ ﺃﻭ ﺗﺤﻘﻴﻖ ﺍﻷﻣﺮﻳﻜﺎﻥ ﺍﺳﺒﻮﻋﻴﻦ ﻋﺪﻳﺘﻦ ﺟﻮﻩ ﺍﺳﺒﻮﻋﻴﻦ ﺯﺍﺩﻧﻨﺎ ﻗﻮﺓ ﺳﺖ ﺍﻟﺪﺍﺭ ﻣﺎ ﺗﺸﻔﻘﻲ ﺧﺎﻟﺺ ﺳﺖ ﺍﻟﺪﺍﺭ ﺃﻧﺎ ﻳﺎﻧﻲ ﺍﻟﺰﻳﻦ ﺳﺖ ﺍﻟﺪﺍﺭ ﺳﺎﻣﻌﺎﻧﻲ ﻛﻮﻳﺲ ؟ ﻛﻞ ﺍﻟﻬﻢ ﻣﺎ ﻳﻐﺸﻰ ﺍﻟﻐﻢ ﺑﻴﺘﻨﺎ ﻭﺭﺍﺷﺪ ﻭﺍﻟﺘﻮﻣﺎﺕ ﻭﻛﻞ ﺍﻟﻨﺎﺱ ﺍﻟﺤﺎﻟﻬﻢ ﺷﺎﻫﺪ ﺳﺖ ﺍﻟﺪﺍﺭ ﺍﻟﺸﻮﻕ ﺍﻟﻮﺍﺣﺪ ﻟﻲ ﺣﻠﺘﻨﺎ ﻭﻟﻴﻜﻢ ﻟﻴﻜﻢ ﻭﻟﻺﺷﺮﺍﻗﺔ ﻓﻲ ﻋﻴﻨﻴﻜﻢ ﻭﻛﻞ ﺍﻟﻨﺎﺱ ﺍﻟﺰﻭﻟﻬﻢ ﺻﺎﻣﺪ ﺷﻮﻕ ﻭﺳﻼﻡ . ﺍﻟﺰﻳﻦ ﻭﺩ ﺣﺎﻣﺪ ﺭﺩﻱ ﺳﺮﻳﻊ .. ﺑﺎﻟﻴﺪ .. ﺑﺎﻟﻴﺪ ﻓﻲ ﺩﻭﺭﻳﻦ ﻣﻮﻋﻮﺩ ﺑﻲ ﺷﻐﻠﺔ ﻟﻤﺖ ﻟﻤﺖ .. ﻛﺎﻥ ﻣﺎ ﻟﻤﺖ ﺃﻧﺎ ﺟﺎﻳﻴﻜﻢ ﻭﻣﺎ ﻧﺪﻣﺎﻥ )ﺑﻌﺪ ﺍﻟﺤﺎﺻﻞ ﻭﺍﻹﺗﺤﺼﻞ ﺳﺖ ﺍﻟﺪﺍﺭ ﺑﺖ ﺃﺣﻤﺪ ﺗﻜﺘﺐ: ( ﺯﻳﻨﻲ ﺍﻟﺰﻳﻦ .. ﺃﺏ ﺣﺎﻻً ﺯﻳﻦ ﺟﺎﻧﻲ ﺟﻮﺍﺑﻚ .. ﻳﺎ ﺍﻟﻤﺒﺮﻭﻙ ﻭﺳﺎﺑﻨﻲ ﺃﺷﻮﻑ ﺍﻟﺪﻧﻴﺎ ﻛﻮﻳﺲ ﻭﺃﻋﺮﻑ ﻏﻠﻂ ﺍﻟﺼﺎﺡ ﻣﻈﺒﻮﻁ ﺳﺎﺑﻨﻲ ﺃﻣﻴﺰ .. ﻭﺃﻗﺪﺭ ﺃﻓﺮﺯ .. ﻭﺃﺭﺟﻊ ﺃﻣﻴﺰ ﻓﺮﺣﺎﻧﺎﺑﻚ ﻳﺎ ﺃﺣﺰﺍﻥ ﻓﺮﺡ ﺍﻟﻨﺎﺭ ﺑﻲ ﻟﻮﺡ ﺍﻟﺰﺍﻥ ﻣﺒﺴﻮﻃﺎﺑﻚ ﻳﺎ ﺍﻟﻤﺒﺴﻮﻁ ﻣﺎ ﻫﺰﺍﻧﻲ ﻣﺼﻴﺮﻙ ﻗﺪﺭ ﻣﺎ ﺃﺫﻭﻧﻲ ﺍﻟﻤﻴﺘﻴﻦ ﻋﺎﻣﻞ ﻣﻴﺘﻴﻦ ﻋﺎﻣﻞ ﻓﻲ ﻓﺪ ﻣﺮﺓ ﻣﻴﺘﻴﻦ ﺍﺳﺮﺓ ﺗﺮﻭﺡ ﻭﻳﻦ ﻓﻲ ﺍﻷﻳﺎﻡ ﺍﻟﻨﺠﺴﺔ ﺍﻟﻤﺮﺓ ﻣﻴﺘﻴﻦ ﻋﺎﻣﻞ؟؟ ﻭﺍﻟﻠﻪ ﻣﻬﺎﺯﻝ ﻭﺍﻟﻠﻪ ﻋﻤﺎﻳﻞ ﻳﺎ ﺃﻭﻏﺎﺩ .. ﻭﻳﻨﺎ ﻧﻘﺎﺑﺔ ﺍﻟﺴﺠﻢ ﺍﻟﺸﻮﻡ ﻭﻳﻦ ﻋﻤﺎﻝ ﺍﻟﺴﻜﺔ ﺭﻣﺎﺩ ﻭﻳﻦ ﺍﻟﻄﻠﺒﺔ ﻭﻭﻳﻦ ﺍﻟﻮﻳﻦ ﺑﻌﺘﻮ ﺷﻔﻴﻌﻜﻢ ﻳﺎ ﻋﻤﺎﻝ ﺑﻌﺘﻮ ﻭﺟﻴﻌﻜﻢ ﻟﻠﺮﺍﺳﻤﺎﻝ ﻭﺷﻦ ﺭﺍﺟﻴﻦ ﻳﺎ ﺗﻌﺴﺎ ﺍﻟﺤﺎﻝ ﻫﺎﻛﻢ ﺩﻱ .. ﻭﺍﻟﻠﻪ ﻣﻬﺎﺯﻝ ﻣﻴﺘﻴﻦ ﻋﺎﻣﻞ ؟ ﻭﺍﻟﻠﻪ ﻋﻤﺎﻳﻞ ﻋﺎﻣﻞ ﺳﺎﻛﻦ ﻓﻲ ﺁﺧﺮ ﺍﻟﺪﻧﻴﺎ ﻭﺻﻞ ﺍﻟﻤﺼﻨﻊ ﺑﺂﺧﺮ ﺑﻨﻴﺔ ﻳﻨﺘﺞ ﻛﻴﻒ؟ ﺷﻐﺎﻝ ﺑﻲ ﻓﻮﻧﻴﺎ؟ ﻋﺎﻣﻞ ﻳﻨﺘﺞ ﻋﺸﺮﻳﻦ ﺣﺘﺔ ﺗﻠﺤﻘﻮ ﻣﻨﻬﺎ ﻗﻴﻤﺔ ﺇﺗﻨﻴﻦ ﺳﺘﺔ ﺑﻐﻄﻮﺍ ﺍﻟﻤﻨﺼﺮﻓﺎﺕ ﺳﺒﻌﺔ.. ﺗﻤﺎﻧﻴﺔ .. ﺗﺴﻌﺔ ﺑﻐﻄﻮﺍ ﺃﺩﻫﺎ ﺗﺴﻌﺔ ﺍﻟﻤﻨﺼﺮﻓﺎﺕ ﻛﻞ ﺍﻟﻔﺎﻳﺾ ..ﺑﺪﺧﻞ ﻭﻳﻦ؟ ﻗﻮﻟﻮﺍ ﺍﻟﺒﻔﻀﻞ ﺑﻤﺸﻲ ﻟﻲ ﻣﻴﻦ؟ ﻭﺑﺮﺿﻮ ﺧﺴﺎﻳﺮ؟ ﻭﺍﻟﻠﻪ ﻣﻬﺎﺯﻝ ﻳﺎ ﻣﻀﻐﻮﻁ .. ﺧﻔﺾ ﻣﻴﺰﻙ ﺣﺒﺔ ﺗﻴﻦ ﺗﻨﻚ ﺍﻟﻘﻌﺪﺓ ﺗﻼﺗﺔ ﺧﻄﻮﻁ ﺧﻔﻒ ﻣﺮﺗﻚ ﺗﻮﺏ ﻣﻀﻐﻮﻁ ﻣﻦ ﺍﻟﺘﻤﺴﺤﺒﻮ ﻛﺒﺎﺑﻲ ﺍﻟﺼﻴﻦ ﺧﻔﺾ ﻋﻤﺮﻙ ﻳﺎ ﺍﺑﻦ ﺍﻟﻔﺎﻧﻴﺔ ﻭﺑﻲ ﻧﻈﺎﺭﺗﻚ ﻭﺍﺟﻪ ﺛﺎﻧﻴﺔ ﺛﺎﻧﻴﺔ ﻋﻴﻮﻥ ﺍﻟﺸﻐﺎﻟﻴﻦ ﺛﺎﻧﻴﺔ ﻭﺑﺲ ﻭﺍﻟﻠﻪ ﻣﻬﺎﺯﻝ ﻣﻴﺘﻴﻦ ﻋﺎﻣﻞ ؟ ﻣﻴﺘﻴﻦ ﺑﻴﺖ ؟ ﻣﻴﺘﻴﻦ ﺍﺳﺮﺓ ﺑﻼ ﺭﺍﺱ ﺧﻴﺖ؟ ﻣﻴﺘﻴﻦ ﺍﺳﺮﺓ ﻣﻠﻮﻫﺎ ﺟﺮﺍﺡ ﻣﻴﺘﻴﻦ ﺍﺳﺮﺓ ﺣﺎ ﺗﻮﻟﺪ ﺻﺎﺡ ﻭﻟﻴﻜﻢ ﻳﻮﻡ ﻳﺎ ﺃﻭﻻﺩ ﺍﻟﻬﺮﻣﺔ ﻟﻴﻪ ﻳﺎ ﺍﻟﺰﻳﻦ ﺑﺘﻮﺻﻲ ﻋﻠﻲّ ﻭﺍﻧﺎ ﺑﺖ ﺍﺣﻤﺪ ﺳﺖ ﺍﻟﺪﺍﺭ ﺍﻡ ﺍﻭﻻﺩﻙ ﻭﻫﻢ ﺻﻐﺎﺭ .. ﺛﻢ ﺍﻭﻻﺩﻙ ﻭﻫﻢ ﻛﺒﺎﺭ ﻭﻳﺎﻙ ﺍﻟﺰﻳﻦ ﻭﺩ ﺣﺎﻣﺪ ﺩﺍﻙ ﻛﺎﻥ ﻣﺘﻮﻇﻒ .. ﻳﺎﻛﺎ ﺍﻟﺰﻳﻦ ﻛﺎﻥ ﻣﺘﻮﻗﻒ .. ﻳﺎﻛﺎ ﺍﻟﺰﻳﻦ ﻟﻴﺶ ﻳﺎ ﺍﻟﺪﺧﺮﻱ ﺗﻮﺻﻲ ﻋﻠﻴﺎ ﺍﺳﺒﻮﻋﻴﻦ ﻗﻀﻴﺘﻦ ﺟﻮﻩ ﻳﺒﻘﻰ ﻏﺼﺐ .. ﺯﺍﺩﻧﻚ ﻗﻮﺓ ﻟﻴﺶ ﻳﺎ ﺍﻟﺰﻳﻦ ﺑﺘﻮﺻﻲ ﻋﻠﻴﺎ ﻟﻴﺶ ﻳﺎ ﺍﻟﺪﺧﺮﻱ ﺗﻮﺻﻲ ﻋﻠﻴﺎ ﻭﻋﺎﺭﻑ ﺍﻡ ﺭﺍﺷﺪ ﻭﺍﻟﺘﻮﻣﺎﺕ .. ﻣﺮﺗﺎً ﺩﻏﺮﻱ ﻭﻏﻠﺒﺎﻭﻳﺔ ﺁﻩ ﻳﺎ ﺍﻟﺰﻳﻦ .. ﻟﻮ ﻛﻨﺖ ﻣﻌﺎﻛﻢ .. ﻛﻨﺖ ﺑﻘﻴﺖ ﺍﻟﻨﻮﺑﺎﻭﻳﺔ ﻣﺎ ﺗﻬﺘﻢ ﻳﺎ ﺍﻟﺰﻳﻦ ﺑﺎﻟﺤﺎﺻﻞ ﻭﺍﺻﻞ ﺳﻌﻴﻚ .. ﻭﺍﺻﻞ ﻭﺍﺻﻞ ﻭﺍﺻﻞ ﺳﻴﺮﻙ ﻛﺎﻥ ﻣﺎ ﻛﻨﺖ ﺍﻟﺰﻳﻦ ﻭﺩ ﺣﺎﻣﺪ ﻛﺎﻥ ﺣﺎ ﻳﻜﻮﻧﻚ ﻭﺍﺣﺪ ﻏﻴﺮﻙ ﻓﻲ ﻓﻀﺎﺀ ﻓﺎﻟﻚ ﻳﺎ ﺇﻧﺴﺎﻥ ﻧﺴﻤﺔ ﺗﻘﻮﻟﻚ ﻓﻲ ﺍﻹﻣﻜﺎﻥ ﺃﺑﺪﻉ ﻭﺍﺣﺴﻦ ﻣﻦ ﻣﺎ ﻛﺎﻥ ﻳﺎﺗﻮ ﻣﻄﺮﺗﺎً ﺳﻮﺕ ﺷﻮ .. ﻓﺮﻗﻮ ﻏﻴﻤﺎ ﺍﻷﻣﺮﻳﻜﺎﻥ ﻳﺎﺗﻮ ﺭﺻﺎﺹ ﻣﺎ ﻋﻘﺒﻮ ﺧﻼﺹ ﻳﺎﺗﻮ ﺳﺠﻦ ﻳﺎ ﺍﻟﺰﻳﻦ ﻭﺩ ﺣﺎﻣﺪ ﻳﺎﺗﻮ ﻣﺤﻦ ﺗﻤﺤﻰ ﺍﻹﺣﺴﺎﺱ ﻟﻤﺎ ﻳﻜﻮﻥ ﻓﻲ ﺍﻟﺴﺎﺱ ﻭﺍﻟﺮﺃﺱ ﻳﺎﺗﻮ ﻭﻃﻦ ﻳﺎ ﺍﻟﺰﻳﻦ ﻭﺩ ﺣﺎﻣﺪ ﻳﺎﺗﻮ ﺯﻣﻦ ﺩﺍﻡ ﻟﻸﻧﺠﺎﺱ ﻃﻪ ﺗﺮﺍﺑﻠﺘﻮ ﺭﺍﺣﻮ ﺍﻟﺪﻳﺶ ﻏﺰّﺍ ﺑﻜﺎﻧﺎ ﺍﺗﻨﻴﻦ ﺭﻃﺎﻧﺔ ﺻﺎﻗﻊ ﻛﻠﻮ ﻣﻦ ﺍﺳﻤﺎﻋﻴﻦ ﻫﻮ ﺍﻟﻔﺴﺮ ﻟﻬﻦ ﺍﻟﺸﻐﻼﻧﺔ ﻭﻳﺎ ﺍﺳﻤﺎﻋﻴﻦ ﻣﺎ ﻛﺎﻥ ﺍﻟﺪﻳﺶ ﺷﻖّ ﻣﺴﻴﻤﻌﻚ ﺑﺎﻟﺠﺒﺨﺎﻧﺔ ﻟﻮ ﺍﻟﻤﺠﻠﺲ ﻗﺒﻞ ﺍﻭﺭﺍﻗﻚ .. ﺃﻭ ﻓﻲ ﺍﻟﺜﺎﻧﻮﻱ ﻟﻘﻴﺖ ﻟﻚ ﺧﺎﻧﺔ ﻟﻜﻦ ﻗﺪﺭﻙ ﻳﺎ ﺇﻧﺴﺎﻥ .. ﺑﻠﺪﺍً ﻫﺎﺹ ﻫﻴﺼﺔ ﺟﺒﺎﻧﺔ ﻃﺎﻟﻮ ﺍﻟﻨﺎﺱ ﺍﻟﺘﺮﻳﺎﻧﻴﻦ .. ﺿﻠﻮ ﺍﻟﻠﻪ ﺍﻟﻤﺎ ﺿﻼﻧﺎ ﺃﺧّﺪﻭ ﻧﻮﺭﺓ ﺍﻟﺤﺎﺝ ﺑﺎﻟﺪﻕ ﺑﺎﻛﺮ ﺩﻭﺭ ﻣﺎ ﺧﺶّ ﻋﻠﻴﻬﺎ ﺧﺎﺗﻲ ﺍﻟﻠﻮﻡ ﻗﻄﻊ ﺍﻟﺘﻤﺮﺍﺕ ﺍﻟﻔﻮﻕ ﺭﺍﺱ ﺑﻴﺘﻮ ﺍﻟﺨﻠﻔﺎﺀ ﺷﻜﻮﻫﻮ ﻭﻣﺎ ﻟﻘﻮ ﺣﻖ ﺍﻟﻤﺤﺠﻮﺏ ﺇﺗﻠﻘﻰ ﺍﺧﺒﺎﺭﻙ ﻭﻗﺎﻝ ﺟﺎﻳﻴﻚ ﻓﻲ ﺃﻭﻝ ﺑﺺ ﺍﻟﺒﺮﺳﻴﻢ ﻃﻬﺮﻧﺎ ﺍﻟﺒﺎﺭﺡ ﻧﻌﺠﺔ ﺭﺍﺷﺪ ﺻﺒﺤﺖ ﻭﺍﻟﺪﺓ ﺍﻟﺤﻴﻀﺎﻥ ﺳﻘﻨﺎﻫﻦ ﻟﻮﺑﻲ ﺍﻟﺘﻮﻣﺎﺕ ﻃﻴﺒﺎﺕ ﻭﻧﺼﺎﺡ ﺭﺍﺷﺪ ﻃﻴﺐ ﻭﺍﻧﺎ ﻃﻴﺒﻴﻦ ﻛﻞ ﺍﻟﻨﺎﺱ ﻳﺎ ﺍﻟﺰﻳﻦ ﻃﻴﺒﻴﻦ ﻳﻨﺸﺪﻭ ﻣﻨﻚ ﻓﻲ ﺍﻷﻓﺮﺍﺡ ﻭﻓﻲ ﺍﻷﺗﺮﺍﺡ .. ﺍﻟﺰﻳﻦ ﺍﻟﺰﻳﻦ ﻣﺎ ﺗﺸﻐﻞ ﺑﺎﻟﻚ ﺑﺲ ﻳﺎ ﺍﻟﺰﻳﻦ ﻛﺎﻥ ﺩﺭﺕ ﻣﺸﻮﺭﺗﻲ ﺍﺻﻠﻮ ﻛﺘﺎﻟﻚ ﻳﺎﻫﻮ ﻛﺘﺎﻟﻚ ﺗﺠﻲ ﻣﻨﺪﻟﻲ ﺍﻟﻮﺍﻃﺔ ﺗﺮﺍﻫﺎ ﻭﺑﻲ ﺟﺎﻱ ﺟﺎﻱ .. ﺑﻨﺪﺑﺮ ﺣﺎﻟﻚ ﻣﺎ ﺍﻟﺤﻴﻜﻮﻣﺔ ﺍﻟﻀﺎﻗﺖ ﺩﻣﻚ ﻋﻴﻨﺎ ﻣﺤﻞ ﻗﺒﻠﺖ ﻗﺒﺎﻟﻚ ﺷﻮﺭﺗﻚ ﻋﻨﺪﻙ ﻋﻨﺪﻙ ﺷﻮﺭﺗﻚ ﻭﺍﻟﺒﺒﻘﺎﻟﻚ .. ﺍﻟﺒﺒﻘﺎﻟﻚ ﺍﻟﺘﻤﺮﺍﺕ ﺑﻌﻨﺎﻫﺎ ﺁ ﺍﻟﺰﻳﻦ ﺧﻔﻨﺎ ﺍﻟﺴﻮﺱ ﻭﻧﺰﺍﻟﺔ ﺍﻟﺴﻮﻕ ﻣﺒﻌﻮﺗﺎﻟﻚ ﻋﺸﺮﺓ ﺟﻨﻴﻪ ﻭﺍﻷﺷﻮﺍﻕ ﻣﻦ ﻫﻨﺎ ﻻ ﻋﻨﺪﻙ ﺗﻠﻐﺮﺍﻓﺎﺕ : ﻧﻮﺭﻱ . ﺍﻟﺴﻮﻕ .. ﺳﺖ ﺍﻟﺪﺍﺭ ﺑﺖ ﺃﺣﻤﺪ ﺟﺎﺑﺮ ﺍﻟﻤﺤﺠﻮﺏ ﻓﻲ ﻗﻄﺮ ﺍﻟﻴﻮﻡ ﻋﻔﺶ ﺍﻟﺰﻳﻦ ﺍﻟﻨﻮﺑﺎﻭﻳﺔ ﺍﻟﺨﺮﻃﻮﻡ .. ﺍﻟﺨﺮﻃﻮﻡ ﺑﺤﺮﻱ .. ﻛﺸﻚ ﺍﻟﺸﻌﻠﺔ .. ﺍﻟﺰﻳﻦ ﻭﺩ ﺣﺎﻣﺪ ﺭﺍﺷﺪ ﺭﺍﻗﺪ ﻭﺍﻟﻮﺍﻃﺔ ﺟﻌﻔﺮ ﻃﺎﻟﻖ ﻓﻴﻬﺎ ﺑﻬﺎﻳﻤﻮ ﺳﺖ ﺍﻟﺪﺍﺭ ﺑﺖ ﺍﺣﻤﺪ ﺟﺎﺑﺮ ﻧﻮﺭﻱ ﺍﻟﺴﻮﻕ ﺍﻟﻤﺤﺠﻮﺏ ﻭﺩ ﺃﺣﻤﺪ ﺟﺎﺑﺮ ﻛﺘﺐ ﺍﻟﺰﻳﻦ .. ﻛﻞ ﺍﻻﻭﺭﺍﻕ .. ﺭﺍﺷﺪ ﻛﻴﻒ ﺍﻟﻨﻮﺑﺎﻭﻳﺔ ﺍﻟﺨﺮﻃﻮﻡ .. ﺍﻟﺨﺮﻃﻮﻡ ﺑﺤﺮﻱ .. ﻛﺸﻚ ﺍﻟﺸﻌﻠﺔ ﺍﻟﻨﻮﺑﺎﻭﻳﺔ ﺃﻧﺎ ﻓﻲ ﺍﻟﺴﻜﺔ ﻭﺳﺖ ﺍﻟﺪﺍﺭ ﺭﺍﺷﺪ ﻭﺩ ﺍﻟﺰﻳﻦ ﻭﺩ ﺣﺎﻣﺪ

قوم ياخال ﻗﻮﻡ ﺻﺤﻲ ﻧﻀﺎﻝ ... ﻋﻤﺎﻝ ﺍﻟﺒﻠﺪ ﺃﻡ ﺧﻴﺮ ﻳﺎ ﺧﺎﻝْ ﺻﺤﻲ ﺍﻟﻜُﺪّﺍﺡ .. ﺍﻟﻮﻳﻦ ﺗﺮﺗﺎﺡ .. ﻭﺍﻟﺤﺎﻝ ﺑﻄﺎﻝْ ﺻﺤﻲ ﺍﻟﺘﺮﺑﺎﻝ .. ﻭﺍﻷﺭﺽ ﺍﻟﻄﻴﺒﺔ ﺍﻟﻜﻢ ﺧﺎﻭﺍﻫﺎ ﻭﺿﺎﺩﺍ ﺍﻟﻨﺎﻝْ ﺍﻟﻴﻮﺕ ﺷﻐﺎﻝ ﻓﻲ ﻧﻬﺎﺭﻭ ﻭﻟﻴﻞ ... ﻣﻨﻬﻮﻙ ﺍﻟﺤﻴﻞ ﺗﺤﺖ ﺍﻟﺮﺍﺳﻤﺎﻝْ ﺁﻩ ﺍﻟﺮﺍﺳﻤﺎﻝ ﺍﻟﻴﺎﻣﺎ ﻗﺴﻰ ﻭﻋﻮّﻕ ﺭﺟّﺎﻝْ ﻣﺎ ﺧّﻼ ﻧﺴﺎﺀ .. ﻭﻋﺮﻙ ﺍﻷﻃﻔﺎﻝْ ﻻ ﻣﺴﻠﻢ ﻗﺎﻝ .. ﺩﻩ ﺁ ﺧﻴﻲ ﺑﻼﻝْ ﻧﺼﺮﺍﻧﻲ ﻳﺤﻦ ﻓﻲ ﻗﺒﺮﻳﺎﻝْ ﻻ ﻳﻤﻴﻦ ﻓﻲ ﻳﻤﻴﻦ ... ﻻ ﺷﻤﺎﻝ ﻓﻲ ﺷﻤﺎﻝْ ﺩﻭﻻﺭ ﻭﺭﻳﺎﻝ ... ﺩﻭﺍﺭ ﻳﺎ ﺧﻴﺎﻝْ ﺗﺠﻮﻳﻊ ﻭﺇﺫﻻﻝْ ﺧﺮّﺏ ﻭﺍﻏﺘﺎﻝ ﻛﻞ ﺍﻵﻣﺎﻝْ ﻣﺎ ﺗﺨﻠﻲ ﻣﺠﺎﻝ ﺩﻭﻥ ﺇﺳﺘﻐﻼﻝْ ﺍﻟﺴﻠﺐ ﺣﻼﻝ .. ﺍﻟﻨﻬﺐ ﺣﻼﻝ .. ﻭﺍﻟﺼﻠﺐ ﺣﻼﻝْ ﻫﺪِّﻡ ﻟﺬﺍﺕ ﺍﻟﻤﺴﻬﻮﻛﻴﻦ ﻣﻦ ﺃﺟﻞ ﺍﻟﺬﺍﺕ .. ﻣﻜﻴﻨﻴﺰﻡ ﺍﻧﺘﺎﺝْ ﺍﺑﺮﺍﺝ ﺍﻟﻌﺎﺝْ ﻫﻴﺼﺔ ﺍﻟﻤﻜﻴﺎﺝْ ﺩﻳﺒﺎﺝ ﺍﻟﺘّﺎﺝْ ﺍﻟﺴﻴﺨﻲ ﺍﻟﺼﺎﺝْ ﺯﻱ ﺍﻋﺘﻰ ﺳﻴﺎﺝْ ﻳﺘﻠﻘﻰ ﺍﻓﻮﺍﺝ ﺍﻟﻤﺴﺤﻮﻗﻴﻦ ﻓﻲ ﺍﻟﻠﻴﻞ ﺍﻟﺪّﺍﺝْ ﺍﻟﻤﺴﻴﻮﻗﻴﻦ ﺗﺤﺖ ﺍﻟﻜﺮﺑﺎﺝْ ﺍﺧﻮﺍﻥ ﺍﺻﺮﺍﺭﻙ ﻳﺎ ﺣّﻼﺝْ ﻋﻠﻰ ﺍﻧﻮ ﺍﻟﻠﻴﻞ ﺑِﻠْﺪ ﺍﻟﻔﺠّﺎﺝْ ﻭﺿﺮﺑﺔ ﻣﺤﺘﺎﺝ ﻓﻲ ﻧﻬﺎﺭﺍً ﺳﺎﺝْ ﺃﺑﺘﺮ ﻣﻦ ﺳﻦ ﺳﻴﻒ ﺍﻟَﺤﺠّﺎﺝْ ﺍﻟﻠﻪ ﻳﺎ ﺍﻟﺰﻭﻝ ﺍﻟﺴﺎﻗﻮ ﻋُﺰﺍﻝ ﺍﻃﺮﻯ ﺍﻹﺫﻻﻝ ﻳﺎ ﺩﻏﺮﻱ ﻋﺪﻳﻞ ﺑﻴﺼﺎﺭﻉ ﺍﻟﻮﻳﻞ ﺣﻴّﺎً ﻣﺎ ﺯﺍﻝْ ﺑﺎﻟﺼﺒﺮ ﻳﺸﻴﻞ ﻓﻲ ﺍﻟﻤﺎ ﺑﻨﺸﺎﻝْ ﻣﺎ ﺍﻧﻴﻘّﻦ ﻭﻗﺎﻝ ﻳﺎ ﺩﻧﻴﺎ ﻣﺤﺎﻝ ﻳﻨﺼﻠﺢ ﺍﻟﺤﺎﻝْ ﺑﻞ ﻋﺒّﺎ ﻭﺷﺎﻝ ﺟﻮﺍﻫﻮ ﺍﻟﻔﺎﻝْ ﻧﺎﺯﻝ ﻭﺩﻳﺎﻥ ﻃﺎﻟﻌﺒﻮ ﺟﺒﺎﻝْ ﺃﺷﻮﺍﻙ ﻭﺭﻣﺎﻝ ﻏﺎﺑﺎﺕ ﻭﻭﻋﺮ .. ﺑﻴﻦ ﺭﻳﺢ ﻭﻣﻄﺮ .. ﻋِﺮْﻕ ﺍﻟﺸّﻼﻝْ ﻭﻣﻄّﺎﻣِﻦ ﺑﺎﻝ .. ﻣﺎ ﻻﻭﺯ ﻗﺎﻝ ﻳﺎ ﺭﺑﻲ ﺃﺻﺪ ﻣﻦ ﺩﺭﺑﻲ ﺍﻟﻄّﺎﻝْ ﻣﺎ ﻃﺎﻝ ﻻ ﺑﺪ ﻳﺸﺮﻕ ﺑﻜﺮﺍﻫﻮ ﺍﻟﻤﺎ ﺑﻨﻄﺎﻝْ ﻳﺸﺮﻕ ﺑﺎﻟﺨﻴﺮ .. ﺑﺎﻟﺤﺐ .. ﺑﺎﻟﻮﺩ .. ﻳﺸﺮﻕ ﻻ ﺑﺪّ ﻳﻀﻮﻱ ﺍﻟﺤَﻼّﻝْ ﺇﺯﻱ ﻳﺎ ﺧﺎﻝ ... ﻛﻴﻔﻨﻮ ﺍﻟﺤﺎﻝ .. ﺯﻳﻦ ﻋﺎﻝ ﺍﻟﻌﺎﻝْ ؟؟؟ ﻣﻊ ﺍﻧﻮ ﺍﻟﺤﺎﻝ ﻣﺎ ﺭﺍﺟﻲ ﺳﺆﺍﻝْ ﺍﻳﺠﺎﺭ ﺍﻟﺒﻴﺖ ... ﺟﻴﻬﺔ ﺍﻷﻃﻔﺎﻝْ ﻣﺸﻬﺎﺩ ﺍﻟﻴﻮﻡ ﻋﻴﺸﺔ ﺍﻟﺪﻭﺑﺎﻝْ ﺃﻓﺮﺍﺡ ﺍﻟﻌﻴﺪ ﻋﻠﻰ ﺭﻭﺣﻮ ﻭﺑﺎﻝْ ﻋﻜّﺮ ﻟﻲ ﺍﻟﻔﻮﻕ ﺃﺩﺍﻫﻮ ﺇﺫﻻﻝْ ﻭﺍﻟﺨﻮﻑ ﺍﻡ ﺯﻳﻦ ﺍﻥ ﺻﺎﺑﺎ ﺯﻻﻝْ ﺍﻟﻠﻪ ﻳﺎ ﺯﻭﻝ ﻣﺸﻐﻮﻝ ﺍﻟﺒﺎﻝْ ﻓﻲ ﺍﻟﺪﻧﻴﺎ ﻳﻜﻮﻥ ﻣﺎ ﻓﻲ ﺍﺳﺘﻐﻼﻝ ﻭﺍﻟﺸﻮﻕ ﺭﺍﻳﺎﺕ ... ﺍﻟﻠﻪ ﻳﺎ ﺯﻭﻝ ... ﺍﻟﺸﻮﻕ ﺭﺍﻳﺎﺕ ﻭﺍﻟﻠﻪ ﻋﻠﻰ ﻧﺎﺱ ﻛﻠﻬﺎ ﺍﺣﺴﺎﺱ .. ﺍﻧﻮ ﺍﻟﺠﺎﻳﺎﺕ ﺍﺟﻤﻞ ﻭﺍﻟﻔﺎﺕ ﻣﺎ ﻓﺎﺕ ﻭﺍﻟﻔﺄﺱ ﻭﺍﻻﺭﺽ ﺍﻟﺒﻜﺮﺓ ﺍﻟﻔﻜﺮﺓ .. ﺍﻟﺮﺍﺱ ﺍﻟﺨﺘﺔ ﺍﺳﺎﺱ ﺍﻟﻠﻴﻠﺔ ﻭﺑﻜﺮﺓ .. ﺍﻋﻈﻢ ﻣﻴﺮﺍﺙْ ﺃﺟﻤﻞ ﻣﻦ ﺩﻩ ﻭﺍﻋﻈﻢ ﺑﻜﺜﻴﺮ .. ﻋﺎﻟﻤﻨﺎ ﻳﺼﻴﺮ ﻣﺎ ﻓﻴﻬﻮ ﺍﺟﻴﺮ.. ﻻ ﻧﺎﺱ ﻓﻮﻕ ﻻ ﻃﻴﻄﻲ ﺭﺍﺱْ ﻳﺒﻘﻰ ﺍﻟﻤﻘﻴﺎﺱ ﺍﻟﺸﻐﻞ ﺍﻟﺘﺎﻡ ﺑﻲ ﻭﻓﺎ ﻭﺍﺧﻼﺹْ ﺍﻟﺨﺎﺹ ﻟﻠﻌﺎﻡ ﻭﺍﻟﻌﺎﻡ ﻟﻠﺨﺎﺹْ ﻭﺍﻟﺸﻮﻕ ﻗﺪﺍﻡ .. ﺍﻟﺸﻮﻕ ﻗﺪﺍﻡ ... ﻭﺍﻟﺨﻮﻑ ﻳﻨﺪﺍﺱ ﺗﺤﺖ ﺍﻻﻗﺪﺍﻡ .. ﻛﺎﺑﻮﺱ ﺍﻟﺒﺆﺱ ﻧﻠﻘﺎﻟﻮ ﺧﻼﺹْ ﺍﺻﻼً ﻳﺎ ﺧﺎﻝ ... ﺷﻔﻘﺔ ﺭﺍﺱ ﻣﺎﻝْ ﺍﻣﺎ ﺍﻟﻌﻤﺎﻝ ﺍﻧﻔﺎﺳﺎ ﻃﻮﺍﻝْ ﻭﺍﻥ ﻃﺎﺑﻮ ﻧﻔﻮﺱ .. ﺍﻥ ﻃﺎﻝ ﺍﻟﺒﺎﻝْ ﺿﻲ ﺍﻟﻔﺎﻧﻮﺱ ﺑﻴﻜﻔﻲ ﺟﺒﺎﻝْ ﺣﺪﻙ ﻳﺎ ﺭﺻﺎﺹ .. ﻣﺎ ﺩﺍﺭﻟﻮ ﺩﻭﺍﺱ ﻭﻻ ﺣﺘﻰ ﻛﺒﺎﺱ ﻋﺎﻟﻢ ﻛﺎﻟﺸﻮﻕ ﻭﺣﻖ ﻛﻞ ﺍﻟﻨﺎﺱ ﺍﻻ ﺍﻟﻜﺪﺍﺱ .. ﻋﺎﻛﺎﺱ .. ﻋﺎﻛﺎﺱ ﺷﺎﻥ ﺩﻓﺘﺮ ﺷﻴﻚ ﺑﺴﺮﻕ ﻛﺮﺍﺱ ﻭﺍﺣﻨﺎ ﺍﻟﻮﺭﺍﺙ ﻛﻠﻨﺎ ﺣﺮﺍﺱ ﻭﺍﻟﺠﺎﻱ ﻳﺪﻭﺱ ﻋﺰﻧﺎ ﺑﻨﺪﺍﺱ ﺍﺻﻠﻮ ﺍﻟﺴﻮﺍﻱ ﺗﺐ ﻣﻮ ﺣﺪﺍﺙ ﻳﺎ ﺣﺐ ﺇﻧﺪﺍﺡ ﻋﻠﻰ ﻛﻞ ﻗﻠﻴﺐ ﺇﻧﺰﺍﺡ ﻳﺎ ﻧﻮﺍﺡ .. ﺩﻧﺪﻥ ﻳﺎ ﺩﻟﻴﺐ ﺑﺄﻏﻠﻰ ﺃﻧﻐﺎﻡ .. ﻭﻳﺎ ﺧﻄﻮﻱ ﺍﺭﺗﺎﺡ ﻋﻠﻰ ﺃﺣﻠﻰ ﺩﺭﻳﺐ ﻗﺪﺍﻡ ﻗﺪﺍﻡ ﻓﻲ ﺍﻣﺎﻥ ﻭﺳﻼﻡ ﻳﺎ ﻋﺎﻟﻢ ﻛﻮﻥ ﺑﺎﻟﻮﺩ ﻣﺴﻜﻮﻥ ... ﻗﻮﺍﻡ ﻗﻮﺍﻡ ﻗﻮﻣﺎﻙ ﻳﺎ ﺧﺎﻝ .. ﺣﻼّﻝ ﺣﻼّﻝ .. ﺑﺎﺷﻮﺍﻗﻨﺎ ﻧﻄﻮﻑْ ﺍﻟﺪﻧﻴﺎ ﻧﺸﻮﻑ ﺍﺷﺠﺎﺭ ﺍﻟﻔﺎﻝ ﺍﻟﺪﺍﻧﻴﺔ ﻗﻄﻮﻑْ ﺷﺎﻥ ﻳﺮﺑﻰ ﻃﻔﻞ ﻻ ﻏﻢ ﻻ ﺧﻮﻑْ ﻭﺇﻥ ﻗﺎﻻ ﺑِﻐِﻢْ ﻣﺎ ﻳﻠﻘﻰ ﺩﺑﻴﺲ ﻻ ﻫﻤﻠﻲ ﻭﻫﻢ ﻭﺧﺎﻃﺮ ﻣﻜﺴﻮﻑ ﻳﻨﻌﺸﻰ ﻳﺒﻴﺖ ﻋﻠﻰ ﺻﻮﺕ ﺍﻷﻡ ﺷﺎﻥ ﺑﺎﺷﻲ ﺗﻌﻢ ﻣﻦ ﺑﻴﺖ ﻟﻰ ﺑﻴﺖ ... ﻳﺎ ﺑﻜﺮﻩ ﻳﺎ ﺭﻳﺖ ... ﻏﻨﻮﺍﺗﻨﺎ ﻃُﻌﻢ ﻭﺍﻟﻌﺎﻟﻢ ﺧﻴﻂ .. ﻭﺍﻟﻘﺎﺑﺾ ﻛﺎﻥ ﺫﺍﺕ ﻣﺮﺓ ﺣﻠﻢ ﻭﺍﻟﺮﺍﻣﻲ ﺍﻧﺴﺎﻥ ﻣﺎ ﺍﻧﻴﻘﻦ ﺷﺎﻥ ﺍﻟﺪﻧﻴﺎ ﺯﻣﺎﻥ ﻗﺎﻟﺘﻠﻮ ﺃﺑﻴﺖ ﻭﻳﺎ ﻋﺎﻟﻢ ﻛﻮﻥ ﺑﺎﻟﻮﺩ ﻣﺴﻜﻮﻥ .. ﻛﻮﻥ ﺣُﺮﻣﺔ ﺑﻴﺖ ﺭَﺗّﺎﻱ ﻭﺣﻨﻮﻥْ ﻭﻳﺒﻘﻰ ﺍﻟﺪﻧﺎﻣﻴﺖ ﻣﻦ ﺃﺟﻞ ﻃﺮﻳﻖ ﻳﻤﺸﻴﺒﻮ ﺩﻗﻴﻖ ﺃﻭ ﻗﻄﺮﺓ ﺯﻳﺖ ﻟﻠﺼﺎﺑﺮ ﻓﻮﻕ ﻣﺎ ﻓﻚّ ﺍﻟﺮﻳﻖ .. ﻳﺎ ﺳﺎﺑﻖ ﺍﻟﺼﻮﺕ ﻣﻦ ﺗﻨﺰﻝ ﻣﻮﺕ ﻳﺎ ﺭﻳﺖ ﺧﺒﻴﺖ ﻓﻮﻕ ﻛﺘﻒ ﺍﻟﺸﻮﻕ ﻟﻰ ﺣﺎﻝ ﻣﻔﺘﻮﻕ ﺑﻲ ﺇﺑﺮﺓ ﻭﺧﻴﺖ ﻭﻋﻠﺸﺎﻥ ﺩﻩ ﻳﻜﻮﻥ .. ﻗﻮﻡ ﺣﻴﻲّ ﻧﻀﺎﻝْ ﻋﻤﺎﻝ ﺍﻟﺒﻠﺪ ﺃﻡ ﺧﻴﺮ ﻳﺎ ﺧﺎﻝْ ﺗﻔﺎﺻﻴﻞ ﻣﺎ ﺣﺪﺙ

3 ﺗﻔﺎﺻﻴﻞ ﻣﺎ ﺣﺪﺙ
ﺳﻜﺖّ .. ﻧﻀﻢ ﻏُﻨﺎﻱ .. ﻭﺭّﺍﻙ .. ﺑﺪﺍﺑﻚ ﺑﺎﺗّﻜﺎﻟﻲ ﻋﻠﻴﻚْ ﺧَﺘَﻢْ ﺑِﻚْ .. ﺑﻲ ﻫﺮﻭﺑﻲ ﺇﻟﻴﻚْ ﻭﻛﻴﻒ ﻃﻔّﺮﺕ ﺻﻘﺮ ﺍﻵﻓﺔ .. ﻣﺎ ﻳﻠﻔﺢ ﺟﻨﺎﻳﺎً ﻟﻴﻚْ ﻭﻻ ﻳﺪﺧﻞ ﻣﺠﺎﻝ ﻋﺸﺎً .. ﻧﺴﺠﺖِ ﺣﻨﺎﻧﻮ ﻓﻮﻕ ﺇﻳﺪﻳﻚْ ﻭﻛﻴﻒ ﻛﻮﺗﺮﺕ ﺭﻳﺢ ﺍﻵﻫﺔ .. ﻣﺎ ﻳﻘﺮﺏ ﻓﺮﺡ ﻋﻴﻨﻴﻚْ ﻭﺭﺍﺀ ﺟﺒﻞ ﺍﻟﺼّﺒﺮ .. ﻓﻀّﻴﺘﻮ ﻭﺍﻟﻤﻄﺮ ﺍﻟِﺤﺮِﺩ .. ﺭﺿّﻴﺘﻮ ﺳُﻘﺘﻮ ﻋﻠﻰ ﺍﻟﺒﻠﺪ ﻭﺭّﻳﺘﻮ .. ﻣﺎ ﻟﻤّﺎﺑﺎ .. ﻟﻤّﺎ ﺑﻴﺎّ ... ﻟﻤّﺎ ﺑﻴﻚْ ﻫﺎﺩﻱ ﺍﻟﺤﻔﺮﺓ .. ﻛﺎﻧﺖ ﺑﻴﺮ .. ﻭﻛﺎﻥ ﻣﺘﻜﺎﺑﻲ ﻓﻮﻗﻬﺎ ﺣﺮﺍﺯ ﻭﺗﺤﺘﻮ ﺍﻟﺼﺨﺮﺓ ﻛﺎﻧﺖ ﺣﻮﺽ .. ﻭﻛﺎﻧﺖ ﻟﻠﻘﺒﻴﻠﻲ ﻣﻼﺫ ﻛﺎﻧﺖ ﻣﻠﺘﻘﻰ ﺍﻟﻌُﺮﺑﺎﻥ .. ﻭﻛﺎﻧﺖ ﻣُﺘّﻜﺎ ﺍﻟِﺤﺒّﺎﻥْ ﻭﻣﺮﻛﺰ ﺩﻭﺭﺓ ﺍﻹﻧﺴﺎﻥ ﻣِﻨّﻬﺎ ﻫﺒّﺖ ﺍﻟﻔﺮﺳﺎﻥ .. ﻭﻋﻨﺪﻫﺎ ﺭﺑّﺖ ﺍﻟﻌﺮﺳﺎﻥ ﻭﻛﻢ ﺷِﻬﺪﺕ ﻏﺮﺍﻡ ﻭﻏﺮﺍﻡ ﻭﺣِﻔﻀﺖ ﻛﻢ ﻛﻼﻡ ﻭﻛﻼﻡ ﺗﻌﻜّﺮ ﺣﻴﻦ ﺧﺼﺎﻡ ﻭﻣﻼﻡ ﺗﺮﻭّﻕ ﺣﻴﻦ ﻭﺋﺎﻡ ﻭﺳﻼﻡ ﺗﺮﺍﺷﻖ ﺃﻋﻴﻦ ﺍﻷﻃﻔﺎﻝ .. ﺗﺮﺍﻫﻖ ﻟﻠﻌﺼﺎﻓﻴﺮ ﻳﻮﺕ ﺗﺮﺷﺮﺵ ﻟﻲ ﺗﻴﺎﺏ ﺑﻨﻮﺕ ﺟﻨّﻬﺎ ﻣﻦ ﺃﻋﺰّ ﺑﻴﻮﺕ ﻻ ﺭﻓﻌﺖ ﻋﻠﻴﻬﻦ ﺳﻮﻁ .. ﻭﻻ ﺭﻓﻌﻬﻦ ﻋﻠﻴﻬﺎ ﺍﻟﺼّﻮﺕْ ﺣﻴﻦ ﺗﻤﻼ ﺍﻟﻘِﺮَﺏْ .. ﺗِﻨْﻤَﻨّﻰ .. ﺗﺪّﻫﺎ ﺻَﻨّﺔ ... ﺣﺘﻰ ﺗﻔﻮﺕْ ﺗﺴﻮِّﻱ ﺍﻟﺼّﺞْ .. ﺗَﻠِﻢْ ﺍﻟﻄّﻮﺭْ ﻣﺪﻳﺢ ﺍﻟﺤﺞ .. ﻏُﻨﺎ ﺍﻟﻄّﻤﺒﻮﺭْ ﺗﻘﻮﻡ ﺗﺤﺘﺞْ .. ﺗﻘﻴﻒ ﻃﺎﺑﻮﺭْ ﻫﻨﺎ ﺍﻟﺸُّﻔﻊ .. ﻳﻤﻴﻨﻚ ﺩﻭﺭْ ﻫﻨﺎ ﺍﻟﻤﺎﺭﺷﺎﺕ .. ﻫﻨﺎ ﺍﻟﺪّﺳﺘﻮﺭْ ﻫﻨﺎ ﺍﻟﻠِّﺒّﻴﺶْ .. ﺗﺪﻭﺭ ﻭﺗﺪﻭﺭْ ﻗﺮﻳﺶ ﻳﺎ ﻗﺮﻳﺶ .. ﺣﺒﺎﺑﺎ ﻗﺮﻳﺶ ﻧﺰﻝ ﻣَﻠْﻚ ﺍﻟﺤَﺒَﺶْ ﻭﺍﻟﺪّﻳﺶْ ﺗﺪﻭﺭ ﻭﺗﺪﻭﺭ .. ﻗﻮﺍﻫﺎ ﺗﺨﻮﺭ ﺗﻠﻢ ﺃﻧﻔﺎﺳﺎ ﺯﻱ ﻋﺼﻔﻮﺭ ﺗِﻨَﻔّﺾْ ... ﺗﻤﺶ ﺑﺎﻟﺪﻭﺭ ﺑﺸﻴﺶ ﻭﺑﺸﻴﺶ .. ﺗﺸﺎﻗﻖ ﺑﻴﻦ ﺗﻘﺎﻧﺖ ﺍﻟﻌﻴﺶ ﻭﺑﺮﺳﻴﻤﺎً .. ﺳﻤﺢ ﻣﻔﺮﻭﺽ ﻭﻣﺎ ﺗﻬﺒﺶ ﺩﻭﺍﺑﺎ ﻗﺸﻴﺶ ﺑِﻨﻴّﺎﺕ ﺍﻟﻐُﺒُﺶ ﺷﻘﻴﺶ ﺗﻮﺩّﻱ ﺗﺠﻴﺐ .. ﻣﻊ ﺍﻟﺪّﻭﺑﻴﺖ ﺗِﻨْﻀَﻜّﺮْ ﺧِﺪِﻣْﺔ ﺍﻟﺒﻴﺖ .. ﻣﺸﻰ ﺍﻟﻮﺍﻗﻮﺩ .. ﻓﻲ ﻛﻞ ﻋﺼﻴﺮ ﻟُﻘﺎ ﺍﻟﻤﺮﻳﻮﺩ .. ﺑﺪﻭﺭ ﺑِﺪّﻳﺮْ ﻣﻦ ﺍﻷﺧّﻴﺮ.. ﺗﺨﺎﻑ ﻭﺗﺨﺎﻑ .. ﺗﺨُﺐ ﺍﻟﺴّﻴﺮ ﻋﺸﺎﻥ ﻓﻲ ﻛﻼﻡ ﻭﺭﺍﻫﻮ ﻛﺘﻴﺮ ﻋﺸﺎﻥ ﺑﺎﻛﺮ ﺗﻌﻮﺩ ﻭﺑﺨﻴﺮ ﻋﻮﻳﺶ ﻓﻲ ﻋﻮﻳﺶ ﺑﻨﺎﻟﻮ ﻋﺸﻴﺶ ﺣِﺪَﻱْ ﻭﺟﻨﺎﻫﻮ ﺭﺑّﻰ ﺍﻟﺮِّﻳﺶْ ﺟﻨﺎﺣﻮ ﻫﺒﻴﺶ .. ﺗﻤﻠِّﻲ ﻳﻨﻴﺶْ ﻃﻔﺶ ﻗُﻤﺮِﻳﻨﺎ ﻃﺎﺭ ﺷﻘّﻴﺶْ ﻣﻄﺮ ﻳﺎ ﺧﻴﺮ .. ﻣﻄﺮ ﻭﺭﺍ ﻃﺮﻑ ﺍﻟُﺤﻘﺎﺏ ﻛﺎﻥ ﺭﻭﺽ .. ﻭﻛﺎﻥ ﺑﻴﻨﺎﺗﻮ ﺧﺎﻭﻱ ﻏﺪﻳﺮْ ﻛﻞ ﺍﻟﺼﺤﺮﺍﺀ ﻛﺎﻧﺖ ﻏﺎﺑﺔ .... ﺑﻲ ﺷُﺪﺭﺍ ﺍﻟﻜﺘﻴﺮ ﻭﻏﺰﻳﺮْ ﺻﺒﺎﺡ ﻭﻫﺠﻴﺮ .. ﻳﻬﺒﻬﺐ ﻧﺎﺯ .. ﺣﻼﺗﺎ ﻭﻓﺮﻓﺮﺍﺕ ﺍﻟﻄﻴﺮ .... ﻭﻗﺖ ﻳﻐﺸﺎﻫﺎ ﻣﺮﺓ ﺭﺫﺍﺫْ ﻗﻄﻴﻊ ﻏﺰﻻﻥ .. ﻧﻌﺎﻡ ﻭﺃﺳﻮﺩ .. ﻭﺭﻭﺽ ﻭﻭﺭﻭﺩ ﺩﻟﻴﺒﻦ ﺭﺍﺯْ ﻣَﺘﺮَْ ﻣﺪ ﺍﻟﺒﺼﺮ ﺟﻨّﺎﺕ .. ﺧُﺪﺭ ﺭﺑﺎﻫﺎ ﺗﻮﺭ ﺍﻟﺴﺎﻗﻴﺔ .. ﺣﺮﻗﺖ ﺣﻴﻦ ﺟﺎﺀ ﺑﺎﺑﻮﺭ ﺟﺎﺯْ ﺩﻏﻴﺶ ﻓﻲ ﺩﻏﻴﺶ ﺣﺼﺪﻧﺎ ﺍﻟﻌﻴﺶ ﻃﻠﻌﻨﺎ ﻣﻄﺎﻟﺒﻴﻦ ﺍﻟﺨﻴﺶ ﻭﺍﻟﺒﺘﺸﻮﻓﻮ ﻣﻦ ﺃﻃﻼﻝ .. ﺩﻱ ﻛﺎﻧﺖ ﺫﺍﺕ ﻭﻃﻦ ﺣَﻼّﻝْ ﺑﻴﻮﺕ ﻧﺎﺳﺎً ﻛُﺮﺍﻡ ﻭﻋُﺰﺍﺯ .. ﺳﻮﺍ ﺳﻮﺍ ﻓﻲ ﺭﺧﺎ ﻭﺍﻣﻼﻕ ﻣﻨﻄﻘﻮﺍ ﻟﻮﻋﺔ ﺍﻹﺧﻔﺎﻕ .. ﻗﺪﺭ ﻣﺎ ﻇﻨّﻮ ﻓﻲ ﺍﻟﺠﺎﻳﻴﻦ .. ﺗﻤﻄّﻘﻮ ﺭﻭﻋﺔ ﺍﻹﻧﺠﺎﺯْ ﺣﻮﻳﺶ ﻓﻲ ﺣﻮﻳﺶ .. ﺳﻜﻨّﺎ ﺍﻟﺪّﻳﺶْ ﺃﻭﺿﻨﺎ ﺑﻘﺖ ﻧﻘﺎﻁ ﺗﻔﺘﻴﺶْ ﻫﺎﺩﻱ ﺍﻟﻤﻤﻠﻜﺔ ﺍﻟﻤﺤﺮﻭﻗﺔ .. ﻛﺎﻧﺖ ﺟﻴﻬﺔ ﻭﻛﻨﺎ ﻧﺠﻴﻬﺎ ﻣﺴﺘﺸﻔﺎﻧﺎ .. ﻛﻢ ﻛﻔﺎﻧﺎ .. ﻣﻨﻮ ﻧﻄﻴﺐ ﻭﻳﺘﻮﻓﺎﻧﺎ ﻛﺎﻧﺖ ﻧﺎﺩﻱ ... ﻛﺎﻧﺖ ﻭﺭﺷﺔ .. ﺑﻮﺳﻄﺔ ﺃﻟّﺘﻨﺎ ﻛﺎﻧﺖ ﻣﺪﺭﺳﺔ ﻭﻗﺒﻠﺘﻨﺎ ﻟﻲ ﺣِﻠّﺘﻨﺎ ﻛﺎﻧﺖ ﺳُﻮﻗﺎ ﻻ ﻭﻗﻌﺖ ﺻﻮﺍﻗﻊ ﻓﻮﻗﺎ ﻻ ﻏﻀﺐ ﺍﻟﻠﻪ ﺷﻞّ ﻋﺮﻭﻗﺎ ﻣﺎ ﻣﻦ ﺣﺮﺏ ﻗﺎﻣﺖ ﻓﻴﻬﺎ .. ﻻ ﺳﻘﻄﻦ ﻗﻨﺎﺑﻞ ﻭﻏﺎﺯْ ﻛﺮﻳﺶ ﻓﻲ ﻛﺮﻳﺶ .. ﺳِﻌِﺮْ ﺩﺭﻭﻳﺶ ﺩﻭﺍﻧﺎ ﻋﻠﻤﻨﺎ ﺑﺎﺕ ﻣﺎﻓﻴﺶ ﻛُﻨّﺎ ﻭﻛُﻨّﺎ .. ﻳﺎﻣﺎ ﻋُﺰﺍﺯْ ﻭﻟﺤﻈﺎﺕ ﺍﻟﺘﻼﻗﻰ ﻟُﺬﺍﺫْ ﻫِﻠِﻜْﻨﺎ ﻭﻛﺖ ﻭِﻛِﺮْ ﺗﻮﺭﻧﺎ .. ﻭﺩﻫﺘﻨﺎ ﺑﺼﻴﺮﺓ ﺍﻹﻧﻘﺎﺫْ ﻫﻮﻳﺘﻨﺎ ﺇﺗﻠﻐﺖ ﻓﻴﻨﺎ .. ﺑﻘﻴﻨﺎ ﺍﻋﺠﺎﺯْ ﺯﻣﻦ ﺧﺎﻭﻱ ﻭﺣﻘﻴﻘﺘﻮ ﻣﺠﺎﺯْ ﺑﺸﻴﺶ ﻓﻲ ﺑﺸﻴﺶ ﻏﻠﺒﻨﺎ ﻧﻌﻴﺶ ﻗﺒﺾ ﻭﺍﻟﻲ ﺍﻟﺒﻠﺪ ﺑﻘﺸﻴﺶ ﻓﻲ ﺍﻟﺰﻭﻝ ﺍﻟﺨﺮﺏ ﻟﻲ ﺑﻴﺘﻮ ﻏﺎﻟﻄﻨﻲ ﺍﻟﻤﻄﺮ .... ﻫَﺪّﻳﺘﻮ ﻻﻭﺍﻧﻲ ﺍﻟﻔﺮﺍﻍ .... ﻻﻭﻳﺘﻮ ﻭﻛﺎﻥ ﺃﻗﻮﻯ ﺍﻟﻔﺮﺍﻍ ﻣﺎ ﻻﻱ ﺷَﻬّﺪﺕَ ﺍﻟﺒﺮﻕ .. ﻣَﻀّﻴﺘﻮ ﻧﺸّﻦ ﻗﻮﺱ ﻗﺰﺡ ... ﺗﺎﻻﻱ ﺍﻧﺪﺭﻗﺖّ ﺑﺎﻟﻼّﺷﻲﺀ .. ﻭﺑﺎﻟﻤﺎﻓﻲ ﺍﺗﺤﻮﻳﺖ ﻓﻲ ﻗﻔﺎﻱ ﻭﻗﻌﺖَ ﻭﺭﺍﻱ .. ﺭﻓﻌﻨﻲ ﻳﻘﻴﻦ .. ﻭَﻗَﻒْ ﻓﻮﻕ ﺭﺍﻱ ﺑﺄﻧﻮ ﺍﻟﺤﺎﻝ ﻣﻐﻴﺮ ﺯﻳﻦ .. ﻣﻐﻴﺮ ﻛﺎﻥ ﻗِﺼِﺮْ ﻛﺎﻥ ﻃﺎﻝْ ﻭﺇﻧﻮ ﺍﻷﺭﺽ ﻟﻠﻜﺎﺩﺣﻴﻦ ... ﻭﻣﻔﺘﺎﺡ ﺍﻟﺤﻴﺎﺓ ﺍﻟﻌُﻤّﺎﻝْ ﺭَﻛَﺰْﺕَ ﻋﻠﻰ ﻏﻨﺎﻭﻱ ﺍﻟﻔﺎﻝ .. ﻟﺴﺎﻧﻲ ﺳﻨﻴﻦ .. ﻭﺣﺎﺿﺮ ﺑﺎﻝ ﻓﻨّﺎ ﻟﻲ ﺍﻟﺘﻌﺐ .. ﻣﻮّﺍﻝْ ﺷﻬﺮﺕ ﻋﻠﻰ ﺍﻟﻤﻨﺎﺣﺔ ﻏُﻨﺎﻱ ﻓﺰﻉ ﺻﺒﺮ ﺍﻟﻐﻼﺑﺔ ﻣﻌﺎﻱ ﻭﻛﺖ ﻧﺎﺩﻳﺘﻮ ﻛﻴﺪ ﺍﻟﻜﺎﻳﺪﻳﻦ ﺭﺩﻳﺘﻮ ﺧﺎﻭﺍﻧﻲ ﺍﻟﻤﻄﺮ .. ﺧﺎﻭﻳﺘﻮ ﻓﻮﻕ ﺿﻬﺮ ﺍﻟﻬﻮﺍ .. ﺍﻟﺸﺪّﻳﺘﻮ ﺳﻘﺘﻮ ﻣﻦ ﺍﻟﺨﺮﺍﺏ .. ﻭﺩﻳﺘﻮ ﻟﻲ ﺗﺎﻻ ﺍﻟﻌﻤﺎﺭ ﻣﻨﺼﺎﺏ ﻓﻤﺎ ﻛﺎﻥ ﺍﻟﻌﻤﺎﺭ ﻗﺪﺍﻣﻮ .. ﻏﻴﺮ ﻗَﻠَﺒَﺎﺕْ ﺣﻠﻤﻨﺎ ﺍﻟﺨﺎﺏْ ﻃﺶّ ﺿﺒﺎﺏ .. ﺭﻫﺎﺏ ﻭﺭﻫﺎﺏ .. ﺷﺎﻝ ﻧﻔﺴﻮ ﺍﻟﻤﻄﺮ .. ﺧﺘﺎﻫﻮ ﺯﻱ ﻣﻤﻜﻮﻥ ﺧَﻨَﺲْ .. ﻟﺤﻈﺔ ﺧﻨﺲ ﻗُﺖْ ﻣﺎﺕ .. ﺭﻓﺲ ﺗَﻮّﺭ ﺑﺨﺎﺭﺍً ﺑﺎﻅْ ﺭﻃﻦ ﺑﻲ ﻛﻞ ﻟﻐﺎﺕ ﺍﻟﻜﻮﻥ .. ﻭﺑﻮّﺥ .. ﺩﻭّﺥ ﺍﻷﻟﻔﺎﻅْ ﻛﻴﻔﻦ ﻛﺎﻥ .. ﻭﻛﻴﻒ ﺣﺎ ﻳﻜﻮﻥ .. ﺗﺎﻓﻘﻨﻲ ﺍﻟﻐُﻠُﺐ ﺣﻴﻦ ﻗﺎﻝْ : )ﻫﺮﺑﺘﻮ ﻭﻧﻤﺘﻮ .. ﻗﻤﺘﻮ ﺍﻋﺠﺎﺯ ﺇﻧﻮﺭﻃﺘﻮ ﻳﻮﻡ ﻓﺮﻃﺘﻮ ﻓﻲ ﻣﺎﺭﻳﻞ ﺑﻨﻴﺔ ﺍﻟﻤﺎﻅْ ﺗﺮﺑﺎﺓ ﻋِﺰّﻫﺎ ﺍﻟﺘﺎﺭﻳﺦ .. ﺿﺮﺍﻉ ﺍﻟﻜُﺪّﺡ ﺍﻷﻓﺬﺍﺫ ﺣﺒﻴﺒﺔ ﺟﻤﻠﺔ ﺍﻟﺸﻬﺪﺍﺀ .. ﺍﻟﺼِّﺢ ﺍﻹﻋﺠﺎﺯ( ﻗﺎﻝ ﻗﻮﻟﻮ ﺍﻟﻤﻄﺮ .. ﻭﺍﻧﻌﺪّ ﻓﻮﻗﻲ ﺑﺨﺎﺭ ﺭﻛﻀﺖ ﻭﺭﺍﻫﻮ ﺣﺘﻰ ﺍﻟﻨﺎﺭ ﻭﺍﻧﺘﺮﺗﻌﺖ ﺑﻴﻦ ﺍﻟﺘﺎﺭ ﻭﺑﻴﻦ ﺍﻟﺸﺎﺭﻉ ﺍﻟﻤﺎ ﺛﺎﺭ ﻭﺳﺪّ ﻗﺼﺎﺩ ﻋﻴﻮﻧﻲ ﺷﻌﺎﺭ ﺭﺍﻓﻌﺎﺗﻨﻮ ﻓﻲ ﺇﺻﺮﺍﺭ .. ﻧﻘﺎﺑﺎﺕ ﺍﻟﻬﻮﻯ ﺍﻷﺷﺠﺎﺭ ﺑﻨﺎﺕ ﺍﻟﻮﺍﻃﺔ ﻭﺍﻷﻧﻬﺎﺭ ﺧﻴﻮﻁ ﺍﻟﻌﻨﻜﺒﻮﺕ .. ﻭﺣﻤﺎﻣﺔ ﺧَﺒّﻮ ﺍﻟﺼﺎﺣﺒﻴﻦ ﻓﻲ ﺍﻟﻐﺎﺭ ﺭﺍﻓﻌﺎﺗﻨﻮ ﺣﺘﻰ ﺍﻟﺸﻮﻕ ﻭﻗﻊ ﻣﻦ ﻓﻮﻕ ... ﻭﺟﺎﻫِﻦ ﺗﺎﺭ ﺻﺮﺧﺖ .. ﻓﺮﻛﺖ ﻟﻸﺷﺠﺎﺭ ﻓﻲ ﺍﻷﻧﻬﺎﺭ ﻧﻔﺨﺖ ﺍﻟﻨﺎﺭ ﺑﺎﻟﻬﻮﺍﺀ .. ﻳﺎ ﺟﻤﺎﻋﺔ ﺍﻟﻐﺎﺭ .. ﺍﻋﺼﺮﻭﺍ ﻋﻠﻰ ﺑﻌﺾ ﺳﺎﺭﻳﺘﻨﺎ ﻻ ﺗﻨﻬﺎﺭ ﻧﺸﺪ ﺍﻟﺤﻴﻞ .. ﻧﻌﺪ ﺍﻟﺨﻴﻞ .. ﻧﺴﻦ ﺍﻟﺼﺎﺭﻡ ﺍﻟﺒَﺘّﺎﺭْ ﻭﻛﻠﻬﺎ ﻛﻤّﻬﺎ ﺍﻟﺮﺑّﺎﻃﺔ .. ﺑﻲ ﻟُﻘﺎﻃﺎ ﻭﺍﺣﻨﺎ ﻛﺘﺎﺭْ ﺻﻔﺎً ﻭﺍﺣﺪﺍً ﻛﺎﻟﻨﻴﻞ .. ﻭﻗﻠﺒﺎً ﺣﺎﺭْ ﻧﻀﺎﺭﻱ ﺍﻟﻮﺍﻃﺔ ﺑﺎﻟﻀﺮﻋﺎﺕ .. ﻣﻦ ﺍﻟﺰﻣﻦ ﺍﻟﻜﺮﻛﻲ ﺍﻟﻀّﺎﺭْ ﻭﻫﺎﻛُﻦ ﺷﺘِّﺘُﻮﻧﻲ ﺑِﺬﺍﺭْ ﺻﺮﺧﺖ .. ﺻﺮﺧﺖ .. ﺣﺘﻰ ﺍﻟﻨﺎﺭ ﻛﺸﺤﺖ ﻋﻠﻰ ﺍﻟﻄﻨﺎﺵ ﻣﺴﺪﺍﺭ ﺃﺟﺎﺑﻨﻲ ﺍﻟﺼّﻲ .. ﻭﺃﺑﻮ ﺍﻟﺘﻲ ﺗﻲ .. ﻛﻼﺏ ﺭﻣﻞ ﺍﻟﻬﺠﻴﺮ ﺍﻟﺤﺎﺭْ ﻭﺑﺪﻳﺖ ﺍﺣﺘﺎﺭْ ﺍﻧﺎ ﻧﻤﻞ ﺍﻟﻤﻬﻞ ﻗﺪ ﺿﺎﻕ .. ﺃﻡ ﺍﺭﺿﺔ ﻭﺟﺮﺑﺖ ﺣُﺠّﺎﺭْ ﺑﺪﻳﺖ ﺍﺣﺘﺎﺭ .. ﻭﻗﺎﻡ ﻓﻴﻨﻲ ﺍﻟﺠﺮﺡ ﺗﺎﻭﺍﺭْ ﺭﺟﻌﺖ ﻧﺰﻓﺖ .. ﺻﺎﺑﻨﻲ ﺩﻭﺍﺭ ﻗﻀﻔﺖ ﺣﺸﺎﻱ .. ﺟﺮﺕ ﺑﻄﻨﻲ .. ﻭﻭﻗﻌﺖ ﺟﻨﺎﺯْ ﺗﺤﺖ ﺻﻮﺕ ﺍﻟﺼﻨﻴﻦ ﺍﻟﺮﺍﺯ ﺑﻘﻴﺖ ﺑﻴﻦ ﺍﻷﺭﺽ ﻭﺍﻟﻐﻴﻢ .. ﻭﺍﻟﺪﻡ ﺍﻟﺠﻤﺪ ﻭﺍﻟﻐﺎﺯْ ﻣﻄﻔﺢ ﺯﻱ ﻫﺘﺎﻑ ﻣﻬﺰﻭﻡ .. ﻣﻄﻠﻮﺡ ﻃﻮﻑ ﻧﺠﺎﺗﻮ ﺍﻟﻀﻴﻢ ﺟﺒﺪﺕ ﺟﻨﺎﺯﺗﻲ ﻟﻠﺤﺠﺮﺓ ..ﻭ ﻭﻗﺪﺗﻬﺎ ﻧﺎﺭْ ﻟﻤﺤﺖ ﻭﺭﺍﺀ ﺩﺧﺎﻧﺎ ﻏﺒﺎﺭ ﺧﻴﻮﻝ ﻛﺎﻛﻴﺔ ﺗﻨﺨﺎﺑﺖ .. ﻳﻜﻮﻥ ﻣﻦ ﺗﺎﻧﻲ ﺩﻓﺘﺮﺩﺍﺭْ ﻃﺮﻳﺖ ﺗﺎﺭﻳﺨﻲ ﻓﻲ ﻟﺤﻈﺔ .. ﻧﺴﻴﺖ ﻣﺎ ﻃﺮﻳﺖ .. ﻭﻓﻲ ﻃﻴﻒ ﺑﻴﺖ ﺩُﻣﻰ ﻭﺍﺻﻨﺎﻡ ﺗﻜﻠﺖ ﺟﺒﻴﻨﻲ ﺗﺎﻻ ﺍﻟﺴﺎﻡ ﺟﻌﺮﺕ ﺷﺪﻳﺪ .. ﻭﺑﻲ ﺳﺎﺳﻮﻳﺔ ... ﻓﻜﻴﺖ ﺭﺍﺳﻲ ﻣﻦ ﻗﺪﺍﻡ ﻟﻘﻴﺘﻮ ﺿﻼﻡ ﻟﻘﻴﺖ ﺫﺍﻛﺮﺗﻲ ﻣﻌﻄﻮﺑﺔ ﻭﻣﻌﻀّﻲ ﻛﻼﻡ ﻣﻔﻮﺗﺔ ﻓﻲ ﺍﻧﻔﻼﺗﺔ ﺳﻼﻡ ﺻﺪﻯ ﺍﻷﻳﺎﻡ ﻣﻌﻤّﺎﻫﺎ ﺧﻮﺍﺧﻲ ﺍﻟﻜﺘﻤﺔ ﻏﺎﻣﺎﻫﺎ ﺧﻴﻮﺕ ﺍﻟﻨﺴﻤﺔ ﻣﺸﻄﻮﺑﺔ ﺧﻄﻮﻁ ﺍﻟﻨﺴﻤﺔ ﻣﺸﻄﻮﺑﺔ .. ﻭﻣﺪﺍﺭﺍﻫﺎ ﺣﻄﺎﻡ ﺧﻔﺖ ﻣﻦ ﺍﻧﻔﺼﺎﻡ .. ﻗﻮﺍﻡ ﻗﻔﻠﺖ ﺩﻣﺎﻏﻲ ﻭﺍﺳﺘﻠﻘﻴﺖ ﻋﻠﻰ ﻃﻮﺑﺔ ﻭﺭﺟﺎﻟﺔ ﻏﻔﻴﺖ ﻧﺠﻴﺖ ﻣﻦ ﺳﻬﺪ ﻛﻤﻴﻦ ﻋﺎﻡ ﺑﺎﻋﺠﻮﺑﺔ .. ﻏﺸﺎﻧﻲ ﻣﻨﺎﻡ ﻓﻲ ﺃﻭﻝ ﺩﻓﺮﺓ ﻓﻲ ﺍﻷﺣﻼﻡ ﺣﻠﻤﺖ .. ﺟﻤﻌﺖ ﻓﻲ ﺭﺍﺱ ﺧﻴﻂ .. ﺃﻣﺎﻥ ﻭﺳﻼﻡ ﺣﻠﻤﺖ ﺻﺤﻴﺖ ﻭﻃﻦ ﻣﻨﻀﻮﻡ ﺑﻼ ﺣﻈﺮِ ﻭﻃﻮﺍﺭﻱﺀ ﺗﺤﻮﻡ ﺃﺗَﻜْﺮِﻥ ﺑﺎﻟﺨﺒﺮ ﻟﻔﻴﺖ .. ﺷﻮﺍﺭﻉ ﺍﻟﻤﺪﻫﺸﺔ ﺍﻟﺨﺮﻃﻮﻡ ﻧﻄﺤﺖ ﻣﻦ ﺍﻟﻔﺮﺡ ﻟﻠﻄﺎﺑﻴﺔ .. ﻃﺮﺕ ﺩﻣﻮﻡ ﻓَﺖْ .. ﻓﺘّﺤﺖ ﻭﺍﻧﺸﻠﻮﺣﺖ .. ﻋِﻦ ﺟﻔﻠﺔ ﺣﻤﺎﺭ ﺍﻟﻨﻮﻡ ﻋﻠﻰ ﺍﻟﺤﺼﺤﺎﺹ .. ﺷﻬﻖ ﺑﻲ ﺍﺣﺴﺎﺱ ﺣﻤﺎﺱ ﻓﻲ ﻛﻞ ﺟﻴﻬﺔ ﺣﻤﺎﺱ ﻭﻣﺎ ﻣﻦ ﺭﺍﺱ ﻓﺠﻴﻌﺔ ﺍﻟﻨﺎﺱ ﻭﺍﻧﺎ ﺍﻟﺮﺍﺱ ﺍﻟﻔﺠﻴﻌﺘﻮ ﺍﻟﻨﺎﺱ ﻧﺨﺠﺖ ﺑﺮﺍﻱ .. ﺑﻜﻴﺖ ﻭﺑﻜﻴﺖ ﺑُﻜﺎﻱ ﻗﻠﺐ ﺍﻟﻐﻀﺐ ﺗﺒﻜﻴﺖْ ﺍﻧﻠﻔﺖّ ﻏﺎﺩﻱ ﻭﺟﺎﻱ ﺗﺒﻨﺖ ﺃﺳﺎﻱ ﻓﻲ ﺍﻟﻮﺿﻊ ﺍﻟﺤﻄﺐ ﻻ ﻓﺎﺱ ﻣﻌﺎﻱ ﻻ ﻗﺸﺔ ﻣﻦ ﻛﺒﺮﻳﺖ ﻭﻻ ﻣﻦ ﻳﺮﻓﻊ ﺍﻷﻧﻘﺎﺽ .. ﻳﺜﺒﺖ ﺑﻲ ﻟﻤﻴﻨﺔ ﺍﻟﻘُﺪﺭﺓ ﻣِﺮْﻕْ ﺍﻟﺒﻴﺖ ﺗﻔﺎﺩﻳﺖ ﺍﻟﺼﻨﻴﻦ ﺍﻟﻔﺎﺽ .. ﻭِﻛِﺮْ ﻓﻲ ﺩﻭﺷﺔ ﺍﻟﺪﻳﻨﺎﻣﻴﺖ ﻧﺘﻘﺖ ﺧﻄﺎﻱ .. ﺗﺠﺎﻫﻲ ﺟﺮﻳﺖْ ﺟﺮﻳﺖ ﻗﺪﺍﻡ .. ﻟﻘﻴﺖ ﺳﺎﻗﻴﻨﻲ ﺩﻭﻥ ﺃﻗﺪﺍﻡ ﺭﺟﻌﺖ ﺃﻣﺎﻡ .. ﺑﺮﻛﺖ ﺣﺒﻴﺖْ ﻭﻓﻲ ﺣﺠﺮﺓ ﻏﻨﺎﻱ ﺍﻟﻐﺎﺽ .. ﻭﺣﻠﺖ ﺟﺮﻳﺖْ ﺟﺒﺪﺕ ﺍﻳﺪﻳﻨﻲ ﻓﻲ ﺍﺻﺮﺍﺭ .. ﺗﺠﻴﻨﻲ ﻛُﺪُﺭ ﺑﻼ ﻛﻔﻴﻦ ﺍﺗﺤﺴﺴﺖ ﻟﻠﻤﺎ ﻓﻲّ ... ﺷﻜﻴﺖ ﺇﻧﻲ ﺣﻲّ .. ﻣﺎ ﺣﻲّ ﺷﻜﻴﺖ ﺇﻧﻲ ﺟﻴﺖ ﻣﺎ ﺟﻴﺖ ﻭﻛﻴﻒ ﻭﻣﺘﻴﻦ .. ﻭﺭﺍﻳﺢ ﻭﻳﻦ ﺭﻗﺺ ﻭﺳﻮﺍﺳﻰ ﻭﺍﻟﻼّﻭﺍﺯْ ﺭﻗﺺ ﻓﻲ ﺳﺨﻒ ... ﺑﺎﺳﺘﻔﺰﺍﺯْ ﻋﻠﻰ ﺍﻟﻨﻴﻞ ﺍﻟﺘﻤﻄّﻰ ﺟﻨﺎﺯْ ﺭﻗﺺ ﺑﺎﻟﺴﻮﻧﻜﻲ ﻭﺍﻟﺴﻜﻴﻦ .. ﻭﺳﻮﻁ ﺍﻟﺪﻳﻦ ﺻﺮﺧﺖ ﻣﻌﺎﺫ .. ﻧﺪﻫﺖ ﻣﻌﺎﺫ ﻣﻌﺎﺫﻙ ﻳﺎ ﻭﻃﻦ .. ﻳﺎ ﻓﺎﺯْ ﺟﻨﺎﻙ ﻣﻨّﻚ .. ﻋﻠﻴﻚ ﻭﻣﻼﺫْ ﺧﻄﺎﻭﻱ ﺍﻟﻜﻔﺖ ﺇﻳﺪﺍ ﺟﻮﺍﺯْ ﻣﻜﺜﺖ ﺻﺮﺍﻉ ﺗﺮﺍﺑﻠﺔ ﻭﻃﻴﻦ ﺃﻗﺎﻭﻡ ﻓﻲ ﺍﻟﻐﺒﻴﻨﺔ ﺳﻨﻴﻦ ﻭﻻ ﻗﺪﻣﻴﻨﻲ ﻻﺍﻟﻜﻔﻴﻦ ... ﻭﻣﻘﻄﻮﻉ ﺭﺍﺱْ ﻻ ﻧﻮﺑﺔ ﻭﺯﻧﻮﺝ ﻭﺣﺠﺎﺯْ ﻻ ﺑﺠﺔ ﻻ ﻛُﺘُﺮ ﻃﻴﺒﻴﻦ .. ﻭﻻ ﻋُﻜّﺎﺯﻱ ﻻ ﺣﺠﺎﺯْ ﻭﻻ ﺯﺍﻝ ﺍﻟﻤﻄﺮ ﻓﻲ ﺳﻤﺎﻫﻮ ﻓﻲ ﻃﻮﺭ ﺍﻟﺪﻋﺎﺵ ﻭﺭﺫﺍﺫْ ﻗﺮﺿﺖ ﻋﻤﺮ ﻏُﻨﺎﻳﺎ ﻟﻘﻴﺘﻮ ... ﺑﺎﻗﻲ ﻓﺮﺩ ﻭﺗﺮ ﻣﺸﺪﻭﺩ .. ﺿﺤﻜﺖ ﺣﺰﻳﻦ ﺃﻧﺎ ﺍﻟﻤﺴﺪﻭﺩ ﻓﻲ ﻓﺘﺢ ﻣﺒﻴﻦ ﻭﺃﻧﺎ ﺍﻟﻔﺎﺗﺢ ﺳﺪﻯ ﺍﻟﺠﺎﻳﻴﻦ ﺷﻔﻘﺖ ﻋﻠﻰ ﺍﻟﺸُّﺪﺭ ﻓﻲ ﺣﻴﻦ ﻋِﺮِﻕ ﻓﺎﻟﻮﺍ ﺍﻃﻤﺌﻦ .. ﺗﺤﻴﻦ ﺗﺒﺎﺷﻴﺮ ﺍﻟﺼﺒﺎﺡ ﻭﻳﺒﻴﻦ ﺑﻌﺪ ﻣﺎ ﻧﻤﻮﺕ .. ﺑﻌﺪ ﻣﺎ ﻧﺸﻴﺦ ﺃﺑﻴﺖ ﺣﺘﻤﻴﺔ ﺍﻟﺘﺎﺭﻳﺦ ﺑﻼ ﻋﺮﻗﺎً ﻳﺨﺪﺭ ﻭﺩﻡ ﻭﺍﻧﺎ ﺍﻟﺒﺎﻏﺘﻨﻲ ﺭﻳﺢ ﺍﻟﻐﻢ ﻭﺍﺑﻴﺖ ﺍﻧﻐﻢ ﻭﺻﺎﺩَﻧِّﻲ ﺍﻟﺠﺮﺍﺡ ﺍﻟﺠﻢ ﻭﺍﺑﻴﻦ ﺇﻧﺠﻢ ﻣﺎ ﺑﻀّﻌﺖ .. ﻻ ﺳﺎﻭﻣﺖ ﻓﻴﻚ ﻣﻴﻦ ﻛﺎﻥ ﺗﻌﺒﺖ ﻣﻦ ﺍﻟﻤﻄﺮ ﺧﻠﻴﺘﻮ ﻣﺎ ﺑﻴﻦ ﺍﻟﺒﻴﻮﺕ ﺍﻟﻄﻴﻦ .. ﻭﻣﺎ ﺑﻴﻦ ﺍﻟﺘﻀﻮﻱ ﻗﺰﺍﺯْ ﻳﺮﺍﻳﻲ ﻭﻳﺒﺪﻱ .. ﻭﻳﻦ ﻳﻨﺤﺎﺯْ ﻭﻟﻰ ﻳﺎﺕ ﺟﻴﻬﺔ ﻳﺒﻘﻰ ﺣﺒﻴﺐ ﻭﻟﻰ ﻳﺎﺕ ﺟﻴﻬﺔ ﻳﺒﻘﻰ ﺣﺰﺍﺯْ ﻏﺮﺳﺖ ﺍﻧﻔﺎﺳﻲ ﻓﻲ ﺍﻟﺰﻳﻔﺔ .. ﺍﻟﺨﺮﻳﻔﺎ ﺑﺠﻴﻚ ﻣﻌﻄﺮ ﺑﻲ ﻟﻬﺚ ﺷﻔﺘﻴﻚْ ﺧﻤﺸﺖ ﻣﻦ ﺍﻟﺪﻋﺎﺵ ﻟﻮﻧﻮ ﻭﻫﺮﻋﺖ ﺇﻟﻴﻚْ ﻟﻘﻴﺖ ﻛﺒﺪ ﺍﻟﺒﻠﺪ ﻣﻘﺸﻮﺭ .. ﻭﻏﺎﻣﺪﺓ ﻋﻴﻨﻴﻚْ ﺩﺧﻠﺘﻚ ﺑﻲ ﻣﺴﺎﻡ ﺍﻟﺮﻋﺸﺔ .. ﻣﻦ ﻓﺮﻗﺎﺕ ﺍﺻﺎﺑﻊ ﺍﻳﺪﻳﻚْ ﻣَﺮَﻕْ ﺑِﻚْ .. ﻭﻓُﺖّ ﺑِﻚْ .. ﺗﺎﻻﻙ .. ﻣﻀﺒﻠﻦ ﻭﺍﻟﻤﻄﺮ ﺟﺎ ﻋﻠﻴﻚْ ﺃﺗﻴﺮﺏ ﻓﻲ ﺃﻭﺝ ﺍﻟﻌﻴﻨﺔ .. ﺗﺮﺑﺎﻝ ﺍﻟﺘﻮﺣّﺪﻭ ﻓﻴﻚْ ﺇﺭﺍﺩﺓ ﻭﻗﺪﺭﺓ ﺍﻹﻧﺴﺎﻥ ﻭﻗﺪ ﻳﺒﻘﻰ ﺍﻧﺒﻌﺎﺛﻮ ﻭﺷﻴﻚْ

ﻣﻄﺮ ﺍﻟﺸﻮﺍﺭﻉ
ﻫﺒّﺖ ﻧﺴّﺎﻡ ﺟﻴﺘﻚ .. ﺿﻮّﺍ ﻟﺤﻈﺎﺗﻮ ﺍﻟﺒﻜﺎﻥْ ﺯﻳﻦ ﺃﺭﻛﺎﻧﻮ ﺍﻟﺰّﻣﺎﻥْ ﻓﺮﻫﺪ ﺍﻟﺸﻮﻕ ﺍﻟﻤﻀﺎﺭﻉ ﺍﻟﺒﻠﺪ ﺑﻘﺖ ﺍﻟﺸﻮﺍﺭﻉ ﺩﺍﻓﺮﺓ ﻣﻦ ﻛﻞ ﺍﻟﻤﻮﺍﻗﻊ ﺯﻱ ﻣﻄﻮﺭ ﻫَﺘَﻜَﺖْ ﺳﻤﺎﻫﺎ ﻭﺳَﻴّﻠﺖ ﻣﻠﺖ ﺍﻟﻤﺰﺍﺭﻉ ﻟﻬﻔﺔ ﺍﻟﺰﻭﻝ ﺍﻟّﺠﺎ ﺭﺍﺟﻊ ﻣﻦ ﻧﺨﻴﺠﻮ ﺗﻘﻮﻝ ﻣﻮﺍﺩﻉ ﺍﻟﻔﺮﺡ ﻓﻲ ﺃﻋﻴﻦ ﺍﻟﺼﺎﺑﺮﻳﻦ ﺩﻣﻮﻋﻮ ﺍﻟﻬﺘﺎﻓﺎﺕ ﺍﻟﺘﻨﺪﺩ ﺑﻲ ﻋﻮﺍﺭﺿﻮ ﻭﺍﻟﺘﺄﻛﺪ ﻟﻲ ﺭﺟﻮﻋﻮ ﻭﺍﻟﺘﺒﺪﺩ ﺧﻮﻓﻮ .. ﺟﻮﻋﻮ ﻭﺍﻟﺘﺠﺪﺩ ﺑﺨّﺔ ﺍﻟﺪﻡ ﻓﻲ ﻋﺮﻭﻗﻮ .. ﻭﺑﻴﻦ ﺿﻠﻮﻋﻮ ﺗﻄﺮﺩ ﺍﻟﻬﻢ ﻣﻦ ﺟﻤﻮﻋﻮ .. ﻣﻦ ﺧﻄﺎﺑِﻦ .. ﻻﻓﺘﺎﺕ ﺃﻋﻼﻡ ﺑﺸﺎﺑِﻦ ﻣﻮﻛﺐ ﺍﻟﻌﺮﺳﺎﻥ ﺷﻤﻮﻋﻮ ... ﺍﻷﺻﺎﺑﻊ ﺍﻟﺒﻲ ﺗﺮﺍﺑِﻦْ ﺍﻷﻛﻒ ﺍﻟﺪﻡ ﺧﻀﺎﺑﻦ ﻻﻓﺘﺎﺕ ﺍﻋﻼﻡ ﺗﻬﺒﻬﺐ ﺯﻱ ﺻﻔﻖ ﺍﻻﻧﺎﺷﻴﺪ .. ﻳﺸﺘﻬﻨِّﻚ ﻓﻲ ﺳَﺒَﻖْ ﺍﻟﻤﻨﺎﺩﻳﻞ ﺍﻟﺘﻠﻮّﺡ ﻭﺍﻟﻄِّﺮﺡْ ﺍﻟﺒﻨﻔﺴﺞ ﻭﺍﻟﺒﺮﺍﺳﻴﻢ ﺍﻟﺘﺮﺍﻗﺺ ﻓﻲ ﻣﺮﺡ ﺍﻟﻌﺼﺎﻓﻴﺮ ﺍﻟﻤﻠﻮﻧﺔ ﻓﻲ ﻣﺮﺍﻳﺎﺕ ﺍﻟﻔﻀﺎ ﺍﻟﻤﺘﻜﺎﺑﻲ ﺗﺎﻻﻙ ﻗﻮﺱ ﻗﺰﺡ ﺍﺳﺘﺤﻤّﺖ ﻏﻴﻤﺔ ﻓﻲ ﺑﺤﺮ ﺍﻷُﻓُﻖْ ﻛﺎﻥ ﺩﻋﺎﺵ ﺍﻟﻐﻴﻤﺔ ﺑﻮﻗﺔ ﻭﻛﺎﻧﺖ ﺍﻟﺮﻏﻮﺓ ﺍﻟﺸﻔﻖ ﺟﻔّﻒْ ﺍﻃﺮﺍﻓﻮ ﺍﻟﻨﺴﻴﻢ .. ﺟﺮّ ﺑﺸﻜﻴﺮﻭ ﺍﻟﻐَﺴَﻖْ ﺧﺖّ ﻓﻲ ﻛﻒ ﺍﻟﻤﺴﺎ ﺣﻨﺔ ﺍﻟﺰﻣﻦ ﺍﻟﻘﺪﻳﻢ ﻗﺎﻟﺖ ﺍﻟﺮﻳﺢ ﺍﻟﻌﺠﻮﺯ ﻣﺎ ﺍﺳﺘﺤﺖ .. ﻗﺎﻟﺖ ﻳﺠﻮﺯ ﻛﺎﻟﺼﺒﺎ ﺍﺭﺟﻊ ﺻﺒﻴﺔ ﻭﺍﺳﺮﻱ ﺑﻲ ﻋﻄﺮ ﺍﻟﻌﺮﻭﺱ ﺍﺑﺮﻯ ﻓﺴﺘﺎﻧﺎ ﺍﻟﺒﻴﺎﺿﺎ .. ﻧﻴﺔ ﺍﻟﻄﻴﺐ ﺣﻨﻴﻦ ﺑﻲ ﻧﺪﻡ ﺻﺎﺩﻕ ﺃﻣﻴﻦ ﻋﻘّﺒَﺖْ ﻗﺎﻟﺖ ﻭﺍﺗﻮﺏ ﻣﺎ ﺃﻏُﺶ ﺍﻷﻭﻛﺴﺠﻴﻦ ﺑﺎﻷﻋﺎﺻﻴﺮ ﺍﻟﻌﺒﻮﺱ ﺇﻻ ﺷﺎﻥ ﻟﻠﻈُّﻠﻢ ﺍﺩﻭﺱ ﺁﻩ ﻳﺎ ﻋﺸﻤﻲ ﺍﻟﺤﺰﻳﻦ .. ﻟﻮ ﺗﺮﺟِّﻌﻨﻲ ﺍﻟﺴﻨﻴﻦ ﺑﺎﺭﻛﻨﻬﺎ ﻧﺴﻤﺘﻴﻦ .. ﺑَﺎﺧَﺘﻦ ﺑﺎﻻ ﺍﻟﺮﺯﻳﻦ ﺁﺟَﺮَﻧّﻬﺎ ﻓﻲ ﺍﻟﻠّﻲ ﺭﺍﺡ .. ﻭﻃﻴﺒﻦ ﻧﺰﻑ ﺍﻟﺠﺮﺍﺡ ﻭﻋﻤّﺪﻧﻬﺎ ﺭﻳﺢ ﺻﻼﺡ .. ﻣﻦ ﻃﺮﻑ ﺷﻖ ﺍﻟﺼﺒﺎﺡ ﻗﺎﻃﻌﻨﻬﺎ ﻧﺠﻤﺘﻴﻦ .. ﻳﻤﺔ ﻋﻘﺒﺎﻟﻨﺎ .. ﻭﻣﺘﻴﻦ ﻣﻦ ﺯﻓﺎﻑ ﺍﻟﻐﻴﻤﺔ ﻭﻳﻦ .. ﻭﻧﺤﻨﺎ ﻧﺸﺮﻕ ﻣﺮﺗﻴﻦ ﺍﻧﺘﺸﻰ ﺍﻟﻌﺸﺐ ﺍﻟﺼﻐﻴﺮ .. ﻭﺗﺎﻭﻕ ﺍﻟﻘﻤﺮﺓ ﺍﻟﺘﻐﻴّﺮ ﺑﻴﻦ ﺿﻔﺎﻳﺮ ﺗﻤﺮﺗﻴﻦ ﻭﺧﻒّ ﻳﺘﺼﻨﺖ ﻣﺰﺍﺭﻉ .. ﺩﺧﻠﺔ ﺍﻟﻤﻄﺮ ﺍﻟﻤﻮﻟﻪ ﺃﻭ ﺯﻓﺎﻓﻮ ﻋﻠﻰ ﺍﻟﺸﻮﺍﺭﻉ ﻭﺣّﻢ ﺍﻟﻘﻤﺢ ﺍﻟﻴﺮﺍﻫﻖ ﻓﻲ ﺍﻟﻤﺘﺮ .. ﺟﺒّﺪ ﺷﺘﻮﻟﻮ .. ﻧﻮّﺭ ﺍﻟﻘﺶ ﻓﻲ ﺍﻟﻤﺮﺍﺗﻊ ﻧﻮّﺭﺕ ﻛﻞ ﺍﻟﺨﻤﺎﺋﻞ .. ﺍﻟﺴﺤﺮ ﻓﻮﻕ ﺭﺍﺳﻮ ﺟﺎﻳﻞ ﺯﻱ ﺗﺨﺎﻟﻴﻞ ﺍﻷﺻﺎﺑﻴﻊ .. ﺑﻴﻦ ﺳﺒﻴﺐ ﻣﺤﺒﻮﺑﺔ ﻃﺎﻟﻊ ﻭﻣﺮﺓ ﻭﻧﺎﺯﻝ ﺯﻱ ﺭﺳﺎﺋﻞ ﺑﻴﻨﻮ ﺑﻴﻦ ﺍﻟﺠﺎﻱ ﺭﺍﺟﻊ ... ﻟﻰ ﺣﺼﺎﺩ ﺍﻟﻌﻤﺮ ﺷﺎﻳﻞ ﺿﻮّﺍ ﻓﻲ ﻛﻞ ﺍﻟﻨﻔﻮﺱ .. ﺣُﺐْ ﺗﺤﺖ ﻛﻞ ﺍﻟﺸﺮﺍﺋﻊ ﻭﺍﻟﺸﻌﺎﺋﺮ ﻭﺍﻟﻄﻘﻮﺱ ﺟﻤّﺔ ﺍﻟﻌﺸﻖ ﺍﻟﻤﻀﺎﺟﻊ ... ﺣﺘﻰ ﺃﺻﻮﺍﺕ ﺍﻟﻀﻔﺎﺩﻉ ﺳﻦّ ﺣﻨﺠﺮﺓ ﺍﻟﻤﻐﻨﻲ ﻓﻲ ﻗﻠﺐ ﺯﻭﻟﻮ ﺍﻟﺤﺠﺮ .. ﺍﻟﻌﻨﻴﺪ ﺍﻟﻤﺎ ﻣﻄﺎﻭﻉ ﺿﺤّﻰ ﻣﻦ ﺃﺟﻠﻮ ﻭﺻﺒﺮ .. ﺻﺒُﺮ ﺯﻣﺎﻧﺎﺕ ﺍﻟﺘﺪﻧﻲ ﻭﺍﻟﻤﻨﺎﺣﺎﺕ ﺍﻟﺘﺠﻨّﻲ ﺳﻦّ ﺣﻨﺠﺮﺗﻮ ﺍﻟﻤﻐﻨﻲ .. ﻭﻏﻨﻰ ﻏﺎﻳﺔ ﻣﺎ ﺍﻧﻔﺠﺮ ﺷﺎﺣﺐ ﺍﻟﻠﻴﻞ ﺍﻷﻟﻖ ... ﺍﻟﻔَﺠُﺮ ﻓﺮﻫﺪ ﺑﻬﺮ ﺟﺪﻳﺪ ﺍﻟﻔﺮﺣﺔ ﻳﺎ ﺩﺍﺑﻮ ﺍﻧﻌﺘﻖ .. ﻓﻚ ﻗﻴﺪ ﺟﺮﺣﻮ ﻭﻧﺘﻖ ﻟﻲ ﺟﻮﺍﺩ ﺷﻮﻗﻮ ﺍﻧﻄﻠﻖ .. ﻗﻮﻟﺐ ﺍﻟﻀُّﻞ ﻭﺍﻟﺼﻘﺎﻳﻊ ﺍﻟﻮﺟﻮﺩ ﻗﺪﺍﻣﻮ ﺭﺍﻳﻊ .. ﺧﺎﻟﻲ ﻣﻦ ﺻُﺮﻣﺔ ﻭﻓﺠﺎﺋﻊ ﺍﻟﻌﺼﺎﻓﻴﺮ ﺍﻟﺘﻄﺎﻟﻊ ﻓﻲ ﻛﺘﺎﺏ ﺍﻟﺼﺒﺢ ﻃﺎﻟﻊ ﺍﻟﻨﺪﻯ ﻓﻲ ﺳﺮﺍﺑﻮ ﻧﺎﻗﻊ .. ﺍﻟﺰﻫﺮ ﻳﺎ ﺩﺍﺑﻮ ﻓﺎﻗﻊ ﺍﻧﻄﻠﻖ ﻟﻠﺤﻠﺔ ﺷﺎﻓﻊ .. ﺷﺎﻝ ﺑﺸﺎﺭﺓ ﻳﻮﻡ ﺟﻤﻴﻞ ﺍﻟﻔﺮﺍﺷﺎﺕ ﻟﻸﺻﻴﻞ .... ﻭﺍﻟﺒﻨﻔﺴﺞ ﻟﻠﺸﻔﻖ ﺍﻣﻠﻮ ﻋﻴﻨﻴﻜﻢ ﻏﻤﻴﺪ .. ﻳﺎ ﻣﺠﺎﺭﻳﺢ ﻻ ﺃﺭﻕ ﺿﻤّﻮ ﻟﻲ ﻟﻴﻠﻜﻢ ﺷﺪﻳﺪ .. ﺿﻤّﻮ ﺑﻲ ﻋﺪ ﻣﺎ ﻭﺳﻖ ﻻ ﺗﺠﻤّﻮﻫﺎ ﺍﻟﺴﻴﻮﻑ .. ﻻ ﺗﺮﻣّﻮﻫﺎ ﺍﻟﺪﺭﻕ ﺍﻟﻤﻄﻴﺮﺓ ﺍﻟﻔﻲ ﻭﺷﻴﻜﻢ .. ﻫﺐّ ﻧﺴّﺎﻣﺎ ﻭﺑﺮﻕ ﻣﺎﻫﺎ ﺑﻲ ﺍﻟﺴﺎﻫﻞ ﺗﺠﻴﻜﻢ ﺇﻻ ﺑﺎﻟﺪﻡ .. ﺑﺎﻟﻌﺮﻕ ﻳﺎ ﻣﻄﺮ ﻳﺎ ﻧﺎﺭ ﺣﺒﺎﺑَﻚ .. ﺧﺪِّﺭ ﺍﻟﻘﺼﺐ ﺍﻟﻤﻌﻮﺑِﺲ ﺑﻠّﻞ ﺍﻟﺘﻌﺐ ﺍﻟﺘﺸﺎﺑَﻚ ﺭﻭﺣﻨﺎ ﺷﺒّﺖ ﺑﺎﻟﻘﻀﻴﺔ ﻭﺗﺎﻭﻗﺖ ﺑﺮﻗَﻚ ﺳﺤﺎﺑَﻚ ﺃﻳﻮﺓ ﻳﺎ ﻣﻄﺮ ﺍﻟﻐﻼﺑﺔ ﺍﻟﻤﻦ ﺯﻣﻦ ﺻﺎﺑﺮ ﺗﺮﺍﺑَﻚ ﻭﺍﻟﻘﻠﻮﺏ ﻋﺸﺮﻕ ﺳﺮﺍﺑَﻚ

ﺃﻣﻸ ﻗﻠﺒﻚ ﺃﻣﻸ ﻗﻠﺒﻚ ﺑﺎﻟﻮﻃﻦ ... ﺑﺎﻟﺼُّﻐﺎﺭْ ﻗﻮﻣﺔ ﺍﻟﻌﻤﺎﻝ ﺩَﻏَﺶ ... ﺑﺎﻟﻨّﻀﺎﺭْ ﺍﻟﻤﺰﺍﺭﻋﻴﺔ ﺍﻟﻐُﺒُﺶ .. ﺑﺎﻟﺠﻨﻮﺩ ﺍﻟﻮﻳﻦ ﺗﺨﺶ ﻓﻲ ﺳﺒﻴﻠﻚ ﻛﺎﻟﻨﻬﺎﺭْ ﺑﺎﻟﻤﺪﺍﺩ ﺍﻟﻤﺎ ﺑﻴﻐُﺶ .. ﺑﻲ ﻭﺗﺮ ﺟﺎﺀ ﻣﻦ ﺍﻟﺠﺤﻴﻢْ ﺃﻣﻸ ﻗﻠﺒﻚ ﺑﺎﻟﻨﺴﻴﻢْ ﻣﻠِّﻲ ﺑﺎﻟﻄﻴﺮ ﺍﻟﺮﻃﻦْ ﻃﻴﺒﺔ ﻭﺍﻟﻌﺎﻟﻢ ﻗﺪﻳﻢ ... ﻳﻨﺴﻰ ﻛﺎﻟﺮﻳﺢ ... ﺍﻟﻤﺤﻦْ ﺧﻠِّﻲ ﺑﺎﻟَﻚ ﻣﺴﺘﻘﻴﻢ ﺩﻏﺮﻱ ﻭﺇﻥ ﻣﺎﻝ ﺍﻟﺰﻣﻦْ ﺭﺍﺣﻞ ﺍﻟﻠﻴﻞ ﺍﻟﺒﻬﻴﻢ ﻭﺍﻟﺒﺼﻴﺮﺍﺕ ﻣﺎ ﻋِﻤَﻦْ ﺍﻟﻈﺮﻭﻑ ﺍﻟﻠﻴﻠﻲ ﺃﺑﻦ ... ﻃﻴﺒﺔ ﻻ ﺧﻮﻑ ﻻ ﺣﺰﻥْ ﺑﺎﻛﺮ ﺍﻟﺘِّﻘْﻴﺎﺕ ﺗﻨﻮﺭﻕ ﻭﺗﻨﻤﻠﻲ ﺍﻟﻀﺮﻋﺎﺕ ﻟﺒﻦْ ﻃﻴﺒﺔ ﻳﺎ ﺻﻤﺖ ﺍﻟﺤﻨﻴﻦ ﻛﻠﻤﺎ ﻃﻔﺎﻫﻮ ﻫﻢْ ﻻ ﻓﻲ ﺁﻫﺔ ﻭﻻ ﺃﻧﻴﻦ ﻻ ﺑﻴﺮﻭﻉ ﻟﻴﺢ ﻭﺩﻡْ ﻣﻦ ﻣﺮﺍﺭﺍﺕ ﺍﻟﺴﻨﻴﻦ ﻣﻦ ﻋﺼﺎﺭﺍﺕ ﺍﻷﻟْﻢ ﺑﻴﻤﺮﻕ ﺍﻟﺸﻮﻕ ﺍﻟﺪﻓﻴﻦ ﺑﻲ ﻛﻌﻨﻜﻴﻞ ﺍﻟﻌﺸﻢْ ﺍﺣﻜﻲ ﻟﻴﻚ ﻳﺎ ﻃﻴﺒﺔ ﺣﻜﻮﺓ ﺫﺍﺕ ﺯﻣﺎﻥ ﻣﻦ ﺿﻴﻖ ﻭﻗﺴﻮﺓ ﻭﻛﻞ ﻳﻮﻡ ﻣﻦ ﺑﺎﺭﺣﻮ ﺍﺳﻮﺃ ﻭﺍﻟﻤﺮﺍﺣﺎﺕ ﻗﺎﻃﻲ ﻗﻂْ ﻓﺠﺄﺓ ﻓﻲ ﻗﻠﺐ ﺍﻟﺴﻤﺎﺀ ... ﻏﻴﻤﺔ ﻏﻴﻤﺘﻴﻦ .. ﻏﻴﻢ ﺭﺑﻂْ ﻛﺘﻤﺔ ﺣﺘﻰ ﺍﻟﻄﻴﻦ ﻋِﺮِﻕْ ﻭﺍﻟﺸﺠﺮ ﻗﺮﺏ ﻳَﺒِﻖْ ﺇﻻ ﻳﺎ ﻃﻴﺒﺔ ﺍﻟﺨَﻠِﻖْ ... ﻣﻦ ﺑﺪﻝ ﺗﻔﺮﺡ ﺗَﻨِﻖْ ﺍﻟﺸِّﻜﺎﻳﺎﺕ ... ﺍﻟﺴﺨﻂ .. ﻻ ﺍﻟﺴُّﺤﺐ ﺩﺍﺭﺕ ﺗَﺼُﺐْ ﻻ ﺍﻟﻬﺒﻮﺏ ﺩﺍﻳﺮ ﺗَﻬُﺐْ ﻧﺴﻤﺔ ﻧﺴﻤﺔ ﺁ ﺭﺏ ﻫﺒﻮﺑﻚْ ﻣﻦ ﺷﻤﺎﻟﻚ ﻣﻦ ﺟﻨﻮﺑﻚْ ﺍﻟﻬﺒﻮﺏ ﻳﺎ ﺭﺏ ﻫﺒﻮﺑﻚْ ﻣﻦ ﺷﺮﻭﻗﻚ ﻣﻦ ﻏﺮﻭﺑﻚْ ﻣﻦ ﺗﺤﺖ ﻣﻦ ﻓﻮﻕ ﻫﺒﻮﺑﻚْ ﻛﺘﻤﺔ ﻛﺘﻤﺔ ﻣﻌﺎﻫﺎ ﺿﻴﻘﺔ ﻧﺴﻤﺔ ﻳﺎ ﺭﺏ ﺍﻟﺨﻠﻴﻘﺔ ﺳﻜﺖ ﺍﻷﻃﻔﺎﻝ ﺩﻗﻴﻘﺔ ﻧﺒﻜﻲ ﺧﺶ ﺁ ﺣﻮﻝ ﻓﻲ ﺣﻮﻝ ... ﻇﺎﻫﺮ ﺍﻟﺤﺎﻝ ﻣﺎﻫﻮ ﻣﺨﻔﻲ ....... ﻭﻗﻮﻟﻨﺎ ﻓﻴﻚ ﻣﺎ ﻓﻴﻬﻮ ﻗﻮﻝ ﻧﺴﻤﺔ ﻛﻞ ﺭﺍﺱ ﺳﺎﻋﺔ ﺗﻜﻔﻲ ....... ﻧﺴﻤﺔ ﻭﺍﺣﺪﺓ ﻷﻟﻒ ﺯﻭﻝ ﻳﻨﻄﻠﻲ ﺍﻟﺠﻮ ﺑﺎﻟَﺤﻤَﺎﺭْ ﻓﺠﺄﺓ ﻣﻦ ﺣﺮ ﻟﻲ ﻏﺒﺎﺭْ ﺍﻟﻄﺸﺎﺷﺎﺕ ﺍﻟﺪّﻭﺍﺭْ ﺍﻟﺴﺒﺎﺑﺎﺕ ﺍﻟﻨِّﻘﺎﺭْ ﻧﻘﺔ ﺍﻟﻀﻴﻖ ﺗﻨﻄﻠﻖْ ﻗﻠﻨﺎ ﻓﺎﻗﺖ ﺑﺎﺗﺖ ﺃﺯﺣﻢْ ... ﺍﻟﻐﺒﺎﺭ ﻣﻦ ﻛﺘﻤﺔ ﺃﺭﺣﻢْ ... ﺃﺭﺣﻢ ﺍﻟﺤﺮ ﺍﻟﺒﻴﻠﺤﻢ ... ﻻ ﺩﻩ ﻻ ﺩﻩ ﻭﻻ ﻓﺮﻕ ﻃﻴﺒﺔ ﺗﻤﻲ ﺍﻟﺤﻜﻮﺓ ﻗﻮﻟﻲ ﺍﻟﺼّﺒﺮُ ﺧﻠﻘﻮﻫﻮ ﻫﻮﻟﻲ ﺍﻟﺰﻣﻦ ﻳﻘﺴﻰ ﻭﻳَﺮِﻕْ .. ﻭﺍﻧﺘﻲ ﻳﺎ ﻛﺘﻤﺎﺕ ﺗﻄﻮﻟﻲ ﺍﻟﻴﻄﻮﻝ ﺑﺎﻝ ﺍﻟﺨﻠﻖ .. ﻃَﺮِّﻕْ ﺍﻟﻐﻨﻮﺍﺕ ﻳﺎ ﺯﻭﻟﻲ ﻋﺪّ ﻓﺎﺕ ﺍﻟﺮﻳﺢ ﺷَﺮِﻕْ ﻣﻦ ﺑﻌﺪ ﻣﺎ ﺟﺎﺏ ﺳﺤﺎﺏ ﻣﻦ ﺑﻌﺪ ﻗﺶّ ﺍﻟﺘﺮﺍﺏ ... ﻣﺸﻂ ﺍﻟﻘﺶ ﻭﺍﻟﺸﺠﺮ ﺭﺟّﻊ ﺍﻟﻄﻴﺮ ﻟﻠﻮﻛﺮْ ﻫﺎ ﺍﻟﺒﺮﻕ ﺷﺎﻝ ﺍﻟﺒﺮﻕ .. ﺍﻟﺮﻋﺪ ﺭﻳﺤﺔ ﺍﻟﺪﻋﺎﺵ ﺍﺑﺸﺮﻭﺍ ﺑﺎﻟﺨﻴﺮ ﻧﻘﻄﺖ ﺃﻱ ﻭﺍﻟﻠﻪ ﺍﻟﻤﻄﺮ

ﻧﺎﺩﻭﺱ ﻣﺤﻤﺪ ﺍﻟﺤﺴﻦ ﺣﺴﻦ ﺳﺎﻟﻢ )ﺣﻤﻴﺪ( )ﺗﻌﺎﻟﻲ .. ﻓﺈﻥ ﺍﻷﻳﺎﺩﻱ ﺍﻟﺘﻲ ﻓﻲ ﻛﺘﻔﻬﺎ ﺻﻘﺮُ ﻗﺘﻠﻨﻨﺎ ﺛﻢ ﻟﻢ ﻳﺤﻴﻴﻨﺎ ﻗﺘﻼﻧﺎ( ﺍﻟﺤﺎﻝ ﻭﺭﺍﻙ ﻛﻴﻔﻦ ﺗﺴﺮ .. ﺑﺎﻗﻴﻠﻚ ﺇﻧﺘﻲ ﺑﻼﻙ ﻓﻲ ﺯﻳﻦ ﻣﺎ ﺗﻬﺸﻢ ﺇﺑﺮﻳﻖ ﺍﻟﺮﺿﺎ .. ﺧﻨﺴﺖ ﻧﺴﻴﻤﺎﺕ ﺍﻟﺴﻤﺢ ﻭﺍﻟﺒﺴﻤﺔ ﺯﻱ ﺣﺒﺔ ﻗﻤﺢ ﻟﻔﺤﺎ ﻭﻃﻔﺮ ﻃﻴﺮﺍً ﻛُﺘﺮْ ﺃﻭﺭﺙ ﻋﺼﺎﻓﻴﺮﻫﺎ ﺍﻟﻀﻨﻰ .. ﻳﺒّﺲْ ﻏُﻨﺎﻫﺎ ﻣﻊ ﺍﻟﻔﺠﺮ ﻫﻄﻞ ﻋﻠﻰ ﺍﻟﺸﺪﺭ ﺍﻟﻬﻤﻮﻡ .. ﻭﺷﺎﺷﺎﺕ ﻧﻬﺎﺭﺍﺕ ﺍﻟﻬﻨﺎ ﻋﺎﻧﻴﺖ ﻭﺭﺍﻛﻲ ﺟﻨﺲ ﻋﻨﺎ ﺑﻮﻍ ﺳﻬﺎﺩﻱ ﻛﺮﻭ ﺍﻟﻨﺠﻮﻡ ﺧﻄﻮ ﺍﻟﻤﻮﺍﻭﻳﻞ ﺇﺭﺗﻌﺶ ﺣﺮّﺱْ ﻋﺼﺎﺗﻲ ﺑﻨﺎﺕ ﻧﻌﺶ ﺩﻭﻣﺴﺖ ﻓﻮﻕ ﺣِﺠﺮ ﺍﻟﺒﺘﻮﻝ ﻫﻠﻮﺳﺖ ﺑﻲ ﺻﻠﺐ ﺍﻟﻤﺴﻴﺢ ﺩﺭﻭﺵْ .. ﺷﺮﺩﺕ ﻣﻦ ﺍﻟﻀﺮﻳﺢ ﺷﻮﻳﻤﺖ ﺑﻲ ﻇﻠﻢ ﺍﻟﺤﺴﻴﻦ ﺃﻭﻣﺖ ﻋﻠﻲ ﻛﻢ ﻣﻴﻀﻨﺔ ﻭﻣﺎ ﺑﻴﻦ ﻋﻴﻮﻧﻚ ﻭﺍﻟﻤﻐﻮﻝ ﻭﻣﺎ ﺑﻴﻦ ﻋﻴﻮﻧﻚ ﻭﺍﻟﻮﺻﻮﻝ ﺳﺎﻫﺪ ﺑﻲ ﻗﺎﻓﻠﺔ ﺍﻟﺤﺮﻭﻑ ﻭﻭﻗﻒ ﻃﻨﺎﺑﻴﺮ ﺍﻟﺰﻣﻦ ﺇﻧﻀﺮﺿﺮ ﺇﻳﻘﺎﻉ ﺍﻟﻔﺼﻮﻝ ﻫﺮﺑﺖ ﻏﻤﺎﻣﺔ ﻭﺭﺍ ﺍﻟﺠﺒﻞ ﻃﺮﺣﺖ ﻣﻦ ﺍﻟﻨﻴﻞ ﺍﻟﺠﺮﻭﻑ ﺷﻬﻘﺖ ﺷﻌﺎﺏ ﺇﻧﺴﺎﻧﻲ ﺧﻮﻑ ﻣﻨﻚ ﻋﻠﻴﻚ .. ﻋﻠﻰ ﺃﻱ ﺯﻭﻝ ﺗﻮﻙ ﻧﻴﺎﻕ ﺷﻮﻗﻮ ﺍﻟﻀﻨﺎ .. ﺳﺮّﺡْ ﻋﺼﺎ ﺍﻟﺘﺴﻴﺎﺭ ﻗﺒﻞ ﺩﺭﺏ ﺍﻟﺤﻴﺎﺓ ﺍﻟﻤﺮﻣﻮﻝ ﻓﻨﺎ ﻳﺎ ﻭﻗﻌﺔ ﺍﻟﻮﺍﻗﻔﻴﻦ ﻫﻨﺎﻙ .. ﻳﺎ ﻭﻗﻔﺔ ﺍﻟﻮﺍﻗﻌﻴﻦ ﻫﻨﺎ ﻳﺎ ﺁﻓﺔ ﺍﻟﻮﻃﻦ ﺍﻟﺠﺮﻳﺢ .. ﺇﺷﻤﻌﻨﻰ ﻻ ﻭﺻﻠﻚ ﺩﻧﺎ ﻭﻻ ﺁﻓﺔ ﺍﻟﺰﻣﻦ ﺍﻟﻤﺸﻴﺢ .. ﻗﺪﺭﺕ ﺭﻭﻳﺤﺘﻲ ﺗﻴﻘﻨﺎ ﻣﻦ ﺟﻴﺘﻚ ﺍﻟﻤﺮﻗﺖ ﺑﺘﻴﻦ .. ﺍﻟﺪﻫﺪﻫﻚ ﺭﻭﺣﺖ ﻭﻳﻦ ﻳﺎ ﺯﻳﻦ ﻣﺮﻗﺘﻲ ﻣﺸﻴﺘﻲ ﻭﻳﻦ ﻏﺮﺑﻞ ﻋﻠﻴﻚ ﻟﻴﻞ ﺍﻟﻤﺪﺍﺋﻦ ﺍﻟﻜﺎﻥ ﺯﻣﺎﻧﻚ ﺣﺎﻻ ﺯﻳﻦ .. ﻧﺎﺷﺪﺗﻬﺎ ﻓﺘﺶ ﻧﻬﺎﺭﺍﺕ ﺍﻟﻘﺮﻯ ﺍﻟﻤﺘﻜﻴﺔ ﻓﻮﻕ ﺷﻌﺐ ﺍﻟﺼﺒﺮ .. ﺳﺎﻧﺪﺗﻬﺎ ﻋﻠﻢ ﺑﻄﺎﻧﺎ ﺍﻟﺸﻴﻄﻨﺔ ﻏﻨﻴﺖ ﻣﻌﺎﻫﻦ .. ﺳﻮﺩﻧﺎ .. ﻳﺎ ﺳﻮﺩﻧﺎ .. ﻳﺎ ﺳﻮﺩﻧﺎ ﻟﻤﻠﻤﺘﻬﻦ ﻭﺍﻟﺪﻧﻴﺎ ﻟﻴﻞ .. ﻭﺍﻟﻘﻤﺮﺓ ﺑﺖ ﻓﺎﺗﺎ ﺍﻟﻘﻄﺮ ﻭﺻﻒ ﻟﻬﻢ ﺣﺲ ﺷﻠﻴﻞ .. ﺭﺩﺩ ﺣﺮﻭﻓﻬﻢ ﺭﺩﺗﻬﺎ ﻭﻗﻒ ﺳﺤﺎﺑﻲ ﻣﻊ ﺍﻟﺪﻏﺶ .. ﺷﻬﺪﺗﻬﺎ ﺷﻬﺪﺕ ﻣﻌﺎﻳﺎ ﻋﻠﻰ ﺍﻟﻌﺬﺍﺏ .. ﺍﻟﻬﺪ ﺃﺿﻼﻉ ﺍﻟﻐﺒﺶ .. ﺭﺍﻋﻔﺘﻬﺎ ﺗﻜﻠﺖ ﺧﺪﻭﺩﺍ ﻋﻠﻰ ﺑﻜﺎﻱ .. ﻻﻗﻲ ﺍﻟﺴﺠﻮﻥ .. ﺟﺎﻫﺪ ﺑﻬﺎ ﺑﻲ ﺟﻴﻬﺔ ﺍﻟﺠﺬﺏ ﺍﻟﻘﺪﻳﻢ .. ﺩﺧﻠﺖ ﻣﻜﻨﺪﻛﺔ ﺑﺎﻟﺸﺒﺎﺏ .. ﺧﻨﺖ ﺍﻟﺘﺮﺍﺏ .. ﺭﺍﻭﺩﺗﻬﺎ ﻭﻓﻮﻕ ﻫﺎ ﺍﻟﺘﺮﺍﺏ .. ﻭﺍﻋﺪﺗﻬﺎ ﻭﻻ ﺇﻧﺘﻲ ﺟﻴﺘﻲ ﻭﻻ ﻫﻲ ﺁﻩ .. ﺭﻭﺣﺖ ﻭﻳﻦ ﻳﺎ ﺯﻳﻦ ﻣﺮﻗﺖ ﻣﺸﻴﺘﻲ ﻭﻳﻦ ﻛﻞ ﺍﻟﺒﻨﺎﺕ ﺟﻮ ﻣﻦ ﺍﻟﻤﻠﻲ ﻫﺸﻦ ﺑﻜﻦ .. ﺷﺪﻥ ﺣﻜﻦ .. ﻭﺃﺯﻳﺎﺭﻧﺎ ﻭﺍﻟﻤﺮﺣﺎﺕ ﺧﻠﻲ ﻳﺎ ﺇﻧﺘﻲ ﻳﺎ ﻣﺮﺕ ﺍﻟﻌﺪﻝ .. ﻣﺎﻙ ﻓﻲ ﺻﻌﻴﺪﺍً ﺗﺘﺮﺟﻲ ﺭﻭﺣﺖ ﻭﻳﻦ .. ﻗﻮﻟﻴﻠﻨﺎ ﺑﺲ ﻛﻴﻔﻦ ﻣﻦ ﺍﻟﻐﻠﺒﺎﻥ ﺗﺠﻲ ﻟﻮ ﻓﻴﻨﺎ ﺃﻃﻠﻌﻲ ﻣﻨﻨﺎ .. ﺃﻭ ﺑﺮﺓ ﺃﺩﺧﻠﻲ .. ﺃﺩﺧﻠﻲ ﻏﻨﻴﺘﻚ ﺍﻟﺒﺎﺭﺡ ﺑﺮﺍﻱ .. ﺇﻧﺼﻠﺒﺘﻮ ﺍﻟﺘﺎﻧﻴﻴﻦ ﻏﻨﺎﻱ ﻭﺍﻟﻠﻴﻠﺔ ﺑﺘﻮﺍﺗﺎﻙ ﺷﻌﺮ .. ﺩﻭﻧﻮ ﺇﻧﻌﺘﺎﻗﻚ ﺃﻭ ﻓﻨﺎﻱ ﻫﻴﺎ ﻳﺎ ﻣﻐﻨﻴﻦ ﺍﻟﺸﻌﺮ .. ﺿﺪ ﻫﺎ ﺍﻟﺰﻣﺎﻥ ﻭﻃﺒﻨﺠﺘﻮ ﺷﻌﺮ ..ﺷﻌﺮ .. ﺍﻟﺸﻌﺮ .. ﺷﻌﺮ ﺃﻳﻮﺓ ﻳﻼ ﻋﻠﻴﻨﺎ ﺟﺎﻱ ﻭﻧﻜﺮ ﺍﻟﻤﻐﻨﻲ ﻛﻤﻨﺠﺘﻮ ﻧﺎﺩﻭﺱُ ﻳﺎ ﻓﺠﺮ ﺍﻟﻘﺼﺎﺋﺪ ﺇﻧﺪﻟﻖْ ﻣﺎ ﺣﻚّ ﺟﻠﺪﻙ ﻣﺜﻞ ﻇﻔﺮﻙ ﻓﺎﻧﻄﻠﻖْ ﺇﻧﺎ ﺷﺮﺣﻨﺎ ﻟﻚ ﺻﺪﺭﻙ .. ﺃﻭ ﺷﺮﺧﻨﺎ ﻓﺎﻧﻌﺘﻖْ ﻳﺎ ﺃﻧﺖَ ﻳﺎ ﻛﻞ ﺍﻟﺬﻳﻦ ﻷﺟﻞ ﺧﺎﻃﺮﻫﻢ ﻃﻬﻮﺕُ ﻏﺪﺍﺓ ﻋﻘﻢ ﺯﻫﻮﺭ ﻛﻠﻢ ﻟﺘﻨﻔﺘﻖْ ﻏﻀﺒﺎً ﻳﺆﺭﻕ ﻣﻮﻗﺪﻳﻪ .. ﻛﻮﺭﺗﻪ .. ﺭﺟﻤﺎً ﻟﻜﻞِ ﻣﻦ ﺗﻨﺎﺯﻝ ﺃﻭ ﺗﺨﺎﺫﻝ ﺃﻭ ﺗﺸﺎﻋﺮ ﺃﻭ ﺗﺪﺍﻋﺮ ﺃﻭ ﺗﻬﺎﻭﻥ ﺃﻭ ﺗﺨﺎﻭﻥ ﺃﻭ ﺗﻌﺎﻭﻥ ﺿﺪ ﻓﺘﺤﻚ ﺃﻭ ﺃﺗﺎﻧﻲ ﻳﺴﺘﺮﻕْ ﺗﺮﺑﺖ ﻳﺪﺍﻙ .. ﺗﺒﺖ ﻳﺪﺍ ﻛﻞ ﺍﻟﺬﻳﻦ ﺗﻐﺎﻣﺰﻭ ﻭﺗﻬﺎﻣﺰﻭ .. ﻭﺗﻼﻣﺰﻭ .. ﻭﺗﻘﺰﺯﻭ .. ﻓﺘﻠﺬﺫﻭ .. ﻣﻦ ﻓﻴﻪ ﺟﺮﺣﻚ ﻳﺎ ﻭﻃﻦ ﻧﺎﺩﻭﺱ ﺁﻩ .. ﻧﺎﺩﻭﺱ ﻳﺎ ... ﺃﻣﺴﻴﻨﺎ ﻳﺎ ﻧﺎﺩﻭﺱ ﻭﺍﺻﺒﺤﻨﺎ ﺑﻴﻚ ﻳﺎ ﺃﻡْ ﻳﺎ ﺳﻮﺳﺔ ﺿﺪ ﺍﻟﺴﻮﺱ .. ﻗﻠﺒﺎً ﺑﻼﻛﻲ ﻳﻀُﻢْ ﻟﻴﻞ ﺍﻟﻀﻴﺎﻉ ﻣﻬﻮﻭﺱ .. ﻳﺤﻠﻢ ﻫﻮﺍﻙ ﻳﺆﻡْ ﺑﻌﺪ ﺍﻟﺤﺼﺎﺩ ﺍﻟﺮﻭﺱ .. ﻋﺎﻟﻢ ﻧﺪﺍﻫﻮ ﻳﻌﻢْ ﺧﺘﻴﺖ ﻫﻮﺍﻙ ﻓﺎﻧﻮﺱ .. ﺑﻘﺎﻟﻲ ﺷﻠﺘﻮ ﻭﺣﻢْ ﺟﻴﺖ ﺍﻟﻤﺪﻥ ﺑﺎﺧﻮﺱ .. ﻻﻗﻴﺘﻮ ﺟﺎﻟﺐ ﺍﻟﺴﻢْ ﺭﺍﺷﺢ ﻫﺠﻴﺮ ﺍﻟﺒﻮﺱ .. ﻭﻛﻞ ﺍﻟﻮﺟﻮﻩ ﺩﻡ ﺩﻡ ﻛﻞ ﺍﻟﺨﻠﻮﻕ ﺩﻡ ﺩﻡْ ﻛﻮﺭﻛﺖ ﻳﺎ ﻧﺎﺩﻭﺱ .. ﺃﻡ ﺍﻟﻐﺒﺶ ﻳﺎ ﺃﻡْ ﻳﺎ ﻧﺨﻞ ﻳﺎ ﺃﺑﻨﻮﺱ .. ﻳﺎ ﺳﺎﻣﺒﺎ .. ﻳﺎ ﺗﻢ ﺗﻢْ ﻳﺎ ﺍﻟﺒﻴﻚ ﻏﻨﺎﻱ ﻣﺤﺮﻭﺱ .. ﺩﺧﺮﻱ ﺍﻟﻐﻼﺑﺔ ﻫﻠﻢْ ﺩﻫﻤﻨﻲ ﻛﻢ ﻣﺠﺮﻭﺱ .. ﻋﻜﻤﺖ ﺗﺎﻧﻲ ﻭﻗﻢْ ﺣﻤﺮﺕ ﻓﻲ ﺍﻟﺴﺤﺐ ﺍﻟﻤﻜﺒﺮﺗﺔ .. ﻳﺎ ﺩﺧﺎﻥ ﻳﺎ ﺭﻳﺤﺔ ﻳﺎ ﺧﻮﺍﺿﺔ ﻟﻠﺒﺤﺮ ﺍﻟﻤﺨﻨﺲ ﻭﺍﻟﻌﺴﺎﻛﺮ ﻭﺍﻟﻤﻠﺲ .. ﻣﺎ ﺗﺨﺘﺸﻲ ﺑﻴﻮﺿﺔ ﻳﺎ ﻣﺎﺧﺪﺓ ﺍﻟﺨﺮﻳﻒ .. ﻣﺎ ﻃﻤﺒﺮﺕ ﻋﺮﺑﺎﻧﺎ ﺷﻲ ﻣﺴﺘﻨﻲ ﻓﻲ ﺍﻟﺰﻣﻦ ﺍﻟﻨﺰﻳﻒ .. ﺍﻟﻘﺎﻝ ﺑﺠﻲ ﻭﻓﺎﺕ ﺑﻲ ﻭﺷﻲ ﺭﺷﺖ ﺍﻟﻨﻬﺎﺭ ﺑﺎﻟﺼﺒﺮ .. ﺃﺑﺖ ﺍﻟﻤﻐﺎﺭﺏ ﺗﺘﺮﺷﻲ ﻣﺸﺖ ﺍﻟﻨﻬﺎﺭﺍﺕ ﺑﺎﻟﺼﺒﺮ .. ﺃﺑﺖ ﺍﻟﻤﻐﺎﺭﺏ ﺗﺘﻤﺸﻲ ﺩﻗﺴﺖ ﺳﻮﺍﻗﻲ ﺍﻟﻤﺘﻌﺒﻴﻦ .. ﻛﺎﻳﺴﺎﻻ ﻓﻴﻬﺎ ﻋﻘﺎﺏ ﻋَﺸﻲ ﺑﻴﻮﺿﺔ ﺁﻩ .. ﺃﻭﺍﻩ ﻟﻮ ﺍﻟﻜﻠﻤﺎﺕ ﺣﺼﻰ ﻗﺎﻟﺖ ﻟﻲ ﺍﻟﻠﻪ ﺍﻗﺮﺏ ﻓﺮﺝ ﺃﻭﺍﻩ ﻟﻮ ﺍﻟﻜﻠﻤﺎﺕ ﻟﻬﺐ .. ﻧﺮﺟﻢ ﺑﻪ ﻭﺵ ﺯﻣﻦ ﺍﻟﻘﺴﺎ ﻗﺎﻟﺖ ﻟﻲ ﻓﻲ ﺇﻃﻦ ﺍﻟﻠﻴﻞ ﻭﻫﺞ .. ﻫﺪﺍﻡ ﺃﻣﺎﻥ ﺍﻟﻨﺎﺱ ﻧﺴﻰ ﺩﻧﻘﺮﺕ ﻟﻸﺭﺽ ﺍﻟﻤﺴﺮﺑﻠﺔ ﺑﺎﻟﺴﺮﺍﺏ .. ﻓﺮﺩﺕ ﺑﻲ ﻏﻠﺒﻲ ﺍﻟﻌﻮﺝ ﻓﻘﺪﺕ ﺃﻳﺎﺩﻱ ﺍﻟﻌﺼﺎ .. ﺷﺪﻳﺖ ﺣﺰﺍﻣﺎﺕ ﺍﻟﺠﻠﺪ ﻫﺮﻭﻟﺖ ﺗﺎﻧﻲ ﺿﺮﺍ ﺍﻟﻮﺍﻃﺔ ﻛﻮﺭﻛﺖ ﺻﺪ .. ﺻﺪ .. ﺻﺪ .. ﺃﺭﺟﻊ ﻳﺎ ﻭﻟﺪ .. ﻃﻮﺭﻳﺔ ﺃﺑﻮﻙ ﺗﺮﺍﻫﺎ ﺩﻱ ... ﻋﺎﻧﺪ ﻛﻮﺍﺭﻳﻜﻚ ﻣﺸﻴﺖ .. ﻃﻮﺭﻳﺔ ﺃﺑﻮﻳﺎ ﺗﺮﺍﻫﺎ ﺩﻳﻚ ﻟﻔﺤﻮﻫﺎ ﻟﻤﻦ ﻗﺎﻡ ﻳﺼﻠﻲ .. ﺧﻄﺎﺏ ﺑﻜﺎﺭﺍﺕ ﺍﻟﻐﻤﺎﻡ .. ﻣﻐﺮﺏ ﺻﺒﺎﺡ ﻟﻴﻠﺔ ﺩﺧﻠﺘﻮ ﻋﻠﻰ ﺍﻟﺒﻠﺪ ﺣﺮﻕ ﻋﺮﻭﻗﻲ .. ﺍﻟﻔﻲ ﺍﻟﻜﻼﻡ ﻋﻄﺸﺎﻥ ﺳﻘﻴﺖ ﻋﺮﻕ ﺍﻟﺸﺪﻳﺮﺓ ﻣﻦ ﺍﻟﻤﻄﻴﺮﺓ ﺍﻟﻔﻲّ ﻛﺎﻥ ﺣﺲ ﺍﻟﻌﺴﺎﻛﺮ ﻻ ﻭﺭﺍ .. ﻗﺎﻟﺖ ﻟﻲ ﺍﺟﺮ .. ﺷﺪﺭﺓ ﻏﻨﺎﻳﺎ ﺟﺮﻳﻚ ﺿﺮﺍﻳﺎ .. ﺟﺮﻳﻚ ﺿﺮﺍﻳﺎ ﺟﺮﻳﻚ ﺿﺮﺍ ﻗﺒﻞ ﺍﻟﻌﺴﺎﻛﺮ ﻣﺎ ﺗﺼﻞ ﻗﺒﻞ ﺍﻟﺪﺭﺍﺩﺭ ﻣﺎ ﺗﺒﻴﻦ .. ﻭﻛﺎﻧﻮ ﺍﻟﻌﺴﺎﻛﺮ ﻓﻲ ﻭﺷﻲ .. ﻗﺖ ﺃﻗﻮﻝ ﻭﻗﻊ .. ﻃﻴﻨﺔ ﺍﻟﺠﺪﺍﻭﻝ ﻣﺎﻫﺎ ﺯﻱ ﻃﻴﻨﺔ ﺟﺴﺎﺭﺗﻚ ﻳﺎ ﺑﻠﺪ ﻭﺍﻟﻜﻞ ﻃﻴﻦ ﻳﺎ ﻧﺒﻮﺕ .. ﺩﻗﺔ ﺗﻔﻮﺕ .. ﻭﻻ ﺣﻠﻢ ﻳﻤﻮﺕ ﺍﻟﻨﻨﺪﻕ .. ﻧﻨﺪﻕ .. ﻧﻨﺪﻕ .. ﻭﻳﻔﻀﻞ ﺑﺎﻗﻲ ﻟﻬﻴﺐ ﺍﻟﺤﻖ ﺣﻖ ﺍﻟﻨﺎﺱ ﻳﻨﺰﻝ ﻓﻲ ﺍﻟﺤﻠﻖ ﺃﻭ ﻳﻨﻌﺎﺭﺽ ﺷﻮﻛﺔ ﺣﻮﺕ ﻳﺎ ﻛﻬﻨﻮﺕ ﺍﻟﻴﺠﻲ ﻛﺎﺑﺮﻭﺕ ﻳﺎ ﺟﺒﺮﻭﺕ ﺍﻟﻴﺠﻲ ﻛﺎﺑﺮﻭﺕ ﻳﺎ ﻛﺎﺑﺮﻭﺕ .. ﻛﺎﺑﺮﻭﺕ .. ﻛﺎﺑﺮﻭﺕ ﻛﺎﺑﺮﻭﺕ ﻋﺸﻢ ﻭﻃﻦ ﺍﻟﻐﻼﺑﺎ .. ﺍﻟﺤﺎﻝ ﺑﻼﻙ ﺗﺐ ﻣﺎ ﺗﺴﺮ ﻣﺎ ﺑﺎﻥ ﺻﺒﺎﺡ ﺃﻭ ﻋﺴﻌﺴﺖ ﻗﺪﺍﻣﻨﺎ ﻟﻴﻠﺔ ﺗﺰﻳﺪﻧﺎ ﺿﺮ ﺃﻭﺗﺎﺭﻧﺎ ﻳﺎ ﺁﺧﺮ ﺍﻟﻐﻨﺎ .. ﺣﺮﺩﺍﻥ ﻋﺸﻴﺎﺗﺎ ﺍﻟﻨﻐﻢ ﻓﺮﻏﺖ ﻣﺠﺎﻟﺴﻨﺎ ﺍﻟﺒﻼﻙ .. ﻋﻨﻜﺐ ﻋﻠﻰ ﺃﺑﻮﺍﺑﺎ ﺍﻟﺴﺄﻡ ﺃﻧﺰﺡ .. ﻛﻔﺎﻧﺎ ﻛﻀﺐ ﺭﻳﺎﺡ ﻭﺑﻜﺎﺀ ﺭﻋﻮﺩ ﻭﺿﺤﻚ ﺑﺮﻕ ﺍﻟﻌﺸﺐ ﻣﺎﻟﻲ ﺣﺸﺎ ﺍﻷﺭﺍﺿﻲ .. ﺣﻮﺍﻫﻮ ﻟﻤﺎ ﺍﻟﻌﺶ ﺣﺮﻕ ﺍﻟﺸﻌﺐ ﺣﻲ .. ﺑﺲ ﻛﻴﻒ ﺗﺼﺪ .. ﻳﻤﻼﺑﻚ ﺍﻟﻤﻠﻴﻮﻥ ﻋﺮﻕ ﻛﺪﺑﻨﺎ ﻓﻲ ﺍﻟﺜﺮﻯ ﻓﻲ ﺭﺟﺎﻙ .. ﻣﺎﻓﻴﻨﺎ ﺯﻭﻻً ﻣﺎ ﻋﺮﻕ ﻛﺪﺑﻨﺎ ﻓﻲ ﺍﻟﺜﺮﻯ ﻓﻲ ﺭﺟﺎﻙ .. ﺳﺎﻭﻳﻦ ﻋﺼﺎ ﺍﻷﺷﻮﺍﻕ ﻣﺮﻕ ﻋﺮﺑﺎﻥ ﻭﻧﻮﺑﺔ ﻧﻬﺎﺗﻲ ﺑﻴﻚ .. ﻭﺍﻟﺰﻧﺞ ﺗﺘﻤﻨﺎﻙ ﻋﺘﻖ ﻭﺭﺍ ﻳﺎ ﻭﺟﻊ .. ﻫﻴﺎ ﻳﺎ ﻃﻠﻖ .. ﻃﻠﻖ .. ﻃﻠﻖ ﺻﺪ ﻟﻲ ﻣﻼﻣﺤﻚ ﻳﺎ ﺣﺮﺍﺯ .. ﺭﻳﺢ ﺍﻟﻌﻮﺍﺭﺽ ﻏﺮﺑﺖ ﻓﺮﺗﻖ ﺿﻔﺎﻳﺮﻙ ﻓﻲ ﺍﻟﺮﺫﺍﺫ .. ﺟﻴﺔ ﺍﻟﻌﺼﺎﻓﻴﺮ ﻗﺮﺑﺖ ﻻﻗﻴﺘﺎ ﻓﻲ ﻏﺎﺑﺔ ﻣﺪﻳﻨﻲ .. ﻭﺳﻂ ﺷﺘﻴﻠﺔً ﺣﺒﺤﺒﺖ ﻋﻠﻰ ﻋﺶ ﺻﻐﺎﺭﺍ ﺍﻟﺪﻭﺏ ﺣﺒﺖ ﻣﺎ ﻭﻗﻒ ﺍﻟﻠﻴﻞ ﻻ ﺍﻟﻬﺠﻴﺮ .. ﻛﻢ ﺟﻒّ ﺭﻳﻘﺎ ﻭﻭﺭﺗﺒﺖ ﻻﻗﺖ ﻣﻦ ﺍﻟﻌﻨﺖ ﺍﻟﻜﺘﻴﺮ .. ﻣﻠﺖ ﺍﻟﻔﻴﺎﻓﻲ .. ﺃﺣﺪٌ ﺃﺣﺪْ ﻓﺎﻳﺪﺓ ﺟﻨﺎﺣﻲ ﺑﻼ ﺃﻃﻴﺮ .. ﺍﻟﻤﻮﺕ ﻭﻻ ﺍﻟﻌﻴﺸﻲ ﺍﻟﻨﻜﺪ ﺑﺎﻟﺼﺮﺧﺔ .. ﻳﺎ ﻧﻴﻞ ﻣﺪﺩ .. ﻳﺎ ﻏﻴﺚ ﻣﺪﺩ .. ﻣﺪﺩ .. ﻣﺪﺩ ﻧﺪﻯ ﺩﻣﺮ ﻧﺎﺩﻭﺱ ﻭﻧﺸﻮﻏﺎ ... ﻭﺧﻠﻲ ﺍﻟﻨﺎﺱ ﺍﻟﺼﺒﺤﺖ ﻳﻮﻡ ﻣﻦ ﺣﻴﺎﺕ ﺍﻟﺨﻮﺭ ﻣﻠﺪﻭﻏﺔ ﺧﻠﻰ ﺍﻟﺼﻮﺕ ﺍﻟﻜﺒﺘﻮ ﺍﻟﺠﻮﻉ ﻳﻠﻘﻰ ﺑﺮﺍﺣﻮ .. ﻳﻀﻮﻉ ﻭﻳﻀﻮﻉ ﺍﻟﺼﻮﺕ ﺍﻟﻌﺎﻟﻲ .. ﻳﺎ ﺻﻮﺕ ﺍﻟﻨﺎﺱ ﺍﻟﺘﺤﺖ ﺍﻟﻮﺍﻃﻲ ﺍﻟﻤﺎ ﻣﺴﻤﻮﻉ ﻧﻮﺭﺍﻱ ﻣﺤﻤﺪ ﺍﻟﺤﺴﻦ ﺣﺴﻦ ﺳﺎﻟﻢ )ﺣﻤﻴﺪ( ﺍﻟﺸﻮﻕ ﻣﻦ ﺣﺎﺻﻒ .. ﻻ ﻗﺎﺻﻒ ﻳﺘﻠﻢّ .. ﻳﻬﺰ ﻟﻴﻚ ﻳﺎ ﻧﻮﺭﺍﻱ ﻳﺎ ﺩﺭﻗﺔ ﻭﺳﻴﻒ ﻳﺎ ﺣﻀﻨﺎً ﻛﻴﻒ ﻣﻦ ﺷﺮ ﺍﻟﺼﻴﻒ ﻭﺍﻟﺸﺘﺎ ﺿﺎﺭﺍﻱ .. ﺿﺎﺭﺍﻱ ﻳﺎ ﺷﻌﻠﺔ ﻋﺰ ﺑﻘﺖ ﺟﻮﺍﻱ ﻋﺪّﺕ ﺑﻲ ﺿﻼﻡ ﺑﺤﺮﺍً ﻋﺎﺻﻒ ﻳﺎ ﻧﻮﺭ ﻗﺎﻋﺪ ﺑﻚ .. ﻗﺎﻳﻢ ﺑﻚ ﺷﺎﻳﻠﻚ ﻣﻮﺭﻭﺩﺓ ﻭﻣﺘﻮﻛﻞ ﻳﺎ ﻧﻮﺭﺓ ﻋﻠﻴﻨﺎ .. ﻋﻠﻰ ﺍﻟﻠﻪ ﻭﺍﻟﻔﺮﺝ ﺍﻟﻘﺮﺏ .. ﻭﺣﺎﻳﻢ ﺑﻚ ﻳﺎ ﺑﺖ ﺍﻟﻌﺮﺏ ﺍﻟﻨﻮﺑﻴﺔ ﻳﺎ ﺑﺖ ﺍﻟﻨﻮﺑﺔ ﺍﻟﻌﺮﺑﻴﺔ ﻳﺎ ﻓﺮﺩﺓ ﻧﺨﻮﺓ ﺑﺠﺎﻭﻳﺔ ﺃﻭ ﺷﺪﺭ ﺍﻟﺼﺤﻮﺓ ﺍﻟﺰﻧﺠﻴﺔ ﺩﺳﻴﻨﻲ ﻣﻦ ﺍﻟﺰﻣﻦ ﺍﻟﻔﺎﺭﻍ .. ﻣﻦ ﺭﻭﺡ ﺍﻟﻤﺘﻌﺔ ﺍﻟﻮﻗﺘﻴﺔ ﻣﻦ ﺷﺮ ﺍﻟﺴﺎﺣﻖ ﻭﺍﻟﻤﺎﺣﻖ .. ﺑﻴﻦ ﺩﺑﺶ ﺍﻟﻤﺪﻥ ﺍﻟﻤﺪﻋﻴﺔ ﻭﺍﻟﻠﻴﻞ ﻳﺘﺤﻜﺮ ﺑﻴﻨﺎﺗﺎ ﻛﺤّﻞ ﺑﻲ ﺩﺑﺸﻮ ﻋﻮﻳﻨﺎﺗﺎ ﻳﺎ ﺷﻤﺲ ﺍﻟﻨﺎﺱ ﺍﻟﻤﺴﺒﻴﺔ ﺭﻭﺣﺖ ﺍﺗﻨﺴﻢ ﺃﺧﺒﺎﺭﻙ .. ﻻ ﺗﺸﻔﻖ ﻗﺎﻟﻮ ﻟﻲ ﻧﺼﻴﺤﻲ ﻭﺃﻧﺎ ﻋﺎﺭﻓﻚ ﻣﻤﻜﻮﻧﺔ ﻭﺻﺎﺑﺮﺓ .. ﻟﻜﻦ ﻟﻲ ﻧﺎﺱ ﺇﻻ ﺗﺼﻴﺤﻲ ﺟﻮﺍﻱ ﻣﺄﺳﺎﺗﻚ ﻣﻐﺮﻭﺳﺔ .. ﻳﺎ ﻃﻔﻠﺔ ﺗﻔﺘﺶ ﻓﻲ ﺑﺎﻛﺮ ﻣﺎ ﺑﻴﻨﺎﺕ ﻧﺨﻠﺔ ﻭﺃﺑﻨﻮﺳﺔ ﺍﻟﺠﻮﻉ ﺍﻟﻌﻄﺶ ﺍﻟﻔﺪ ﻭﺍﺣﺪ .. ﺍﻟﻔﻘﺮ ﺍﻟﻀﺎﺭﺏ ﺯﻱ ﺳﻮﺳﺔ ﺍﻟﺨﻮﻑ ﻭﺍﻟﺤﺎﻟﺔ ﺍﻟﻤﻨﺤﻮﺳﺔ ﻳﺎ ﺑﺤﺮ ﺍﻟﺤﺎﺻﻞ .. ﻻﻙ ﻧﺎﺷﻒ .. ﻻ ﻗﻠﻤﻲ ﺍﻟﻔﻲ ﺇﻳﺪﻱ ﻋﺼﺎ ﻣﻮﺳﻰ ﻳﺎ ﺍﻡ ﻏﻠﺒﺎً ﺣﺎﺭ .. ﻳﻨﺒﺮ ﻓﻴﻨﺎ .. ﻣﺎ ﻋﺪّ ﺻﺒﺎﺡ ﻣﻦ ﻫﺎ ﺍﻟﻤﻴﻨﺎﺀ ﻛﺪ ﺍﻟﻜﺪﺍﺡ ﺷﺎﻳﻼ ﺳﻔﻴﻨﺔ ﺍﻟﻨﺎﺱ ﻋﻮﺟﺎﺕ .. ﺗﺤﺮﺱ .. ﺗﺮﺟﺎ ﺗﺮﺟﻌﺒﻮ ﺳﻼﺡ ﻭﺃﻧﻮﺍﺭ ﺯﻳﻨﺔ ﺑﻤﺒﺎﻥ .. ﺷﻮﻓﻮﻧﻴﺮ .. ﺁﻓﺎﺕ .. ﻭﻳﺴﻜﻲ .. ﻟﻠﻨﺎﺱ ﺍﻟﺪّﻣّﻨﺎ ﺑﻨﺰﻳﻨﺎ ﻓِﻘَﺮﺍً ﺗﺴﺘﺮﺯﻕ ﻣﻦ ﺩﻳﻨﺎ ﺑﺎﻳﺮﻛﺲ ﺇﺑﺮﻳﻘﻦ .. ﻭﺍﻟﻤﻮﻳﺔ ﺗﺘﺤﺪﻯ ﺑﻴﺎﺽ ﺍﻟﻮﺯﻳﻨﺔ ﺧﺮﺯﺍﺕ ﺍﻟﺴﺒﺤﺔ ﺃﻣﺮﻳﻜﻴﺔ .. ﺧﺼﻞ ﺍﻟﻤﻮﻛﻴﺖ ﺇﻳﻄﺎﻟﻴﺔ ﺩﻓﺘﺮ ﺷﻴﻜﺎﺗﺎً ﺭﺑﻮﻳﺔ .. ﻓﻲ ﺍﻟﺠﻴﺐ ﻭﺍﻟﺴﻴﺮﺓ ﺍﻟﻨﺒﻮﻳﺔ ﺟﻨﺐ ﻣﺼﺤﻒ ﺟﻮﺓ ﺍﻟﺒﺘﺮﻳﻨﺔ ﺗﺒﺮﻭﻗﺘﻚ ﺩﻳﻤﺔ ﻋﻠﻰ ﺍﻟﻘﺒﻠﺔ .. ﻣﻴﻬﻴﺠﺔ ﺇﺑﺮﻳﻘﻚ ﺑﻲ ﻃﻴﻨﺎ ﺍﻟﺴﺒﺤﺔ ﺃﺻﺎﺑﻌﻚ ﻳﺎ ﺻﺎﻟﺤﺔ .. ﻳﺎ ﺑﺖ ﺍﻟﻨﺎﺱ ﺍﻟﺼﺎﻟﺤﻴﻦ ﺍﻟﺬﻣﻢ ﺍﻟﻤﺸﺮﻳﺔ ﺍﻟﻄﺎﻟﺤﺔ ... ﺷﺘﺎﻥ ﺑﻴﻦ ﺩﻳﻨﻚ ﻭﺑﻴﻦ ﺩﻳﻨﺎ ﺷﺘﺎﻥ ﺑﻴﻦ ﺃﺣﻤﺪ ﻭﺣﺎﺝ ﺃﺣﻤﺪ .. ﻭﻗﺪﺍﺱ ﻧﺎﺱ ﻳﺎﻱ ﻭﺳﻼﻃﻴﻨﺎ ﺷﻠﻨﺎﻛﻲ ﻣﻊ ﺍﻟﺨﻠﻖ ﺍﻟﻨﺎﻳﺤﺔ ﻋﻠﻰ ﺃﺭﺽ ﻓﻠﺴﻄﻴﻦ ﺍﻟﻔﺎﺗﺤﺔ ﺍﻟﺒﺮﻛﺔ ﻓﻲ ﺭﻣﻠﻚ ﻳﺎ ﺳﻴﻨﺎﺀ ﻳﺎ ﻧﻮﺭﺓ ﺷﻠﻴﻠﻚ ﻣﺎ ﻓﺎﺕ ﺑﻲ ﻋﺪﻟﻮ ﺷﻠﻴﻠﻚ ﺟﺎﻳﻴﻜﻲ .. ﻣﺎ ﺟﺎﻳﻲ ﺃﻟﻢ ﺍﻟﺘﻤﺮﺍﺕ ﻻ ﺃﺑﻜﻲ ﻭﺃﻗﺎﺑﻞ ﺑﺎﻟﻔﺎﺗﺤﺔ .. ﻓﻲ ﺯﻭﻻً ﻟﻴّﺎ ﻣﺮﺽ .. ﻣﺎﺕ ﺟﺎﻳﻴﻚ ﺃﺗﺰﻭﺩ ﻣﻦ ﻏﻠﺒﻚ .. ﻭﺃﻛﻔﺮ ﺧﻄﺄ ﻏﻴﻤﺔً ﻣﺎ ﺟﺎﺕ ﻧﺒﺤﺖ ﻟﻬﺎ ﻛﻞ ﺍﻟﻤﻌﻤﻮﺭﺓ ﻭﺍﻟﻨﺎﺱ ﻳﻮﻡ ﺗﻤﺮﻕ ﻣﺪﺧﻮﺭﺓ ﻳﺎ ﻧﻮﺭﺓ ﻧﺴﻴﻠﻚ ﻏﻨﻮﺍﺕ ﻭﺁﻣﺎﻝ ﺑﻲ ﺑﺎﻛﺮ ﻣﻀﻔﻮﺭﺓ .. ﻃﻼﺑﻚ ﻭﺃﻗﻼﻣﻨﺎ ﻫﻮﻳﺘﻚ .. ﻗﺪﺍﻣﻨﺎ ﻗﻀﻴﺘﻚ ﺳﺒﻮﺭﺓ ﺭﺗّﺒﻨﺎ ﺍﻟﺨﺮﻃﺔ ﺍﻟﺒﺘﻮﺻﻞ .. ﺃﺩِّﻳﻨﺎ ﺍﻟﺨﺎﻃﺮ ﻳﺎ ﻧﻮﺭﺓ ﺑﺎﻟﻤﺪ ﺍﻟﺜﻮﺭﻱ ﺍﻟﻤﺘﺪﺍﻓﻊ .. ﻓﻮﻕ ﺩﺭﺑﻚ ﺗﺐ ﻣﺎ ﻣﺘﺮﺍﺟﻊ ﺭﻏﻤﺎً ﻋﻦ ﻋﻨﺖ ﺍﻷﻳﺎﻡ .. ﻭﺍﻟﺰﻣﻦ ﺍﻟﺠﻬﺠﺎﻩ ﺍﻟﻔﺎﺟﻊ ﻣﺎ ﺭﻣﻞ ﺍﻟﺪﺭﺏ ﺍﻟﻮﺳﻄﺎﻧﻲ .. ﻭﻛﺘﻴﻨﻲ ﺍﻟﺮﺍﺣﻞ ﻭﺻﺎﻧﻲ ﻻ ﺗﺮﺟﻊ ﺳﺎﻛﺖ ﻳﺎ ﺷﺎﻓﻊ ﻻ ﺗﺮﺟﻊ ﺷﺎﻓﻊ ﻳﺎ ﺳﺎﻛﺖ ﺧُﺖْ ﺑﺎﻟﻚ ﻭﻋﻴﻨﻚ ﻓﻲ ﺍﻟﺸﺎﺭﻉ ﻻ ﺗﺮﺟﻊ .. ﻻ .. ﻻ ﺍﻟﺸﺎﺭﻉ ﻓﺎﺗﺢ ﻓﻲ ﺍﻟﺸﺎﺭﻉ ﺍﻟﺸﺎﺭﻉ ﺻﺎﻥ .. ﺻﺎﻥ ﺍﻟﺸﺎﺭﻉ ﺟﺎﻳﻴﻚ ﻛﺎﻳﺴﻠﻚ ﻳﺎ ﻧﻮﺭﺓ .. ﻻ ﻛُﺖْ ﻣﺘﺴﻮﻝ ﻻ ﺻﺎﻳﻊ ﻟﻜﻦ ﺍﻟﻌﺴﻜﺮ ﺑﺎﻏﺘﻨﻲ .. ﻳﺎ ﻧﺤﺲ ﺍﻟﺤﻠﻢ ﺍﻟﺒﺎﺧﺘﻨﻲ ﻳﺎ ﻋﻔﻦ ﺍﻷﻳﺪﻱ ﺍﻟﻤﺄﺟﻮﺭﺓ ﻧﻮﺭﺍﻱ ﺍﻟﺨﻄﻮﺓ ﺍﻟﺠﺎﺑﺘﻨﻲ ﻟﻠﻤﺪﻥ ﺍﻟﺼﺒﺤﺖ ﻣﻬﺠﻮﺭﺓ ﻳﺎ ﻧﺎﺳﻲ ﺑﻄﺎﻗﺘﻲ ﻋﻮﻳﻨﺎﺗﺎ ﺍﻟﺒﻀﻬﺐ ﻋﻨﻚ ﺑﻴﻨﺎﺗﺎ ﺗﻠﻤﺤﻨﻲ ﺍﻟﻔﻘﺮﺍﺀ .. ﻭﺗﻠﻔﺤﻨﻲ ﻓﻲ ﻟﻴﻠﻬﺎ ﺃﻏﻨﻲ ﻣﻌﺎﻧﺎﺗﺎ ﺍﻟﻔﺠﺮ ﺍﻟﻜﺎﺫﺏ ﻳﺮﺷﺤﻨﻲ ﺗﺮﺷﻊ ﺑﻲ ﺍﻟﻮﺍﻃﺔ ﺳﻤﺎﻭﺍﺗﺎ ﺷﺪﺭﺍﺕ ﺍﻟﺴﺎﻓﻞ ﺗﻨﺘﺤﻨﻲ ﺑﻲ ﺍﻟﺤﺎﺻﻞ ﺃﻋﺒﻲ ﻣﺴﺎﻣﺎﺗﺎ ﺍﻟﻨﺎﺱ ﺍﻟﻘﺼﺮ ﺗﻨﺼﺤﻨﻲ ﺃﺗﻜﺎﺟﺮ ﺃﺗﻮﺭ ﻧﺠﻤﺎﺗﺎ ﺍﻟﻘﻤﺮ ﺍﻟﻄﻴﺐ ﻳﻔﻀﺤﻨﻲ ﺗﻨﺒﺤﻨﻲ ﺳﺠﻮﻧﻚ ﻭﺁﻫﺎﺗﺎ ﻛَﺠّﻨّﺎ ﺳﺠﻮﻧﻚ ﻟﻮﻻﻙ ﻛﻢ ﻋﺸﻘﺎً ﻳﺘﻴﺮﺏ ﻭﺍﻃﺎﺗﺎ ﻣﻨﻌﻮﻝ ﺍﻟﺰﻣﻦ ﺍﻟﺨﻼﻛﺎ ﺳﻠﻤﺖ ﺍﻟﻮﻃﻦ ﺍﻟﻬﻤﺒﺎﺗﺔ ﻋﻠﻰ ﻛﻴﻔﻚ ﺳﻴﻔﻚ ﻳﺘﺤﻜﻢ ﻳﺎ ﺳﻮﺱ ﺗﻜﻨّﻚ ﻣﺎ ﺑﺘﻌﻠﻢ ﺑﻲ ﺷﺘﻠﺔ ﺗﻘﺮﺏ ﺗﺘﻜﻠﻢ ﻳﺎ ﺣﺎﻝ ﺍﻟﺒﺘﺄﻟﻢ ﻭﺳﺎﻛﺖ ﻳﺎ ﺣﺎﻝ ﺍﻟﺴﺎﻛﺖ ﻭﺑﺘﺄﻟﻢ ﺑﺘﻔﺘﻖ ﺟﺮﺣﻚ ﻳﻮﻡ ﻧﺒﺮﺃ ﻭﻧﺘﻤﻠﻰ ﻭﻗﻴﺪﻙ ﻳﻨﺤﻄﻢ ﻭﻳﻦ ﻋﺎﺗﺐ ﻫﺎﺭﺏ ﻣﻦ ﺑﻜﺮﺓ ﻭﺧﻄﻮ ﺍﻟﺘﺎﺭﻳﺦ ﺍﻟﺒﺘﻘﺪﻡ ﻟﻠﺰﻣﻦ ﺍﻹﻧﺴﺎﻧﻲ ﺍﻟﺴﺪﺭﺓ ﺣﺎ ﻳﻮﻗﻒ ﻗﻮﻟﻮ ﻭﻣﺎ ﺑﻴﺮﻏﻢ ﺍﻟﻤﻨﻔﻰ ﻓﻲ ﺷﺮﻋﻮ ﻛﻤﺎ ﺍﻟﻬﺠﺮﺓ ﻭﺍﻟﺴﺠﻦ ﻣﺘﻞ ﺩﺍﺭ ﺍﻷﺭﻗﻢ ﻭﺍﻟﺸﺎﺭﻉ ﻗﺎﺭﻥ ﻓﻲ ﺍﻟﺸﺎﺭﻉ ﺭﻏﻤﺎً ﻋﻦ ﻋﻨﺖ ﺍﻷﻳﺎﻡ ﻭﺍﻟﺰﻣﻦ ﺍﻟﺠﻬﺠﺎﻩ ﺍﻟﻔﺎﺟﻊ ﺑﺎﻟﻨﻔﺲ ﺍﻟﻨﺎﺯﻝ ﻭﺍﻟﻄﺎﻟﻊ ﻭﺃﻧﺎ ﻭﺍﺣﺪ ﻣﻦ ﺷﻌﺐ ﻣﻀﺎﺭﻉ ﺳﻤﻴﺖ ﻭﻣﺸﻴﺖ ﻣﺎ ﻣﺘﺮﺍﺟﻊ ﻏﻨﻴﺘﻚ ﻳﺎ ﻋﺸﻘﻲ ﻭﺗﻴﻬﻲ ﻳﺎ ﺑﻼﺩﺍً ﻛﻢ ﺳﻤﺤﺔ ﻭﺟﻴﻬﻲ ﻟﻮ ﻟِﻘَﺖْ ﺍﻟﻨﺎﺱ ﺍﻟﺒﺘﺪﻭﺭﺍ ﺍﻷﻳﺪﻱ ﺍﻟﺘﻨﻔﺾ ﻛﺎﻧﺪﻳﻜﺎ ﺗﻨﻘﺰ ﺗﻠﺤﻘﺎ ﻓﻲ ﺍﻟﻜﺎﻧﺪﻳﻜﺎ ﺗﺮﺗﺎﻻ ﺗﻜﻮﺱ ﻟﻬﺎ ﻓﻲ ﺍﻟﺠﻴﻬﻲ ﻧﻮﺭﺓ ﻭﺍﻟﺤﻠﻢ ﺍﻟﻤﺪﺭﺩﺡ ﻣﺤﻤﺪ ﺍﻟﺤﺴﻦ ﺣﺴﻦ ﺳﺎﻟﻢ )ﺣﻤﻴﺪ( ﻫﻲ .. ﺃﻗﻴﻔﻦ .. ﻧﻮﺭﺓ ﻓﻴﻜﻦ ﻧﻮﺭﺓ ﻧﻘﺎﺣﺔ ﺍﻟﺠﺮﻭﻑ .. ﻧﻮﺭﺓ ﺣﻼﺑﺔ ﺍﻟﻠﺒﻴﻨﻲ .. ﻟﻠﺼﻐﻴﺮﻳﻦ ﻭﺍﻟﻀﻴﻮﻑ ﻧﻮﺭﺓ ﺳﺎﻋﺔ ﺍﻟﺤﺮ ﻳﻮﻟﻊ .. ﺗﻨﻘﻠﺐ ﻧﺴﻤﺔ ﻭﺗﻄﻮﻑ ﺗﺪﻱ ﻟﻠﺠﻴﻌﺎﻥ ﻟﻘﻴﻤﺔ ﻭﺗﺪﻱ ﻟﻠﻌﻄﺸﺎﻥ ﺟﻐﻴﻤﺔ ﻭﺍﻟﻤﺨﻠﻲ ﺍﻟﺤﺎﻝ ﻣﺼﻨﻘﺮ .. ﻓﻲ ﺗﻘﺎﺓ ﺍﻟﻠﻴﻞ ﺗﻨﺪﻗﺮ .. ﺗﺪﻱ ﻟﻲ ﺑﺎﻛﺮ ﺑﺴﻴﻤﺔ ﺗﻜﺴﻲ ﻟﻠﻤﺎﺷﻴﻦ ﻋﺮﺍﻳﺎ ﻭﻓﻮﻗﺎ ﺇﻧﻘﻄﻊ ﻫﺪﻳﻤﺎ ﻣﺎ ﻋﺮﻓﺘﻦ ﻧﻮﺭﺓ ﺇﻧﺘﻦ .. ﻗﻮﻟﻦ ﺇﻧﺘﻦ ﺷﻦ ﻋﺮﻓﺘﻦ ﻧﻮﺭﺓ ﺑﺖ ﺍﻟﻮﺍﻃﺔ ﺃﺧﻴﺘﻲ .. ﻧﻮﺭﺓ ﺍﺧﺖ ﻛﻞ ﺍﻟﻐﻼﺑﺔ ﻧﻮﺭﺓ ﺣﺎﺣﺎﻳﺔ ﺍﻟﺸﻘﺎﻭﺓ .. ﻧﻮﺭﺓ ﻫﺪﺍﻳﺔ ﺍﻟﻀﻬﺎﺑﺔ ﺍﻻﺭﺍﺿﻲ ﺍﻟﻴﺎﻣﺎ ﺃﺩﺕ .. ﻧﻮﺭﺓ ﺑﻘﺖ ﻣﻦ ﺗﺮﺍﺑﺎ ﻭﻣﺎﺷﻲ ﻓﻲ ﺍﻷﻋﻤﺎﻕ ﺳﺤﺎﺑﺎ ﻣﺸﺘﻬﻨﻬﺎ .. ﻭﺍﻟﻠﻪ ﺟﺎﺑﺎ ﻟﻠﺠﻨﻮﺏ ﻃﺒﻼً ﻳﻬﺪﻫﺪ .. ﻟﻲ ﻣﺸﺎﻋﺮ ﻧﺎﺱ ﺗﻌﺎﺑﺔ ﻭﻟﻠﺸﻤﺎﻝ ﻃﻨﺒﻮﺭ ﻳﺴﻜﺖ .. ﺩﻣﻌﺔ ﺍﻟﻤﻴﺘﻴﻦ ﻛﺂﺑﺔ ﻣﺎ ﻋﺮﻓﺘﻦ ﻧﻮﺭﺓ ﺇﻧﺘﻦ .. ﻗﻮﻟﻦ ﺇﻧﺘﻦ ﺷﻦ ﻋﺮﻓﺘﻦ ﻧﻮﺭﺓ ﻋﺎﻳﺰ ﺗﻘﺮﺃ ﻗﺎﻟﺖ ﻓﻮﻗﺎ ﺣﻴﻄﺔ ﺍﻟﺪﻧﻴﺎ ﻣﺎﻟﺖ ﺧﺘﺖ ﺍﻟﻜﺮﺍﺱ ﻭﺷﺎﻟﺖ ﻣﻨﺠﻼً ﺻﺎﻟﺖ ﺑﻪ ﺟﺎﻟﺖ ﻻﻣﻦ ﺇﻧﺠﺮﺣﺖ ﺑﻪ ﺷﺎﻟﺖ ﻟﻠﺘﺮﺍﺏ ﻓﻮﻕ ﺇﻳﺪﺍ ﻛﺎﻟﺖ ﻭﻣﺮﺓ ﻳﻮﻡ ﻓﻲ ﺍﻟﺪﻭﻧﻜﺎ ﻟﺪﻏﺖ ﺟﺎﺀ ﺍﻟﻔﻘﻴﺮ ﺑﺎﻟﻠﻴﻞ ﺣﻮﺍﻫﺎ ﻭﻳﻮﻡ ﻣﻼﻫﺎ ﺍﻟﻬﻢ ﻗﻄﺎﻳﻊ .. ﺟﺎﺀ ﺍﻟﺒﺼﻴﺮ ﺑﺎﻟﻨﺎﺭ ﻛﻮﺍﻫﺎ ﻭﻧﻮﺭﺓ ﻣﺎ ﻗﺪﺭﺕ ﺗﻤﺎﻧﻊ .. ﺗﻘﻨﻊ ﺍﻟﻨﺎﺱ ﺍﻟﻤﻌﺎﻫﺎ ﻭﻣﺮﺓ ﺷﺎﻓﺖ ﻓﻲ ﺭﺅﺍﻫﺎ ﻃﻴﺮﺓ ﺗﺎﻛﻞ ﻓﻲ ﺟﻨﺎﻫﺎ ﺣﻴﻄﺔ ﺗﻨﻤﻐﻰ ﻭﺗﻔﻠﻊ .. ﻓﻲ ﻗﻔﺎ ﺍﻟﺰﻭﻝ ﺍﻟﺒﻨﺎﻫﺎ ﻓﻲ ﺟﻨﻴﻨﺔ ﺳﻴﺪﻱ ﺳﻤﻌﺖ .. ﺗﻤﺮﺓ ﺗﺼﻘﻊ ﻟﻠﻮﺭﺍﻫﺎ ﺍﻷﺭﺽ ﻻﺑﺪ ﺗﺮﺟﻊ ﻟﻠﺘﻌﺐ ﻓﻮﻗﺎ ﻭﺭﻋﺎﻫﺎ ﺷﺎﻓﺖ ﺍﻟﻨﻴﻞ ﻣﻮﺟﻮ ﻻﻫﺎ ﺍﻟﺨﻠﻴﻘﺔ ﺑﻘﺖ ﺇﻻﻫﺎ ﺍﻟﺸﻤﺲ ﻃﺒﻘﺖ ﺿﺤﺎﻫﺎ ﻧﺎﺭ ﻋﻘﺎﺏ ﺇﻧﺴﺎﺏ ﻣﻜﺴﺮ .. ﻓﻮﻕ ﺗﻜﻠﻴﺎﺕ ﻣﺘﺎﻫﺔ ﻭﺿﻮ ﻣﻦ ﺍﻟﻠﻪ .. ﺭﻫﺎﺏ ﻣﻜﺘﻒ ﻓﻲ ﻭﺗﻴﺪ ﺍﻟﻠﻴﻞ ﻣﻌﺎﻫﺎ ﺑﻴﻦ ﺣﻀﺮ ﺑﻠﺪﺍ ﻭﺧﻼﻫﺎ ﻓﺴﺮﺕ ﻟﻠﻨﺎﺱ ﺭﺅﺍﻫﺎ ﻭﻗﺎﻟﻮﺍ ﺟﻨﺖ ﻭﻣﻮ ﺑﺮﺍﻫﺎ ﻭﻧﻮﺭﺓ ﺯﺍﺩﺕ ﻓﻮﻕ ﺷﻘﺎﻫﺎ ﻭﺻﺪﺕ ﺍﻷﻳﺎﻡ ﺗﺨﺶ ﺗﺒﻨﻲ ﻟﻲ ﻋﺼﻔﻮﺭﺓ ﻋﺶ ﻓﻲ ﺍﻟﺴﻮﺍﻗﻲ ﺗﺸﻮﻑ ﻋﺰﺍﻫﺎ ﻟﻤﺎ ﺷﻮﻗﺎ ﻳﺴﻮﻱ .. ﻭﺵ ﺗﺴﻘﻲ ﺗﺰﺭﻉ ﺗﺴﻌﻰ ﺗﺼﻨﻊ ﻟﻠﻨﻬﺎﺭ ﻓﻲ ﺍﻟﻠﻴﻞ ﺗﺨﺶ ﻋﺮﻓﺖ ﺍﻟﺸﻘﺎ ﻭﺍﻟﺸﻘﺎﻭﺓ ﺇﻻ ﻣﺎ ﻋﺮﻓﺖ ﺗﻐﺶ ﺷﺎﻳﻠﺔ ﻃﻮﻟﺔ ﺍﻟﺒﺎﻝ ﻣﻦ ﺍﻟﻠﻪ .. ﻭﻣﻦ ﺃﺭﺍﺿﻴﻨﺎ ﺍﻹﺛﺎﺭﺓ ﻭﻣﺎﺷﻲ ﺗﻜﺪﺡ ﻃﻮﻝ ﻧﻬﺎﺭﺍ ﻭﺗﺮﺟﻰ ﻟﻤﺎ ﺍﻟﻠﻴﻞ ﻳﻔﻠﻞ .. ﺗﺴﺮﻕ ﺃﻟﻤﻲ ﻋﺸﺎﻥ ﺧﺪﺍﺭﺍ ﻋﺸﺎﻥ ﺻﻐﺎﺭﺍ ﻭﻟﻤﺎ ﺗﺮﺟﻊ ﻟﻲ ﺩﻳﺎﺭﺍ ﺗﻨﺰﻑ ﺃﺣﻼﻡ ﺍﻟﻔﻘﺎﺭﻯ ﻣﻦ ﻋﻮﻳﻨﺎﺗﺎ ﺍﻟﺤﻴﺎﺭﻯ ﻟﻲ ﻏﺒﺎﺭ ﺍﻟﺤﺎﻝ ﺗﻘﺶ ﻓﻮﻗﻮ ﻟﻶﻣﺎﻝ ﺗﺮﺵ ﻧﻮﺭﺓ ﺗﻘﻌﺪ ﺻﺎﺣﻲ ﺗﺤﻠﻢ .. ﺑﻲ ﺑﻴﻮﺕ ﺑﻲ ﻧﻮﺭ ﻭﺩﺵ ﻭﺑﺎﻟﻤﺤﺒﺔ ﺗﺸﻖ ﺩﺭﻭﺑﺎ .. ﻭﻟﻲ ﻗﻠﻮﺏ ﺍﻟﻜﻞ ﺗﺨﺶ ﻧﻮﺭﺓ ﺗﺤﻠﻢ ﺑﻲ ﻭﺟﻮﺩ ﻣﺎ ﻣﺸﺖ ﺑﻴﻨﻮ ﺍﻟﻘﻴﻮﺩ ﺃﻓﻀﻞ ﺃﻓﻀﻞ ﺑﻲ ﻛﺘﻴﺮ .. ﺑﻲ ﻭﻃﻦ ﻣﻦ ﻏﻴﺮ ﺣﺪﻭﺩ ﻧﻮﺭﺓ ﺗﺤﻠﻢ ﺑﻲ ﻋﻮﺍﻟﻢ ﺯﻱ ﺭﺅﻯ ﺍﻷﻃﻔﺎﻝ ﺣﻮﺍﻟﻢ ﻻ ﺩﺭﺍﺩﺭ .. ﻻ ﻋﺴﺎﻛﺮ .. ﻻ ﻣﻈﺎﻟﻴﻢ ﻻ ﻣﻈﺎﻟﻢ ﻧﻮﺭﺓ ﺗﺤﻠﻢ .. ﻭﻟﻤﺎ ﺗﺤﻠﻢ ﻧﻮﺭﺓ ﺗﺮﺟﻒ ﻭﻟﻤﺎ ﺗﺮﺟﻒ ﻧﻮﺭﺓ ﺗﺤﻠﻢ .. ﻭﻟﻤﺎ ﺭﻳﺢ ﺍﻟﻮﺍﻗﻊ ﺍﻟﻤﺮ .. ﻟﻲ ﻋﺸﻴﺶ ﺃﺣﻼﻣﺎ ﻳﻨﺴﻒ ﻧﻮﺭﺓ ﺗﻨﺰﻑ ﻭﻟﻤﺎ ﺗﻨﺰﻑ ﺑﺎﻻ ﻳﻬﺘﻒ .. ﻳﻮﻡ ﺣﺎ ﺗﻨﺼﻒ ﻳﻮﻡ ﺣﺎﺗﻨﺼﻒ ﻭﺗﺒﺪﺃ ﺗﺤﻠﻢ .. ﻭﻟﻤﺎ ﺗﺤﻠﻢ ﻧﻮﺭﺓ ﺗﺮﺟﻒ ﻭﻟﻤﺎ ﺗﺮﺟﻒ ﻧﻮﺭﺓ ﺗﺤﻠﻢ ﺻﺎﺣﻲ ﺗﺤﻠﻢ.. ﻭﺻﺎﺡ ﺑﺘﺤﻠﻢ ﺻﺎﺡ ﺑﺘﺤﻠﻢ

ﻋﻴﻮﺷﺔ ﻣﺤﻤﺪ ﺍﻟﺤﺴﻦ ﺣﺴﻦ ﺳﺎﻟﻢ )ﺣﻤﻴﺪ( ﻣﻨﺒﻮﺷﺔ .. ﻣﻨﺒﻮﺷﺔ ﻧﺒﺸﻮﻫﺎ ﻗﺒﺎﻟﻚ .. ﺑﺖ ﺣﺎﻻ ﺯﻱ ﺣﺎﻟﻚ ﻋﻮﺩﻫﺎ ﺇﻧﺒﻌﺖ ﺣﺮﻗﺎﻥ .. ﺯﻱ ﺷﺘﻠﺔ ﻣﻌﻄﻮﺷﺔ ﻋﻴﻨﻴﻬﺎ ﺭﻣﺎﺷﺔ .. ﺃﻡ ﻟﻤﺒﺔ ﻓﺘﺎﺷﺔ ﻣﻦ ﻃﺎﻗﺔ ﺟﺎﺗﺎ ﺍﻟﺮﻳﺢ ﻛﺘﺮ ﺍﻟﺒﻜﺎ .. ﺍﻟﺘﺠﺮﻳﺢ ﺧﻼﻫﺎ ﺩﻋﻤﻮﺷﺔ ﺗﻠﻮﺷﺔ .. ﻭﺍﻟﻼ ﺿﻔﺎﻑ ﺧﻴﻢ ﻋﻠﻴﻬﺎ ﺟﻔﺎﻑ ﺯﻱ ﺻﺮﺧﺔ ﺍﻟﻐﺮﻗﺎﻥ ﻓﻮﻕ ﻣﻮﺟﺔ ﺑﻴﻦ ﻓﻴﻀﺎﻥ ﺷﻌﺮﺍﺗﺎ ﻣﻨﻔﻮﺷﺔ ﻭﺷﻔﻊ ﻣﺒﺎﺭﻳﺎﻫﺎ .. ﻋﻴﻮﺷﺔ .. ﻋﻴﻮﺷﺔ ﺍﻟﻠﻴﻞ ﻫﺪﻳﻤﺎﺗﺎ .. ﻭﺷﻤﺶ ﺍﻟﻠﻪ ﺑﺮﻃﻮﺷﺔ ﺗﺸﺮﺏ ﻣﻦ ﺍﻟﺸﺎﺭﻉ .. ﺗﺎﻛﻞ ﻣﻦ ﺍﻟﻜﻮﺷﺔ ﻋﻴﻮﺷﺔ .. ﻋﻴﻮﺷﺔ ﻭﺗﺮﻗﺺ ﻟﻬﻦ ﺭﻗﺒﺔ ، ﺻﻘﺮﻳﺔ ، ﺟﺎﺑﻮﺩﻱ ، ﺍﻟﺴﺎﻣﺒﺎ .. ﻛﺎﺭﻭﺷﺔ ﻋﻴﻮﺷﺔ .. ﺟﺎﻣﺎﻳﻜﺎ .. ﺍﻟﻬﻮﺭﺱ ﻋﻴﻮﺷﺔ .. ﺍﺳﻠﻮﻟﻲ ﻋﻴﻮﺷﺔ ﻭﻋﻴﻮﺷﺔ ﻣﺎ ﺑﺘﺮﻗﺺ .. ﻟﻜﻨﻬﺎ ﺍﻟﺪﻭﺷﺔ ﻭﺗﻔﻠﺖ ﻣﻦ ﺍﻟﺸﻔﻊ ﻓﻲ ﺍﻟﻔﻠﺘﺔ ﺗﺘﺮﺗﻊ .. ﺗﺪﺧﻞ ﻋﻠﻰ ﺑﻴﺘﺎً .. ﺳﺘﺎﺗﻮ ﻣﻨﻤﺪِّﻱ .. ﻧﺎﺳﺎً ﺑﻌﺮﻓﻮﻫﺎ ﻟﻜﻦ ﺑﻌﺎﻓﻮﻫﺎ ﺩﺍﻳﺮﻳﻦ ﻏﺴﻴﻞ ﻋﺪﻱ .. ﺷﺎﻛﺮﻳﻦ ﻳﺎ ﺩﻗﻠﻮﺷﺔ ﻭﻳﺪﻭﻫﺎ ﻋﻴﺸﺎﻳﻲ ﺑﻲ ﺩﻣﻌﺔ ﻣﺮﺷﻮﺷﺔ ﻭﺗﻨﻤﻠﻚ ﺍﻟﺸﺎﺭﻉ .. ﺧﻄﻮﺍﺗﺎ ﻣﺮﺑﻮﺷﺔ ﺍﻟﺴﻮﻕ ﻣﻊ ﺍﻷﻃﻔﺎﻝ .. ﻋﻴﻮﺷﺔ .. ﻋﻴﻮﺷﺔ ﺍﻟﻠﻴﻞ ﻫﺪﻳﻤﺎﺗﺎ .. ﻭﺷﻤﺶ ﺍﻟﻠﻪ ﺑﺮﻃﻮﺷﺔ ﺗﺸﺮﺏ ﻣﻦ ﺍﻟﺸﺎﺭﻉ .. ﻭﺗﺎﻛﻞ ﻣﻦ ﺍﻟﻜﻮﺷﺔ ﻋﻴﻮﺷﺔ .. ﻋﻴﻮﺷﺔ ﻋﻠﻰ ﻗﺪﺭ ﻣﺎ ﻛﺎﺳﺖ .. ﻋﻴﻨﻴﻬﺎ ﻣﺎ ﻻﻗﺖ ﻏﻴﺮ ﻣﻄﺒﻘﺔ ﻭﺑﺼﻠﺔ ﺍﻟﻤﻄﺒﻘﺔ ﺍﻧﻬﺮﺩﺕ .. ﻭﺍﻟﺒﺼﻠﺔ ﻣﻘﺮﻭﺷﺔ ﻣﺎ ﻗﻠﻨﺎ ﻣﻐﺸﻮﺷﺔ ﻏﺸﻮﻫﺎ ﻗﺒﺎﻟﻚ .. ﺩﻳﺸﻚ ﻳﺎ ﻋﻴﻮﺷﺔ ﻳﺎ ﺍﻟﺤﺎﺿﺮ ﺍﻟﻐﺎﻳﺐ .. ﻓﻲ ﺍﻟﺪﻧﻴﺎ ﻣﺎ ﺟﺎﻳﺐ ﺧﺒﺮ ﺍﻟﻤﺪﻳﻨﺔ ﺍﻟﻜﺎﻥ ﻋﻠﻰ ﺭﻏﻢ ﻣﺎ ﻓﻴﻬﺎ ﻣﻦ ﻓﺎﻗﺔ ﻣﻦ ﺣﺮﻣﺎﻥ ﻣﺮﺍﺕ ﺍﻳﺎﺩﻳﻬﺎ ﺗﻌﻄﻒ ﻋﻠﻰ ﺍﻹﻧﺴﺎﻥ ﺑﻲ ﻓﻜﺔ ﻓﻲ ﻗﺮﻭﺷﺎ ﺑﻲ ﻛﻠﻤﺔً ﻃﻴﺒﺔ .. ﺑﻲ ﻓﻀﻠﺔ ﻓﻲ ﻣﻄﻌﻢ ﺍﻭ ﺑﺮﺗﻜﺎﻧﺎﻳﺘﺎً ﺿﺮﺑﺎﻧﻲ ﻓﻲ ﻛﻮﺷﺔ ﻭﺍﻟﻠﻴﻠﺔ ﺑﺎﻧﺖ ﺯﻱ .. ﺑﻴﺘﺎً ﻓﻲ ﺁﺧﺮ ﺍﻟﺤﻲ .. ﻧﺎﺳﺎﺗﻮ ﻣﻨﺒﻮﺷﺔ ﻳﺎ ﺟﺮﺣﻨﺎ ﺍﻟﺤﺎﻳﻢ .. ﻃﻮﻝ ﺍﻟﻨﻬﺎﺭ ﻫﺎﻳﻢ ﻳﻠﺒﺪ ﺇﺫﺍ ﻣﺎ ﺷﺎﻑ ﺻﺤﺒﺎﻧﻮ ﻣﻜﺸﻮﺷﺔ ﻳﻀﺤﻚ ﺇﺫﺍ ﺍﻟﻜﻮﻣﺮ .. ﻗﺒﻞ ﻋﻠﻰ ﻛﻮﺑﺮ ﻭﺍﻟﻼ ﺍﻟﻤﺪﻳﺮﻳﺔ .. ﻳﻨﻤﻄﻖ ﺍﻟﻔﺮﺣﺔ .. ﺑﺲ ﻓﺮﺣﺔ ﻣﻐﺸﻮﺷﺔ ﺇﻥ ﺗﻨﺠﺎ ﻣﻦ ﻛﺸﺔ .. ﺩﺭﺩﻳﺮ ﻭﺗﻠﺘﻴﻠﺔ .. ﻛﻴﻒ ﺗﻨﺠﺎ ﻣﻦ ﺟﻮﻋﺔ .. ﻣﻦ ﺑﺮﺩﻫﺎ ﻭﻟﻴﻼ ﻋﺰﺕ ﺑﺮﻧﺪﺍﺗﺎ ﻭﺍﻭﻛﺎﺭﻫﺎ ﻣﻄﺮﻭﺷﺔ ﺑﻴﺖ ﺍﻟﻠﻪ ﻗﺎﻓﻠﻨﻮ ﻣﺴﺘﺸﻔﻰ ﻏﺎﻓﺮﻧﻮ .. ﺳﺎﺣﺎﺗﻮ ﻣﺮﺷﻮﺷﺔ ﻛﻢ ﻳﻮﻡ ﻳﻌﺰ ﺍﻟﻨﻮﻡ ﺭﻏﻤﺎً ﻋﻦ ﺍﻟﻤﺸﻤﻮﻡ .. ﻭﺍﻟﺪﻭﺧﺔ ﻭﺍﻟﺪﻭﺷﺔ ﺩﻱ ﻣﺪﻳﻨﺔ ﻣﺎ ﻫﻴﻠﻚ ﻣﺎﻓﻲ ﺍﻟﺒﻴﺸﺒﻬﻠﻚ .. ﻣﺎ ﻓﻲ ﺍﻟﺒﻨﺎﺩﻳﻠﻚ ﻻﻓﻲ ﺍﻟﺒﺨﺎﻭﻳﻠﻚ ﻏﻴﺮ ﻧﺎﺱ ﺃﺣﺎﻭﻳﻠﻦ ﻗﻄﻌﻦ ﺃﺣﺎﻭﻳﻠﻚ ﺃﺻﺤﺎﺑﻚ ﺍﻟﺴﺎﻋﺘﻚ ﻻ ﺑﺪ ﻳﻌﺎﻳﻨﻮﻟﻚ .. ﺻﻤﺘﺎً ﻳﺠﻴﺒﻮﻟﻚ ﺑﺎﻛﺮ ﺗﻼﻗﻴﻬﻦ .. ﻓﻲ ﻭﺟﺒﺔ ﻓﻮﻕ ﻛﻮﺷﺔ ﺟﻨﺐ ﻣﺠﺮﻯ ﻳﺤﻜﻮﻟﻚ ﻭﺩﻭﻧﺎ ﻟﻲ ﺿﺎﺑﻂ .. ﻛﺎﻟﻌﺎﺩﺓ ﻭﺍﻧﻜﻔﺮﻥ ﻗﺎﻝ ﻭﻳﻦ ﺃﻭﺩﻳﻬﻦ ﻭﺍﻟﻌﻨﺪﻱ ﻣﺎ ﻗﺎﺩﺭ ﺑﺎﻟﻤﻮﻳﺔ ﺃﻛﻔﻴﻬﻦ ﻭﺍﻟﻌﺴﻜﺮ ﺃﺩﻭﻧﺎ ﺳﻮﻃﻴﻦ ﻭﻓﻜﻮﻧﺎ ﻛﺎﻟﻌﺎﺩﺓ ﻳﺎ ﺍﺧﻮﻧﺎ .. ﺣﻴﻜﻮﻣﺔ ﻣﺮﺑﻮﺷﺔ ﺩﺍﻳﺮﻳﻦ ﺷﻐﻞ .. ﻣﺎﻓﻴﺶ ﻏﻴﺮ ﻧﻐﺴﻞ ﺍﻟﻌﺮﺑﺎﺕ ﻏﻴﺮ ﻧﻀﺮﺏ ﺍﻻﻭﺭﻧﻴﺶ ﺣﻤﺎﻟﺔ .. ﺟﺮﺳﻮﻧﺎﺕ .. ﺷﻐﻼً ﻣﺎ ﻳﻮﻛﻞ ﻋﻴﺶ ﻭﺑﺎﻟﺤﺎﻟﺔ ﺩﻱ ﺍﻟﻜﺸﺔ ﺑﻠﺪﻳﺔ ﻭﺍﻟﺒﻮﻟﻴﺲ ... ﻣﺮﺍﺕ ﻳﺠﻴﻚ ﺍﻟﺪﻳﺶ ﻣﺎ ﻳﻘﺒﻀﻮﺍ ﺍﻟﺒﺎﻋﻮﺽ .. ﻣﺎ ﻳﻘﺒﻀﻮﺍ ﺍﻟﻀﺒﺎﻥ .. ﺍﻟﻤﺎ ﺑﺪﻭﺭ ﻓﺘﻴﺶ ﺍﻻﺭﺯﻗﻲ ﺍﻟﺴﻤﺴﺎﺭ .. ﺇﺷﻤﻌﻨﻰ ﻧﺤﻨﺎ ﻭﻟﻴﺶ ﺇﺣﻨﺎ ﺍﻟﺤﺮﺍﻣﻴﺔ ﻭﺍﻟﻼ ﺍﻟﺒﺪﺳﻮ ﺍﻟﻌﻴﺶ ﺍﻟﺰﻭﻝ ﻳﺨﺎﻑ ﻳﻜﻔﺮ .. ﻳﺮﺟﻊ ﻳﻘﻮﻝ ﻣﻌﻠﻴﺶ ﺷﻘﻴﺶ ﺗﻘﻊ ﺷﻘﻴﺶ .. ﺣﺘﻰ ﺍﻟﺴﺠﻦ ﻣﺎﻓﻴﺶ ﻣﺎﻓﻴﺶ ﻳﺎ ﻋﻴﻮﺷﺔ ﻣﻦ ﺗﻜﺒﺮ ﺁﻫﺔ ﻭﺁﻩ ﻭﺁﺩﻡ ﺑﺪﻭﺭ ﺣﻮﺍﻩ ﺍﻟﻄﻴﺮﺓ ﺑﻲ ﻋﺸﻮﺷﺔ ﺍﻟﻔﺎﺭﺓ ﺑﻲ ﺟﺤﺎﺭﺓ .. ﺍﻟﻜﻞ ﺑﻲ ﻣﺄﻭﺍﻩ ﻭﻫﻨﺎ ﻓﻲ ﺇﺑﻦ ﺁﺩﻡ ﺗﺎﻩ ﻣﻠﺠﺎﻩ ﺃﺭﺽ ﺍﻟﻠﻪ ﻻ ﺃﻭﺿﺔ ﻻ ﺣﻮﺷﺔ ﻳﺎ ﺃﺑﻮﻧﺎ ﻳﺎ ﺍﻷﺳﻮﺩ ﻳﺎ ﺃﻣﻨﺎ ﺍﻟﻘﺮﻗﺪ ﻳﺎ ﺩﺍﺟﻲ ﻭﻳﻦ ﻧﺮﻗﺪ ﺟﺎﻙ ﺍﻟﻤﺤﻞ ﻗﺎﺳﻴﺖ .. ﻻﻣﻦ ﻫﺠﺮﺕ ﺍﻟﺒﻴﺖ ﺣﻴﻦ ﺍﻟﻤﻄﺮ ﺻﺪﻳﺖ .. ﺃﻭ ﺻﺪﺩﻭﻙ ﻏﺼﺐ ﺩﺍﺭﻙ ﻟﻘﻴﺘﺎ ﺣﺮﺏ ﻛﺮﺕ ﻋﻠﻴﻚ ﻓﺮﻳﺖ .. ﻛﺎﻥ ﻣﺎﻓﻲ ﻏﻴﺮ ﺗﻨﻔﺪ ﺑﻲ ﻟﻮﻧﻚ ﺍﻷﺳﻮﺩ .. ﺑﻲ ﺷﻌﺮﻙ ﺍﻟﻘﺮﻗﺪ ﻭﺑﻲ ﻓﺎﻟﻚ ﺍﻟﺸﺎﻣﺦ ﺯﻱ ﺗﺎﺝ ﺃﺑﻮ ﺍﻟﻬﺪﻫﺪ ﻻﻣﻦ ﻳﻄﻴﺮ ﻓﻲ ﺍﻟﺠﻮ .. ﻣﻦ ﻫﺎ ﺍﻟﻤﺪﻥ ﻳﻨﻔﺪ ﺣﺎﺷﺎﻙ ﻣﻦ ﻋﻴﺐ ﺗﺐ ﻟﻲ ﺷﻴﻨﺔ ﻣﺎ ﺧﺘﻴﺖ .. ﺩﻏﺮﻱ ﻭﻋﺮﺍﺽ ﺇﻳﺪﻳﻚ ﺑﺲ ﻛﻔﻬﺎ ﺇﺗﻌﻮﺩ ﻓﻲ ﺍﻷﺭﺽ ﻳﺮﻣﻲ ﺍﻟﺤﺐ ﻣﺎ ﻗﻨﺒﻠﺔ ﻭﺩﻳﻨﺎﻣﻴﺖ ﺟﻴﺖ ﺍﻟﻤﺪﻥ ﻻﻗﻴﺖ ﻣﻦ ﺳﻴﺪﺍ ﻣﺎ ﻻﻗﻴﺖ ﺗﺤﺮﺱ ﻋﻤﺎﺭﺍﺗﻮ .. ﻋﻄﺸﺎﻥ ﺗﻤﺴﻲ ﺗﺒﻴﺖ ﻳﺘﺮﺑﻮ ﺯﻱ ﻣﺎ ﺭﺑﻴﺖ ﻛﻢ ﻟﻠﻌﺮﻕ ﺷﺪﻳﺖ ﺯﻭﻏﺖ ﺃﻣﻦ .. ﻛﺮﻳﺖ ﺟﺎﻣﻠﺖ ﺟﺎﺭﺍﺗﻮ ﺃﻭ ﺗﻨﻮﻡ ﺗﺮﺣﻞ ﻟﻲ ﺳﻴﺪ ﺧﻼﻑ ﺍﻟﺴﻴﺪ ﻳﺘﻐﻴﺮﻭﺍ ﺍﻷﺳﻴﺎﺩ .. ﻟﻜﻨﻮ ﻧﻔﺲ ﺍﻟﻘﻴﺪ ﻧﻔﺲ ﺍﻟﺮﺑﻂ ﺫﺍﺗﻮ ﻳﺎ ﻣﺎﺷﻲ ﺩﻭﻥ ﺭﺍﺱ ﺧﻴﺖ ﻭﻳﻦ ﻛﻨﺖ ﻟﻤﺎ ﺍﻟﻨﺎﺱ ﺇﻧﻘﺴﻤﻮﺍ ﺍﻟﻮﺍﻃﺔ ﻓﻲ ﻣﺪﻥ ﺗﺠﺰ ﺍﻟﺮﺍﺱ ﻛﺎﻥ ﺳﻴﺪﻭ ﻣﺎ ﻃﺎﻃﺎ ﻛﺖ ﻣﺎﻓﻲ ﻭﺍﻟﻼ ﺃﺑﻴﺖ .. ﻭﺍﺻﺒﺤﺖ ﻣﻘﻄﻮﻉ ﺭﺍﺱ ﺯﻳﻚ ﻛﺘﻴﺮ ﻣﻦ ﻧﺎﺱ ﻻ ﺃﻭﺿﺔ ﻻ ﺿﻞ ﺑﻴﺖ ﻭﻓﺘﺤﻨﺎ ﻻﻗﻴﻨﺎﻙ .. ﺃﻭﻝ ﻣﺎ ﺷﺎﻟﻨﺎ ﺍﻟﺤﻴﻞ ﺑﺎﻟﺮﺍﺣﺔ ﻓﻲ ﺫﺍﺕ ﻟﻴﻞ ﻳﺎ ﺃﺑﻮﻧﺎ ﺧﻠﻴﻨﺎﻙ .. ﺧﻔﻔﻨﺎ ﻟﻴﻚ ﺍﻟﺸﻴﻞ ﺗﻘﻠﺖ ﺑﻨﺎ ﺍﻟﺨﺮﺗﻮﻡ ﻭﻓﺮﻧﺎ ﻟﻘﻤﺔ ﻋﻴﺶ .. ﻣﻮﻳﺔ ﻭﻣﺤﻞ ﻟﻠﻨﻮﻡ ﺳﺎﻣﺤﻨﺎ .. ﻋﺎﻓﻴﻨﺎ .. ﻳﺎ ﺃﺻﻠﻨﺎ ﺍﻟﺤﻨّﺎﻥ ﻏﻴﺮﻧﺎ ﺍﺳﺎﻣﻴﻨﺎ ﺷﺎﻥ ﻧﺤﻴﺎ ﺑﺎﻃﻤﺌﻨﺎﻥ ﺩﻳﻨﻖ ﺇﻧﻘﻠﺐ ﻋﺜﻤﺎﻥ .. ﻫﺎﺷﻢ ﺑﺪﻝ ﺩﻟﺪﻭﻡ ﻣﻦ ﻭﻳﻦ ؟؟ ﻣﻦ ﺍﻡ ﺩﺭﻣﺎﻥ ﻭﻧﺎﺱ ﺑﻴﺘﻨﺎ ﻣﺘﻌﺎﺭﻓﻴﻦ ﺑﺲ ﻟﻜﻨﺔ ﺍﻟﺮﻃّﺎﻥ ﺗﻔﻀﺤﻨﺎ .. ﺑﻌﺾ ﺍﻟﺤﻴﻦ ﻭﺇﻥ ﻛﻨﺎ ﻳﻮﻡ ﻓﻲ ﻳﻮﻡ ﻣﺎﺷﻴﻦ ﺑﻨﻨﻌﻮّﺩ ﻋﻠﻰ ﻟﻬﺠﺔ ﺍﻟﺨﺮﺗﻮﻡ ﻓﻲ ﻭﻻﺩ ﻋﺮﺏ ﺑﺎﻟﻜﻮﻡ ﻃﺎﻟﻌﻴﻦ ﺳﻮﺍ ﻭﻧﺎﺯﻟﻴﻦ .. ﻳﻔﺮﻗﻨﺎ ﺇﻻ ﺍﻟﻨﻮﻡ ﺍﻟﺤﺎﻟﺔ ﻣﻦ ﺑﻌﻀﺎ .. ﻣﻄﺮﻭﺵ ﻭﻣﻄﺮﻭﺷﺔ ﺃﻛﻮﺍﻥ ﻭﻧﺘﻘﺎﺑﻞ .. ﻓﻲ ﻛﻮﺷﺔ ﻋﻴﻮﺷﺔ ﻳﺎ ﺍﻟﺘﺤﻜﻲ ﺩﻭﻥ ﺗﺒﻜﻲ .. ﻭﻓﻲ ﻭﺷﻮ ﺑﺘﻌﺎﻳﻦ ﺷﻮﻑ ﻓﻴﻬﻮ ﺷﻦ ﺑﺎﻳﻦ .. ﻏﻴﺮ ﺩﻣﻌﺔ ﻣﻘﺸﻮﺷﺔ ﻗﺸﻮﻫﺎ ﻧﺎﺱ ﺃﺧﻮﺍﻥ .. ﺃﻛﻮﺍﻥ ﻭﻋﻴﻮﺷﺔ ﺑﻲ ﺻﺒﺮ ﻛﻢ ﻃﻮﻝ ﻋﻠﻰ ﺣﺎﻝ ﺣﺎ ﻳﺘﺤﻮﻝ ﻗﺼﺮ ﺍﻟﺰﻣﺎﻥ ﻳﺎ ﺯﻭﻝ ﻭﺍﻟﻼ ﺍﻟﺰﻣﻦ ﻃﻮﻝ ﻻ ﺑﺪ ﻳﺘﺤﻮﻝ ﻣﺎ ﻓﻴﻬﻮ ﻣﻦ ﺁﻻﻡ .. ﻓﻲ ﻳﻮﻡ ﻣﻦ ﺍﻷﻳﺎﻡ ﻟﻲ ﺩﻧﻴﺎ ﻣﻔﺮﻭﺷﺔ ﺑﺎﻟﻌﺎﻓﻴﻲ ﻭﺍﻟﻄﻌﺎﻡ ﻟﻲ ﻛﻞ ﻓﻢ .. ﻣﺎ ﺩﺍﻡ ﻓﻲ ﻏﻼﺑﺔ ﺑﻲ ﺩﻳﻮﺷﺎ ﻭﻟﻲ ﻏﺎﺩﻱ ﻓﻴﻼ ﻭﻛﺘﺮ ﺑﻮﺷﺔ ﺗﺤﺖ ﺣﻜﺎﻡ ﻣﻨﺪﻟﺪﻟﺔ ﻛﺮﻭﺷﺔ ﻓﺎﻭﺓ ﻭﺗﻔﻞ ﻻﻗّﻲ ﻭﻧﺎﺭ ﺍﻟﻐﻀﺐ ﺑﺎﻗّﻲ ﻏﺎﻻﻫﺎ ﻣﺤﻤﻮﺷﺔ ﺟﺮﻓﺖ ﻟﺒﻘﺔ ﺍﻟﻠﻴﻞ ﻭﺍﻧﻄﻨﺒﺠﺖ ﺩﻧﻴﺎﻙ ﻻ ﻋﻴﻨﺎ ﺑﻲ ﺭﻣﻮﺷﺔ ﺍﻟﺤﺎﻝ ﺣﺎ ﻳﺘﺤﻮﻝ .. ﻗﺼﺮ ﺍﻟﺰﻣﺎﻥ ﻳﺎ ﺯﻭﻝ ﻭﺍﻟﻼ ﺍﻟﺰﻣﻦ ﻃﻮﻝ ﻻﺑﺪ ﻣﻦ ﻓﻮﻗﺔ .. ﻭﻣﻦ ﺗﻨﺘﻬﻲ ﺍﻟﺪﻭﺷﺔ ﻗﻮﻻً ﻗﺒﻞ ﻗﻠﻨﺎ .. ﻭﻛﺘﻴﻦ ﻧﺼﺮ ﻧﺤﻴﺎ ﻣﺎﻓﻲ ﺍﻟﻴﻜﺘﻠﻨﺎ ﻗﻮﻟﻚ ﻳﺎ ﻋﻴﻮﺷﺔ .. ﻻ ﻧﻔﺲ ﻃﻤﺎﻋﺔ ﻏﺎﺷﺎﻙ ﻭﻣﻐﺸﻮﺷﺔ ﺍﻟﺪﻧﻴﺎ ﺩﻧﻴﺎﻧﺎ ﺯﺭﻉ ﺇﻳﺪﻧﺎ ﺗﺮﺑﺎﻧﺎ .. ﻻ ﺻﻴﺺ ﻻ ﻛﺪﻣﻮﺷﺔ ﻭﻣﺎﻙ ﻣﺎﺷﻲ ﺟﻴﺖ ﻏﺎﺷﻲ .. ﻟﻴﻜﻦ ﻳﻨﺴﺒّﻞ ﻻ ﻛُﺘّﻲ ﺷﺤّﺎﺩﺓ .. ﻧﺪﻳﻞ ﻭﺗﺘﻮﻛﻞ ﻻ ﺟﻴﺘﻨﺎ ﺩﻧّﺎﻋﺔ .. ﻧﻤﺴﺢ ﻟﻚ ﺍﻟﺠﺮﺩﻝ ﺃﺧﺮﺕ ﻟﻠﺴﺎﻋﺔ ﻭﺗﻠﺒﺖ ﻓﻲ ﺣﻮﺷﺔ ﻓﻲ ﺇﻳﺪﻙ ﺍﻟﻤﻨﺠﻞ ﻭﺷﻮﺍﻟﺔ ﻣﻐﻤﻮﺷﺔ ﻧﺎﺳﻲ ﺍﻧﻮ ﻣﺰﺭﻭﺑﺔ .. ﺑﻲ ﺷﻮﻙ ﻭﺟﻨﻴﺔ ﻭﺣﺎﺭﺳﺎﻫﺎ ﻛﻠﻮﺑﺔ ﻭﻛﻠﻮﺑﺔ ﺑﺎﺕ ﻭﻭﺑﺔ .. ﻭﻳﺎﺕ ﻟﻮﺑﺔ ﺑﺘﺤﻮﺷﺔ ﻳﺎ ﺍﻟﻨﻔﺴﻮ ﻣﺎﻫﻴﺔ ﺷﻦ ﺟﺒﻬﺔ ﻣﺘﻜﻴﺔ ﻟﻲ ﻋﻤﺔ ﻛﺎﻛﻴﺔ .. ﻭﻃﺎﻗﻴﺔ ﻃﺮﺑﻮﺷﺔ ﺟﻨﺐ ﺟﺒﻬﺔ ﺩﻏﺮﻳﺔ .. ﺍﻟﻌﻤﺔ ﻣﻜﻮﻳﺔ .. ﻓﻮﻕ ﺭﺍﺳﻮ ﻣﻠﻮﻳﺔ ﺗﺮﻗﺶ ﺑﻴﺎﺽ ﻧﻴﺔ .. ﻭﺑﺎﻟﻬﻴﺒﺔ ﻣﻨﻘﻮﺷﺔ ﺯﻱ ﻭﺷﻢ ﻓﻮﻕ ﺃﻛﻮﺍﻥ .. ﺷﻠﺨﺎً ﻓﻲ ﻋﻴﻮﺷﺔ ﻳﺎ ﺟﺮﺣﻨﺎ ﺍﻟﻄﻮﻝ ﺟﺎﻳﻴﻚ ﺯﻣﻦ ﻃﻴﺐ .. ﺧﻴﺮﺍﺗﻮ ﻟﻴﻚ ﺃﻭﻝ ﺻﺪﻗﻨﻲ ﻳﺎ ﻃﻴﺐ .. ﻳﺎ ﺃﺭﺽ ﻭﻳﺎ ﺟﺪﻭﻝ ﻛﺎﺭﺗﻨﻮ ﺑﻲ ﻣﻌﻮﻝ ﻭﺍﻟﻠﻴﻠﻲ ﺗﺘﺠﻮﻝ .. ﻋﻴﻨﻴﻚ ﻣﺪﻫﻮﺷﺔ ﻣﻦ ﻛﻨﺖ ﺗﺘﺴﻮﻝ .. ﻓﻲ ﻣﺪﻳﻨﺔ ﻣﺎ ﻫﻴﻠﻚ ﻭﻣﻦ ﻛﻮﺷﺔ ﻟﻲ ﻛﻮﺷﺔ ﻣﻨﺎﻗﻴﺶ ﺍﻟﻌﺪﺍﻟﺔ ﻣﺤﻤﺪ ﺍﻟﺤﺴﻦ ﺣﺴﻦ ﺳﺎﻟﻢ )ﺣﻤﻴﺪ( ﻣﻨﻲ ﻣﺘﻌﺸﻢ ﻃﻠﻮﻋﻚ .. ﻛﻠﻲ ﻣﺴﺘﻨﻴﻚ ﺗﻌﻮﺩﻱ .. ﻭﻳﻐﺴﻞ ﺍﻟﺴﺎﺣﺎﺕ ﺭﺟﻮﻋﻚ ﻓﻲ ﺣﺸﻰ ﺃﺣﺮﺍﺵ ﺍﻟﻠﻴﺎﻟﻲ ﻣﻨﺘﻈﺮ ﺑﻘﺔ ﺷﻤﻮﻋﻚ ﺗﺸﺘﻠﻲ ﺍﻟﻀﻮ ﻓﻲ ﺍﻟﻀﻬﺎﺑﺔ .. ﺗﺮﺧﻲ ﻟﻠﺠﺎﻳﻌﻴﻦ ﺿﺮﻭﻋﻚ ﻳﺮﺟﻊ ﺍﻟﻄﻴﺮ ﺍﻟﻤﻬﺎﺟﺮ .. ﻳﻤﻸ ﻓﻲ ﺍﻟﻔﺠﺎﺝ ﺭﺑﻮﻋﻚ ....................... ﻓﻲ ﻛﻼﻡ ﺍﻟﻨﺎﺱ ﺑﻔﺘﺶ .. ﺑﻴﻦ ﻋﻮﻳﻨﺎﺕ ﺍﻟﻤﺪﺍﺭﺱ ﻓﻲ ﺻﺪﻯ ﺁﺫﺍﻥ ﺍﻟﻤﺴﺎﺟﺪ .. ﻭﺭﻧﺔ ﺃﺟﺮﺍﺱ ﺍﻟﻜﻨﺎﺋﺲ ﻓﻲ ﺇﻧﺪﻫﺎﺷﺎﺕ ﺍﻟﻌﺬﺍﺭﻯ .. ﻓﻲ ﺇﺭﺗﻌﺎﺷﺎﺕ ﺍﻟﻤﻮﺍﻣﺲ ﻓﻲ ﺑﺤﺮ ﻓﺮﺣﺎﻥ ﻳﺒﺸﺮ .. ﻣﻮﺟﻮ ﻟﻲ ﺟﻴﺔ ﺍﻟﻨﻮﺍﺭﺱ ﺍﻟﺮﻭﺍﻭﻳﺲ ﻃﻤﺒﺮﻭﻙ .. ﻭﻫﺰ ﺑﻴﻚ ﻓﻲ ﺍﻟﺪﺍﺭﺓ ﻓﺎﺭﺱ ......................... ﺑﻴﻦ ﺳﻜﺎﺕ ﺍﻟﻘﺮﻳﺔ ﺃﻓﺘﺶ .. ﺑﻴﻦ ﻫﻀﺎﺭﻳﺐ ﺍﻟﻤﺪﺍﺋﻦ ﻳﺎ ﻧﺴﻴﻤﺎﺗﺎً ﺗﻜﺮﺑﺖ .. ﺷﺎﻳﻠﺔ ﺃﺷﻮﺍﻕ ﺍﻟﺠﻨﺎﺋﻦ ﻟﻲ ﺟﺪﻳﻮﻝ ﺣﻠﻘﻮ ﻧﺎﺷﻒ .. ﺃﻭ ﻋَﺮَﻕ ﺗﺮﺑﺎﻝ ﻳﻜﺎﺩﻥ ﻓﻲ ﻭﺷﻲ ﺍﻷﻓﺮﺍﺡ ﺑﻔﺘﺶ .. ﺑﻴﻦ ﻗﻔﺎ ﺍﻟﻠﺤﻈﺎﺕ ﺃﻋﺎﻳﻦ ﺑﻴﻦ ﺳﻮﺍﻗﻴﺮ ﺍﻟﻔﻘﺎﺭﻯ .. ﺍﻟﺠﺎﻳﺔ ﻣﻦ ﺗﺎﻻ ﺍﻟﻤﺪﺍﻓﻦ ﻣﺮﺓ ﻃﺎﻝ ﺍﻟﻠﻴﻞ ﻋﻠﻲّ .. ﻭﻭﺻﻠﺖ ﺍﻵﻫﺎﺕ ﻣﺪﺍﻫﺎ ﻗﻠﺖ ﻟﻲ ﺍﻟﻨﺠﻤﺎﺕ ﻣﻮ ﺟﺎﻳﻲ .. ﻗﺎﻟﺖ ﺍﻷﻳﺎﻡ ﺗﺮﺍﻫﺎ ﻳﺎ ﺿﻴﺎ ﺍﻟﻘﻤﺮﺍ ﺍﻟﻘﺒﺎﻟﻲ .. ﺷﻮﻛﺔ ﺍﻟﻈﻠﻢ ﺍﻟﺨﻴﺎﻟﻲ ﻋﺴﻤﺖ ﻓﻮﻗﻨﺎ ﺍﻟﻠﻴﺎﻟﻲ .. ﺧﺒﻲ ﻓﻲ ﺇﺳﺮﺍﻋﻚ ﺗﻌﺎﻟﻲ ﻳﺎ ﻣﻨﺎﻗﺶ ﺍﻟﻌﺪﺍﻟﺔ ﺑﺘﻨﺎ ﻓﻮﻕ ﺍﻟﺼﺒﺮ ﻋﺎﻟﺔ ﻳﺎ ﺗﻌﺎﻭﻳﺬﻧﺎ ﻭﻋﺰﺍﻧﺎ .. ﺧﻠﻲ ﻧﻮﺭ ﺍﻟﻔﺮﺣﺔ ﻳﻄﻔﺮ ﻣﻦ ﻋﻮﻳﻨﺎﺕ ﺍﻟﺤﺰﺍﻧﻰ ﺻﺨﺮﺓ ﺍﻷﺣﺰﺍﻥ ﺗﻘﻴﻠﺔ .. ﻭﻧﺤﻨﺎ ﻣﺎ ﺑﻨﻤﻠﻚ ﺳﻮﺍﻧﺎ ﻗﻮﻟﻲ ﻫﻴﻼ ﻫﻮﺏ ﻣﻌﺎﻧﺎ .. ﻣﻦ ﻋﻠﻰ ﺍﻟﺸﺎﺭﻉ ﻧﺸﻴﻼ ﺳﻜﺔ ﺍﻟﻌﻤﺮ ﺍﻟﻄﻮﻳﻠﺔ .. ﺗﺮﺗﻰ ﻓﻲ ﺍﻟﺠﺎﻳﻴﻦ ﻭﺭﺍﻧﺎ ﺻﺮﻧﺎ ﺯﻱ ﺭﺣﺎﻟﺔ ﻋﻨﻚ .. ﻓﺘﺶ ﺍﻟﻜﻮﻥ ﺗﺒﻨﻲ ﻟﺒﻨﻲ ﻭﺭﺍﺡ ﺳﺄﻝ ﻃﻴﺎﻧﺔ ﺗﺒﻨﻲ .. ﻭﻗﺎﻟﻮﺍ ﺟﺎﻳﺔ ﺑﺎﻟﻌﻮﻳﻨﺎﺕ ﺍﻟﺒﻘﻮﻣﻦ ﺑﺪﺭﻱ ﺷﺎﻳﻼﺕ ﺍﻟﻘﺮﺍﻳﺔ ﻓﻲ ﺗﻠﻮﺕ ﺍﻟﻠﻴﻞ ﺗﺒﻮﻍ .. ﺳﺎﺭﻗﺔ ﻟﻠﺪﻧﻴﺎ ﺍﻟﺴﻘﺎﻳﺔ ﻭﻟﻤﺎ ﺗﻮﺭﺩ .. ﺑﻨﺴﻠﻴﻨﺎ ﺍﻟﺠﺮﺩﻗﺔ .. ﺍﻟﻘﺮﺽ .. ﺍﻟﻤﺤﺎﻳﺔ ﺟﺎﻳﺔ ﻣﻦ ﺿﻬﺮ ﺍﻟﻤﺴﺎﻓﺔ .. ﺍﻟﺒﻴﻦ ﺑﻨﺎﺀ ﺍﻟﻄﻴﻦ ﻭﺍﻟﺴﺮﺍﻳﺎ ﻃﺎﻟﻤﺎ ﻓﻲ ﺍﻟﺪﻧﻴﺎ ﻧﺎﺳﺎً .. ﻓﺎﺗﻮ ﻟﻠﺠﺎﻳﻴﻦ ﻓﺪﺍﻳﺔ ﻭﻧﺎﺱ ﻋﻠﻰ ﺟﻼﺗﺎ ﺗﻜﺘﺐ ﺑﺎﻟﺜﺒﺎﺕ .. ﻭﺍﻟﻨﻴﻞ ﺩﻭﺍﻳﺔ ﺟﺎﻳﺔ .. ﺟﺎﻳﺔ ﺩﻓﺔ ﺍﻟﺘﺎﺭﻳﺦ ﻓﻲ ﺇﻳﺪﺍ .. ﺩﻡ ﻋﺮﻭﻕ ﺃﻣﺎً ﺑﺘﻨﺪﻩ ﺭﺍﺟﻴﺔ ﻧﺺ ﺍﻟﻠﻴﻞ ﻭﺣﻴﺪﺍ ﺑﻴﺘﺖ ﻓﻲ ﺍﻟﻘﻠﺔ ﻣﻮﻳﺘﻮ .. ﻭﺯﺍﺩﻭ ﻓﻲ ﺍﻟﻤﻌﻼﻕ ﻋﺼﻴﺪﺓ ﺟﺎﻫﺎ ﻓﻲ ﺟﻮﺍﺏ ﻳﺴﻠﻢ .. ﻟﻠﺒﻠﺪ ﺩﺍﻧﻲ ﻭﺑﻌﻴﺪﺍ ﻳﻤﺔ ﻳﺎ ﻧﻔﺲ ﺍﻟﻮﺻﻴﺔ .. ﺍﻟﻜﻞ ﻣﺎ ﺷﺮﻗﺖ ﻧﻌﻴﺪﺍ ﻳﺎﻧﺎ ﻳﺎ ﺷﺨﺐ ﺍﻟﻘﻀﻴﺔ .. ﺍﻟﺼﺎﻓﻲ ﻓﻲ ﻗﺪﺡ ﺍﻟﻘﺼﻴﺪﺓ ﻣﺎﻧﺎ ﻗﻨﻌﺎﻧﻴﻦ ﺗﻤﻠﻲ .. ﻣﻦ ﺩﻭﺍﻳﺔ ﺍﻟﺼﺒﺮ ﻧﻜﺘﺐ ﻓﻴﻨﺎ ﻭﺍﻹﺻﺮﺍﺭ ﻳﻤﻠﻲ ﺗﻨﻌﺪﻡ ﻣﻮﻳﺔ ﻭﺿﻮﻧﺎ .. ﺑﻴﻬﺎ ﻧﺘﻴﻤﻢ ﻧﺼﻠﻲ ﺍﻟﺰﻣﻦ ﻳﻨﻘﺾ ﻭﺿﻮﻧﺎ .. ﺗﺎﻧﻲ ﻧﺘﻮﺿﺄ ﻭﻧﺼﻠﻲ ﻭﻧﻤﺸﻲ ﻓﻮﻕ ﺩﺭﺑﻚ ﻧﺒﺎﺻﺮ .. ﻓﻲ ﺍﻟﺮﻣﺎﻝ ﻭﺍﻟﺸﻮﻙ ﻧﺤﺎﺻﺮ ﺑﻲ ﺷﻌﺎﻉ ﺑﻜﺮﺓ ﺍﻟﻤﺴﺎﻓﺔ .. ﺳﻄﻮﺓ ﺍﻟﻠﻴﻞ ﻭﺍﻟﻌﺴﺎﻛﺮ ﺗﻨﻬﺰﻡ ﺭﻳﺢ ﺍﻟﻌﻮﺍﺭﺽ .. ﻭﺍﻟﻤﻮﺍﺭﻳﺚ ﺍﻟﺘﻌﻮﻗﻚ ﻭﻣﻦ ﺷﻘﺎﻳﺎ ﺍﻟﺤﺎﻝ ﺗﺒﻘﻲ .. ﻭﺗﻘﺪﺡ ﺍﻟﺘﺎﺭﻳﺦ ﺑﺮﻭﻗﻚ ﻭﻛﻠﻤﺎ ﻣﺮﻗﺖ ﻏﺒﻴﻨﺔ .. ﺗﻤﺸﻲ ﻟﻲ ﺩﺍﺧﻞ ﻋﺮﻭﻗﻚ

ﻋﺮﻭﺱ ﺍﻟﻄﻴﻦ ﺑﻴﻨﻲ ﻭﺑﻴﻦ ﺍﻟﻨﻬﺮ ﺿﺤﺎﻳﺎ ﻭﻛﻤّﻴﻦ ﻗﺘﻠﺔ ﻭﻧﺼّﺎﺑﻴﻦ ﻭﻗﺪﺭ ﺍﻟﻐﻴﻢ ﺍﻟﻠﻤّﺎ ﺳﻤﺎﻳﺎ .... ﺷﺎﻟﻮﺍ ﺍﻟﺮﻳﺢ ﻭﺑﻲ ﺣُﻤﺮﺓ ﻋﻴﻦ ﺣﺒﻞ ﺍﻟﺒﺌﺮ ﻭﺩﻟﻮﻫﺎ ﻣﻨﺘّﻒ ... ﻭﺣﺎﺭﺳﺘﻨﻬﺎ ﺩﺍﺑﻴﻴﻦ ﺭﻳﻘﻲ ﺩﻗﻴﻖ ﻭﺍﻟﺨﻄﻮِ ﻣﻜﺘّﻒ ﻣﺎ ﺑﻴﻦ ﻛﻬﻨﺔ ﻭﺭﺑّﺎﻃﻴﻦ ﻭﺍﻧﺎ ﻧﺎﺫﺭﻟﻚ ﻛﺎﻥ ﺃﺳﻘﻴﻚ ﻭﺗﺮﺟﻌﻲ ﻃﻴﺒﺔ ﻋﺮﻭﺱ ﺍﻟﻄﻴﻦ ﻭﻳﺮﺟﻊ ﻋﺼﺐ ﺍﻟﻌﺸﻢ ﺍﻟﻔﻴﻚ ... ﻭﺯﻱ ﻣﺎ ﻛﺎﻥ ﻣﻦ ﻗﺒﻞ ﺳﻨﻴﻦ ﻳﺎ ﺗﺮﻗﻮﺓ ﺍﻟﺤﻠﻢ ﺍﻟﺰﺍﻧﻚ ﻣﺎ ﺃﻗﻮﺍﻙ ﻋﻠﻰ ﺍﻟﺴﻜّﻴﻦ ﻟﻤﺎ ﻏِﺸَﺎﻙِ ﺍﻟﺼﻴﻒ ﺍﻟﺤﺎﺭﻕ ﺣﺘﺤﺘﻴﻬﻮ ﺍﻟﺼﻔﻖ ﺍﻷﺻﻔﺮْ ﻭﺍﻟﻨﻮّﺍﺭ ﺍﻟﻴﺎ ﺩﻭﺏ ﻣﺎﺭِﻕ ﻋﻠﻤﺘﻴﻬﻮ ﺗﻤﺎﻡ ﻳﻨﻀﺮﺿﺮْ ﻓﺮﻋﻚ ﻋﺰ ﺍﻟﺰﻣﻦ ﺍﻟﺰﺍﻧﻖ ﻋﺎﻫﺪ ﻟﻴﻔﻚ ﻭﺍﺑﻰ ﻣﻦ ﻳﻜﺒْﺮ ﻋﺸﺎﻥ ﻣﺎ ﻳﺒﻘﻰ ﺣُﺮﺍﺏ ﻭﻣﺸﺎﻧﻖ ﻭﺍﻟﻼّ ﻣﻄﺎﺭﻕ ﻓﻲ ﺍﻳﺪ ﺍﻟﻌﺴﻜﺮْ ﻭﺷﺎﻥ ﺍﻟﺴﺎﻕ ﺍﻟﻨﺎﺟﺮﻭ ﺍﻟﺨﺎﻟﻖ ﺳﺎﺗﺮﻭ ﻟﺤﺎﻫﻮ ﻳﻔﻀﻞ ﺃﺧﻀﺮْ ﺭﻭّﺿﺘﻴﻬﺎ ﺟﺬﻭﺭﻙ ﺗﺮﺣﻞ ﺗﺎﻻ ﺍﻟﻤﻮﻳﺔ ﺍﻟﺘﺤﺖ ﺍﻷﺭﺽْ ﻭﻓﻮﻕ ﺍﻟﺰﻣﻦ ﺍﻟﺮﻳﺤﻲ ﺍﻷﻣﺤﻞ ﻛﻴﻒ ﺗﺘﺸﺎﻳﻞ ﻭﺗﺴﻨﺪ ﺑﻌﺾْ ﻣﺎ ﻛﺎﻥ ﻋﺮﺿِﻚ ﺍﻻ ﺍﻟﻄُّﻮﻝ .. ﻻ ﻛﺎﻥ ﻃﻮﻟِﻚ ﻏﻴﺮ ﺍﻟﻌﺮﺽْ ﻭﻳﻦ ﺑﺎﻟﺴﺎﻫﻠﺔ ﻳﻔﺮِّﻁ ﺯﻭﻟِﻚ ﻭﺍﻟﻼّ ﻳﻔﻮﺕ ﺍﻟﻤﺎﻝ ﻭﺍﻟﻌِﺮْﺽْ ﻗﺎﻝ ﻃﻴﺮﺍً ﻧﻔﺪ ﺑﻲ ﺣِﻨّﻮ ... ﻟﻰ ﺟﻤﻠﺔ ﻋَﻘﺎﺑﻮ ﻳﻐﻨﻮﺍ : ﻳﺎ ﺃﻛﺒﺎﺩ ﺍﻟﺮﻓﺎﻕ ﻻ ﺗﺌﻨﻮ ﻃﺮِّﻗﻮﺍ ﻟﻰ ﺍﻟﻤﻨﺎﻗﻴﺮ ﺳِﻨّﻮ ﺷﻦ ﻃﻌﻢ ﺍﻟﻌﺮﻕ ﻭﺍﻟﺪﻡ ﻭﺍﺣﻨﺎ ﻋﻮﺟﻨﺎ ﻣﺎ ﻋﺪﻟﻨﻮ ﻫِﺒّﻦ ﺁ ﻃﻴﻮﺭ ﻣﻦ ﺟﻢ .... ﺭﺧﻤﺘﻴﻦ ﻓﻮﻕ ﺻﻘﺮ ﻛﺘﻠﻨﻮ ﺣﻠﻤﺎً ﺯﺍﻧﻮ ﻟﻴﻚ ﻛﺎﺑﻮﺱ ... ﻭﺭﺍﺟﻨﺒﻮ ﺍﻟﻠﻴﺎﻟﻲ ﻳﺼِﻨّﻮ ﻭﺍﻟﻮﻋﺪ ﺍﻟﻤﺸﺘﺖ ﺭﻭﺱ ..... ﻭﻛﺎﻭﻳﻖ ﺷﻦ ﺑﺘﺮﺟﻦ ﻣﻨﻮ ﻭﻣﺎ ﺑﺘﻨﻐﺸّﻦ ... ﺣﺎﺷﺎ ﻭﺣﺎﺷﺎ ﻭﻣﺎ ﺑﺘﻨﻜﺴﺮﻥ ﺃﻱ ﻭﺍﻟﻠﻪ ﻭﻣﺎ ﺑﺘﻨﺰﻟّﻦ ﻟﻲ ﺣﺒﺎﻳﺔ ﻭﺩﻭﺩ ﻣﻌﻘﻮﺩ ﻓﻲ ﺷﺒﻚ ﺍﻟﺒﺎﺷﺎ ﻭﻛﻢ ﻫﺒّﺮﺗﻦ ﺷﺮﻛﻮ ﻭﻃِﺮﺗَﻦ ﻟﻲ ﻗﻨﺪﻭﻟﻜِﻦ ﻓﻲ ﺍﻟﺤﻮﺍﺷﺔ ﻭﻗﻠﺘِﻦ ﺷﺎﺭﻕ ﻓﺠﺮﺍً ﺣﺎﺭﻕ ﻭﻛﻞ ﺍﻟﻮﺧﻢ ﺍﻟﺰﻳﻒ ﻳﺘﻼﺷﻰ ﺗﻨﻔﺾ ﻃﻴﺒﺔ ﻏﺒﺎﺭﺍ ﺍﻟﻌﺎﻟﻖ ﻭﺗﻘﺒﺾ ﻧﺴﻤﺔ ﺧﻴﺮ ﻭﺩﻋﺎﺷﺔ ﻭﺑﻴﻨﻲ ﻭﺑﻴﻦ ﺍﻟﻨﻬﺮ ﺿﺤﺎﻳﺎ ﻭﻛﻤﻴﻦ ﻗﺘﻠﺔ ﻭﻧﺼﺎﺑﻴﻦ ﻭﻛﻞ ﺍﻟﻐﻴﻢ ﺍﻟﻠﻤّﺎ ﺳﻤﺎﻳﺎ .. ﺷﺎﻟﻮ ﺍﻟﺮﻳﺢ ﻭﺑﻲ ﺣﻤﺮﺓ ﻋﻴﻦ

ﺿﻴﺎﻉ ﺍﻟﺪﻡ / ﺃﻭ ﺍﻟﺪﻡ ﺍﻟﻀﺎﺋﻊ ﻣﺤﻤﺪ ﺍﻟﺤﺴﻦ ﺣﺴﻦ ﺳﺎﻟﻢ )ﺣﻤﻴﺪ( ﺯﻱ ﺩﻡ ﺍﻟﺒُﺸﺮﻯ ﺍﻟﻮﺩﻳﻊ ﺃﺣﻤﺪ ﺍﻟﻘﺮﺷﻲ ﻭﺻﺤﺎﺑﻮ ﻫﺎﺷﻢ ﺍﻟﻮﺍﺿﺢ ﺣﺒﺎﺑﻮ .. ﻭﺍﺑﺘﺴﺎﻣﺎﺕ ﺍﻟﺮﺑﻴﻊ ﺯﻱ ﺩﻡ ﺍﻟﻤﺤﺠﻮﺏ ﻭﺟﻮﺯﻳﻒ .. ﻃﻴﺐ ﺍﻟﻌﺸﺮﺓ ﺍﻟﺸﻔﻴﻊ ﺳﻴﺪﻱ ﺍﻟﻤﺤﻤﻮﺩ ﻣﺸﺎﻋﺮ .. ﺃﻣﻨﺎ ﺍﻟﻄﻔﻠﺔ .. ﻭﺟﻤﻴﻊ ﻣﺎ ﺍﻧﻜﻨﺲ ﺑﺎﻟﺮﻭﺡ ﺗﺮﺍﺑﻮ .. ﺭﺷّﺎ ﺑﻲ ﺩﻣﻮ ﻭﺩﻣﻮﻋﻮ ﺩﻓّﺎ ﺑﻲ ﺿﻤﺔ ﺿﻠﻮﻋﻮ .. ﺣﻴﻦ ﺳﻘﻂ ﺑﺎﻟﻨﺎﺭ ﺻﺮﻳﻊ ﻓﻴﻬﻮ ﻣﺎ ﺍﺳﺘﻜﺘﺮ ﺷﺒﺎﺑﻮ .. ﻻ ﺗﻌﺬﺭ ﺑﻲ ﻋَﻘﺎﺑﻮ ﻭﻻ ﺣﺴﺐ ﻟﻠﻤﻮﺕ ﺣﺴﺎﺑﻮ .. ﻻﻗﺎﻫﻮ ﻓﻲ ﻏﺒﻄﺔ ﻭﺷﺠﻴﻊ ﺩﻣﻮ ﻛﺎﻥ ﻋﺮﺑﻮﻥ ﻟﺪﻣﻚ .. ﻭﺩﻡِّ ﺟﺎﻳﻲ .. ﻫﻤﻮ ﻋﺎﺵ ﺍﻧﺴﺎﻧﻲ ﻫﻤﻚ ﻟﻠﻨﻬﺎﻳﺔ ﻳﺎ ﺯﺑﻮﻥ ﺍﻟﺸﺎﺭﻉ ﺍﻟﻤﺎ ﺑﻴﺮﺿﻰ ﻇﻠﻤﻚ .. ﻭﻋﺰﻣﻮ ﻋﺰﻣﻚ .. ﻳﺎ ﻫﻮﺍﻳﺎ ﺧﻮﻓﻲ ﻳﺎ ﻣﻨﺒﺚ ﻓﻲ ﺣﻠﻤﻚ .. ﻓﻴﻨﺎ ﻣﻦ ﻳﻨﺒﺖّ ﻧﺠﻤﻚ .. ﺧﻮﻓﻲ ﻓﻲ ﻛﻞ ﺍﻟﺮﺑﻴﻊ ﻣﺎ ﻧﻠﻘﻰ ﻧﺴﻤﻚ .. ﻭﻧﻨﺴﻰ ﺭﺳﻤﻚ .. ﺣﺘﻰ ﺍﺳﻤﻚ .. ﻳﺎ ﺑﺪﻳﻊ ﻳﺎ ﻛﻮﺍﻥ ﺃﻫﻠﻮ ﺍﻟﻔﻘﺎﺭﻯ .. ﻭﻧﺎﺭﻫﺎ ﻓﻲ ﺍﻟﺒﺮﺩ ﺍﻟﺼﻘﻴﻊ ﻳﺎ ﻣﻼﺫﻫﻢ .. ﻳﺎ ﻭﺟﻴﻊ ﺭﺍﺣﺔ ﺍﻟﻤﺸﺘﺎﻕ ﻟﻀﻤّﻚ .. ﻭﺍﻧﺖ ﺯﻭﻟﻚ ﻣﺴﺘﻄﻴﻊ ﺧﻮﻓﻲ ﻳﺎ ﻋﻠﻲ ﻳﺎ ﺍﺑﻦ ﺃﻣﻚ .. ﺧﻮﻓﻲ ﺩﻣﻚ ﻣﻦ ﻳﻀﻴﻊ ﺃﻳﻮﺓ ﻳﺎ ﺃﻃﻬﺮ ﻋﺮﻳﺲ .. ﻳﺎ ﻭﺭﻳﺚ ﻛﻞ ﺍﻟﺸﺮﺍﺋﻊ ﻭﺍﻟﺸﻌﺎﺋﺮ ﻭﺍﻟﻄﻘﻮﺱ ﻭﺍﻧﺖ ﺳﻌﺪﺍً .. ﻻﻡ ﻣﻮﺍﻛﺐ ﺍﻟﻤﻨﺎﻛﺐ ﻓﻲ ﺍﻟﻤﻨﺎﻛﺐ ﺍﻟﻘﻄﺎﺭﺍﺕ ... ﺍﻟﻤﻄﺎﺭﺍﺕ .. ﺍﻟﺒﺤﺎﺭﺍﺕ .. ﺍﻟﻤﺮﺍﻛﺐ ﻭﺍﻟﺼﺤﺎﺭﻯ .. ﻛﺮﻧﻔﺎﻻﺕ ﺍﻟﻤﺪﺍﺭﺍﺕ .. ﻣﻬﺮﺟﺎﻧﺎﺕ ﺍﻟﻜﻮﺍﻛﺐ ﻭﺍﻟﻔﻘﺎﺭﻯ ﺑﺎﻟﻔﺮﺡ .. ﺯﻱ ﺍﻟﺴﻜﺎﺭﻯ .. ﺍﻟﻌﺼﻲ ﺍﻟﺼﻘﺮﻳﺔ ﻭﺍﻟﺴﻮﻁ ﻭﺍﻟﻤﻮﺍﻭﻳﻞ ﻭﺍﻟﺰﻏﺎﺭﻳﺪ .. ﺍﻟﺒﻼﻟﻴﻞ ﺍﻟﻤﻨﺎﺩﻳﻞ ﺍﻟﺘﺄﺷِّﺮ ﺧﻮﻓﻲ ﻣﻦ ﻣﺮﺿﻰ ﺍﻟﻨﻔﻮﺱ ﺍﻷﺑﺎﻟﻴﺲ ﺍﻟﻨﺠﻮﺱ ﺍﻟﺠﻮﺍﺳﻴﺲ ﺍﻟﻠﺼﻮﺹ ﻳﺸﻐﻠﻮﻙ ﺑﺎﻟﻘﺮﻣﺼﻴﺺ .. ﻭﻟﻤﺎ ﺗﺒﺮﻯ ﺍﻟﺪﺍﺭﻩ ﺑﺎﺑﺸﺮ .. ﻫُﻢّ ﻳﺨﺘﻄﻔﻮﺍ ﺍﻟﻌﺮﻭﺱ ___________ ﻻﻓﺮﺍﺣﻚ ﻳﺰﻓِّﺮ .. ﻧﻮﺭﻙ ﺍﻟﻤﺸﺮﻕ ﺑﺼﻴﺺ ﻣﻦ ﺳﻤﺢ ﻣﺤﻴﺎﻙ ﻳﻨﻔِّﺮ .. ﺣﺎﻓﻲ ﺟﺎﻳﻊ .. ﻭﺩﻭﻥ ﻗﻤﻴﺺ ﻓﻲ ﺯﺣﺎﻡ ﺳﻮﻗﺎﺕ ﺗﺪﻓِّﺮ .. ﻣﻦ ﺑﻌﺪ ﺳﻴﺮﺓ ﻭﺭﻗﻴﺺ ﺃﻭ ﺗﻜﺎﺩ ﺗﺸﺒﻪ ﻏﻨﺎﻱ .. ﺍﻟﺒﺎﺋﺲ ﺍﻟﺮﺙ .. ﺍﻟﺮﺧﻴﺺ ﺍﻟﺒﺎﻟﻲ ﻭﺍﻟﻤﻬﺰﻭﻡ ﻣﻌﺎﻱ .. ﻟﻤﺎ ﺍﻧﺖ ﺗﺮﻭﺡ ﻓﻄﻴﺲ ﺍﻟﻌﺪﻳﻞ ﻭﺍﻟﺰﻳﻦ ﻣﻘﻄّﻢ .. ﺑﻲ ﺿﺮﻳﺮﺗﻮ ﺍﻟﺤُﻖ ﻣﺤﻄّﻢ ﻭﺍﻟﻮﺗﺮ ﺧﺎﻧﺲ ﺗﻌﻴﺲ ﺍﻟﻄﻴﻮﺭ ﺷُﺪﺭﻥ ﻳﺒﻴﺲ ﻛﻞ ﻓﺮﻉ ﺳﺎﻭﺍﻻ ﻣﻴﺘﻢ .. ﻭﺍﻧﺖ ﺯﻭﻟﻚ ﻣﺴﺘﻄﻴﻊ ﺧﻮﻓﻲ ﻳﺎ ﻋﻠﻲ ﻳﺎ ﺍﺑﻦ ﺍﻣﻚ .. ﺧﻮﻓﻲ ﺩﻣﻚ ﻣﻦ ﻳﻀﻴﻊ ﺧﻮﻓﻲ ﻣﻦ ﻏﻔﻠﺘﻨﺎ ﺍﻛﺘﺮ .. ﻭﻧﺤﻨﺎ ﻋﺰّﻝ .. ﻣﺤﺾ ﻣﺤﻀﺮ ﺑﻌﺾ ﻣﻨﺸﻮﺭ .. ﻋﺮﺽ ﺑﻮﺳﺘﺮ ﺃﻭ ﻗﺼﺎﺋﺪ ﺟﻮﺓ ﺩﻓﺘﺮ ﺍﻟﻮﺗﺮ ﺑﻴﻨﻦ ﻣﺪﺭﺩﺭ ﻣﻴﻜﺮﻓﻮﻧﺎﺕ .. ﺻﻮﺕ ﻣﻮﺩّﺭ ﻓﻲ ﺯﻣﻦ ﻻﻫﻮﺕ ﻭﻋﺴﻜﺮ ﻭﺍﻧﺖ ﺯﻭﻟﻚ ﻣﺴﺘﻄﻴﻊ ﺧﻮﻓﻲ ﻳﺎ ﻋﻠﻰ ﻳﺎ ﺍﺑﻦ ﺍﻣﻚ .. ﺧﻮﻓﻲ ﺩﻣﻚ .. ﻣﻦ ﻳﻀﻴﻊ ﻭﺧﻮﻓﻲ ﻣﻦ ﻋﺰﻟﺘﻨﺎ ﻋﻨﻮ ﺷﻌﺒﻨﺎ ﺍﻹﻧﺴﺎﻧﻲ ﻇﻨﻮ ﻭﺍﻟﺘﻌﺎﻟﻲ ﺍﻟﻤﺎﻫﻮ ﻣﻨﻮ ﺧﻮﻓﻲ ﺍﻛﺘﺮ .. ﻣﻦ ﺗﻮﺍﺻﻞ ﺧﻄﻮﺓ ﻳﻔﺘﺮ ﺧﻮﻓﻲ ﻋﺬﺭﺍً ﻳﺎ ﺣﺒﻴﺒﻨﺎ .. ﻣﻦ ﺩﻳﺎﻟﻜﺘﻴﻚ ﻣﺪﺟّﻞ ﺳﻴﻞ ﺿﺠﻴﺞ ﺍﻷﻳﺪﻭﻟﻮﺟﻴﺎ ﺍﻟﻼّﻗِّﻲ ﻭﺍﻟﻠﻴﻞ ﺍﻟﻤﻬﺮﺟﻞ ﻧﻬﺞ ﻋﺠّﻞ ... ﺑﺎﻟﺘﺴﺎﻣﺢ ﻭﺍﻟﺘﺼﺎﻟﺢ ﻭﺍﻟﺘﺼﺎﻓﺢ ... ﻭﺍﻟﺼﺮﺍﻉ ﺯﻱ ﺍﻟﻤﺆﺟﻞ ﻳﺎ ﺣﻤﺎﻡ ﺍﻟﻮﻋﻲ ﺃﻛﺒﺮ .. ﺑﻲ ﺍﻟﻠﻲ ﺧﻨﺠﺮ ﻭﺍﻟﻠﻲ ﻣﻨﺠﻞ ﻳﺎ ﺟﻮﺍﺩ ﺍﻟﺸﺎﺭﻉ ﺍﻟﺪﻡ ﺍﻟﻤﺒﺠﻞ .. ﻛﺎﻟﺤﻤﻰ ﺑﺪﺃ ﺍﻟﻮﻗﺖ ﺍﻟﻤﻜﺮﺱ ﻟﻠﻨﻤﺎﺀ ﺍﻧﺘﻬﻰ ﺍﻟﻤﻮﺕ ﺍﻹﺿﺎﻓﻲ ﻛﻤﺎ ﺁﻥ ﻟﻠﻔﺎﺭﺱ ﻓﻴﻚ ﺃﻥ ﻳﺘﺮﺟﻞ ﻛﺎﻟﺪﻣﻰ ﺁﻥ ﻟﻠﺮﺍﺟﻞ ﻓﻴﻚ ﺃﻥ ﻳﺘﻔﺮﺱ ﻓﻲ ﺍﻟﺴﻤﺎﺀ ﻭﺍﻟﺘﺮﺍﺏ ﺍﻟﻤﺎ ﺍﺗﺮﻣﻰ ﻭﺍﻟﺴﺤﺎﺏ ﺍﻟﻤﺎ ﻫﻤﺎ ﺃﻭ ﻳﺤﻤّﺮ ﺑﺎﻟﻐﺒﻴﻨﺔ .. ﻓﻲ ﺍﻟﺸﻌﺎﺭﺍﺕ ﺍﻟﻤﻬﻴﻨﺔ ﺍﻟﻌﻤﺎﺋﻢ ﻭﺍﻟﺘﻤﺎﺋﻢ .. ﻭﻳﻨﻮ ﺩﻳﻨﺎ ؟؟؟ ﺩﻩ ﺍﻟﺒﻴﺼﻄﺎﺩ ﺍﻟﺤﻤﺎﺋﻢ ﻣﻦ ﻋﻮﻳﻨﺎ ﺍﻟﺒﻴﻘﺘﺎﺩ ﺍﻟﻨﺴﺎﺋﻢ ﻭﺍﻟﻐﻤﺎﺋﻢ ﻣﻦ ﺟﺒﻴﻨﺎ ﻭﻧﺤﻨﺎ ﻧﻌﺘﺎﺩ ﺍﻟﺴﻤﺎﺋﻢ ﻭﺍﻟﻬﺰﺍﺋﻢ ﻭﺍﻟﺴﻜﻴﻨﺔ ﻭﺍﻟﺴﻜﺎﺗﺎﺕ ﺍﻟﺤﺰﻳﻨﺔ ﻋﻠﻰ ﺍﻟﻌﻤﺎﻳﻞ ﻭﺍﻟﻤﻬﺎﺯﻝ ﻭﺍﻟﺘﻔﺎﻫﺎﺕ ﺍﻟﻤﺸﻴﻨﺔ ﻭﻧﻨﺘﻈﺮ ﺣﺴﻢ ﺍﻟﻤﺴﺎﺋﻞ ﻣﻦ ﻛﺘﺮ ﻛﻀﺐ .. ﻭﻣﺎ ﺑﻴﺠﻴﻨﺎ ﺳُﺒّﺔ ﻓﻲ ﺃُﻭﻟﻲ ﺍﻷﻣﺮ ﻓﻴﻨﺎ ﻓﻲ ﻣﻘﺎﻃﻴﻊ ﺍﻟﻤﺪﻳﻨﺔ ﺳُﺒّﺔ ﻓﻲ ﺑﻌﺾ ﺍﻟﻘﺒﺎﺋﻞ .. ﺳُﺒّﺔ ﻓﻲ ﻛﻞ ﺍﻟﻘﻄﻴﻊ ﻟﻤﺎ ﻳﺎ ﻭﺩ ﺃﻣﻲ ﺗﺎﺭﻙ ﻣﻦ ﺍﺻﺎﺑﻌﻴﻨﺎ ﻭﻳﻀﻴﻊ ﺳُﺒّﺔ ﻓﻲ ﺍﻟﺒﻔﺮﺵ ﻋﻠﻴﻚ .. ﻳﺮﺿﻰ ﺑﺎﻟﻮﺿﻊ ﺍﻟﻮﺿﻴﻊ ﻭﺍﻟﺒﻴﻘﺒﻞ ﻓﺪﻳﺔ ﻓﻴﻚ .. ﺑﻴﺖ ﺇﻳﺠﺎﺭﻙ ﻳﺒﻘﻰ ﺩﺍﺭﻙ ﻣﻦ ﻗﺼﺮ ﺳﻠﻄﺎﻥ ﻣﺮﻳﻊ ﺁﻩ ﻳﺎ ﻋﻠﻲ ﻳﺎ ﺍﺑﻦ ﺍﻣﻚ ... ﺧﻮﻓﻲ ﺩﻣﻚ ﻣﻦ ﻳﻀﻴﻊ ﻳﺎ ﺣُﻼﻧﺎ ﻭﻣُﺸﺘﻬﺎﻧﺎ .. ﺍﻟﻤﺮ ﻓﺮﺍﻗﻚ .. ﻣﺮ ﻣﺮﻳﻊ ﻛﻞ ﺣﺎﺟﺔ ﻭﻻ ﺍﻟﺤﻘﺎﺭﺓ ﻭﻓﻴﻚ ﻳﺎ ﻭﺍﺣﺪ ﺟﻤﻴﻊ ﺍﻟﻤﻐﺎﺑﻴﻦ ﻭﺍﻟﻔﻘﺎﺭﻯ .. ﻳﻠﻘﻮﺍ ﺍﻳﻪ ﺳﺎﻋﺔ ﺗﻀﻴﻊ ﻳﺒﻘﻮﺍ ﺯﻱ ﻃﻴﺮ ﺍﻟﺼﺤﺎﺭﻯ ﻳﻨﺴﻮﺍ ﺻﻴﺎﺩﻫﻢ ﺳﺮﻳﻊ ﻭﺍﻧﺖ ﺯﻭﻟﻚ ﻣﺴﺘﻄﻴﻊ . ﺧﻮﻓﻲ ﻳﺎ ﻋﻠﻲ ﻳﺎ ﺍﺑﻦ ﺍﻣﻚ .. ﺧﻮﻓﻲ ﺩﻣﻚ ﻣﻦ ﻳﻀﻴﻊ ﺁﻩ ﺩﻣﻚ ﻟﻮ ﻳﻀﻴﻊ ﻳﺎﻣﺎ ﺗﺘﺴﻊ ﺍﻟﺤﻴﺎﺓ .. ﻟﻤﺎ ﺧﻠﻖ ﺍﻟﻨﺎﺱ ﺗﻀﻴﻖ ﻭﺗﻨﻔﺠﺮ ﻓﻲ ﺍﻟﻘﺎﻝ ﺣﻴﺎﺓ .. ﻭﺍﻟﺠﺎﺀ ﻟﻠﺘﺎﺭﻳﺦ ﻳﻌﻴﻖ ﻣﻦ ﻭﻟﻴﺪﺍﺕ ﺣﻠﺘﻚ ﻟﻲ ﺑﻨﻴﺎﺕ ﺍﻟﻔﺮﻳﻖ ﺗﺪﺧﻞ ﺍﻟﺒﺴﻤﺔ ﺍﻟﻠّﺘﻚ ... ﺗﻤﺮﻕ ﺍﻟﺤﺰﻥ ﺍﻟﻐﺮﻳﻖ ﻳﺎ ﺷﻤﺲ ﻫﺒﺪﺕ ﺑﻜﺎﻧﺎ .. ﺷﺎﻥ ﺗﻮﻗﻴﻨﺎ ﺍﻟﺤﺮﻳﻖ ﺃﻭ ﺃﺭﻳﺞ ﺍﻟﺒﺮﺗﻜﺎﻧﺔ .. ﻓﺎﺡ ﻳﺸﻬﻴﻨﺎ ﺍﻟﺮﺣﻴﻖ ﺧﻄﻮﺗﻚ ﺳﺒﻘﺖ ﺧﻄﺎﻧﺎ .. ﺩﺍﺭ ﺗﻮﺭﻳﻨﺎ ﺍﻟﻄﺮﻳﻖ ﻭﻳﺒﻘﻰ ﻓﻲ ﺍﻵﺧﺮ ﻟﻘﺎﻧﺎ .. ﻭﺍﻟﻮﻃﻦ ﻓﻮﻕ ﻳﺎ ﺭﻓﻴﻖ .. ﻻ ﻳﺤﻴﻖ ﺍﻟﻤﻜﺮ ﺍﻟﺴﻲﺀ ﺇﻻ .... ﺍﻟﺰﻣﺎﻥ ﺍﻟﻌﻔﻮ ﻋﻨﻬﻢ ﻓﺎﺕ .. ﻭﻟّﻰ ﻭﺍﻟﺰﻣﺎﻥ ﺍﻟﺜﺄﺭ ..ﺭﺩ ﺍﻟﺼﺎﻉ .. ﺣﻞّ ﻓﺎﻟﺬﻱ ﻟﻢ ﻳﻌﺮﻑ ﺍﻹﻧﺴﺎﻥ .. ﻟﻦ ﻳﻌﺮﻑ ﺍﻟﻠﻪ ﺃﻳﻬﺎ ﺍﻟﻤﺒﻌﻮﺙ ﻓﻴﻨﺎ .. ﺑﺎﻟﺘﺠﻠﺔ ﺳﻠﻢ ﺍﻟﺪﺭﺏ ﻋﻠﻴﻚ .. ﺍﻟﺸﻌﺐ ﺻﻠﻰ ﺧُﺬﻫُﻢُ ﺑﻴﻦ ﻳﺪﻳﻚ .. ﻳﺎ ﺇﻟﻬﻲ ﻣﺎ ﺃُﺣﻴﻠﻰ ﺷﻬﺪﺍﺀ ﺍﻟﻮﻃﻦ ﺍﻵﺗﻴﻦ .. ﻳﻠﻼ ﻳﻠﻼ ﻏﻨﻮ ... ﻭﻻ ﺗﻀﻨﻮﺍ .. ﻏﻨﻮ ﻟﻠﺒﺎﺳﻖ ﻛﺄﻧﻮ .. ﺷﻴﻞ ﺗﻤﻴﺮﺍﺗﺎً ﺗﻜﻨﻮ ﺭﻏﻢ ﺇﻧﻮ .. ﺍﻟﻤﻄﻮﺭ ﻣﺎ ﺗﺮّﻭ ﻋﻨﻮ ﻭﺍﻟﺮﻳﺎﺡ ﻣﺎ ﺭﻳﺤﻨﻮ ﺍﻟﺤﺠﺎﺭ ﺍﻟﻔﻲ ﻗﻠﻮﺑﻦ .. ﺗﻨﺪﻫﺶ ﻟﻠﺤﺘﺤﺘﻨﻮ ﻭﺣﻴﻦ ﺗﺼﻨﻘﻊ ﻟﻠﻤﻌﻠﻖ ﺩﻩ ﺍﻟﻠﻮﺍﻣﻴﻦ ﻭﻫﻄﻨﻮ ﻓﻮﻕ ﺟﺮﻳﺪﺍً ﻣﻮ ﻣﻔﺮﻕ .. ﻟﻤﺔ ﺍﻟﺰﺍﻓﻴﻦ ﻳﻬﻨﻮ ﺷﻮﻛﻦ ﺍﻟﺴﻬﻢ ﺍﻟﻤﻄﺮﻕ .. ﻭﺍﻟﺼﺒﻴﻂ ﻧﺸﺎﺏ ﺣﻨﻨﻮ ﺍﻟﺘﻘﻮﻝ ﻻ ﻃﻴﺮ ﺟﺎﺀ ﺣﻠﻖ .. ﻻ ﺇﻳﺪﻳﺎﺕ ﻟﻘﻄﻨﻮ ﻣﻦ ﻧﺠﺎﺿﻮ ﺗﻘﻮﻝ ﻣﺤﺮﻕ .. ﻭﻣﺎﻫﻮ ﺷﻴﻞ ﻣﺮﺳﻮﻡ ﺗﻈﻨﻮ ﻓﻲ ﺍﻣﻮ ﺧﻠﻘﺔ ﺭﺏ ﻣﻌﺘﻖ .. ﺧﻤﺮ ﺑﺎﺧﻮﺱ ﻣﺤﻨﻨﻮ ﺳﺎﻗﻦ ﺍﻟﻔﻲ ﺍﻟﻄﻴﻦ ﻣﻐﺮﻕ .. ﺛﺎﺑﺖ ﺍﻛﺘﺮ ﺻﺒّﺤﻨﻮ ﺳﺒّﺢ ﺍﻟﺘﺮﺑﺎﻝ ﻭﺭﻗﺮﻕ .. ﻣﻦ ﻛَﺘﺮ ﻣﺎ ﻓﺮّﺣﻨﻮ ﻏﻨﺎ ﺻﻔﻖ ﻳﻠﻼ ﻏﻨﻮ .. ﻳﻠﻼ ﻏﻨﻮ ﻓﻲ ﺍﻟﺴﻨﻴﻦ ﻓﻲ ﺍﻳﺎﻣﺎً ﺍﺻﺪﻕ ..... ﺑﺎﻟﺘﻌﺐ ﻇﻠﻤﻚ ﻣﺤﻨﻮ ﺑﺎﻟﻌﺮﻕ ﻳﻠﻼ ﻏﻨﻮ ﻏﻨﻮ ﻋﻘﺒﺎﻟﻜﻢ ﺟﻤﻴﻊ ﻏﻨﻮ ﻓﺎﻟﻜﻢ ﻣﺎ ﺑﻴﻀﻴﻊ ﺯﻣﺎﻥ ﺍﻟﻀﺮ ﻣﺤﻤﺪ ﺍﻟﺤﺴﻦ ﺣﺴﻦ ﺳﺎﻟﻢ )ﺣﻤﻴﺪ( ﺯﻣﺎﻥ ﺍﻟﻀﺮ .. ﻛﻞ ﺍﻟﺒﻼﺩ ﺃﻡ ﺩﺭ .. ﻭﺍﻟﻤﻬﺪﻱ ﺣﻲ ﻣﺎ ﻣﺎﺕ ﺍﻟﺨﻄﻮﺓ ﻓﻲ ﺍﻟﺸﺎﺭﻉ ﻣﻨﺒﺜﺔ ﺛﻮﺭﻳﺔ ﺑﻖ ﺍﻟﻐﻀﺐ ﻃﺎﻟﻊ .. ﺃﺑﺮﻭﻝ ﻭﻃﻮﺭﻳﺔ ﺷﺎﻓﻊ ﻭﺭﺍ ﺍﻟﻨﺎﻓﻊ .. ﻃﻠﺒﺔ ﻭﺃﻓﻨﺪﻳﺔ ﺍﻟﺠﻮﻋﻮ ﻛﺎﻥ ﺩﺍﻓﻊ .. ﻟﻲ ﻫﺒﺔ ﺷﻌﺒﻴﺔ ﻣﺎ ﺍﻟﺼﺒﺮ ﻣﺎ ﻧﺎﻓﻊ ﻓﻲ ﺃﻳﺎﻡ ﻛﺮﻛﻴﺔ ﺫﺍﺕ ﻭﺿﻊ ﻫﻤﺒﺎﺗﻲ .. ﻭﺃﺣﻮﺍﻝ ﻣﺘﻞ ﺩﻳﺔ ﻛﻬﻨﻮﺕ ﻭﺟﻬﺪﻳﺔ .. ﻭﻛﺎﺑﺎﺕ ﻫﻲ ﻣﺎ ﻫﻲّ ﻭﺣﻤﻮﻧﻲ ﺍﻏﺮﻭﺩﺓ ﻭﺍﻟﺪﻧﻴﺎ ﻋﻴﺪﻳﺔ ﻭﺣﺮﻣﻮﻧﻲ ﺯﻏﺮﻭﺩﺓ ﻓﻲ ﻓﺮﺣﺔ ﻋﺎﺩﻳﺔ ﺣﻈﺮﻭﻧﻲ ﻣﻦ ﻋﻮﺩﺓ .. ﺃﻭ ﻣﺮﻗﺔ ﻟﻴﻠﻴﺔ ﻣﻨﻌﻮﻧﻲ ﻣﻦ ﺫﺍﺗﻲ .. ﻭﺍﺧﻮﺍﻧﻲ ﺟﻨﺪﻳﺔ ﻟﻠﻘﻤﻊ ﻳﻮﻣﺎﺗﻲ ﺳﺪﻭﺑﺎ ﻭﺭﺩﻳﺔ ﺷﻚ ﻓﻲ ﻫﻮﻳﺎﺗﻲ .. ﻓﺘﻴﺶ ﻭﺳﺨﺮﻳﺔ ﻟﻜﻨﺎﺗﻲ .. ﻟﻬﺠﺎﺗﻲ .. ﺷﻠﺨﺎﺗﻲ .. ﻋﻴﻨﻴﺎ ﺃﻭﻛﻴﺮ ﻭﺣﻤﺪﺍﺗﻲ .. ﺑﺎﻋﻮﺿﺔ ﺳﻞ ﻓﻴﺎ ﺗﺤﺘﺎﺝ ﻣﻌﺎﻧﺎﺗﻲ ﻟﺒﻄﺎﻗﺔ ﺷﺨﺼﻴﺔ ! ﻳﺎ ﻣﺴﺦ ﺑﻌﺎﺗﻲ .. ﻭﻗﺎﻡ ﻟﺠﻨﺔ ﺷﻌﺒﻴﺔ ﻟﻲ ﺣﻀﺮﺓ ﺍﻵﺗﻲ .. ﺷﺎﻳﻞ ﺍﻟﻔﺮﺡ ﻟﻴﺎ ﻋﺒﻴﺖ ﻣﺴﺎﻣﺎﺗﻲ .. ﻣﻦ ﻏﻴﻤﺔ ﻣﻨﻔﻴﺔ ﻭﻋﻠﻰ ﺃﺭﺽ ﻣﺄﺳﺎﺗﻲ .. ﻓﺮﻏﺖ ﻣﺎ ﻓﻴﺎ ﻭﺿﻞ ﺍﻟﻮﻃﻦ ﺷﺎﻃﻲﺀ .. ﻭﺷﻤﺴﻮ ﺍﻟﻤﺮﺍﻛﺒﻴﺔ ﺍﻟﻨﻴﻞ ﺩﻳﻤﻘﺮﺍﻃﻲ .. ﺍﻟﻘﻴﻔﺔ ﺟﻤﻌﻴﺔ ﺑﺮﺩﺕ ﻏﻨﻮﺍﺗﻲ .. ﺑﻲ ﻧﻤﺔ ﻣﻐﻠﻴﺔ ﺑﻘﺖ ﻫﺘﺎﻓﺎﺗﻲ .. ﺩﻭﺩﻳﺘﺎ ﺑﻲ ﺇﻳﺪﻳﺎ ﻓﻲ ﺩﻗﻦ ﻫﻤﺒﺎﺗﻲ .. ﻭﻋﺴﻜﺮ ﺣﺮﺍﻣﻴﺔ ﻃﺎﺭﺕ ﺣﻤﺎﻣﺎﺗﻲ .. ﻭﺭﻛﺖ ﺳﻼﻣﻴﺔ ﻏﺪﺭﻭﻫﺎ ﺷﻤﺎﺗﻲ .. ﻭﻛﺘﻞ ﺍﻟﺮﺻﺎﺹ ﻓﻴﺎ ﻟﻜﻦ ﻳﺎ ﻣﻮﺍﺗﻲ .. ﻳﺎ ﺫﻣﺔ ﻣﺸﺮﻳﺔ ﻳﺎ ﻋﺴﻜﺮﺍً ﻓﺎﺗﻲ .. ﻣﺎﻓﻴﺎ ﻭﻃﻔﻴﻠﻴﺔ ﻣﻦ ﺷﺮﻓﺔ ﺍﻵﺗﻲ .. ﻭﺑﻲ ﻛﻞ ﺣﻨﻴﺔ ﺃﺧﺪﻧﻲ ﺃﻣﺎﺗﻲ .. ﺑﻲ ﻃﺮﺑﺔ ﺃﻣﻨﻴﺔ ﺭﺑﻄﻦ ﻟﻲ ﺟﺮﺣﺎﺗﻲ .. ﻭﺑﻲ ( ) ﻭﺍﻏﻨﻴﺔ ﺳﺪﻥ ﻟﻲ ﺁﻫﺎﺗﻲ .. ﻓﻮﻕ ﻭﻗﻔﺔ ﺻﺨﺮﻳﺔ ﺳﻨﻦ ﻟﻲ ﺇﻳﺪﻳﺎ .. ﻭﺻﺎﺣﻦ ﺑﻲ ﺻﺪ ﺻﺎﺭﻉ ﻳﺎ ﻋﻴﺶ ﻭﺣﺮﻳﺔ .. ﻭﺍﻧﻐﻴﺮ ﺍﻟﻮﺍﻗﻊ ﻳﺎ ﻣﻴﺘﺔ ﺩﻏﺮﻳﺔ ﻧﺎﺭ ﺍﻟﺘﻜﻞ ﻣﺎﺗﺖ .. ﻭﻧﺎﺭ ﻓﻴﻨﺎ ﺷﻦ ﺣﻴﺔ ﺭﻭﺣﻚ ﺇﺫﺍ ﻓﺎﺗﺖ .. ﺭﻭﺡ ﺍﻟﻮﻃﻦ ﺟﻴﺔ ................. ﺃﻣﺎﺗﻲ ﻳﺎ ﺃﻣﺎﺕ .. ﻛﻞ ﺍﻟﻐﻼﺑﺔ ﺍﻟﺠﺎﺕ ﻣﻦ ﺣﻠﻔﺎ ﻟﻲ ﻧﻤﻮﻟﻲ .. ﻣﻦ ﺑﺎﺭﺍ ﻟﻲ ﺳﻨﻜﺎﺕ ﻏﻀﺐ ﺍﻟﺨﻼ ﺍﻟﻴﻐﻠﻲ .. ﺻﺮﺻﻴﺮﺓ ﺍﻟﻐﺎﺑﺎﺕ ﻓﻲ ﺟﻴﺐ ﺿﻠﻮﻉ ﺍﻟﻨﻴﻞ .. ﺟﻴﺐ ﺍﻟﻘﻠﺐ ﻏﻴﻤﺎﺕ ﺃﺷﻮﺍﻗﺎ ﺗﺎﻻ ﺍﻷﺭﺽ .. ﻭﺍﻷﺭﺽ ﺷﻮﻗﺎ ﻧﺒﺎﺕ ﺃﻣﺎﺗﻲ ﻳﺎ ﺃﻣﺎﺕ .. ﻭﺩ ﺍﻟﺤﻴﺎﺓ ﺍﻟﺼﻨﺪﻳﺪ ﻗﻮﻻً ﻟﻜﻞ ﻋﻨﻴﺪ .. ﻭﺻﺎﺣﺐ ﺩﻗﻦ ﻫﻤﺒﺎﺕ ﻗﻮﻟﻦ ﻟﻪ ﻧﺤﻨﺎ ﺣﺪﻳﺪ .. ﺯﻱ ﺍﻟﻤﺮﻣﺔ ﺷﺪﺍﺩ ﺍﻟﻠﻲ ﺿﻤﻴﻤﺘﻮ ﻳﺨﻮﻥ .. ﻣﺎ ﺃﻣﻨﻮﻫﻮ ﺑﻼﺩ ﻳﺎ ﻣﺴﺘﺒﺪﺍً ﺑﺎﺕ .. ﺣﺎﺭﺳﺎﻫﻮ ﺩﺑﺎﺑﺎﺕ ﻛﻀﺎﺏ ﻭﻛﻀﺎﺑﺎﺕ .. ﻫﻮﺍﺏ ﻭﻫﻮﺍﺑﺎﺕ ﺷﻦ ﺣﺰﺑﻚ ﺍﻟﻮﻳﺤﻴﺪ .. ﻭﺿﺮﺍﻋﺎﺗﻚ ﺍﻡ ﺣﺠﺒﺎﺕ ﻃﻆ .. ﺟﺒﻬﺘﻚ ﻭﻳﻦ ﺳﻴﺪ ... ﺍﻹﺷﺘﺮﺍﻛﻲ ﺍﻟﻔﺎﺕ ﻻ ﺍﻟﺒﻮﺕ ﻭﻻ ﺍﻟﻨﺒﻮﺕ .. ﻻ ﺍﻟﺘﻮﺕ ﻭﻻ ﺍﻟﻜﻬﻨﻮﺕ ﻭﻧﻘﻞ ﺍﻟﻔﻼﺷﺎ ﺃﻓﺎﺩ ﻭﻛﺎﻥ ﻳﺤﻜﻤﻮﻧﺎ ﺑﻴﻮﺕ .. ﻟﻮ ﺑﺤﻜﻤﻮﻧﺎ ﺃﻓﺮﺍﺩ ﺣﺎﺭﺳﻴﻦ ﺣﺪﻳﺪ ﺍﻟﻤﻮﺕ .. ﻭﺍﻟﺒﻌﺚ ﻭﺍﻟﻤﻴﻌﺎﺩ ﻛﻞ ﻟﺤﻈﺔ ﺭﻭﺡ ﺑﺘﻔﻮﺕ .. ﻭﻛﻞ ﻟﺤﻈﺔ ﻛﻢ ﻣﻴﻼﺩ ﻭﻋﻠﺘﻨﺎ ﻳﺎ ﻣﺴﺨﻮﺕ .. ﻣﻮ ﺍﺳﻢ ﺍﻟﻠﻪ ﻭﺍﺣﻨﺎ ﻋﺒﺎﺩ ﻋﻠﺘﻨﺎ ﻛﻴﻒ ﺍﻟﻘﻮﺕ .. ﻭﺍﻟﺠﻴﻬﺔ ﻭﺍﻟﻤﺸﻬﺎﺩ ﻣﺎ ﻣﺮ ﻗﻄﺮﺍً ﺗﻮﺕ .. ﻣﺎ ﻃﻞ ﻟﻠﺒﺮﺍﺩ ﺍﻟﺸﻐﻠﻮ ﻛﻠﻮ ﺯﻳﻮﺕ .. ﻣﺎ ﻳﻠﻘﻰ ﺯﻳﺖ ﻻ ﺯﺍﺩ .................. ﻣﺎ ﻳﻠﻘﻰ ﺍﻟﻄِّﺮﻱ .. ﻭﺿﺎﻗﻨﺒﻮ ﺍﻟﺴﺒﻞ ﺍﻟﻌﺠﻞ ﺍﻟﻌﺮﻱ .. ﺍﻟﻨﺎﺭ ﻭﺍﻟﺒﻘﻞ ﺧﻴﺮﻱ ﻭﺳﻜﺮﻱ .. ﻳﺎ ﺍﻟﺪﻗﻦ ﺍﻡ ﻗﻤﻞ ﺷﻴﻠﻲ ﻭﺻﺪﺭﻱ .. ﻭﺟﻴﺒﻲ ﺩﻣﺎﺭ ﺩﺑﻞ ﺯﻳﺮﻭ ﻟﺒﺸﻜﺮﻱ .. ﺷﺎﻣﺒﻮ ﺩﻻﻝ ﻭﻓﻞ ﻏﻨﻲ ﻭﺷﻜﺮﻱ .. ﻳﺎ ﻛﻮﺯ ﺍﻟﻤﺜﻞ ﻓﻲ ﺍﻟﻀﻴﻖ ﻣﻨﻬﺮﻱ .. ﻭﺣﻤﺪﻙ ﺍﻟﺮﺑﻞ ﺑﺖ ﺍﻟﺴﻤﻜﺮﻱ .. ﺟﻴﻬﺘﻚ ﻟﻠﺮﺟﻞ ﺩﻫﻨﺎً ﻛﺮﻛﺮﻱ .. ﺍﻟﻄﻠﺢ ﺍﻟﻜﺤﻞ ﻫﻮﻱ ﻳﺎ ﺍﻟﻌﺴﻜﺮﻱ .. ﻏﻴﺮﻙ ﻣﻦ ﻗﺒﻞ ﻋﺎﻣﻞ ﻓﻨﺠﺮﻱ .. ﻭﻓﺎﻛﺮ ﺍﻟﻨﺎﺱ ﻫﺒﻞ ﺑﺎﺳﻢ ﺍﻟﺪﻳﻦ ﻳﻄﻞ .. ﻭﺑﻰ ﺃﺳﻤﻰ ﺍﻟﻤﺜﻞ ﻳﺮﻏﻲ ﻭﻳﻨﻔﻌﻞ .. ﺿﺎﺣﻚ ﺑﺎﻟﻌﻘﻞ ﻣﺎ ﺩﺍﻋﺐ ﻃﻔﻞ .. ﻟﻮﻻ ﻭﻗﺎﻟﻮ ﻛﻞ ﻳﻨﻔﺮﻃﻖ ﻧﻌﻞ .. ﻓﻲ ﺍﻟﻤﺮﺓ ﻭﺍﻟﺮﺟﻞ ﻗﺎﺻﺪ ﻧﻨﺸﻐﻞ ﺑﻲ ﺳﻨﻦ ﺍﻟﻐﺴﻞ ﻋﻦ ﻣﻮﻳﺔ ﻭﺃﻛﻞ .. ﻻ ﺗﻮﺏ ﻻ ﻓﻲ ﺿﻞ ﻧﻘﻌﺪ ﻧﻨﻜﺘﻞ .. ﻓﻲ ﺍﻭﺻﺎﻑ ﺍﻟﺮﺳﻞ ﻣﻴﻦ ﺑﺮﻋﻰ ﺍﻹﺑﻞ .. ﻭﺗﺒﺮﺍ ﺍﻟﻐﻴﻤﺔ ﺿﻞ ﻭﺍﻟﻤﻦ ﺩﻭﺏ ﻃﻔﻞ .. ﻳﻔﺘﻲ ﻭﻳﺸﻔﻲ ﻏﻞ ﻭﺍﻟﻮﻛﺘﻴﻦ ﻳﻄﻞ .. ﻳﻠﻔﺢ ﻟﻠﻌﻘﻞ ﺣﻴﻠﺘﻚ ﻣﺎ ﺑﺘﺤﻞ .. ﻓﻲ ﻓﻜﺮﻙ ﻋﻄﻞ ﺯﻫﺪﻧﺎ ﻓﺎﺽ ﻓﻀﻞ .. ﻭﻣﺎ ﻧﺎﻗﺼﻴﻦ ﻣﺜﻞ ﻭﻳﻦ ﻳﻮﺟﻌﻨﺎ ﻭﻳﻦ .. ﻣﺎﻙ ﺩﺍﺭﻳﺒﻮ ﻛﻞ ﻣﺎ ﺷﻌﻨﻒ ﺩﻗﻴﻦ .. ﺷﻨﻒ ﺣﺎﻟﻨﺎ ﺫﻝ ﻋﻴﺸﺔ ﻳﺎ ﻣﻔﺘﺮﻱ .. ﻭﻳﻮﻡ ﻛﺎﻣﻞ ﺷﻐﻞ ﻧﺴﺮﻕ ﻧﻨﻜﺮﻱ .. ﻭﺍﻟﻼ ﺑﻼﺵ ﺗﻜﻞ ﻏﻨﻲ ﻭﺷﻜﺮﻱ .. ﻳﺎ ﻛﻮﺯ ﺍﻟﺪﺑﻞ ﺯﻳﺮﻭ ﻟﺒﺸﻜﺮﻱ .. ﻭﺍﻵﻳﺔ ﺑــ ﺭﻃﻞ ﺑﺲ ﻳﺎ ﻋﺴﻜﺮﻱ .. ................... ﻳﺎ ﻋﺴﻜﺮﻱ ﺍﻟﺘﺎﻟﻔﻴﻦ .. ﻭﻳﺎ ﺗﺎﻟﻒ ﺍﻟﻌﺴﻜﺮ ﻳﺎ ﻻﻳﺼﺎً ﻓﻲ ﻳﻤﻴﻦ .. ﻭﺍﻟﺸﻌﺐ ﻗﺪ ﺃﻳﺴﺮ ﻣﺎ ﺟﻒ ﺳﺎﻕ ﺍﺑﺮﻳﻞ .. ﺍﻛﺘﻮﺑﺮ ﺍﻷﺧﻀﺮ ﻳﺎﺕ ﺷﻴﻤﺔ ﻟﻴﻬﻮ ﺗﺸﻴﻞ .. ﻛﻞ ﻣﺎ ﺍﻟﺮﻳﺎﺡ ﺗﻜﺘﺮ ﻓﺮﻋﻮ ﺍﻟﻬﻄﻴﻂ ﺑﻴﻤﻴﻞ .. ﺑﺲ ﻣﺎ ﺑﻴﻨﻜﺴﺮ ﻳﺘﺴﺎﻣﻰ ﺩﻏﺮﻱ ﻋﺪﻳﻞ .. ﻛﻠﻤﺎ ﺍﻟﺮﻳﺎﺡ ﺗﻜﺘﺮ ﻃﻴﺮ ﺍﻟﺨﻄﻰ ﺍﻟﺠﺎﻳﻴﻦ .. ﻣﺎ ﺑﺘﻔﺰﻋﻮ ﺍﻟﻬﺰﺍﺕ ﻻ ﺻﻘﻮﺭﻙ ﺍﻟﻨﺎﺯﺍﺕ .. ﻣﻦ ﺩﻡ ﺭﻋﺎﻑ ﺍﻟﻄﻴﻦ .. ﻭﺩﻧﺲ ﺍﻟﺤﻴﺎﺓ ﺍﻡ ﻟﺬﺍﺕ ﻓﺎﻛﺮ ﺭﻗﺒﺘﻚ ﻣﻴﻦ ... ﻭﻓﺎﻛﺮﻧﺎ ﻣﻴﻦ ﺑﺎﻟﺬﺍﺕ ﺩﻱ ﺍﻟﻘﺮﺷﻲ .. ﻗﺎﺳﻢ ﺃﻣﻴﻦ .. ﻭﻳﺎ ﺩﺍ ﺍﻟﺸﻔﻴﻊ ﻣﺎ ﻓﺎﺕ ﻭﻣﺎ ﺍﻋﻈﻢ ﺍﻟﺠﺎﻳﻴﻦ .. ﻳﺎ ﺍﺗﺒﺮﻩ ﻭﺟﺎﻳﺎﺕ ﺣﺎﺿﺮﻧﺎ ﻣﺎ ﺑﻨﻤﻴﻞ .. ﻭﻛﻞ ﺍﻟﺪﺭﻭﺏ ﺻﺎﺣﻴﺎﺕ ﻳﺎ ﻻﺑﺴﺎً ﻛﻢ ﻭﺵ .. ﻋﻠﻰ ﻣﻴﻦ ﺗﺪﻭﺭ ﻭﺗﺤﻮﻡ ﺷﻐﻠﻚ ﺿﻼﻟﻲ ﻭﻏﺶ .. ﻧﻀﻤﻚ ﻋﺴﻞ ﻣﺴﻤﻮﻡ ﻗﺎﺻﺪ ﻋﻴﻮﻧﻮ ﺗﺘﺶ .. ﻭﻳﺮﺿﻰ ﺍﻟﺒﻠﺪ ﺑﺎﻟﺴﻮﻡ ﻃﻔّﺖ ﺟﺒﻬﺘﻮ ﺷﻤﺲ .. ﻃﺎﺭﺕ ﻓﻲ ﺭﺍﺳﻮ ﺩﻣﻮﻡ ﺍﻟﺠﺎﻱ ﺑﻌﺪﻭ ﻳﻤﺶ .. ﻳﻌﺘﺐ ﺑﻌﻴﺪ ﻣﻜﺮﻭﻡ ﺗﻄﻔﺶ ﻃﻴﻮﺭﻭ ﺗﻄﺶ .. ﻭﺑﻮﻣﻚ ﻳﻌﺸﻌﺶ ﻓﻮﻡ ﻳﺎ ﺿﺎﺣﻜﺎً ﻏﻴﺎﻅ .. ﻟﻲ ﺷﻌﺒﻚ ﺍﻟﻤﺄﺯﻭﻡ ﻇﻨﻚ ﻟﻴﺎﻟﻲ ﺣﺮﺍﺯ .. ﻣﺎ ﺯﻟﺰﻝ ﺍﻟﺨﺮﻭﻡ ﻓﻲ ﻣﺰﺍﺭﻋﻮ .. ﻻﻓﻲ ﺭﺫﺍﺫ .. ﻻﻏﻴﻤﺔ ﻃﺎﺷﺔ ﺗﺤﻮﻡ ﻻ ﺯﻳﺖ ﻭﻻ ﺃﻣﺒﺎﺯ .. ﻗﻔﻞ ﻣﺼﺎﻧﻌﻮ ﻋﻤﻮﻡ ﻭﺍﻧﻌﻜﻨﻦ ﺍﻹﻓﺮﺍﺯ .. ﻭﻗﺪ ﺑﻠﻐﺖ ﺍﻟﺤﻠﻘﻮﻡ ﻭﺑﺮﺿﻚ ﺗﻨﻮﻧﻲ ﻭﺭﺍﺯ .. ﻣﺎ ﺑﻨﻘﺬﻧﺎ ﻣﻨﻚ ﻳﻮﻡ ﺑﻴﻨﺎﺗﻮ ﻧﻤﺸﻲ ﻋﺰﺍﺯ .. ﺯﻱ ﺍﻟﻨﺒﻲ ﺍﻟﻤﺨﺘﻮﻡ ﻳﺎ ﺿﺎﺣﻜﺎً ﻏﻴﺎﻅ .. ﻟﻲ ﺷﻌﺒﻚ ﺍﻟﻤﺄﺯﻭﻡ ﻣﻦ ﺩﻛﺔ ﺍﻟﺘﻠﻔﺎﺯ .. ﺩﺍﻳﻤﺎً ﺗﻄﻞ ﻣﻠﺨﻮﻡ ﻭﺍﻧﻄﺎﻳﺮ ﺍﻹﻧﻘﺎﺫ .. ﻭﺯﺑﺪﻙ ﻳﺮﻙ ﻣﺰﺧﻮﻡ ﻋﺮﺏ ﺍﻟﻜﻨﺎﻧﺔ ﺣﺠﺎﺯ .. ﻣﺴﺘﻘﺒﻠﻦ ﻣﻬﻤﻮﻡ ﻋﺸﻤﺎﻥ ﻓﻲ ﻛﻮﺗﺔ ﺟﺎﺯ .. ﻋﺮﺑﻮﻧﺎ ﻛﻢ ﻗﺪﻭﻡ ﻣﻦ ﻟﺬﺗﻚ ﺗﻨﺤﺎﺯ .. ﻣﻊ ﻏﺰﻭ ﻣﺎ ﻟﻪ ﻟﺰﻭﻡ ﻛﺎﻥ ﻣﺎﻙ ﻧﺘﻦ ﻟﺰﺍﺯ .. ﻓﺘﺎﻥ ﻭﻟﺨﺒﺎﺕ ﻛﻮﻡ ﻣﻦ ﻫﺰﺗﻚ ﻓﻲ ﻋﻜﺎﻅ .. ﺷﻌﺐ ﺍﻟﻜﻮﻳﺖ ﻣﻮ ﺍﻟﺮﻭﻡ ﻻ ﻗﺼﺪ ﻻ ﻋﻜﺎﺯ .. ﻭﻗﺖ ﺍﻟﺪﻣﻴﺮﺓ ﺗﻘﻮﻡ ﻻﻙ ﻧﺎﻓﻌﺎً ﺣﺠﺎﺯ .. ﻭﺷﻦ ﺍﻟﻌﺘﺎﺏ ﻭﺍﻟﻠﻮﻡ ﻓﻮﻕ ﺍﻟﻌﻠﻴﻚ ﻻﻭﺍﺯ .. ﺗﺸﻬﺪ ﺳﻤﺎ ﺍﻟﺨﺮﻃﻮﻡ ﻏﻤﺎﺯ ﻭﻳﺎ ﻟﻤﺎﺯ .. ﻫﻤﺎﺯ ﻭﻳﺎ ﻣﻔﻄﻮﻡ ﻣﺎ ﺍﻟﻔﺮﻕ ﺑﻴﻦ ﻣﻠﻮﻙ .. ﻛﺎﺩﺓ ﺍﻟﺮﻋﻴﺔ ﺗﻠﻮﻙ ﻭﻋﺴﻜﺮ ﻭﺭﺍﻫﻮ ﺑﻨﻮﻙ .. ﺳﺎﻭﺍ ﺍﻟﻐﻼﺑﺎ ﺣﻨﻮﻙ ﻃﻮﻝ ﺍﻟﻨﻬﺎﺭ ﻋﻮﻙ .. ﻋﻮﻙ ﻭﺍﻟﻠﻴﻞ ﺗﺮﺍﺏ ﻭﺻﻜﻮﻙ ﺗﻤﻼ ﻭﺗﻔﻀﻲ ﺷﺮﻭﻙ ﻭﺗﻤﻠﺺ ﺿﻤﻴﺮﺍ ﻫﻨﻮﻙ ﻭﺍﺳﺘﺮﻧﻲ ﻳﺎ ﺍﻟﻤﺒﺮﻭﻙ ﻣﺘﻞ ﺍﻟﺘﻜﻨﻲ ﺃﺑﻮﻙ ﻻﻑ ﺑﻲ ﺃﺧﻮﻱ ﻭﺃﺧﻮﻙ ﻻ ﺍﺧﻼﻕ ﻻ ﺩﻳﻦ ﻻ ﺳﻠﻮﻙ ﻳﺮﻣﻲ ﺍﻟﻮﻟﺪ ﻓﻲ ﺍﻟﺸﻮﻙ ﺃﻣﺎ ﺍﻟﺒﻠﺪ ﻣﺸﻜﻮﻙ ﻳﺎ ﺷﻌﺐ ﻳﺴﻠﻢ ﻓﻮﻙ ﻋﻄﻔﻚ ﺭﺿﺎﻙ ﻭﻋﻔﻮﻙ ﻗﻮﻝ ﻟﻠﺨﺰﻳﻦ ﺻﻞ ﺻﻮﻡ ﻭﻻ ﺗﻨﻜﺴﺮ ﻣﻬﺰﻭﻡ ﻭﻟﻮ ﻓﻀﻠﺖ ﺍﻟﺨﺮﻃﻮﻡ ﻣﻦ ﺗﺼﺤﻰ ﻗﺒﻞ ﺍﻟﻄﻴﺮ ﺑﻌﺪ ﺍﻟﻨﺠﻴﻤﺔ ﺗﻨﻮﻡ ﻭﻣﻦ ﻋﺎﺵ ﻳﺎ ﻃﻴﺒﺔ ﺑﺨﻴﺮ ﻣﻜﺴﻴﺔ ﺭﺍﺟﻴﺔ ﺍﻟﻴﻮﻡ ﻣﻤﻨﻮﻉ ﻋﻠﻴﻬﺎ ﺍﻟﺴﻴﺮ ﻏﻴﺮ ﻟﻰ ﻛﺒﺎﺭ ﺍﻟﻘﻮﻡ ﻭﺍﻟﺴﺎﺩﺓ ﺍﻷﻣﺠﺎﺩ .. ﻻﺑﺪ ﻣﻦ ﻳﺠﻲ ﻳﻮﻡ ﺳﺎﻋﺎﺗﻮ ﻣﺎ ﻫﻲ ﺑﻌﺎﺩ ﻳﺠﻲ ﻣﻦ ﺿﺮﺍﻉ ﻋﺒﺎﺩ ﻣﻦ ﻏﻤﺔ ﺣﻖ ﺍﻟﻤﻮﺕ ﻣﺎ ﻻ ﻗﻲ ﻭﺍﻧﺘﻮ ﺳﻌﺎﺩ ﻗﻮﻝ ﻟﻠﺪﻋﻲ ﺍﻟﻤﺘﺨﻮﻡ ﻳﺎ ﻣﻜﻔﻦ ﺍﻟﺘﻔﺎﺡ .. ﻭﺷﻐﻠﻚ ﻗﻴﺎﻓﺔ ﻭﻧﻮﻡ ﻓﻲ ﺷﻌﺒﻚ ﺍﻟﻜﺪﺍﺡ .. ﻭﺃﻃﻔﺎﻝ ﻣﻮ ﻻﻗﻴﺔ ﺍﻟﺪﻭﻡ ﻳﺎ ﺃﺭﺯﻗﻲ ﻭﻣﺮﺗﺎﺡ .. ﻣﺎ ﺟﺎﺑﻬﻨﻮ ﻫﻤﻮﻡ ﺟﺎﻳﻴﻚ ﺯﻣﻦ ﻛﺘﺎﺡ .. ﺟﺎﻳﺎﻙ ﺭﻳﺎﺡ ﻭﻏﻴﻮﻡ ﺟﺎﻳﺎﻙ ﺻﺨﻮﺭ ﺍﻟﺼﺎﺡ .. ﺟﺎﻱ ﺍﻟﺼﺢ ﺍﻟﻤﻌﻠﻮﻡ ﻣﻦ ﻛﻞ ﻓﺞ ﻓﻲ ﻛﻔﺎﺡ .. ﺗﺘﻮﺣﺪ ﺍﻟﺨﺮﻃﻮﻡ ﺍﻟﺒﻴﻨﻨﺎ ﺑﻴﻨﻚ ﺩﻡ .. ﺗﺎﺭﺍً ﻏﺮﻳﻖ ﻭﺟﺮﺍﺡ ﻓﻴﻨﺎ ﺍﻟﺒﺤﺮﻗﻮ ﺍﻟﺪﻡ .. ﻓﻴﻨﺎ ﺍﻟﺒﻜﻔﻮ ﺳﻼﺡ ﺷﻬﺪﺍﻧﺎ ﻣﺎ ﻗﺖ ﻛﻢ ... ﻻ ﻳﺎﺗﻮ ﻓﻴﻬﺎ ﻓﻼﺡ ﻻ ( ) ﺷﻠﺖ ﺍﻟﻬﻢ .. ﻳﺎ ﺟﻨﻲ ﻳﺎ ﺳﻔﺎﺡ ﻻ ﺍﻹﻧﺪﻟﻖ ﺑﻨﺨﻢ .. ﻻ ﺑﺘﺘﻮﺯﻥ ﺃﺭﻭﺍﺡ ﻭﺩ ﺍﻟﻔﻀﻞ ﻣﺎ ﺭﺍﺡ .. ﻭﻣﺎ ﻃﺎﻝ ﻓﻴﻨﺎ ﺷﻬﻴﺪ ﻋﺼﻴﺎﻥ ﻭﺇﺿﺮﺍﺑﺎﺕ .. ﻣﺎ ﺑﻨﻔﻊ ﺍﻟﺘﺸﺮﻳﺪ ﻻ ﺑﺠﺪﻱ ﺻﺎﻟﺢ ﺧﺎﺹ .. ﻻ ﻣﺴﺨﻚ ﺍﻟﺸﻌﺒﻲ ﻭﻏﻨﺎﻳﻚ ﺍﻟﺮﻗﺎﺹ .. ﻻ ﺩﻓﺎﻋﻚ ﺍﻟﺤﺰﺑﻲ ﻻ ﺣﻴﻠﺔ ﺍﺑﻦ ﺍﻟﻌﺎﺹ .. ﻻ ﺍﻟﺴﺠﻦ ﻻ ﺍﻟﺘﻬﺪﻳﺪ ﻳﺎﺑﻮﺱ ﺑﻼﺩ ﺍﻟﻨﺎﺱ ﺃﺷﺮﺍﻓﻬﺎ ﻣﺎ ﺑﺘﻨﺪﺍﺱ .. ﻣﺎ ﺑﻤﺸﻲ ﻓﻴﻬﺎ ﻭﻋﻴﺪ .. ﻓﻴﻬﺎ ﺍﻟﻮﻋﺪ ﻣﺘﺮﺍﺱ .. ﻓﻴﻬﺎ ﺍﻟﻌﺸﻖ ﺻﻨﺪﻳﺪ .. ﻭﻓﺎﺕ ﺃﻋﺰﻻً ﺩﻭﺍﺱ .. ﻳﺎ ﺃﺭﺫﻝ ﺍﻟﻘﺎﻋﺪﻳﻦ .. ﻳﺎ ﺃﺑﺨﺲ ﺍﻷﻧﺠﺎﺱ ﻭﺳﻊ ﻣﺠﺎﺭﻱ ﺍﻟﺪﻡ .. ﺯﻳﺪ ﺍﻟﺴﺠﻦ ﺗﺮﺑﺎﺱ ﻳﺎ ﻫﺎﻟﻜﺎً ﻣﺠﺮﺍﺱ .. ﻣﺎ ﺍﺳﺒﺎﺏ ( ) ( ) ﺧﺎﺯﻭﻕ ﺑﻨﻲ ﺍﻟﻌﺒﺎﺱ .. ﺯﻱ ﻣﺎ ﺍﻧﺖ ﻋﻨﺪﻙ ﺩﻳﻦ ﺍﻓﺮﻳﻘﻴﺎ ﻟﻴﻬﺎ ﺗﺮﺍﺙ ﻭﻛﺎﻥ ﺗﻨﻬﺮﻱ ﻭﺗﻨﻐﺎﻅ .. ﻋﺒﺪﺍﻟﻠﻄﻴﻒ ﺍﻟﻤﺎﻅ .. ﻣﺎ ﺣﺮﺿﻮ ﺍﻟﻨﺨﺎﺱ

ﺍﺷﻌﺎﺭ ﺍﻻﺳﺘﺎﺫ ﺣﻤﻴﺪ 3 ﺣَﻖ ﺍﻟﻐُﻨﻰ ﻣﺤﻤﺪ ﺍﻟﺤﺴﻦ ﺣﺴﻦ ﺳﺎﻟﻢ )ﺣﻤﻴﺪ( ﻣﻦ ﺣﻘﻲ ﺃﻏﻨﻲ .. ﺃﻏﻨﻲ ﻟﺸﻌﺒﻲ .. ﻭﻣﻦ ﺣﻖ ﺍﻟﺸﻌﺐ ﻋﻠﻲّ ﻻ ﺑﻲ ﺇﻳﺪﻙ ﺗﻤﻨﻊ ﻗﻠﺒﻲ .. ﻭﻻ ﻗﻠﺒﻲ ﻛﻤﺎ ﺑﺎﻳﺪﻳﺎ ﻋﻠﻤﻨﻲ ﺃﻏﻨﻲ .. ﺍﻟﻄﻴﻦ .. ﺍﻟﻤﻄﺮﺓ .. ﻭﺍﻟﻄﻮﺭﻳﺔ ﺍﻟﻨﺎﺱ ﺍﻟﺼﺎﺑﺮﺓ .. ﺳﻨﻴﻦ ﺑﺎﻟﺤﺎﻝ .. ﺍﻟﻤﺎ ﺩﻏﺮﻳﺔ ﺍﻟﻘﺎﺑﻀﺔ ﺍﻟﺠﻤﺮﺓ ﻓﻲ ﺇﻳﺪﺍ .. ﻭﺍﻟﺠﻤﺮﺓ ﺗﻠﻬﻠﺐ ﺣﻴﺔ ﻻ ﻗﺎﺩﺭﺓ ﺍﻟﺠﻤﺮﺓ ﺗﻘﻴﺪﺍ .. ﻻ ﻗﺎﺩﺭﺓ ﺗﻮﻟﻊ ﻫﻲّ ﻳﺎ ﻗﻠﺒﻲ ﺑﻼﺵ ﻧﺴﺘﻌﺠﻞ .. ﻳﺎ ﻗﻠﺒﻲ ﺷﻮﻳﺔ ﺷﻮﻳﺔ ﻋﻠﻤﻨﻲ ﺍﻟﺸﻮﻕ ﻧﺘﺮﺟﻞ .. ﻧﺴﺘﺤﻤﻞ ﻭﺟﻊ ﺍﻟﺠﻴﺔ ﻭﺍﺻﻠﻴﻦ ﺍﻟﻤﺎ ﺑﺘﺄﺟﻞ .. ﺍﻟﻴﻮﻡ ﺍﻟﺸﻤﺸﻮ ﻗﻮﻳﺔ ﻻ ﺍﻟﻘﺶ ﺑﻴﻬﺎﺏ ﺍﻟﻤﻨﺠﻞ .. ﻻ ﺍﻟﻄﻴﺔ .. ﺍﻟﻨﺎﺭ .. ﺍﻟﻜﻴﻪ ﻳﺎ ﺻﻘﺮ ﺍﻵﻩ ﻳﺎ ﺭﻳﺢ .. ﻻ ﺗﻨﻔﺾ ﻋﺶ ﻗﻤﺮﻳﺔ ﻣﻦ ﺣﻘﻮ ﻳﻐﻨﻲ ﺻﺮﻳﺢ .. ﺫﺭﻳﺔ ﻭﺭﺍ ﺫﺭﻳﺔ ﻣﻦ ﺣﻘﻲ ﺃﻏﻨﻲ ﺍﻟﻌﺎﻟﻢ .. ﺇﺑﺪﺍﻉ ﻭﻋﻠﻢ ﺣﺮﻳﺔ ﺇﻧﺴﺎﻧﻲ ﺷﻌﻮﺏ ﺗﻨﺴﺎﻟﻢ .. ﺗﻨﺴﺎﻟﻢ ﺑﻲ ﺣﻨﻴﺔ ﻋﻠﻰ ﻧﺨﺐ ﺍﻟﻮﺩ ﻧﺘﻨﺎﺩﻡ .. ﻻ ﺟﻨﺲ ﻭﻻ ﻟﻮﻧﻴﺔ ﻻ ﻋﺮﻕ ﻻ ﺁﻩ ﻧﺘﻘﺎﺩﻡ .. ﺳﻜﺘﻨﺎ ﺑﻴﺎﺽ ﺍﻟﻨﻴﺔ ﻣﺶ ﻛﻠﻨﺎ ﺟﻴﻨﺎ ﻣﻦ ﺁﺩﻡ .. ﻭﻣﺶ ﺁﺩﻡ ﺍﺑﻮ ﺍﻟﺒﺸﺮﻳﺔ ﺍﻟﺴﺠﻦ ﺇﺫﺍً ﻳﺘﺮﺍﻳﻢ .. ﻧﺒﻨﻴﻬﺎ ﻗﻼﻉ ﺛﻮﺭﻳﺔ ﻋﻘﺒﺎﻝ ﺍﻟﺨﻴﺮ ﻳﺘﺮﺍﺩﻡ .. ﻭﺍﻟﺪﻧﻴﺎ ﺗﻤﺶ ﺩﻏﺮﻳﺔ ﻣﺪ ﻛﻔﻚ ﻳﺎ ﺑﻨﻲ ﺁﺩﻡ .. ﺣﺮﻳﺔ ﺳﻼﻡ ﺣﺮﻳﺔ ﻣﺴﺎﻭﺭﺓ ﻣﺤﻤﺪ ﺍﻟﺤﺴﻦ ﺣﺴﻦ ﺳﺎﻟﻢ )ﺣﻤﻴﺪ( ﻳﺎ ﺟﻤﺔ ﺣﺸﺎ ﺍﻟﻤﻐﺒﻮﻥ .. ﻓﻲ ﺍﻟﺰﻣﻦ ﺍﻟﻬﻼﻙ ﻣﻨﺠﺎ ﺗﻜﻮﻥ ﺣﺎﻧﺖ ﻣﻮﺍﻋﻴﺪﻙ .. ﻳﻜﻮﻥ ﻭﻗﺖ ﺍﻟﻤﻄﺮ ﻗﺪ ﺟﺎ ﺷﺮﻕ ﺿﻮﺍ ﺍﻟﺒﻠﺪ ﻋﻴﺪﻙ .. ﻭﻃﺎﺑﺖ ﻧﺴﻤﺘﻮ ﺍﻟﻌﺮﺟﺎ ﻧﻜﻮﻥ ﻳﺎ ﻃﻴﺒﺔ ﺗﻤﻴﻨﺎ .. ﻭﺑﺪﻳﻨﺎ ﻭﻟﻔﻨﺎ .. ﻏﻨﻴﻨﺎ ﺍﻟﻐﻨﺎ ﺍﻟﺮﺍﺟﺎ ﻭﺑﺪﺕ ﻛﺎﺱ ﺍﻟﻤﻮﺩﺓ ﺗﻠﻒ .. ﻋﺸﻖ ﻣﻦ ﺣﻠﻔﺎ ﻟﻲ ﺭﺍﺟﺎ ﺃﻟﻒ ﻓﻲ ﺃﻟﻒ .. ﺣﺒﺎﺑﻚ ﺃﻟﻒ .. ﺇﻳﻪ ﻳﺎ ﻋﻨﺰﻧﺎ ﺍﻟﻘﺮﺟﺎ ﻳﺎ ﻟﺒﺎﻧﺔ ﻓﻲ ﺍﻟﺰﻣﻦ ﺍﻟﻤﺮﺍﺣﻮ ﻧﺸﻒ .. ﻳﺎ ﺟﺒﺎﻧﺔ ﻟﻠﺨﻮﺍﻧﺔ .. ﻟﻠﻌﻮﺝ ﺍﻟﺒﺪﻭﺭ ﻭﻳﻠﻒ ﺩﻣﻴﺮﺗﻨﺎ ﺍﻟﺒﺘﺮﻭﻱ ﺟﺮﻑ ﺿﻔﻴﺮﺗﻨﺎ ﻭﻋﺮﺵ ﺑﻴﺘﻨﺎ .. ﺗﻤﻴﺮﺍﺗﻨﺎ ﺍﻟﻠﻲ ﻛﺎﻧﻮ ﻭﻗﻒ ﺃﺻﺎﺑﻌﻴﻦ ﺍﻟﺮﺟﺎﻝ ﺭﺻﺎﺹ .. ﺻﻤﻎ ﺭﺍﺱ ﺍﻟﺒﻨﻴﺔ ﺳﻘﻒ ﺗﻜﻮﻥ ﺩﺍﺭﺓ ﺍﻟﺰﻣﻦ ﻋﻤﺮﺕ .. ﻧﻜﻮﻥ ﻟﻤﻴﻨﺎ ﻓﻲ ﺍﻟﻔﺎﺗﻮ ﻭﺗﻜﻮﻥ ﻓﺎﻗﺖ ﻣﻼﻣﺤﻨﺎ ﻭﺗﻀﺎﺭﻳﺴﻨﺎ ﺍﻟﻘﺒﻴﻞ ﻏﻤﺮﺕ ﺩﻏﺶ ﺳﺎﻗﺖ ﺑﻮﺍﺑﻴﺮﻧﺎ ﻭﻧﺠﺖ ﺷﺘﻼﺕ ﺑﻌﺪ ﺿﻤﺮﺕ ﺿﺮﺍﻋﻴﻚ ﻳﺎ ﺍﻟﻮﻟﺪ ﻛﺒﺮﺕ .. ﻣﺮﺍﻋﻴﻚ ﻳﺎ ﺍﻟﺒﻠﺪ ﻛﺘﺮﺕ ﺧﺪﺍﺭ .. ﺧﺪﺭﺕ ﻏﺰﺍﺭ .. ﻏﺰﺭﺕ ﻧﻀﺎﺭﺍً ﺯﻳﻦ ﺑﺮﻏﻢ ﺍﻟﺼﻴﻒ ﻭﺻﻨﺎﺗﻮ .. ﻭﺳﻤﻮﻡ ﺍﻟﺒﻴﻦ ﻭﺃﻧﺎﺗﻮ ﻋﺼﺎﻓﻴﺮ ﺍﻟﺠﻠﺪ ﻗﺪﺭﺕ ﺗﺒﺎﺻﺮ ﻏﻴﻤﺔ ﻣﻨﺘﺤﺮﺓ ﺗﻀﺎﻳﺮ ﻧﺴﻤﺔ ﻣﻨﺪﺣﺮﺓ ﺗﻀﺎﻳﺮ ﺍﻟﻐﺎﺑﺔ ﻭﺍﻟﺼﺤﺮﺍ ﻣﻦ ﺍﻟﻐﻤﺔ ﻭﺿﻼﻣﺎً ﺷﻴﻦ .. ﻭﻣﻨﻚ ﻳﺎ ﺩﻗﻴﻦ ﻧﻨﻔﻚ .. ﺗﻜﻮﻥ ﻓﻜﺖ ﻋﻘﺪﺓ ﺍﻟﺪﻳﻦ .. ﻭﻋﻘﺐ ﺳﻴﺮﺓ ﺍﻟﺒﻠﺪ ﺳﺎﺭﺕ ﻋﻠﻰ ﺍﻟﺪﺭﺏ ﺍﻟﻌﺪﻳﻞ ﻭﺍﻟﺰﻳﻦ ﺑﻌﺪ ﻫﺎ ﺍﻟﺤﺎﻝ ﺑﻼ ﻣﺮﺳﺎﻝ .. ﻳﺠﻮ ﺍﻟﻌﻤﺎﻝ .. ﻳﺠﻮﺯ ﺍﻟﺰﺭﺍﻉ .. ﻳﺠﻮ ﺍﻟﻜﺪﺍﺡ ﻳﺠﻮ ﺍﻟﻨﺎﺱ ﺍﻟﺒﺨﺒﺮﻭ ﺷﻠﻴﻞ .. ﻭﺷﻘﻴﺶ ﺭﺍﺡ ﻭﻗﻤﺮﻳﺘﻴﻦ ﺟﻨﺎﺣﻦ ﺩﻟّﻰ ﻓﻮﻕ ﺍﻟﺼﺎﺡ ﻣﻦ ﺍﻟﻐﻔﻠﺔ ﻭﻋﺴﺎﻛﺮ ﺍﻟﻠﻴﻞ .. ﻭﻟﻲ ﺍﻟﺪﻧﻴﺎ ﺍﻟﺠﺪﻳﺪﺓ ﺟﻨﺎﺡ ﺻﺒﺎﺡ ﻧﻨﺪﻟّﻰ ﺷﺪﺓ ﺣﻴﻞ ... ﺑﻠﺪﻧﺎ ﻭﻣﺎ ﺑﻨﻘﻴﻒ ﺑﻴﻦ ﺑﻴﻦ ﻓﻴﺎ ﺧﻴﺎﻟﺔ ﻋﺪﻭ ﺍﻟﺨﻴﻞ .. ﻭﻟﻲ ﺍﻟﻄﻴﺒﺔ ﺍﻟﺒﺘﻤﻠﻰ ﺍﻟﻌﻴﻦ ﻣﺪﻯ ﻭﺗﻴﺎﻩ .. ﻓﻲ ﺣﺰ ﺍﻟﻘﻠﺐ ﻏﻨﻮﺓ ﻭﺁﻩ ﺣﻨﺎﻥ ﺑﻠﺪﻭ .. ﻭﺣﻨﻴﻦ ﻣﻨﻔﺎﻩ ﻳﺎ ﺑﺖ ﺍﻟﻌﺰ .. ﻳﺎ ﺑﺖ ﺍﻟﺠﺎﻩ ﻳﺎ ﻫﺴﻊ ﺩﻳﺔ .. ﻳﺎ ﺑﻜﺮﺍﻧﺎ .. ﻳﺎ ﻣﺎﺿﻴﻨﺎ .. ﻳﺎ ﺑﻌﺪﻳﻦ ﻧﻜﻮﻥ ﻛﻨﺎ .. ﻭﺑﻘﻴﻨﺎ ﻣﺘﻴﻦ ﻭﻛﻴﻒ ﺗﻜﺪﺡ ﻣﻮﺍﻋﻴﺪﻙ ﻣﻮﺍﻋﻴﺪﻧﺎ ﻭﻧﺴﺎﻭﺭﻙ ﻭﻳﻦ ﺍﻟﺴﺮﺓ ﺑﺖ ﻋﻮﺽ ﺍﻟﻜﺮﻳﻢ ﻣﺤﻤﺪ ﺍﻟﺤﺴﻦ ﺣﺴﻦ ﺳﺎﻟﻢ )ﺣﻤﻴﺪ( ﺟﺎﺕ ﺩﺍﺧﻠﺔ .. ﺯﻱ ﻣﺮﻗﺔ ﻏﻀﺐ ﻣﻦ ﺟﻮﻑ ﺣﻠﻴﻢ .. ﻓﻲ ﺯﻣﻦ ﺻﻌﺐ ﺭﻣﺖ ﺍﻟﺴﻼﻡ .. ﺯﻱ ﺷﻨﻄﺔ ﻣﻦ ﻛﺘﻒ ﺍﻟﻤﺴﺎﻓﺮ .. ﺑﻲ ﺗﻌﺐ ﺯﻱ ﺭُﺩﺧﺔ ﺭﺏ .. ﺍﻟﻠﻪ ﻳﺎ ﺭﺏ ﻗﻌﺪﺕ ﻋﻠﻰ ﻃﺮﻑ ﺍﻟﻌﻨﻴﻘﺮﻳﺐ ﺍﻟﻤﺤﺎﺯﻱ ﺍﻟﻮﺍﻃﺔ .. ﺿﺎﻳﺮﺕ ﺍﻟﺘﺮﺍﺏ ، ﻛﺴﺮ ﺍﻟﻌﻮﻳﺶ ﺍﻟﻔﻮﻗﻮ .. ﺷﺎﻟﺖ ﺑﺎﺻﺒﻌﺎ ﻭﺷﺨﺘﺖ ﺷﺨﻴﺖ ﺍﻟﻠﻪ ﻳﺎ ﺭﺏ ﻋﺎﻳﻨﻨﺎ ﻓﻴﻬﺎ ﻧﻜﻮﺱ ﺳﺒﺐ .. ﻟﻠﻜﻔﺮﻧﺔ ﻭﻓﻮﺭﺓ ﺍﻟﺰﻫﺞ .. ﻣﻦ ﺩﺭﻭﺓ ﺍﻟﺒﺎﻝ ﺍﻟﻮﻫﻴﻂ ﻣﺎ ﻋﻮﺩﺗﻨﺎ ﺗﺪﺱ ﻋﻮﺝ .. ﺗﻜﺘﻢ ﻓﺮﺡ .. ﺯﻱ ﺣﺎﻟﺔ ﺍﻟﺰﻭﻝ ﺍﻟﺒﺴﻴﻂ ﺻﻨﻘﻌﻨﺎ ﻓﻲ ﻗﻌﺪﺗﻨﺎ .. ﺭﺍﺟﻌﺖ ﺍﻟﻮﺷﻮﺵ .. ﺩﻧﻘﺮﻧﺎ ﻋﻦ ﺭﻓﻌﺔ ﻭﺷﻴﻬﺎ ﺍﻟﻤﺘﻌﺐ ﺍﻟﺠﺎﺩ ﺍﻟﺮﺣﻴﻢ ﺍﻟﻄﻴﺐ ﺍﻟﺴﻤﺢ ﺍﻟﻤﻌﺎﻓﻰ .. ﺭﻫﺎﺏ ﺭﻫﺎﺏ ﻳﻨﺸﺎﻑ ﻭﺳﻴﻢ ﺇﻧﻮﻫﻄﺖ ﻓﻮﻕ ﺍﻟﻌﻨﻴﻘﺮﻳﺐ ﺍﻟﻘﺪﻳﻢ ﻣﻦ ﺗﺎﻧﻲ ﺿﺎﻳﺮﺕ ﺍﻟﺘﺮﺍﺏ ، ﻛﺴﺮ ﺍﻟﻌﻮﻳﺶ ﺍﻟﻔﻮﻗﻮ ﺷﺎﻟﺖ ﺑﺎﺻﺒﻌﺎ ﻭﺷﺨﺘﺖ ﺷﺨﻴﺖ ﻭﻗﺎﻟﺖ : ﺗﺼﺪﻗﻮ ﺁ ﻭﻻﺩﻱ ﺑﻘﻴﺖ ﺃﺑﻴﺖ ﺍﻟﻠﻴﻞ ﺃﻓﻜﺮ ﻓﻲ ﺍﻟﺘﻤﻴﺮﺍﺕ ﺍﻟﻘﺪﺭ ﻓﻮﻕ ﺭﺍﺳﺎ ﻣﺎ ﺷﺎﻟﺖ ﺻﺒﻴﻂ ﻏﻠﺒﺎ ﺍﻟﺠﺮﻭﺭﺓ ﺍﻟﻔﻮﻕ ﺿﻬﺮﻧﺎ ﺗﻨﺰﻻ .. ﺗﻄﻠﻖ ﺿﻬﺮﻧﺎ ﻣﻊ ﺍﻟﺠﻤﺎﻋﺔ .. ﺷﻦ ﺩﻫﺎﻧﺎ ﺩﻱ ﻛﻢ ﺳﻨﻴﻦ ﻭﺍﻟﺤﺎﻝ ﻭﻗﻒ ﺟﻒّ ﻭﺣﻠﻒ ﻣﺎ ﻓﻴﻬﻮ ﻣﻦ ﻧﻘﺎﻁ ﺑﺴﻴﻂ ﻛﺎﻥ ﺑﻮﺷﻨﺎ ﻓﻲ ﺣﺶ ﺍﻟﺘﻤﻮﺭ .. ﺍﻟﻠﻴﻠﻲ ﺩﻭﺷﻨﺎ ﻣﻊ ﺍﻟﻠﻘﻴﻂ ﺃﻱ ﻻ ﺣﻜﺖ ﺩﻱ ﻭﻻ ﺑﻜﺖ .. ﻣﺎ ﻛﻨﺎ ﻗﺎﻳﻠﻴﻦ ﻓﻲ ﺣﻴﺎﺗﻨﺎ ﻳﺠﻴﻨﺎ ﺃﻗﺴﻰ ﻣﻦ ﺍﻟﻤﻀﻰ ﺳﺎﻋﺔ ﻣﺮﻭﻕ ﺍﻹﻧﺠﻠﻴﺰ ﻗﻠﻨﺎ ﺍﻟﻈﻠﻢ ﺭﺍﺡ ﻭﺍﻧﻘﻀﻰ ﺗﺎﺭﻳﻬﻮ ﻛﻤﺘﺮ .. ﻭﻗﺎﻡ ﺩﻗﻮﻥ .. ﺣﻠﻔﺎ ﻭﻋﺸﺮ .. ﻣﻌﻴﻮﻗﺔ ﻧﺎﻝ ﺩﻣﺴﻴﺲ ... ﺿﺮﻳﺴﺎ .... ﻭﺷﻮﻙ ﺟﻤﺎﻝ ﺍﻟﻠﻪ ﻳﺎ ﺭﺏ ﺍﻟﻌﺎﻟﻤﻴﻦ ﺍﻟﻤﺎ ﺟﺤﺪﻧﺎ ﻧﻌﻤﺘﻮ ﻓﻲ ﺍﻟﺸﻮﻑ ﻭﺍﻟﺴﻤﻊ ﺭﺍﺣﺔ ﺍﻟﻮﻻﺩﺓ ﻭﻻ ﻗﻠﻮﺑﻨﺎ ﻋﻤﻦ ﻭﻻ ﻏﻴﺮﻧﺎ ﺩﻳﻦ ﻓﻲ ﺍﻟﺠﺎﺑﻮ ﻣﺎ ﻗﺼﺮ ﺣﻤﺪ .. ﻓﻲ ﺍﻟﺸﺎﻟﻮ ﻣﺎ ﻗﻠﻨﺎﻟﻮ ﻭﻳﻦ ﻣﺎﺷﻴﺒﻮ ﻭﻳﻦ ﻋﺪﻟﺖ ﻧﻌﺎﻝ ﻣﻘﻠﻮﺑﺔ ﻓﻲ ﺍﻟﺠﻴﻬﺔ ﺍﻟﻴﻤﻴﻦ .. ﺣﺪﺭﺕ ﺷﻤﺎﻝ ﺯﻣﻨﺎً ﻣﻮ ﺩﺍ ﺍﻟﺤﻴﻜﻮﻣﺔ ﻛﺎﻧﺖ ﺑﺖ ﺣﻼﻝ ﺑﻲ ﺣﺎﻻ .. ﺑﻲ ﺣﺮﺏ ﺍﻟﺠﻨﻮﺏ .. ﺑﻲ ﻗﻠﺔ ﺍﻟﻤﺎﻝ ﻓﻲ ﺍﻟﺠﻴﻮﺏ ﻛﺎﻧﺖ ﺭﺧﻴﻲ ﺍﻟﻌﻴﺸﻲ .. ﺇﻻ ﺗﺮﺍ ﺍﻟﻌﻮﻳﻦ ﺍﻟﻜﺒﺮﻭ .. ﻛﺒﺮﻭ ﻣﻠﻴﺴﻴﻦ ﻋﻠﻤﻦ ﻳﻄﻴﺮ .. ﺇﻥ ﻛﺎﻥ ﻫﻮ ﻣﺎ ﺻﻠﺢ ﻋﻮﺝ .. ﻣﺎ ﻓﺎﺩﻧﺎ ﺷﻲﺀ ﻭﻣﺤﻖ ﺍﻟﻘﺒﻴﻞ ﻟﻤﻴﻨﺎ ﻫﻴﻦ .. ﻓﻲ ﻫﻴﻦ .. ﻓﻲ ﻫﻴﻦ ﻳﺎ ﺣﻠﻴﻞ ﺭﺟﺎﻻً ﺳﻜﺘﻦ ﻗﺪﺭﺍً ﻏﺸﺎﻫﻦ ﺑﺎﻟﻘﻔﺎ .. ﻭﻟﻲ ﺍﻟﻠﻴﻠﺔ ﺳﻴﻔﻦ ﻓﻲ ﺍﻟﺠﺮﺍﺏ ﻳﻬﺮﺝ ﺳﻨﻴﻦ ﺩﺍ ﺯﻣﻦ ﻗﻮﺍﺳﻲ .. ﺯﻣﻦ ﺿﻼﻟﺔ .. ﺍﻭﺍﻧﻄﺠﻴﺔ .... ﺯﻣﻦ ﻣﻬﻴﻦ ﻻﻗﻴﻦ ﻫﻮﺍﻛﻦ ﺿﺮﻭﺍ .. ﺿﺮ .. ﻳﺎ ﻋﺴﻜﺮﻳﺎً ﻣﺎ ﺍﻧﺘﻌﻆ .. ﻛﺘﻞ ﺍﻟﺮﻗﺎﺏ ﺑﻴﻮﺩﻱ ﻭﻳﻦ ﺿﺮ .. ﻳﺎ ﺟﻼﻟﻴﺒﺎً ﺭﻫﺎﻑ .. ﺫﻣﻤﺎً ﺧﻔﺎﻑ .. ﺿﺮ ﻳﺎ ﺿﺮﺭ .. ﺿﺮ .. ﻳﺎ ﺩﻗﻴﻦ ﻣﻨﺼﻠﺒﻄﻴﻦ ﻋﺮﻕ ﺍﻟﻨﺒﻲ .. ﻭﺑﺎﻟﻨﺎﺭ ﺑﺘﻠﻌﺒﻮﺍ ﻳﺎ ﻋﻮﻳﻦ ﻟﻲ ﺍﻟﺤﻮﻝ ﻗﺮﻳﺐ .. ﺩﺭﺏ ﺍﻟﺴﻼﻣﺔ .. ﺗﺨﻮﺟﻮﺍ ﺑﻲ ﺩﺭﺏ ﺍﻟﺤﺮﺏ ﻏﺘﻲ ﻗﻠﺐ ﻭﺍﻟﻼ ﺍﻟﺤﺮﺏ .. ﺑﻘﺮﺓ ﺣﻠﺐ .. ﻭﺍﻷﺭﺽ ﺻﻴﻦ ﻣﺎ ﻛﺎﻥ ﻋﻤﻞ .. ﻣﺎ ﻛﺎﻥ ﺩﺍ ﺩﻳﻦ ﻳﺎ ﺃﺭﺯﻗﻴﺔ ﺗﺨﻤﺠﻮﺍ ﺩﻡ .. ﻭﺍﻟﺪﻡ ﻣﻮ ﻣﻮﻳﺔ .. ﻭﻣﺎﻧﺎ ﻃﻴﻦ ﻣﻨﺼﻠﻄﻴﻦ ﻓﻲ ﺍﻟﻨﺎﺱ ﺩﺣﻴﻦ .. ﻻﻣﻦ ﻳﺠﻲ ﺍﻟﻴﻮﻡ ﺍﻟﻔﺼﻞ ﻭﺍﻟﺤﻖ ﻳﺒﻴﻦ ﻭﻳﻦ ﺗﻤﺸﻮﺍ ﻭﻳﻦ ﺗﻨﺴﻠﻮﺍ .. ﻭﻳﻦ ﻛﺎﻥ ﻃﺎﻝ ﻭﻛﺎﻥ ﻗﺼﺮ ﺍﻟﺰﻣﺎﻥ .. ﺍﻟﺤﻴﻦ ﺑﺤﻴﻦ ﻛﺐ ﻳﺎ ﺭﺟﺎﻻً ﺳﻜﺘﻦ ﻗﺪﺭﺍً ﻏﺸﺎﻫﻦ ﺑﺎﻟﻘﻔﺎ .. ﻭﻟﻲ ﺍﻟﻠﻴﻠﺔ ﺳﻴﻔﻦ ﻓﻲ ﺍﻟﺠﺮﺍﺏ ﻳﻬﺮﺝ ﺳﻨﻴﻦ ﻭﺇﻧﺄﻭﻫﺖ .. ﺣﺴﻴﺖ ﺑﺄﻋﻤﺎﻕ ﺍﻟﺸﻮﺍﺭﻉ ﻭﺍﻟﺘﻮﺍﺭﻳﺦ ﺍﻟﻤﺠﻴﺪﺓ ﺇﻧﺄﻭﻫﺖ .. ﻭﺃﺩﺗﻨﻲ ﻋﻴﻦ ﺻﻨﺖ ﺷﻮﻳﺘﻴﻦ .. ﻛﻮﺭﻛﺖ .. ﺍ ﺑﺖ ﺷﻤﺸﻨﺎ ﺇﻧﺪﻫﺪﻫﺖ .. ﺷﻮﻓﻴﻠﻲ ﺷﺎﻓﻊ ﻭﺩ ﻓﻄﻴﻦ ﺟﺎﺀ ﻣﻦ ﺍﻟﻄﺤﻴﻦ ﺍﻟﻠﻪ ﻓﺘﺮﻧﺎ ﻣﻦ ﺍﻟﻄﺤﻴﻦ ﻭﻛﺎﻥ ﺍﻟﻮﻗﺖ ﺯﺍﻟﻒ ﻋﺼﺮ .. ﻋﻴﻦ ﺍﻟﺸﻤﺶ ﻣﺸﺪﻭﻫﺔ ﺑﻲ ﺩﻭﺷﺔ ﺳﺤﺎﺏ ﻋﺮﻕ ﺍﻟﻤﺮﺍﻛﺒﻴﺔ ﺍﻟﺒﻌﺎﺩ ﺭﺍﺣﻞ ﻣﻊ ﺭﻳﺤﺔ ﺍﻟﺘﺴﺎﺏ ﻣﺎ ﺗﺪﺭﻱ ﻣﺎﺭﻗﻪ ﻣﻦ ﺍﻟﺒﻴﻮﺕ ﺍﻟﺤﻠﺔ .. ﻭﺍﻟﻼ ﻣﻦ ﺍﻟﺘﺮﺍﺏ ﺍﻟﻨﺎﺱ ﺗﻘﻮﻝ ﻣﺪﻗﻮﻗﺔ ﻃﺎﻟﻌﺔ ﻋﻠﻰ ﺍﻟﺤﻘﺎﺏ ﻣﻔﻠﻮﻗﺔ ﺑﻲ ﺣﺠﺮ ﺍﻟﺼﻌﺎﺏ ﺍﻟﻤﺮﺓ .. ﻧﺎﺯﻟﺔ ﻋﻠﻰ ﺍﻟﺒﺤﺮ ﻣﺸﺮﻭﻗﺔ ﺑﻲ ﻣﻮﻳﺔ ﺍﻟﺴﺮﺍﺏ ﺍﻟﻔﺮﺓ .. ﻣﺸﺮﻭﻗﺔ ﻋﻘﺎﺏ ﻳﺎ ﺍﻟﺤﺮﺓ ﻛﻴﻒ ﺑﻘﺖ ﺍﻟﺮﻗﺎﺏ ﻣﺴﻴﻮﻗﺔ ﺑﻲ ﻗﻴﺪ ﺍﻟﺴﻼﺏ ﻣﻨﺸﺮﺓ ﻣﻦ ﻧﺸﺮ ﺍﻟﺤﺠﺎﺏ ﻓﻲ ﻋﺮﻭﻗﺎ .. ﻭﺇﺷﺘﻜﺪﻱ ﺍﻟﺨﺮﺍﺏ ﻣﻦ ﺑﻌﺪﻣﺎ ﺍﻧﺒﻠﺞ ﺍﻟﻔﺮﺝ ﻣﻦ ﺿﻴﻘﺎ .. ﺧﺪﻋﻮﻫﺎ ﺑﻲ ﺣﻴﻠﺔ ﻛﺘﺎﺏ ﺭﻓﻌﻮﻩ ﻓﻮﻕ ﺳﻦ ﺍﻟﺤﺮﺍﺏ ﻭﺩﻫﺖ ﺍﻟﻬﺰﺍﺋﻢ ﻓﺮﻗﺘﺎ ﻓﺎﻟﻨﺎﺱ ﺑﺪﻝ ﻋﻦ ﻧﻘﺘﺎ ﺍﻟﺘﻠﻘﻰ ﻓﻜﺔ ﺭﻳﻘﺘﺎ ﻭﺑﺪﻝ ﺍﻟﻘﺼﻮﺭ ﺍﻟﻔﻲ ﺧﻴﺎﻝ .. ﺍﻟﺘﺒﻘﻰ ﻣﺎﻫﻠﺔ ﻛﺮﻳﻘﺘﺎ ﻭﻣﺎ ﺟﺎﺗﺎ ﺭﺍﺣﺔ ﻃﻠﻘﺘﺎ .. ﺇﻻ ﺍﻟﺘﻌﻤﺮ ﻃﻠﻘﺘﺎ ﺑﻲ ﺑﻨﺪﻗﻴﺘﺎً ﺣﻘﺘﺎ .. ﺑﻲ ﻫﺎ ﺍﻟﺸﻮﺍﺭﻉ ﻭﺑﻘﺘﺎ ﺗﻨﺴﺪﺍ ﻣﻨﻚ ﺩﻗﺘﺎ .. ﻭﺩﻡ ﻓﻠﻘﺘﺎ .. ﻭﻣﺮ ﺷﺮﻗﺘﺎ .. ﻭﻧﺎﺭ ﺷﻨﻘﺘﺎ ﻳﺎ ﺩﻗﻦ ﺩﻳﻨﻚ ﺳﺮﻗﺘﺎ ﻗﻄﻌﺖ ﻭﺿﻮﻫﺎ ﺍﻧﺸﺮﻗﺖ .. ﻣﺴﺤﺖ ﻭﺷﻴﻬﺎ ﺇﻧﺸﻬﻘﺖ ﻗﺎﻝ ﻧﺴﺖ ﻣﺎ ﺗﺎﻛﺖ ﺍﻟﻌﻮﺿﺔ ﺍﻟﺘﺤﺖ .. ﻋﻦ ﻣﺮﻗﺘﺎ ﺩﺍﺭﺕ ﺗﻘﻮﻡ .. ﺟﺒﺪ ﺍﻟﻌﻨﻴﻘﺮﻳﺐ ﺍﻟﺤﻨﻴﻦ ﻃﺮﻗﺘﺎ ﺭﺟﻔﺖ ﺑﺸﻴﺶ ﻋﻦ ﻧﺘﻘﺘﺎ ﺭﺟﻔﺖ ﺑﺸﻴﺶ ﻣﻦ ﺍﻟﻐﻀﺐ ﻭﺍﻟﻼ ﺍﻟﺘﻌﺐ .. ﻓﺘﺮ ﺍﻟﺴﻨﻴﻦ .. ﻭﺍﻟﻼ ﺍﻟﻜﺒﺮ ﺩﺍ ﺍﻟﻤﺎ ﻗﺪﺭ ﻳﻤﺴﺢ ﺳﻤﺎﺣﺔ ﺧﻠﻘﺘﺎ ﺯﻱ ﻧﻴﺘﺎ ﺍﻟﺒﻴﻀﺔ ﺍﻟﺸﻌﺮ .. ﻭﺯﻱ ﻣﻮﺝ ﺑﺤﺮ ﻛﺎﻥ ﺍﻟﺠﺒﻴﻦ ﻣﺪﻳﺖ ﻳﻤﻴﻨﻲ ﺃﺳﺎﻋﺪﺍ .. ﺭﺩﺕ ﻳﺴﺎﺭﺍ ﺗﺒﺎﻋﺪﺍ ﻭﻗﺎﻟﺖ ﻟﻲ : ﺃﺑﻮﻱ ﻭﻓﺮ ﺿﺮﺍﻋﻚ ﻟﻠﺒﻠﺪ ﻭﺍﺩﺧﺮ ﻣﺮﻭﺗﻚ ﺁ ﻭﻟﺪ ﻟﻲ ﻳﻮﻡ ﺑﺤﻴﻦ ﺍﺣﻔﺾ ﻛﺮﺍﻣﺘﻚ ﺗﺤﻔﻀﻚ .. ﺍﻟﻤﻮﺕ ﻭﻻ ﺍﻟﻌﻴﺶ ﺍﻟﻤﻬﻴﻦ ﺍﻟﻤﻮﺕ ﻧﻔﺎﺩ ﺍﻟﻤﺎ ﻧﻔﺪ .. ﺍﻟﻤﻮﺕ ﺣﻴﺎﺓ ﺍﻟﻤﻴﺘﻴﻦ ﺃﺧﺘﺎﻫﺎ ﺟﻨﺔ ﻣﻊ ﺍﻟﻔﻘﺮ .. ﻭﺍﺩﺧﻞ ﺟﺤﻴﻢ ﺍﻟﻤﺘﻌﺒﻴﻦ ﻭﺇﻥ ﻣﺎ ﻗﺪﺭﺕ ﻋﻠﻰ ﺩﺍ ﺃﺑﻮﻱ .. ﺭﺏ ﻟﻚ ﺩﻗﻴﻦ ﻭﺻﻨﺖ .. ﺭﺏ ﻟﻚ ﺩﻗﻴﻦ ﻭﺿﺤﻜﺖ .. ﺣﻤﺪﻧﺎ ﺍﻟﻠﻪ ﺍﻟﺤﻨﻮﻥ .. ﺟﻴﺪﺍً ﺧﻠﻘﻨﺎ ﺑﻼ ﺩﻗﻮﻥ ﻭﺿﺤﻜﻨﺎ ﺯﻳﻦ ﺳﺎﻗﺖ ﺣﺪﻳﺜﺎ .. ﻋﻠﻰ ﺍﻟﺨﺮﺍﺏ ﺍﻟﺸﻮﻓﺘﻮ ﻣﺎ ﺩﺍﻳﺮﺍﻻ ﻋﻴﻦ ﺭﻓﻌﺖ ﻗﺮﺍﻥ ﺷﻮﻙ ﺍﻟﺼﻨﻂ .. ﺳﺎﺳﻮﻳﺔ ﺟﺎﻳﺔ ﻣﻦ ﺍﻟﻤﺮﺍﺡ .. ﻳﺎ ﺧﻴﺮﻱ ﻭﺩ ﺩﻱ ﺍﻟﻤﺴﺘﺮﺍﺡ ﻭﺍﻟﺸﻮﻛﺔ ﺗﺤﺖ ﺍﻟﺪﻭﻛﺔ .. ﻳﺎ ﺩﺍﻙ ﺍﻟﺮﻛﻴﻦ ﺍﻟﺸﻮﻙ ﺑﻤﺮﻕ ﺍﻟﺸﻮﻙ .. ﺷﻮﻛﺎً ﻓﻴﻨﺎ ﺷﻴﻦ ﻣﺮﺍﻗﻮ ﺭﺏ ﺍﻟﻌﺰﺓ .. ﺷﻌﺒﺎً ﻣﺎ ﺑﻴﻠﻴﻦ ﺍﻟﺠﺎﻳﺔ ﺣﻴﻜﻮﻣﺘﻨﺎ .. ﻟﻜﻦ ﺍﻟﺰﻣﻦ ﺩﺑﻮﻳﺔ .. ﺩﺍﻳﺮ ﺍﻟﻨﻬﻤﺔ .. ﻭﻳﻨﻜﻢ ﻳﺎ ﺍﻟﺨﺰﻳﻦ ﻣﺎ ﻛﻞ ﺣﺎﺷﻰ ﺻﺒﺮﻧﺎ .. ﻟﻜﻦ ﻻ ﻣﺘﻴﻦ ﺩﻋﻜﺖ ﻋﻴﻮﻧﺎ ﻭﺻﻨﻘﻌﺖ .. ﻛﺎﻥ ﺍﻟﻐﻴﻮﻡ ﺇﻧﺠﻤﻌﺖ ﺗﻘﻠﺖ ﻋﻠﻰ ﺍﻟﺮﻳﺢ ﺍﻟﻨﺼﻴﺢ ﻛﺎﻥ ﺍﻟﻤﻄﻮﺭ ﺷﻮ ﺗﺮﻋﺖ .. ﺯﻱ ﺑﺎﻛﻲ ﻓﻮﻕ ﺩﻡ ﺍﻟﺤﺴﻴﻦ ﻟﻜﻦ ﺩﻩ ﻭﻳﻦ .. ﻭﺍﻟﺘﺎﻧﻲ ﻭﻳﻦ ﻭﺇﻧﻠﻮﻋﺖ .. ﻣﻌﻘﻮﻝ ﻓﻲ ﻧﺎﺳﺎً ﻣﺎ ﻭﻋﺖ ﻟﻲ ﺍﻟﻠﻴﻠﻲ ﺑﺎﻟﻢ .. ﺑﻴﻦ ﺑﻴﻦ ﻭﻛﻴﻒ ﻭﺇﻧﺘﻮ ﻧﻮﺣﻨﺎ ﻣﻦ ﺍﻟﺪﻋﺖ .. ﻣﻮﻣﻨﺎ ﻣﻦ ﺟﺤﺮ ﺍﻟﺪﻗﻮﻥ ﺍﻟﻜﺎﻛﻲ ﻳﻠﺪﻍ ﻣﺮﺗﻴﻦ ﻭﺍﻟﺘﺎﻟﺘﺔ ﻗﺮﺻﺔ ﺃﺑﻮ ﺍﻟﺤﺼﻴﻦ ﺣﺴﻴﺖ ﺑﺄﻧﻬﺎ ﺩﻣﻌﺖ .. ﻭﺷﻬﻘﺖ ﻋﻴﻮﻧﺎ ﺍﻟﺪﻣﻌﺘﻴﻦ ﺣﺴﻴﺖ ﺑﺄﻧﻲ ﻣﺘﻞ ﺣﺠﺮ .. ﺟﺪﻋﻮﻫﻮ ﻓﻲ ﻧﺺ ﺍﻟﺒﺤﺮ .. ﻗﺎﻡ ﺍﻟﺒﺤﺮ ﺑﻨﻰ ﻓﻮﻗﻮ ﻃﻴﻦ ﺣﺴﻴﺖ ﺑﺄﻋﻤﺎﻕ ﺍﻟﺸﻮﺍﺭﻉ .. ﺍﻟﺘﻮﺍﺭﻳﺦ ﺍﻟﺒﻌﻴﺪﺓ ﺇﻧﺄﻭﻫﺖ .. ﻭﺃﺩﺗﻨﻲ ﻋﻴﻦ ﻭﻣﺮﻗﺖ ﻣﺘﻞ ﺩﺧﻠﺔ ﻏﻀﺐ .. ﺻﺪﺭ ﺍﻟﻤﺴﺎﻣﺢ ﻭﺍﻟﺤﻠﻴﻢ ﻓﻲ ﺃﻳﺎﻡ ﻋﺠﺎﻑ ﻣﺮﻗﺖ ... ﺩﻱ ﺍﻟﺴﺮﺓ ﺑﺖ ﻋﻮﺽ ﺍﻟﻜﺮﻳﻢ ﻣﺮﺓ ﻣﺎ ﺑﺘﻼﻭﺯ .. ﻻ ﺑﺘﺨﺎﻑ .. ﺯﻱ ﺍﻟﻀﻔﺎﻑ ﺍﻟﻤﺎ ﺑﺘﻬﺎﺏ ﺿﻨﺐ ﺍﻟﺘﻤﺎﺳﻴﺢ ﻭﺍﻟﻜﻼﺏ .. ﻗﻮﻣﺔ ﺍﻟﺒﺤﺮ ﻭﺍﻟﻼ ﺍﻟﺠﻔﺎﻑ ﻣﺮﺓ ﻣﻦ ﻗﺪﻳﻢ .. ﻣﺮﺓ ﺑﺖ ﻗﺒﺎﺋﻞ .. ﻗﺎﻟﻮﺍ ﻻ .. ﻭﺇﺧﺘﺎﺭﻭ ﻓﻲ ﺍﻟﺤﻖ ﺍﻟﺠﺤﻴﻢ ﻣﻦ ﺭﻓﻘﺔ ﺍﻟﻔﺴﻞ ﺍﻟﺨﻼ .. ﻭﻛﺎﻧﺖ ﻧﻌﻢ ﺗﺪﻱ ﺍﻟﻨﻌﻴﻢ ﻣﺮﺓ ﻣﻦ ﺻﻤﻴﻢ ﺿﻬﺮ ﺍﻟﻐﻼﺑﺔ ﺍﻟﻤﺎ ﺑﺘﻨﻜﺲ ﺭﺍﺳﺎ .. ﻏﻴﺮ ﺳﺎﻋﺔ ﺍﻟﺼﻼ ﺃﻭ ﺗﺮﻣﻲ ﺗﻴﺮﺍﺏ ﻓﻲ ﺍﻟﺘﺮﺍﺏ .. ﺃﻭ ﺗﺴﺘﺸﻒ ﻭﺟﻪ ﺍﻷﺩﻳﻢ ﺍﻟﺴﺮﺓ ﺑﺖ ﻋﻮﺽ ﺍﻟﻜﺮﻳﻢ ﻣﺎ ﻓﻴﻬﺎ ﻣﻦ ﻋﺎﺩﺓ ﺍﻟﺤﺮﻳﻢ .. ﻏﻴﺮ ﺍﻟﺴﻤﺎﺣﺔ ﺍﻟﻘﺪﻣﺖ ﻗﺪﻡ ﺍﻟﺪﻫﺐ ﺣﺎﻓﻀﻨﻮ ﻓﻲ ﺣﻘﺎً ﻗﺪﻳﻢ ﻓﻲ ﺃﻗﺼﻲ ﻛﻴﻢ ﻣﺎ ﻓﻴﻬﺎ ﻣﻦ ﻃﺒﻊ ﺍﻟﺮﺟﺎﻝ .. ﻏﻴﺮ ﺍﻷﻳﺎﺩﻱ ﺍﻟﺨﺸﻨﺔ ﺯﻱ ﻗﻮﻟﺔ ﺍﻟﻨﺼﻴﺤﺔ ﻭﻗﺖ ﺗﻌﻜﻢ ﻓﻲ ﺍﻟﺼﻤﻴﻢ ﺳﺎﻋﺔ ﻳﻜﻮﻥ ﺍﻟﺤﻜﻢ ﺿﻴﻢ ﺗﺴﻌﻴﻦ ﺳﻨﺔ .. ﻭﻳﺎ ﺍﻟﺴﺮﺓ ﺑﺖ ﻋﻮﺽ ﺍﻟﻜﺮﻳﻢ ﺑﺼﺮﻙ ﺑﺼﻴﺮ .. ﺳﻤﻌﻚ ﺳﻤﻴﻊ .. ﻧﻀﻤﻚ ﻧﻀﻴﻢ ﺑﺎﻟﻚ ﻣﺤﻠﻮ ﺻﺒﻲ ﻭﺳﻠﻴﻢ ﺗﺴﻌﻴﻦ ﺳﻨﺔ .. ﻋﻮﺩﻙ ﺃﻣﺪﺍً ﻣﺎ ﺍﻧﺤﻨﻰ .. ﺷﺎﻣﺦ ﺑﻼ ﺍﻟﺒﺎﻥ ﺍﻟﻘﺪﻳﻢ ﺗﺴﻌﻴﻦ ﺳﻨﺔ .. ﻭﻣﻦ ﻓﺘﻨﺘﻚ .. ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﺟﻮﻙ ﺍﻟﺮﺟﺎﻝ ﻳﺎ ﺍﻟﺴﺮﺓ ﺑﺖ ﻋﻮﺽ ﺍﻟﻜﺮﻳﻢ ﻣﻦ ﻭﻳﻦ ﻭﻳﻦ ﻻ ﺍﻟﻜﻠﻮ ﻃﻴﻦ ﺃﻏﺮﺍﻙ .. ﻻ ﺍﻟﺴﻤﺢ ﺍﻟﻮﺳﻴﻢ ﺁ ﺍﻟﺴﺮﺓ ﺻﺪﻳﺘﻲ ﺍﻟﻤﺸﺎﻳﺦ ﻭﺍﻟﻌﻤﺪ .. ﻣﺮﺳﺎﻻ ﻟﻴﻚ .. ﺿﻴﻌﺖ ﺑﻲ ﺃﻟﻒ ﺍﻟﺒﺸﺎﺭﺓ ﻋﻠﻴﻬﻮ ... ﻛﻴﻒ ﻗﻠﺒﻚ ﺻﻤﺪ ﻳﺎ ﺑﺖ ﻗﺼﺎﺩ ﺍﻟﻤﻐﺮﻳﺎﺕ .. ﺍﻟﺠﺎﻥ ﻳﺠﻦ ﻭﺍﻟﻬﺎﻡ ﻳﻬﻴﻢ ﻭﺍﻟﺒﺸﺮﻭﻙ ﺑﺎﻟﺠﻨﺔ ﻣﻦ ﻓﻘﺮﺍ ﺍﻟﺒﻠﺪ .. ﺃﺳﻘﻮﻙ ﺑﺎﻟﻐﻔﻠﺔ ﺍﻟﻤﺤﺎﻳﺎﺕ .. ﻣﺎ ﻧﻔﻊ ﺭﺗﺒﺎً ﻛﺒﺎﺭ .. ﻗﻠﺘﻴﻼ .. ﻻ ﺷﻌﺮﺍﺀ ﻭﻣﻐﻨﻴﻦ .. ﺧﺖ ﻓﻴﻚ ﺩﻭﺩﺍﻱ ﻏﻨﺎﻫﻮ .. ﻣﺎ ﺷﻔﻊ ﺍﻟﺠﺎﻥ ﻳﺠﻦ ﻭﺍﻟﻬﺎﻡ ﻳﻬﻴﻢ ﻭﺍﻹﻧﺠﻠﻴﺰﻱ ﺃﺳﻠﻢ ﻓﻲ ﺷﺎﻥ ﻫﻮﺍﻙ .. ﺳﺎﻋﺔ ﻃﻠﻌﺘﻲ ﺗﺠﻴﺒﻲ ﻋﻮﺩ ﺍﻟﺴﻴﺴﺒﺎﻥ ﺇﺗﺼﻴﺪﻙ ﺁ ﺍﻟﺴﺮﺓ ﺑﺖ ﻋﻮﺽ ﺍﻟﻜﺮﻳﻢ ... ﻣﺮﻗﻨﻮ ﻛﺮﻋﻴﻦ ﺍﻟﺤﺼﺎﻥ ﻭﺍﻟﺠﺎﻛﻲ ﻧﺎﻁ .. ﻛﺘﻔﺘﻲ ﺑﺎﻟﻠﻴﻞ ﻓﻲ ﺍﻟﻠﻤﻴﻦ .. ﻣﻊ ﺍﻟﻔﺠﺮ ﻃﻠﺒﻚ ﻋﻔﻮ ﻭﺳﺘﺮﺓ ﻭﻋﻔﻴﺖ ﻭﺳﺘﺮﺗﻲ .. ﻳﺎ ﺍﻟﺴﺮﺓ ﺍﻟﻘﻮﻳﺔ .. ﺑﻘﺘﻠﻮ ﺗﻮﺑﺔ ﺳﻮﻳﺔ ﻣﻦ ﻫﺘﻚ ﺍﻟﻌﺮﺽ ﻳﺎ ﺑﺖ ﻫﺎ ﻛﻴﻒ ﺑﻌﺪ ﺍﻟﺤﺴﺴﻴﻦ .. ﻣﺎ ﺗﺎﻭﺭﻙ ﻗﻠﺒﻚ ﻋﻠﻰ ﺯﻭﻝ ﻓﻲ ﺍﻷﺭﺽ ﺳﺘﻴﻦ ﺳﻨﺔ .. ﻭﻳﺎ ﺑﺖ ﺑﻼ ﺍﻟﻨﻴﻞ ﻭﺣﺪﻙ ﻭﺍﻗﻔﺎﻫﺎ .. ﻫﻮ ﺍﻟﻨﻴﻞ ﺇﻧﺤﻨﻰ ﺳﺘﻴﻦ ﺳﻨﺔ ﻣﺎ ﺟﻬﺠﻚ ﻓﻘﺪ ﺍﻟﺤﺴﻦ .. ﻻ ﻳﻔﻘﻬﻚ ﻓﺠﻊ ﺍﻟﺠﻨﺎ ﻓﺠﻊ ﺍﻟﺠﻨﺎ ﺍﻟﻮﻳﺤﻴﺪ ﺗﺤﺖ ﺧﻴﻞ ﻣﻴﺠﺮ ﺍﻟﺴﺠﻢ ﺍﻟﺮﻣﺎﺩ ﺍﻹﻧﺠﻠﻴﺰﻱ ﻭﻗﺖ ﻣﺮﻭﺭﻭ ﻋﻠﻰ ﺍﻟﻌﺒﺎﺩ ﻭﺟﻨﺎﻛﻲ ﻧﺎﺵ ﻋﻴﻦ ﺍﻟﺤﺼﺎﻥ ﺑﺎﻟﻨﺒﻠﺔ .. ﻧﺎﺵ ﻃﺮﺑﻮﺷﻮ ﻗﻴﺢ ﺍﻟﻌﺴﻜﺮﻱ ﺇﻧﺤﻢ .. ﻭﺣﻢ ﺑﺎﻟﺴﻮﻁ ﺟﻨﺎﻙ ﻓﻲ ﺇﻃﻦ ﺍﻟﻤﺴﻴﻤﺢ ﻣﺎ ﺍﺗﻠﻔﺖ ﻭﺍﻟﻬﺎﺷﻢ ﺍﻟﻮﺍﻗﻒ ﻭﻗﻊ .. ﻭﺍﻟﺪﻡ ﻫﺪﺭ .. ﻭﻛﺎﻥ ﺯﻱ ﻣﺤﻤﺮ ﻓﻲ ﺍﻟﻜﺠﺮ ﺑﻲ ﺇﻳﺪﻭ ﻗﺎﺑﺾ ﻧﺒﻠﺘﻮ .. ﻭﻓﻲ ﺍﻟﺘﺎﻧﻴﺔ ﻏﺎﻣﺖ ﻟﻠﺤﺠﺮ ﺻﺮﺧﺖ ﺻﻠﻴﺤﺔ ﻭﺷﻜﻌﺖ ﻓﻮﻕ ﻗﻴﺤﻮ .. ﻛﻠﺒﻴﻨﻮ ﺍﻟﺰﺭﻕ ﻭﻣﻦ ﻳﻮﻣﺎ ﺩﺍﻙ ﻣﺎ ﺷﺎﻓﺘﻦ ﺳﺎﻋﺔ ﺍﻟﺒﻄﺎﻥ ﻗﻴﺢ ﺍﻟﺒﻘﻞ .. ﻧﻬﻤﺖ ﻏﻨﺎ ﻏﻀﺐ ﺍﻟﺒﻨﺎﺕ ﻋﻦ ﺯﻓﺘﻦ ﻓﺲ .. ﻳﺎ ﻛﺪﻳﺲ ﺍﻹﻧﺠﻠﻴﺰ .. ﻛﻠﺐ ﺍﻟﺘﺮﻙ ﻳﻄﻔﺮ ﻣﻦ ﺍﻟﻔﺎﺭﺓ ﻭﻳﻨﻴﺺ ﻳﺎ ﻣﻜﺮﻱ .. ﺻﺒﺮﻙ .. ﻳﺎ ﺭﺧﻴﺺ ﺍﻟﻔﺎﻓﻨﻮﺱ .. ﺍﻟﺒﻮﺹ .. ﻟﺤﺎﻳﺔ ﺍﻟﻬﺮﺩﺑﻴﺲ ﻛﻮﺳﻠﻚ ﺑﻠﺪ .. ﺑﻠﺪﻙ ﻭﺍﺑﺎﻙ .. ﺭﻓﺴﻚ ﺭﻓﻴﺲ ﻧﻔﻀﻚ ﻧﻔﺾ .. ﺑﻠﺪﻙ ﺗﻀﺎﺩﻱ .. ﻭﻻ ﻣﻐﻴﺚ ﻗﻠﺒﺖ ﻋﻠﻴﻚ ﺑﻄﻦ ﺍﻟﺮﺟﺎﻝ .. ﺷﻘﻴﺶ ﺗﻘﺒﻞ .. ﻳﺎ ﺧﺴﻴﺲ ﻳﺎ ﻗﻴﺤﻲ .. ﺣﻈﻚ ﻓﻲ ﺍﻟﺤﻴﺎﺓ ﻭﻓﻲ ﺍﻟﻤﻴﺘﺔ ﺍﻣﺎﻧﻪ .. ﻭﻣﻮﺕ ﺗﻌﻴﺲ ﻋﻔﻨﺖ ﻛﺮﺷﺘﻚ ﺩﻭﻥ ﺗﺮﺏ .. ﻣﻨﻔﻮﺧﺔ ﻟﻠﻐﺮﺑﺎﻥ ﻓﻄﻴﺲ ﻓﻮﻕ ﺳﻜﺔ ﺍﻟﻤﺎﻅ ﺍﻟﺼﻌﺐ .. ﻫﺎﺷﻢ - ﺣﻼﻟﻲ - ﻗﺪﻝ ﻋﺮﻳﺲ ﻫﻴﻠﺔ ﺁ ﺭﺟﺎﻻً ﻋﺴﺮﺗﻦ .. ﺷﻤﺶ ﺍﻟﻤﺸﺎﺭﻕ ﻟﻴﻬﺎ ﻣﻴﺲ ﻫﻴﻠﺔ ﺁ ﺭﺟﺎﻝ .. ﻫﺘﻔﺖ ﻧﻔﻴﺴﺔ ﻭﺣﺮﻗﺖ ﺗﻮﺑﺎ ﺍﻟﻮﺣﻴﺪ ﻋﻘﺪﺕ ﺷﺪﻳﺪ .. ﻗﺮﻗﺎﺑﺎ ﺣﺎﻓﻴﻲ ﻭﺩﻭﻥ ﻗﻤﻴﺺ ﺟﺮﺕ ﺍﻟﻜﺮﺍﺭﻕ ﺯﻱ ﺑﺮﻕ .. ﻟﻔﺤﺖ ﻣﻦ ﺍﻟﺴﺤﺎﺭﺓ ﻟﻲ ﻫﺎﺷﻢ ﺣﺮﻳﺮﺓ ﻭﻗﺮﻣﺼﻴﺺ ﻭﻛﺎﻥ ﺍﻟﻔﺮﻳﻖ ﺇﻧﺨﻢ ﻣﺎ ﻓﻀﻞ ﺑﺸﺮ .. ﻣﺎ ﻫﺰﺍ ﺯﻟﺰﺍﻝ ﺍﻟﻔﺠﻴﻌﺔ ﺍﻟﻤﺮﺓ .. ﻭﺍﻟﺪﻣﺎﻉ ﻃﻔﺮ ﺩﺍﻳﺮﺍﺕ ﻳﻮﻟﻮﻟﻦ ﺍﻟﺤﺮﻳﻢ .. ﺻﻨﻦ ﻭﻗﺖ ﺻﻮﺗﻚ ﻧﻬﺮ ﻭﻛﻴﻔﻦ ﺯﻓﺘﻲ ﻭﺷﻴﻲ ﻭﻧﻌﻠﺖ ﻗﻔﺎﻫﻮ .. ﺷﻴﺦ ﺍﻟﺤﻠﺔ ﺣﻴﻦ ﻗﺎﻝ ﻟﻚ ﻗﺪﺭ ﻭﻟﻤﻴﺘﻲ ﻫﺎﺷﻤﻚ ﻭﻧﺒﻠﺘﻮ .. ﻭﻓﻲ ﺇﻳﺪﻭ ﺍﻟﺤﺠﺮ ﺻﺒﻎ ﺍﻟﺤﺮﻳﺮﺓ .. ﺍﻟﻘﺮﻣﺼﻴﺺ .. ﺍﻟﺪﻡ ﻣﻼﻙ .. ﻟﻤﻴﺘﻲ ﺯﻱ ﻟﻤﺔ ﻣﻼﻙ .. ﺁﺧﺮ ﻋﻤﻞ ﺧﻴﺮ ﻓﻲ ﺍﻟﺒﺸﺮ ﺟﺎﻙ ﺍﻟﺼﺒﺮ ﻣﻦ ﻭﻳﻦ .. ﻭﻻ ﻗﻠﺒﻚ ﺭﺟﻒ .. ﻻ ﺁﻫﺔ .. ﻻ ﺩﻣﻌﺎً ﻃﻔﺮ ﺭﺷﺮﺷﺘﻲ ﺑﻲ ﺇﺑﺮﻳﻖ ﺃﺑﻮ .. ﻭﺑﻲ ﺩﻣﻮ ﻧﺒﻠﺘﻮ ﻭﺍﻟﺤﺠﺮ ﺧﻴﺖ ﺍﻟﺤﺮﻳﺮﺓ ﺍﻟﻘﺮﻣﺼﻴﺺ .. ﻛﻔﻨﺘﻲ ﺑﻲ ﺭﻓﺖ ﺍﻟﻘﻤﺎﺵ .. ﺍﻟﺴﺎﻛﻮﺑﻴﺲ ﺍﻟﺨﺎﺗﺎ ﻟﻲ ﻳﻮﻡ ﺍﻟﻄﻬﻮﺭﺓ .. ﻣﺮﻗﺘﻲ ﻻﻗﻮﻛﻲ ﺍﻟﺮﺟﺎﻝ ﺑﻴﻦ ﺍﻟﻐﻠﺐ ﺇﻧﻘﻠﺒﻮ ﻭﻣﺘﺤﺰﻣﻴﻦ ﺯﻱ ﻳﻮﻡ ﺃﺑﻮ ﺩﻣﻊ ﺍﻟﺮﺟﺎﻝ ﻫﺰﺍﻛﻲ ﺁﻩ ﺧﺎﺭﺕ ﻗﻮﺍﻛﻲ ﻃﻔﺮﺕ ﺩﻣﻮﻋﻚ ﻭﺍﻟﺤﺮﻳﻢ ﻛﺴﺮﻥ ﻋﻠﻴﻚ ﻗﻠﺪﻭﻙ ﺭﺟﺎﻻﺕ ﺍﻟﻔﺮﻳﻖ ﻓﻮﻗﻚ ﺿﻮ ﺍﻟﺸﻤﺶ ﺇﺗﻜﺎ ﻭﺑﻌﺾ ﺍﻟﻤﺮﺍﺿﻰ ﺍﻟﻤﻘﺮﻓﻴﻦ ﻗﻠﺪﻭﻛﻲ ﻟﻲ ﺷﻲ ﺑﻼ ﺍﻟﺒﻜﺎ ﻭﻛﺎﻧﺖ ﺩﻱ ﺃﻭﻝ ﻣﺮﺓ ﻳﺘﺒﻜﻲ ﻓﻲ ﺍﻟﻔﺮﻳﻖ .. ﻭﺑﻲ ﺣﺮﻗﺔ ﺯﻱ ﻛﻞ ﺍﻟﺮﺟﺎﻝ ﺍﻟﺨﻴﺮﻳﻦ .. ﺩﺭﻓﻮﻥ ﺿﺮﺏ ﺑﺎﻟﻨﺒﻠﺔ ﻃﺮﺑﻮﺵ ﺇﻧﺠﻠﻴﺰ .. ﻋﻮﺭ ﺣﺼﺎﻥ ﺍﻹﻧﺠﻠﻴﺰ .. ﻻ ﺍﻧﺰﺡ ﻻ ﺯﺍﻍ ﻻ ﺟﺮﻯ ﻭﻛﺎﻧﺖ ﺩﻱ ﺃﻭﻝ ﻣﺮﺓ ﺷﺎﻓﻊ ﻓﻲ ﺍﻟﻔﺮﻳﻖ ﺑﻲ ﺣﺮﻗﺔ ﺫﻱ ﻛﻞ ﺍﻟﺮﺟﺎﻝ.. ﺍﻟﻨﺎﺱ ﺗﺸﻘﻠﻮ ﻭﺩ ﻟﺤﺪ ﻓﻲ ﻣﻘﺒﺮﺓ ﺳﺒﻠﺘﻲ ﻣﺎ ﺍﻧﻘﻄﻊ ﺍﻟﺪﺭﺏ .. ﺩﻓﻘﺘﻲ ﺑﻲ ﻗﺮﻋﻮ ﺍﻟﻄﺸﺖ .. ﻓﻨﻴﺘﻲ ﻓﻲ ﺍﻟﺒﻴﺮ ﺍﻟﻨﺤﺎﺱ ﺟﺎ ﻃﺸﺖ ﺟﺪﻳﺪ .. ﻭﻗﺮﻉ ﺟﺪﻳﺪ .. ﻭﻧﺤﺎﺱ ﺟﺪﻳﺪ .. ﻭﻣﺎ ﺍﻧﺘﺮﻭ ﻧﺎﺱ ﻭﻧﺎﺳﺎً ﺗﻘﻠﺐ ﺍﻟﻮﺍﻃﺔ ﻣﻦ ﻓﻮﻕ ﻻ ﺗﺤﺖ .. ﻟﻮ ﻻﻗﻴﺔ ﺭﺍﺱ ﺩﻭﺭ ﻭﺍﻟﻤﻌﺎﻙ ﻣﺎ ﺍﻧﻔﺮﻗﻮ .. ﻭﻳﻦ ﻭﺷﻚ ﺍﻟﺼﻌﺐ ﺍﻟﺼﻠﺐ .. ﺇﻥ ﺻﺮ ﻓﻲ ﺍﻟﺮﻳﺢ ﻓﺮﻗﻮ ﻭﺇﻥ ﺻﺮ ﻓﻲ ﺍﻟﻤﻮﺝ ﻏﺮﻗﻮ ﻳﺎ ﺑﺖ ﻛﻀﺐ .. ﻣﻌﺮﻭﻓﺔ ﻣﺎ ﻣﻦ ﻗﻮﺓ ﺗﺤﻤﻲ ﺍﻟﻔﺮﺡ ﻭﺍﻟﻼ ﺍﻟﺘﺮﺡ ﺣﻴﻦ ﺇﻧﺪﻻﻗﻮ ﻋﻠﻰ ﺍﻟﻘﻠﺐ ﻟﻲ ﺩﻭﺭ ﺣﺪﻳﺚ ﺍﻟﻤﻨﻐﻠﻴﻦ ﻣﺎ ﺇﻧﺪﻝ ﻣﻦ ﻓﻮﺭﺗﻮ ﻭﻫﺒﺪ ﺩﻣﺎً ﺻﻌﺪ ﻣﻦ ﻫﺎ ﺍﻟﺘﺮﺏ .. ﻻ ﺑﺪ ﻣﻦ ﻳﻨﺰﻝ ﻣﻄﺮ .. ﺭﺣﻤﺔ ﻭﺳﻌﺪ ﻣﺎ ﺑﺮﻭﺡ ﺳﺮﺍﺏ .. ﻫﺎﺷﻢ ﻧﺠﻤﺔ ﺍﻟﻔﻨﺠﺮﺓ .. ﻧﺸﻬﺪ ﻋﻠﻰ ﺇﻧﻚ ﻭﻟﺪ ﻃﻤﻨﺖ ﺑﻲ ﻓﻌﻠﻚ ﺑﻠﺪ .. ﻣﻦ ﺇﻭﻟﻬﺎ ﻭﻟﻲ ﺁﺧﺮﻫﺎ ﺭﺟﻌﺖ ﺃﺑﻮﻙ ﻣﻦ ﺍﻟﻘﺒﺮ .. ﻗﺼﺮﺕ ﻟﺴﻨﺎﺕ ﺍﻟﻜﺘﺮ .. ﺳﻜﺖ ﺧﺸﻢ ﺍﻟﻤﺴﺨﺮﺓ ﻓﺰﻳﺖ ﺭﺟﺎﻝ ﺟﻮﻏﺔ ﻏﺮﻳﻖ .. ﺑﺲ ﻛﻴﻒ ﻧﻀﻴﻖ ﺿﻴﻘﺎً ﻋﻤﻴﻖ ﻳﺒﻘﻰ ﺍﻟﺤﺠﺮ ﻓﻠﺨﺔ ﺟﺒﻞ .. ﻭﺍﻟﻨﺒﻠﺔ ﺗﺼﺒﺢ ﻣﻨﺠﻨﻴﻖ ﺃﻭ ﺑﻨﺪﻗﻴﺔ ﻣﻌﻤﺮﺓ ﺳﺎﻕ ﻧﺨﻠﺔ ﻓﻲ ﺍﻟﻄﻴﻦ ﺍﻟﻄﺮﻱ ﻧﺎﺯﻑ ﻳﻔﺞ ﺍﻟﻤﻘﺒﺮﺓ ﻗﺼﺐ ﺍﻟﺘﻮﺍﺭﻳﺦ ﻳﻨﺒﺮﻱ ﻭﺩﻣﻚ ﻋﻤﺎﺭ ﺍﻟﻤﺤﺒﺮﺓ ﻧﺸﻬﺪ ﻋﻠﻰ ﺇﻧﻚ ﻭﻟﺪ .. ﺑﺮﻛﺎﻥ ﺟﺴﺎﺭﺓ ﻭﻣﻔﺨﺮﻩ ﺯﻱ ﻣﺎ ﺷﻬﺪﻧﺎ ﻋﻠﻰ ﺃﺑﻮﻙ .. ﻓﺮﺱ ﻗﺒﻴﻠﺘﻚ ﻣﻦ ﻭﺭﺍ ﻭﻳﺎ ﺍﻟﺴﺮﺓ ﺑﺖ ﻋﻮﺽ ﺍﻟﻜﺮﻳﻢ .. ﺇﻧﻚ ﻣﺮﻩ ﻭﻟﺪﻙ ﺟﺪﻉ ﻣﺎ ﺑﻨﺪﺑﻮﺍ .. ﺣﻲ ﻓﻲ ﻭﻟﻴﺪﺍﺗﻨﺎ .. ﺍﻟﺪﺷﺮ ﻟﻌﺒﻦ .. ﻃﻌﻴﻢ ﺍﻟﻨﻮﻡ ﺃﺑﻮ ﻭﻟﺪﻙ ﺑﺨﻴﺖ .. ﻣﺎ ﺩﺍﻡ ﺭﻗﺪ ﻓﻲ ﺻﺪﺭ ﺃﺑﻮ ﻭﻟﺪﻙ ﺷﻔﻴﻌﻨﺎ ﻣﻊ ﺍﻟﻨﺒﻲ .. ﻭﻟﺪﻙ ﻳﻤﻴﻦ ﻳﻜﻔﻴﻨﺎ ﻛﻠﻨﺎ ﻣﻐﻔﺮﺓ ﻭﻫﻨﺎ ﺩﺍ ﺍﻟﺪﺭﺏ .. ﺣﺮﺓ ﻗﻠﺐ.. ﺻﺮﺓ ﻭﺷﻲ ﻭﻟﺪﻙ ﻭﻋﺪﻧﺎ ﺑﻜﻞ ﺷﻲ ﻭﻣﺎ ﻓﻲ ﺇﻳﺪﻧﺎ ﺣﺎﺟﺔ ﻧﺨﺴﺮﺍ ﻳﺎ ﺍﻟﺴﺮﺓ ﺑﺖ ﻋﻮﺽ ﺍﻟﻜﺮﻳﻢ .. ﻣﻊ ﺇﻧﻮ ﻛﻢ ﺳﻨﻮﺍﺕ ﻭﻻ ﺑﺤﺮﺍً ﻃﻤﺢ .. ﻻ ﺳﻤﺎﻧﺎ ﻛﺎﻧﺖ ﻣﻤﻄﺮﺓ ﻛﺎﻥ ﻛﻞ ﻣﺎ ﻧﺤﻔﺮ .. ﻳﻼﻗﻴﻨﺎ ﺍﻟﺘﺮﺍ ﻋﻦ ﺟﻴﻨﺎ ﻟﻲ ﺩﻓﻦ ﺍﻟﺘﺮﺏ .. ﺣﺴﻴﻨﺎ ﻛﻢ ﻣﻠﻚ ﺇﻧﺪﻓﻦ ﺟﺎﺕ ﻏﻴﻤﺔ ﻣﻦ ﺩﻭﻥ ﺍﻟﻮﻗﺖ .. ﺟﺎﺕ ﻧﺴﻤﺔ ﻫﺒﻬﺒﺖ ﺍﻟﻜﻔﻦ ﺑﻲ ﺩﻣﻮ ﻧﺒﻠﺘﻮ ﻭﺍﻟﺤﺠﺮ .. ﺧﻴﺖ ﺍﻟﺤﺮﻳﺮﺓ .. ﺍﻟﻘﺮﻣﺼﻴﺺ ﺩﺧﺮﻳﻨﺎ ﻧﺎﻡ ﺁ ﺍﻟﺴﺮﺓ .. ﻓﻲ ﺻﺪﺭ ﺍﻟﺤﺴﻦ ﻓﺎﺗﻮﻧﺎ ﺑﻲ ﻗﺪﻡ ﺍﻟﺼﻼﺡ .. ﺳﺒﻘﻮﻙ ﻋﻠﻰ ﺟﻨﺔ ﻋﺪﻥ ﻭﺳﺎﺑﻮﻛﻲ ﻧﺨﻠﺔ ﻭﺳﻂ ﺭﻳﺎﺡ .. ﺑﻴﻦ ﺍﻟﺰﻣﻦ ﻟﻜﻦ ﺿﺮﺍﻋﻚ ﻫﻮ ﺍﻟﻀﺮﺍﻉ .. ﻋﻠﻰ ﺭﻏﻢ ﺃﻗﺪﺍﺭﺍً ﻗﺴﻦ ﻣﺎﺳﻜﻲ ﺍﻟﺸﺒﺎﻃﻴﻦ ﻓﻲ ﺍﻟﺼﺮﺍﻉ .. ﻻ ﺑﻮﺩﺓ ﻻ ﺳﻮﺱ ﻻ ﻭﻫﻦ ﺗﺎﺑﺮ ﻗﻠﻴﺒﻚ ﺯﻱ ﺷﻌﺎﻉ .. ﻣﺎ ﻏﻴﺮﺕ ﻟﻮﻧﻮ ﺍﻟﻤﺤﻦ ﺿﻠﻚ ﻣﺘﻞ ﺑﺎﻟﻚ ﻭﻫﻴﻂ .. ﻋﺒﺮﺕ ﻣﺮﺍﻛﺒﻚ ﺑﻲ ﺷﺮﺍﻉ ﺻﺒﺮ ﺇﺣﺘﻤﺎﻟﻚ ﻛﻢ ﻣﺤﻴﻂ ﺍﻟﺴﺮﺓ ﺑﺖ ﻋﻮﺽ ﺍﻟﻜﺮﻳﻢ ﺍﻟﻠﻪ .. ﺃﻳﺎ ﻣﺮﻩ ﻣﻦ ﻗﺪﻳﻢ ﺳﻠﻄﺎﻥ ﻭﻋﻦ ﺳﺎﻋﺔ ﺍﻟﻔﺰﻉ ﻣﻤﻠﻮﻙ ﻧﺸﻴﻂ ﻋﺎﺩﻳﺔ ﺯﻱ ﻗﻮﻟﺔ ﺳﻼﻡ .. ﺣﻠﻮﺓ ﻟﺴﺎﻥ .. ﻟﻜﻦ ﺇﺫﺍ ﺗﻐﻀﺐ ﺳﻠﻴﻂ ﻣﺮﻩ ﻣﺎ ﺑﺘﻔﺮﻁ ﻓﻲ ﺍﻟﺰﻣﻦ .. ﻭﻓﻴﻬﺎ ﺍﻟﺰﻣﻦ ﻟﺤﻈﺎﺗﻮ ﺃﺑﻦ ﺳﺎﻋﺔ ﻣﺮﻭﻕ ﺍﻹﻧﺠﻠﻴﺰ .. ﺿﺒﺤﺖ ﻏﻨﻴﻤﺎﻳﺔ ﺍﻟﻠﺒﻦ ﻃﻠﻌﺖ ﻋﻠﻰ ﻧﺎﺱ ﺍﻟﻘﺒﻮﺭ .. ﻛﺸﺤﺖ ﻭﺭﺍ ﻃﺮﻑ ﺍﻟﻘﺒﺐ ﻋﻴﺸﺎ ﺍﻟﻤﺠﻮﺩﺍ ﻟﻠﻄﻴﻮﺭ .. ﻭﻣﻦ ﺯﻣﺰﻣﻴﺘﺎ ﻭﺍﻟﺪﻣﻮﻉ .. ﺭﺷﺖ ﻗﺒﺮ ﻫﺎﺷﻢ ﻋﻘﺐ ﻗﺒﺮ ﺍﻟﺤﺴﻦ ﻭﺍﻟﺒﺎﻗﻲ ﻟﻲ ﻛﻞ ﺍﻟﻘﺒﻮﺭ ﻓﻲ ﺗﻮﺑﺎ ﺻﺮﺕ ﻫﻴﻦ ﻣﻦ ﺍﻟﻘﺒﺮﻳﻦ ﺑﻌﺪ ﻣﺎ ﺍﻧﺒﺮﻛﺖ .. ﺑﺮﻛﺔ ﻋﺸﻖ .. ﺑﺮﻛﺔ ﺷﻜﺮ .. ﺑﺮﻛﺔ ﻭﻓﺎ ﻏﻴﺒﺔ ﺍﻟﺸﻤﺶ ﺟﺒﺮﺕ ﺧﻄﺎﻫﺎ ﻋﻠﻰ ﺍﻟﺮﺟﻮﻉ .. ﻭﺍﻟﻘﻠﺐ ﻣﻦ ﺷﻮﻕ ﻣﺎ ﺍﻛﺘﻔﻰ ﻟﺴﻊ ﻓﻲ ﻏﻴﻤﺔ ﻣﻦ ﺍﻟﺪﻣﻮﻉ ﺗﺒﺮﺍﻫﺎ ﻟﻲ ﻃﺮﻑ ﺍﻟﻔﺮﻳﻖ .. ﺷﻴﻠﺔ ﻧﻔﺲ ﺗﻄﻠﻊ ﻣﻄﺮ .. ﺧﺘﺔ ﻧﻔﺲ ﺗﻄﻔﻲ ﺍﻟﺤﺮﻳﻖ ﺁ ﺍﻟﺴﺮﺓ ﻳﺎ ﺩﻭﺏ ﺇﻧﺪﻣﻞ ﺑﻴﻦ ﺍﻟﻀﻠﻮﻉ ﺟﺮﺣﺎً ﻏﺮﻳﻖ ﻓﺎﺗﻮ ﺇﻧﺠﻠﻴﺰ ﻓﻮﻕ ﺩﻣﻬﺎ .. ﻭﻋﻤﺖ ﺇﻧﺠﻠﻴﺰ ﻣﺒﺮﻭﻙ ﻭﺣﻤﺪﻳﻞ ﺍﻟﺴﻼﻣﺔ ﻳﺬﻛﺮﻙ ﻟﻴﻠﺔ ﺍﻟﺤﺴﻴﻦ ﺳﺎﺭ ﻟﻚ ﻋﺮﻳﺲ ﺃﻡ ﻣﻦ ﺿﺮﺍﻭﺗﻮ ﻳﺬﻛﺮﻙ ﻛﺘﻞ ﺍﻟﻤﻨﻴﺤﻴﺲ ﺍﻟﺘﻌﻴﺲ ﻧﺎﺱ ﺗﻤﻼ ﻓﻲ ﺍﻷﺯﻳﺎﺭ .. ﻭﻧﺎﺱ ﻓﻲ ﻛﻞ ﻛﻴﻢ ﻭﺍﻗﺪﺍﻻ ﻧﺎﺭ ﻧﺎﺱ ﻧﺎﺯﻟﺔ ﻓﻲ ﺍﻟﺤﻴﺸﺎﻥ ﺗﻘﺶ .. ﻧﺎﺳﺎً ﺗﺮﺟﻊ ﻓﻲ ﺍﻟﻤﻀﻰ .. ﻭﺍﻟﺠﺎﻳﻲ ﺳﻮﺩﺍﻧﻴﺔ ﻣﺶ ﺍﻟﺴﺮﺓ ﻟﻴﻠﻬﺎ ﻗﻠﺐ ﻧﻬﺎﺭ .. ﺍﻟﻮﺍﻃﺔ ﻏﺒﺸﺔ ﺍﻟﻨﺎﺱ ﻏﺒﺶ ﻭﺍﻟﺮﻭﺡ ﺧﺪﺍﺭ ﻣﻦ ﺣﻠﺘﻬﺎ .. ﺍﻟﻨﻮﻡ ﻓﺮ ﻃﺎﺭ ﺑﺎﻛﺮ ﺩﻏﺶ ﺷﺪﺕ ﻋﻠﻰ ﺿﻨﺐ ﺍﻟﺤﻤﺎﺭ ﺣﺮﻣﻮﻫﺎ ﻟﻠﻤﻴﺠﺮ ﺗﺨﺶ ﻋﻘﺒﺖ ﻋﻠﻰ ﺩﻳﺸﺎً ﻋﺼﺮ .. ﻗﺼﺮﺕ ﻣﻊ ﺑﺘﻮ ﺍﻟﺤﺪﻳﺚ ﺩﻫﺖ ﺍﻟﻤﺸﺎﻳﺦ ﻭﺍﻟﻌﻤﺪ .. ﺳﻔﻬﺖ ﻋﻤﺎﻳﻞ ﺍﻹﻧﺠﻠﻴﺰ ﻇﻠﻢ ﺍﻟﺤﻜﻢ ﻳﺎﻫﻮ ﺍﻟﺤﻜﻢ .. ﻛﺎﻥ ﻣﻦ ﺟﻮﺍﻣﻊ ﻛﺎﻥ ﻛﻨﻴﺲ ﻳﺒﺮﺍ ﺍﻟﺴﻤﺎ .. ﻳﺒﺮﺍ ﻣﺤﻤﺪ ﺳﻴﺪﻱ .. ﻳﺒﺮﺍ ﺍﻟﻤﺴﻴﺢ ﻭﺭﺟﻌﺖ ﺑﻼ ﺍﻟﻤﻮﻳﺔ ﺍﻟﺮﻭﺕ .. ﺣﻴﻀﺎﻧﻬﺎ ﻟﻲ ﺟﺪﻭﻝ ﻓﺴﻴﺢ ﻟﻲ ﺩﻭﺭ ﻣﻌﻠﻘﺔ ﻟﻠﺒﺨﻮﺭ ﻓﻲ ﺑﻴﺘﻬﺎ ﻋﺎﻣﺮ ﺑﺎﻟﻤﺪﻳﺢ ﻟﻲ ﺩﻭﺭ ﺗﺰﻏﺮﺩ ﻣﺎ ﺍﻧﻘﺮﺵ ﻳﺎ ﺍﻟﺴﺮﺓ .. ﺣﺴﻬﺎ ﻛﻴﻒ ﻧﺼﻴﺢ ﻟﻲ ﺩﻭﺭ ﻣﻊ ﻭﺍﻟﺸﺎﻱ ﻭﺍﻟﺰﻻﺑﻴﺔ ﻣﻊ ﺍﻟﻀﺒﻴﺤﺔ .. ﺍﻟﺠﻮﻛﻲ ﺑﺎﻟﺨﺮﻓﺎﻥ ﺳﻤﺎﻥ .. ﻭﺍﻟﺠﺎﺭ ﻟﻪ ﺗﻮﺭ ﻟﻲ ﺩﻭﺭ ﻃﺒﻴﻘﺎﺗﻚ ﺗﺪﻭﺭ ﻣﺎ ﻗﺼﺮ ﺍﻟﻄﻤﺒﺎﺭﻱ .. ﺟﺎﻙ ﻣﻠﻚ ﺍﻟﺪﻟﻴﺐ ﺭﺣﻠﺖ ﺑﺮﻭﺵ ﺍﻟﺰﺍﻭﻳﺔ ﻋﻨﺪﻙ ﻓﻲ ﺍﻟﻔﺮﻳﻖ ﺁ ﺍﻟﺴﺮﺓ ﻣﺎ ﻓﻀﻰ ﻋﻨﻘﺮﻳﺐ ﺁ ﺍﻟﺴﺮﺓ ﺑﻴﻨﺎﺕ ﺍﻟﺨﻠﻮﻕ .. ﻣﺮﺍﺗﺎً ﺍﻟﻠﻴﻞ ﺁ ﺑﺤﻮﻕ ﻟﻲ ﺩﻭﺭ ﻋﻠﻲ ﻛﺘﻒ ﺍﻟﻔﺮﺡ .. ﺗﺘﻌﺐ ﻋﻴﻮﻧﻚ ﻭﺗﺴﺘﺮﻳﺢ ﻟﻲ ﺩﻭﺭ ﻭﺗﻜﻠﻚ ﻓﺎﺡ ﺗﻜﻴﺔ .. ﺁ ﺍﻟﺴﺮﺓ ﺩﺍﺭﻙ ﻣﺎﺝ ﺿﺮﻳﺢ ﻭﻳﻮﻣﻴﻦ ﺑﻌﺪ ﺳﻘﺖ ﺍﻟﺨﺪﺍﺭ ﺑﻲ ﺇﻳﺪﺍ .. ﺟﻴﻬﺖ ﺍﻟﻌﻘﺎﺏ ﻗﺎﻣﺖ ﻣﻌﺎﻫﺎ ﺗﺴﻊ ﺭﺟﺎﻝ .. ﺑﻲ ﻧﻮﺑﺔ ﻓﻮﻕ ﺿﻬﺮ ﺍﻟﺒﺨﺎﺭ ﻗﺎﻟﺖ ﻋﻠﻴﻬﺎ ﻧﺬﺭ ﻗﺪﻳﻢ .. ﻭﺍﻗﻊ ﻋﻠﻴﻬﺎ ﻧﺬﺭ ﻋﺰﻳﺰ ﺇﻥ ﺣﻴﺔ ﻓﻲ ﺍﻟﺪﻧﻴﺎ ﻭﻧﺼﻴﺤﻲ .. ﺇﻥ ﻛﺎﻥ ﺗﺸﻮﻑ ﺑﻲ ﻋﻴﻨﺎ ﻓﻮﺕ ﺍﻹﻧﺠﻠﻴﺰ ﺇﻥ ﻛﺎﻥ ﺗﻄﻖ ﺯﻏﺮﻭﺩﺓ ﻓﻲ ﺿﻞ ﺍﻟﻌﻠﻢ .. ﺧﻠﻮﻫﺎ ﺗﺪﺧﻞ ﻟﻠﺨﺘﻢ .. ﺣﺮﻣﻮﻫﺎ ﻳﻜﻔﻴﻬﺎ ﺍﻟﻀﺮﻳﺢ ﺷﻮﻑ ﻋﻴﻦ ﺗﺸﻮﻑ ﺍﻷﺯﻫﺮﻱ .. ﻭﺑﻲ ﻣﺎ ﻳﻜﻮﻥ .. ﺻﺢ ﺍﻟﻨﺬﺭ .. ﺍﻟﻨﺬﺭ ﻣﺎ ﺭﺍﺡ ﻭﻫﻢ ﺩﻣﺎﻋﺎ ﺭﻗﺮﻕ ﻓﻲ ﺍﻟﻌﻴﻮﻥ .. ﻋﻦ ﺳﺎﻋﺔ ﺍﻟﻤﺤﺠﻮﺏ ﻧﻀﻢ ﻭﺇﻧﺸﺮ ﻫﻦ ﺯﺭﻭﻕ ﺑﺰﻡ ﻣﺎ ﻛﺎﻥ ﺗﻜﻮﻥ ﺁ ﻗﻴﺤﻲ ﺣﻲ .. ﻭﺃﻧﺎ ﺃﻓﺶ ﻣﻐﺴﺘﻲ ﻭﺃﺻﻔﻲ ﺩﻡ ﻣﻦ ﺗﺎﻧﻲ ﻳﺎ ﺭﺧﻢ ﺍﻟﻮﺧﻢ ﻣﺎ ﺩﺍﻡ ﺣﺮﺗﻨﺎﻫﺎ ﺍﻷﺭﺽ .. ﺗﻴﺮﺑﻨﺎ .. ﺑﻮﻏﻨﺎ .. ﻭﻣﺴﺤﻨﺎ ﻗﻤﺤﻨﺎ .. ﻫﺴﻊ ﺍﻟﻮﺣﻢ ﻫﺎﺷﻢ ﻭﻻ ﺃﺳﻔﺎً ﻋﻠﻴﻚ .. ﻭﻋﻠﻲ ﺭﻓﺎﻗﺘﻚ ﻻ ﻧﺪﻡ ﻣﺎ ﺩﺍﻡ ﺑﻘﻴﻨﺎ ﺃﺳﻴﺎﺩ ﺑﻠﺪ .. ﻣﺎ ﻓﺘﻮ ﻳﻮﻡ ﺃﺑﺪﺍً ﻗﺴﻢ ﻭﺍﻟﻔﻮﺗﻚ ﻳﺎ ﺍﻹﻧﺠﻠﻴﺰ .. ﻳﻌﻘﺐ ﻋﻠﻲ ﺑﺎﻗﻲ ﺍﻟﺴﺠﻢ ﺁﻓﺎﺗﻦ ﺃﻭﻻﺩ ﺍﻟﺤﺮﺍﻡ .. ﺃﻛﺒﺮ ﻣﻦ ﺁﻓﺎﺕ ﺍﻟﻌﺠﻢ ﺩﻱ ﺍﻟﺴﺮﺓ ﺑﺖ ﻋﻮﺽ ﺍﻟﻜﺮﻳﻢ .. ﺳﺮﺓ ﻋﻘﺎﺏ ﺳﺮﺓ ﺗﻮﺍﺻﻞ ﺑﻴﻨﻨﺎ ﺑﻴﻦ ﺭﺣﻢ ﺍﻟﺘﺮﺍﺏ ﻭﺍﻟﺠﺎﻳﺔ ﻓﻲ ﺍﻟﺰﻣﻦ ﺍﻟﺮﺣﻴﻢ ﻣﺮﻩ ﻣﻦ ﻗﺪﻳﻢ ﻣﺎ ﻓﻴﻬﺎ ﻋﻠﻘﻨﺔ ﺍﻟﺮﺟﺎﻝ .. ﻣﺎ ﻓﻴﻬﺎ ﺩﻟﻘﻨﺔ ﺍﻟﺤﺮﻳﻢ ﻣﺮﻩ ﺑﺖ ﻗﺒﺎﺋﻞ .. ﻗﺎﻟﻮﺍ ﻻ .. ﻭﺍﺧﺘﺎﺭﻭﺍ ﻓﻲ ﺍﻟﺤﻖ ﺍﻟﺠﺤﻴﻢ ﻭﻣﻦ ﺭﻓﻘﺔ ﺍﻟﻔﺴﻞ ﺍﻟﺨﻼ .. ﻭﻛﺎﻧﺖ ﻧﻌﻢ ﺗﺪﻱ ﺍﻟﻨﻌﻴﻢ ﻣﺮﻩ ﻣﻦ ﺻﻤﻴﻢ ﺿﻬﺮ ﺍﻟﻐﻼﺑﺔ ﺍﻟﻤﺎ ﺑﺘﻨﻜﺲ ﺭﺍﺳﺎ ﻏﻴﺮ ﺳﺎﻋﺔ ﺍﻟﺼﻼ ﺃﻭ ﺗﺮﻣﻲ ﺗﻴﺮﺍﺏ ﻓﻲ ﺍﻟﺘﺮﺍﺏ .. ﺃﻭ ﺗﺴﺘﺸﻒ ﻭﺟﻪ ﺍﻷﺩﻳﻢ ﺟﺎﺕ ﺩﺍﺧﻠﻲ ﺯﻱ ﻣﺮﻗﺔ ﻏﻀﺐ ﻣﻦ ﺟﻮﻑ ﺣﻠﻴﻢ .. ﻓﻲ ﺯﻣﻦ ﺻﻌﺐ ﻭﻣﺮﻗﺖ ﻣﺘﻞ ﺩﺧﻠﺔ ﻏﻀﺐ .. ﺻﺪﺭ ﺍﻟﻤﺴﺎﻣﺢ ﻭﺍﻟﺤﻠﻴﻢ.... ﻳﺎ ﺍﻟﺴﺮﺓ ﻟﻴﻢ .. ﺁ ﺍﻟﺴﺮﺓ ﻟﻴﻢ ﺁ ﺍﻟﺴﺮﺓ ﻟﻴﻢ

كرويات الصبر البيضاء - محمد الحسن سالم حميد

كرويات الصّبر البيضاء انهزمتْ

ووجمتْ

وخرّ جوادَك ... قبل يقرِّبْ

حمُيّات الغُلُب السّوداء

إنلمّتْ

وضمّتْ

وغَزَتْ أجسادَك .. وبتّ تهضْرِبْ



من هضريبك ومُر تعذيبك ..

بين النخلة ومجرى النسمة

انساقط طاير ...

فَتْفَتْ

حَتْحَتْ

ريشو قُصادَكْ ...

وكان ده حبيبك ... وقُمت تجقلِبْ

بين القيفة وباب النّهر ..

دبيب الرِّيح من دَبَش القهر ..

اتلوّى اتلبّدْ ولَدَغ الشّيمة

الشّيمة انكفتْ ..

البحر انخجّ ..

الزبد انعجّ ..

الطين انحتربْ ..

ومرقت عقربْ

ورفعت شارة ..

اندفعت فارة

تجاه المركبْ

ووقعت سارة على صنقور رواسي قريبك

وقام مِنْوهدِبْ

وكابسو الجندبْ ..

وكان دي امجادك

بين الميضنة والإرصاد

انجرحت غيمة ..

الغيمة الطيبة وحاملة حلالْ

من ألق البسمة الفي الأطفالْ

من عَرَقْ النسمة الفي العُمّالْ

والنّاس الفَالْ

انسرحت فيها شظايا آذان الوقت الواقع

بين تغريبك ... وسرقة زادكْ

مَدّتْ إيدك تالا القبلة ... رشاشها يصيبكْ ..

تسبي نديهتك ..

تفقد جيهتك

تنزف تنسف دانات دعة الهوس الديني

الطيني

الجيني

قوافل اورادكْ

تقضف ..

تركُض تالا جنازك ونعش أولادكْ

باري نحيبك ..

ترجف تتعب ..

تغضب تهتف ..

تلقى قُصادَك سدُّ مرابي

أرزقي ..

رباطة

وكور همباتة ..

لحى ونخاسة ..

وكل السّاسة الباعو نصيبك باستشهادكْ

عاد ان شاء الله تكون الجنة الماهلة ميعادكْ

إلا الحاصل ديل حُسّادكْ

بعضِ يقول الله لا عادكْ

وبعض إن لاقي طريقة يعيدك

تاني عشان الموت يصطادكْ

يا مجلوب في سوق الآخرة ..

ويا متمقلب تحت جهادكْ

خرّ جوادك ..

مات الطاير ..

لدغت شيمة

كرش الغيمة إنبعجت

دمّت ..

عينيك طمّت ..

وغمّ قليبك .. وكان دي بلادكْ

وين مستغرب .. ؟؟؟

تقدر تكسر حمرة عينك ..؟؟

تنكر سيفك ؟؟

تابى جفيرك .. ؟؟

دابك تقوى

يا بني آدم .. تفقد مرة .. مريرة ..

ضميرك تكسب ثروة ..

وتلقى العالم تحت سريرك

تشبع

تروى ..

وترضع ذاتك ..

من لذّاتك ..

وحلو الحلوى

من ما تبلع يوت تتبرع ..

وكلك نخوة ..

صدقة لعمرك .. وباقي حياتك ... ونصر الدعوة

حبّة جوامع ..

وقبة صوامع ..

وكوتة

وكوتة

تفوت الفوتة

بأسرع صهوة

عُمرة وحجة ... وتسأل ربّكْ

يقبل توبتك يغفر ذنبكْ

يمسح سفّكْ ..

خيرات شعبكْ ..

اصلها كانت عترة في دربكْ

لما تعبت ... وفاتك حزبكْ

لما ضهبت ...وخانك قلبكْ

كانت هفوة في لحظة سهوة

عن الإنسان والحال الأسوأ

ودابك فُقتَ ..

وجاتك صحوة

وجيتَ تكفّر ..

يا رب تغفر ..

اغفر ..

اغفر

عبدك خاسر شيء ما بيسوى

انت القادر ... إنت الأقوى

؟؟؟؟؟؟

يا البتخادع حتى الله .. !!!

وين الشُّهرة .. المال ... والجاه ؟؟؟؟

وين السّطوة ..؟؟

الجّشَع .. ؟؟

القسوة .. ؟؟؟

اركزْ ..

اركِزْ

لا تجيب رَخْوَة

يا مِتلبّك في الأدران ..

الحجر الأسود ما هو البروة

وما ها مكاوى الكعبة تجيها ..

حين ينكَرْفَسْ توب التّقوى

ومافي خُرَط لي الجنّة تودِّي ..

لا في خُطط ممهورة برشوة

والمشروع الديني الخالِصْ ...

ما محتاج لدراسة جدوى

يا من قال يارب من قلبو ..

رد الخالق دائماً أيوة

اركز ..

اركز ..

لا تجيب رخوة

اركض ..

اركض ..

تالا اشجار العملة

واقصِفْ ..

اقصِفْ من اوراقها ..

يمكن تستر عورة شينك ...

وما سواهو زمانك جملة

اركز ..

اقوى ..

ولِفْ بشكيرك فوق الرأس ... النشّف غيرك !!

لا تستهوى ..

قضّي منافعك وتم العُمرة

وفوّر موية زمزم قهوة

اركز .. اركز .. لا تجيب رخوة

ماك غلطان .. !!!

غلطان الشعب الجزّ جراد الغفلة كفاحو

الجنى أرباحو .. ضياع أرواحو

وجيد للحاصد ...

وبخت الحاصد

ماك غلطان !!!

غلطانين الشهداء الراحو ..

الواحد ..

واحد

ماك غلطان !!!!

غلطان الحزب الجمّ سلاحو وخيلو تناهد

ماك غلطان !!!!!

غلطان زمنكْ

واصلاً وطنكْ

ياها جراحو وعندك شاهدْ

رَفْضَك .. سَجَنَكْ ..

شان الكادح

والمتكادح

يلقى صراحو .... ويبرأ السّاعِدْ

تهتف لامن تقضف دم ..

وشارعك هازيء ..

يهز اصفاحو .. وبرضو تجاهدْ ؟؟؟

لامن صَقّرْ سن منقارك ....

لامن طايرك قصو جناحو ....

وخرّ يكابدْ

ما حَسّابَكْ ... إلا عذابكْ ..

وليلاً دائماً كارمه صباحو ..

ونجمك ساهدْ

لما بديت تفرز لي عيشتك ..

لاكو عويشتك ..

واجمعوا جملة بأنك تالفْ

وانو سقطت .. مع أنك واقفْ

فوق اسمنت وتحتك عملة

هم ساقطين في البرد الناشف ..

وجاهم زاحف قوز الرملة

الإملاق العيش الشاظف ..

وفي ظلمات الزمن العاصف ...

قاسي عبور اليم ... يا نملة !!



وهسه غلابا الدنيا الكنت بتتعب غنية عشان يرتاحو ..

المنك راحو ..

الكجنو حِنّك ... وعنك أشاحو

ضراعم غادي

عليك يتجارو .. بدون ما تنادي ..

وصاروا نفيرك وقت حصادك .. ورابى نصيبك

هرِّب ..

هرِّب ..

خير بلادك برة وسيبكْ

يا أوعية البلد القطّتْ ..

ما بيسقيك الدم الفاسدْ

ويا أودية الولد الشطّتْ ..

ما بيشفيك اليمّ الراكدْ

إلا الدم البدأ يلقّط ..

واحد ..

واحدْ

إلا اليم أب غيماً نقّط .. وجاييك قاصدْ

يا محبوبة في وضع خريف ..

شالع دجلو ..

وكضباً راعدْ

بيت راكوبة ..

وحوشو صريف ..

سَوّسْ مِرْقو ..

وسقفو يناهدْ

احسن تحت المطرة نقيف ..

بي كفيك ..

كفّي ..

والسّاعدْ

وراسنا ...

نضاري الطفل الواعدْ

لامن يبقى سمانا نضيف ..

من تخويف ..

تسويف ..

من زيف

ونلقى الوطن الحِنْ ..

مو الطاردْ

واللا الموت

الدغري

الواحدْ



Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®

نورة والحلم المدردح - حميد


هيْ .. أقيفِنْ ..

نورا فِيكِنْ ؟ . ؟

نورا ... نقّاحة الجِّروفْ ..

نورا ... حَلاّبة اللِّبيني ..

للصغيرين والضِّيوفْ

نورا ساعة الحَرْ يولِّعْ ..

تنقلِبْ نسمة وتطوفْ

تَدِّي للجيعان لقيمة

وتَدِّي للعطشان جغيمة

والمَخَلِّي الحال مَصَنقِرْ ..

في تَقَاة اللّيل تَندْقِرْ ..

تدِّي لي باكر بسيمة

تَكْسي للماشين عَرَايا

وفوقا ينقطّعْ هديمه

.........

ما عِرفتِنْ ... نورا إنْتِنْ .. ؟؟؟

قولِنْ إنتن شِنْ عِرفْتِنْ ؟؟؟







نورا بِتْ الواطة

أخيتي ..

نورا اخُتْ كُلّ الغلابة

نورا حاحاية الشّقاوة ..

نورا هَدّاية الضّهابة

الأراضي اليَاما أدّتْ ..

نورا ... بقّتْ من تُرابه

وماشي في الأعماق سحابه

مشتهنِّها .. والله جابه

الله جابه ... الله جابه

للجنوب طبلاً يَهَدْهِدْ ..

ليل مشاعر ناس تعابة

وللشّمال طنبور يَسَكِّتْ ..

دمعة الميتين كآبة

........

ما عِرِفْتِنْ نورا إنتِنْ .. ؟؟؟

قولِنْ إنتن شِنْ عِرِفْتِنْ ؟؟؟

....

نورا ....

عايز تقرأ .... قالتْ

فوقا حيطة الدِّنيا مَالتْ

خَتّتْ الكرّاس وشَالتْ

منجلاً .... صَالَتْ بو جَالَتْ

لامِنْ إنجرحت بو شالَتْ

لي التراب فوق إيده كَالَتْ

..........

ومَرّة يوم في الدُّونْكَا لِدْغَتْ

جاء الفقير بالليل حَوَاهَا

ويوم ملاها الهم قطايع ..

جاء البصير بالنّار كَوَاهَا

ونورا ... ما قِدْرَتْ تمانع ..

تقنع النّاس المعاها

مرة شافت في رؤاها ...

طيرة ... تاكل في جناها

حيطة تِتمغّى وتفلّعْ ..

في قَفَا الزّول البناها

في جنينة سيدي سِمْعَتْ ..

شتلة تصقع لي الوَرَاها

الأرض ..

لابُدَّ

ترجع ...

للتِّعِب فوقا ورعاها ...

غيمة ... والنِّيل موجو لاها

والعطش شقّقْ شفاها

الشّمس طَبَقت ضُحَاهَا

الخليقة لقت إلاها

نار ....

عقاب إنسان مكسّر ..

فوق تَلَكِّيات متاهة

وضَوْ من الله .. رهاب مكتّفْ

في وتيد اللّيل معاها

بين ربوع حَضَره وخلاها

فَسّرَتْ لي النّاس رُؤاها

وقالوا .... جَنّت .... ومو براها

ونورا زادت فوق شقاها



و صَدّتْ الأيام .... تحُشْ

تبني لي عصفورة عُشْ

في السّواقي تشوف عزاها

لما شوقه يسوِّي .. أُشْ !!!

تملا ... تزرعْ

ترعى .. تقرع

للنهار في الليل تخُشْ

عِرْفَتْ الشّقَا والشّقَاوة

إلاّ ....

ما عرفت تغُشْ !!!

........

شايلة طولة البال من الله ..

ومن أراضينا الإثارة

وماشي تكدح طول نهاره

وترجى لما الليل يَفلِّلْ ..

تسرِق ألمي عشان خداره

عشان صغاره ..

عشان خداره

عشان صغاره ..



ولما ترجع لي دياره

تنزف أحلام الفقارى

من عويناته الحيارى

..........

لي غُبار الحال تقُشْ

فوقو لي الآمال ترُشْ

نورا ....

تقعد

صاحيي تحلم ..

بي بيوت بي نور ودُشْ

وبالمحبة تشُق دروبه ..

ولي قلوب الكل تخُشْ

نورا ...

تحلم بي وجود

ما مشت بينو القيود

أفضل أفضل بي الكتير ..

بي وطن من غير حدود

........

نورا تحلم بي عوالم

زي رؤى الأطفال حوالم

لا درادر ..

لا عساكر ..

لا مظاليم

لا مظالم

.............

نورا تحلم ..

ولما تحلم ..... نورا ترجِفْ

ولما ترجف .... نورا تحلم ..

ولما ريح الواقع المُرْ ..

لي عشيش أحلاما ينسِفْ

نورا ..... تنزِفْ

وفي الوجود .. وجدانه يهتفْ

حالة .. تقرِفْ ..

حالة تكسِفْ ..

حالة تكسِفْ ..

حالة تقرِفْ ..

وتبدا تقضِفْ ..

ولما تقضِفْ

بالا يهتِفْ ..

وتملا باله أحلام بتلصِفْ

يوم حا تنصِفْ

يوم حا تنصِفْ

نورا ..

لسّه بعيد ..

هناكَ ..

وتبدأ تحلم ..

ولما تحلم نورا ترجِفْ

ولما ترجف نورا تحلم

صاحيي تحلم..

وصَاحْ بتحلَمْ

صاح بتحلَمْ

بتحلم صاحْ ..





آآآآآآآهـ ** ياغبش - حميد

آه يا غُبُشْ

ما عندي ليكم غير نغيم ..

برجوه ينفُض

لي غبار زمن القسا ..

الكتّاح

يهِزْ عرجون نخل صبر الغلابة الطالْ ..

يحِتْ يخرِتْ ..

تباريح الأسى

الممدودة فوق نور الدُّغُشْ

يا نورا آه ..

يحرَد كنائسنا المسيح ..

يعرش مدارسنا الصّدى



ييبس .. يباس

حلق العصافير الوديعة من البُكَا

يندَرْدَرْ الصّوت البعيدْ ..

أسيان يصُد من دون صدى

ينكَفْرَنْ الفجر الصّبوح ..

يحمي الزهيرات الندى

تختا الدراويش الضّريحْ ..

يسكن خلاوينا الجنون

يهجر جوامعنا الإله

يا نورا آه ...

تطرح غيوم الشوق تئِنْ ..

تشرَقْ

تموت

خيل .. كلمة الحق التّناهِدْ في الشِّفاه

تعقِر بسيمة الصِّحْ

مع لوبي الجّروفْ

تغرِزْ ضريعات الحروفْ

ينشف مُرَاح الأمسيات ..

تتمطّق الأرضة المروق والأغنياتْ

اللّي الشّروق ..

والأرض

والحب والمطر

تضْهَب تتوه ..

وكتين يضيع عرق الجِّباه الشُّم ..

شمار في مرقة

آه يا نورا آه ...

من دّرْبِكْ التّور نَفَس خيل الصّبُر ..

فَتّر خطاوي الشّوق وراه

يا نورا آه ...

ساعة الشّموس الغُرْ .. تهضلمْ

تلحق الصِّح في المغاربْ

تدفر الضو الكهاربْ

في وشيّكْ

تذفر المدن

الضّبابية

السّرابية ... الكآبة

وحائط التيِّه

والطّشَاشَات

فوق قِفيِّكْ

يا أم عوارض .. مو دعاشة ..

ماها شبّورة وتقيفْ

جايي ليك يا نورا غيمة ..

تملا ماعونك خريفْ

يملأ عينيك ويفضِّلْ ..

يروي جوّاك ... العطاشة

مو دعاشة

Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®

.......

يا مطر عِزْ الحريقْ

يا مصابيح الطّريقْ

يا المراكبية البتجبِدْ

من فَكْ الموج الغريق

يا الجزاير النتحويبا ..

لما إنشعوز بحرنا

جينا ليك والشوق دفرنا

يا المراسي النتحويبا ..

لما إنشعوز بحرنا

يا نشوغ روحنا ودمرنا

يا المحطات الحنينة ...

القصّرَت مشوار سفرنا



يا ما شايلك بيني حايمْ

أيوة شايلك .. بيني حايمْ

في الأرِضْ تكوين قضيّة .. !!!

في السّمَا الأحمر .. غمايمْ

بي برِدْ نغما السّلامِي ..

رَطّبَتْ حلق الحمائمْ

طنبر النّخل التبلدي ..

راقص الأبنوس وصَفّقْ

سَوّتْ الصقرية موجة

خَلّت النِّيل هاجلو هوجة

بشّرت بالخير بلدنا ..

شالت الشّبَال نسائمْ

جدّدَتْ زلفي القديم ..

أمشي بي الماشيبو أقاوم

لا بتكَبِّر راسي فورة ..

لا بتصغِّرني الهزائمْ

جِنْس يا نورا ابن آدم

حلمو في عالم مسالِمْ





لا اللّيالي الماها ليّا ..

لا الشّمَاتات العليّ

لا البنوك المخملية

لا تفاهات الحضارة ..

لا عفاريت المدينة ..

لا العمارات السّوامِق ..

فوق ضَهَر ناساً فقارى

لا الهتاف الفاوة ضارى

غطى بالي من الفوارق ..

لا الألوهة الطوطمية

لا البرندات الوسيمة ..

ولا الأسامي الأجنبية

بتمحى من عيني ملامحِكْ ..

وإنتي جاية المغربية

جايي دايخي المغربية ..

وشِّك المقبول مكَنْدَكْ ..

سامسونايتك زمزمية

كونشبر ..

مرزبة

مقطع

ريشة فانوساً مدَرْدَحْ

قلت بيهن لي زمانك ..

يا زمان الحاجة عندكْ

يا زمان الآفة حدّكْ ..

لا تطا الوردة الصبية



يا نفس فجر القصائد .. يا بلادي

القَطَع قلب الرّوادي

باللُّواج الجاي وغادي

ده ما هو صوتِكْ .. لاها صورتِكْ

دي البترقش

ناديي فوق صدر الجرائد ..

ماها صورتك !!!!

لا هو صوتك ..

لاها صورتك !!!



إنتي يا الفي إطْن الصّحَارَى

شُفّع العرب الفتارى

البَفِنّو الشايلا إيدُنْ ..

ويجرو كابسين القطارة

يجرو باريين القطارة



لا سراب الصّحراء موية ..

لا حُجار سلّوم موائدْ



إنتي في الغابة اليصارِعْ ..

جوفو للآهات تلكِّي

ياما دفّقْ غيم رجاهو ..

لكن الأيام كركِّي



في خلا حالنا اليمحِّن ..

ويملأ بالسُّهد الوسائدْ

إنتي غيمة ..

شديرة ..

خيمة ..

إنتي جاهنا ..

والتّقَا الطّلَقَت وشينا ..

فرّقَت غُمّة جباهنا

فرّجت في الحارّة ضيقنا

فرّحَت شُفّع فريقنا

والمواعين الحزينة ..

وإتجاهنا

يا النغيم البقّ فينا ..

وشدّ لي وتر إنتباهنا



يا تباشير يا بشارة

إنتي يا ضرعاً تَكَرْمَشْ ..

شان يرضِّعني الجسارة

إنتي في منفاي رفيقة ..

وفي حشا الأشواق حرارة

يا هُدَى النّاس الحيارى

يا ندى الفجر اليبلِّلْ

صور عوينات الفقارى

جاي ليك ..

آه جاي ليك ..

يا نورا آفة

آفة للسوس الجا ينقُرْ ..

عود عشيماً داخرو فيكْ

وأصلي لمن أدور أجيك ..

بجيك

لا بتعجِّزْني المسافة

لا بقيف بيناتنا عارِضْ ..

لا الظُّروف تمسك في إيدي

ولا من الأيام مخافة



يا نفس فجر القصائد ..

ما ضِهِبْ في بُعدي عنِّكْ

واصلي متغرِّب عشانك ..

راضي بالبيجيني منِّكْ



ما بكيت شُحْ اللّيالي

لا شكيت نُحْ .. شلتو حالي

رغم إنو الحال بيفسَخْ ..

إلا كُت في الحارة بصرخ

يا وطن عِز الشّدائدْ

يا وطن عِز الشّد ائدْ


Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®



عروس الطين - محمد الحسن سالم حميد

بيني وبين النهر ضحايا

وكم من قتلة ونصّابين

وقدر الغيم اللمّا سمايا ....

شالوا الريح وبي حُمرة عين

حبل البئر ودلوها منتّف ...

وحارساتنها دابيين





ريقي دقيق .. والخطوِ مكتّف

ما بين كهنة وربّاطين

وانا ناذرلِكْ ، كان أسقيكِ

وترجعي طيبة عروس الطين

ويرجع عصب العشم الفيكِ ...

وزي ما كان من قبل سنين

يا ترقوة الحلم الزّامِكْ ..

ما أقواك على السكّين !!!



لما غِشَاكِ الصيف الحارق ...

حتحتيهو الصفق الأصفرْ

والنوّار اليا دوب مارِق ...

علمتيهو تمُام ينضرضرْ !!!

فرعك عِز الزّمن الزانق ...

عاهد ليفك وابى مِنْ يكبْر

شان ما يبقى حُراب ومشانق ..

واللاّ مطارق في ايد العسكرْ !!!!

وشان الساق الناجرو الخالق ..

ساترو لحاهو ... يفضِّل أخضرْ



روّضتيها جذورك ترحل تالا الموية التحت الأرضْ

وفوق الزمن الريحي الأمحل ..

كيف تنماسك وتسند بعضْ

ما كان عَرضِك الا الطُّول ..

لا كان طولِك غير العرضْ

وين بالساهلة يفرِّط زولِك

واللاّ يفوت المال والعِرْضْ ؟؟؟؟



قال طيراً نفد بي حِنّو ...

لى جملة عَقابو يغنوا :

يا أكباد الرفاق لا تئنو !!

طرِّقوا لى المناقير سِنّو !!



شن طعم العرق والدم

واحنا عوجنا ما عدلنو ؟؟

هِبّن يا طيور من جم ....

رخمتين فوق صقر كتلنو

حُلماً زانو ليك كابوس ...

وراجنبو الليالي يصِنّو

والوعد المشتت روس .....

وكاويق شِنْ بترْجِن منو ؟؟



وما بتنغشّن ... حاشا وحاشا

وما بتنكسرن .. أي والله !!

وما بتندلّن لي حباية

ودود معقود في شبك الباشا

وكم هبّرتِنْ شركو وطِرتَنْ

لي قندولكِن في الحواشة

وقلتِن شارق

فجراً حارق

وكل الوخم الزيف يتلاشى

وتنفض طيبة غبارا العالق

وتقبض نسمة خير ودعاشة



وبيني وبين النهر ضحايا

وكمين قتلة ونصابين

وقدر الغيم اللمّا سمايا ..

شالو الريح وبي حمرة عين



Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®



اشعار محمدالحسن سالم حميد

تفاصيل ماحد ث

سكتّ

نَضَمْ غُناي .. ورّاكْ ..

بَدابِكْ باتّكالي عليكْ

خَتَمْ بِكْ .. بي هروبي إليكْ

وكيف طفّرتَ صقر الآفة ..

ما يلفحْ .. جناياً ليكْ

ولا يدخل مجال عُشّاً ..

نسجتي حنانو فوق إيديكْ

وكيف كُوترتَ ريح الآهة ..

ما يقرب فرح عينيكْ



وراء جبل الصّبر .. فضّيتو

والمطر الِحرِد .. رضّيتو

سُقتو على البلد ورّيتو ..

ما لمّابا ..

لمّا بياّ ... لمّا بيكْ

هادي الحُفرة .. كانت بير ..

وكان منكابي فوقا حَرازْ

وتحتو الصخرة كانت حوض ..

وكانت للقبيلي ملاذْ

كانت مُلتقى العِربانْ ..

وكانت مُتّكا الِحبّانْ

مركز دورة الإنسانْ

مِنّها هبّة الفرسانْ ..

وعندها رَبّة العِرسانْ

وكم شِهدت غَرام وغَرامْ

وحِفْضَتْ كم كلام وكلامْ

تعكّر حين خصام وملامْ

تروّق حين وئام وسلامْ

تراشق أعين الأطفالْ ..

تراهِقْ للعصافير يوتْ

ترشرِشْ لي تياب بنّوتْ

جنّها من أعزّ بيوتْ

لا رَفعتْ عليهِن سوط ..

ولا رَفَعَنْ عليها الصّوتْ

حين تملا القِرَبْ ..

تِنْمَنّى ..

تدّها صَنّة ...

حتى تفوتْ

تسوِّي الصّجْ ..

تَلِمْ الطّورْ

مديح الحجْ ..

غُنا الطّنبورْ

تضيق / تحتجْ / .. تقيف طابورْ

هنا الشُّفع .. يمينَك دورْ

هنا المارشات .. هنا الدّستورْ

هنا اللِّبّيشْ

(قريش يا قريش ،

حبابو قريش ،

نزل ملك الحبش والدّيش)

تدور ..... وتدورْ

قواها .... تخورْ

تلم أنفاسا زي عصفور

وتِنَفّضْ ... تمش بالدور

بشيش وبشيش ..

تشاقِقْ بين تقانتْ العيشْ

وبرسيماً .. سمِح مفروضْ

وما تهبش دوابا قشيشْ

بِنيّات الغُبُش شقّيشْ ؟؟؟؟

تودّي ...

تجيب ..

مع الدّوبيتْ

تِنْضَكّرْ خِدِمْة البيت ..

مشى الواقود .. في كل عصير

لُقا المريود .. بدور بِدّيرْ

من اللخّير.. تخاف ، وتخاف ..

تخُب السّير

عشان في كلام وراهو كتير

عشان باكر ، تعود وبخير

(عويش في عويش ..

بنالو عشيش ..

حِدَيْ وجناهو ربّى الرِّيشْ

جناحو هبيش ..

تملِّي ينيشْ ..

طفش قُمرِينا طار شقّيشْ)


....................

مطر يا خير .....

ورا طرف الُحقاب كان روض ..

وكان بيناتو خاوي غديرْ

وكل الصحرا كانت غابة ....

بي شُدرا الكتير وغزيرْ

صباح وهجير ..

يهبهب ... ناز

حلاته ! وفرفرات الطير ....

وقت يغشاها - مرة - رذاذْ

قطيع غزلان ..

نعام وأسود ..

سعية الله ، تخوجل ، في مراعي السود

بلود وبلود ،، دليبن رازْ

مَترَْ ،

مد البصر جنّات خُدر، رباها تور الساقي

حرقت

حين جاء بابور جازْ

............ ...........

(دغيش في دغيش

حصدنا العيش ..

طلعنا مطالبين الخيش)

...........................

والبتشوفو من أطلال ..

دي كانت ذات وطن حَلاّلْ

بيوت ناساً كُرام وعُزاز ..

سوا سوا في رخا واملاق

منطقوا لوعة الإخفاق ..

ـ قدر ما ظنّو في الجايين ـ .. تمطّقو روعة الإنجازْ

( حويش في حويش ..

سكنّا الدّيشْ ..

أوضنا بقت نقاط تفتيشْ)

...........................

هادي المملكة المحروقة ..

كانت جيهة

وكنا نجيها

مستشفانا .. كم كفانا ..

منو نطيب

ويتوفانا

كانت نادي ...

كانت ورشة / بوسطة ألّتنا / كانت مدرسة وقبلتنا

لي حِلّتنا كانت سُوقا

لا وقعت صواقع فوقا

لا غضب الله شلّ عروقا

ما من حرب قامت فيها ..

لا سَقَطَنْ قنابل وغازْ

(كريش في كريش ..

سِعِرْ درويش،

دوانا ، علمنا باتْ مافيش)

..............................

كُنّا وكُنّا .. ياما عُزازْ

ولحظات التّلاقى لُذاذْ

هِلِكْنا وكِتْ وِكِرْ تورنا ..

ودهتنا بصيرة الإنقاذْ

هويّتنا إتلغتْ فينا .. بقينا اعجازْ

زمن خاوي

وحقيقتو مجازْ

(بشيشي ، بشيش

غلبنا نعيش ،

قبض والي البلد بقشيش)

........................................

في الزّول الخَرَبْ لي بيتو

غالطني المطر .... هَدّيتو

لاواني الفراغ .... لاويتو

وكان أقوى الفراغ ما لاي

شَهّدتَ البرق .. مَضّيتو

نشّن قوس قُزحْ ... تالاي

اندرقتّ باللاّشيء ..

وبالمافي اتحويت في قفاي

وقعتَ وراي ..

رفعني يقين .. وَقَفْ فوق راي

بأنو الحال مغيّر زين ..

مغيرّ كان قِصِرْ كان طالْ

وإنو الأرضِ للكادحين ...

ومفتاح الحياة العُمّالْ

رَكَزْتَ على غناوي الفالْ ..

لساني سنين .. وحاضر بالْ

فنّا لي التعب .. موّالْ

شهرت على المناحة غُناي

فزع صبر الغلابة معاي

وكِتْ ناديتو

كيد الكايدين ردّيتو

خاواني المطر .. خاويتو

وفوق ضهر الهوا .. الشدّيتو

سُقتو من الخراب .. ودّيتو

لي تالا العمار وانصاب

فما كان العمار قدامو ..

غير قَلَبَاتْ حلمنا الخابْ

وصنّ يباب .. رهاب ورهاب

.....................................

شال نفسو المطر .. ختّاهو زي ممكونْ

خَنَسْ ..

لحظة خنس قُتْ مات ..

رفس تَوّر بخاراً باظْ

رطن بي كل لُغات الكون ..

وبوّخ ..

دوّخ الألفاظْ

كيفن كان .. وكيف حا يكون ..

تافقني الغُلُب حين قالْ :

(هرطتو ونمتو .. قمتو اعجاز

إنورطتو

يوم فرطتو في ماريل بنية الماظْ

ترباة عِزّها التاريخ .. ضُراع الكُدّح الأفذاذ

حبيبة جملة الشهداء .. الصِّح الإعجاز)

....................................

قال قولو المطر ..

وانعدى فوقي بخار

ركضـ .......ـت وراهو حتى النّارْ

وانـ ترتعـ ت بين التّار .. و ... بين الشارع الما ثَارْ

وسدّ قصاد عيوني شِعارْ

رافعاتنو في إصرارْ ..

جماعات الهواء الأشجارْ

بنات الواطة والأنهار

خيوط العنكبوت .. وحمامة خَبّو الصاحبين في الغار

رافعاتنو حتى الشوق

وقع من فوق ...

وجاهِن تار

صرخت .. فركت للأشجار

في الأنهار نفخت النار بالهواء .. يا جماعة الغار ..

اعصروا على بعض ساريتنا لا تنهار

نشد الحيل ..

نعد الخيل ..

نسن الصارم البَتّارْ

وكلها كمّها الربّاطة .. بي لُقاطا واحنا كتارْ ؟؟

صفاً واحداً كالنيل .. وقلباً حارْ

نضاري الواطة بالضرعات .. من الزمن الكركي الضّارْ

وهاكُن شتِّتُوني بِذارْ

صرخت .. صرخت .. حتى النار

كشحت على الطناش مسدار

أجابني الصّي ..

وأبو التي تي ..

كلاب رمل الهجير الحارْ

وبديت احتارْ

انا نمل المهل قد ضاق ؟؟..

أم ارضة وجرّبت حُجّارْ

بديت احتار .. وقام فيني الجرح تاوارْ

رجـ فـ ـت

نزفـ ....ـت ..

صادني .... دوار

قضفتَ ..... حشاي ..

جرت بطني .. ووقعت جنازْ

تحت صوت الصّنين الرّازْ

بقيت بين الأرض والغيم .. والدّم الجمد والغازْ

مطفِّح زي هُتاف مهزوم ..

مطلوح طوف نجاتو الضيم

جبدت جنازتي للحجرة ..و وقدتها نارْ

لمحت وراء دخانا غُبَارْ

خيول كاكية تنخابت ..

يكون من تاني دفتردارْ ؟؟؟؟؟

طريت تاريخي في لحظة ..

ونسيت ما طريت ..

وفي طيف بيت دُمى وأصنامْ

تكلت جبيني تالا السّامْ

جَعَرْتَ شديد ، وبين أخرامْ

حشرتَ الفاتو والقدام

لويت آهاتي عِمّة عيد ،

شتمني حجر وطيتو قصيدْ

رجمني فتر ، توارى بعيدْ

ظهر لي كجر ، لقاني شهيدْ

طياب الواقع المسروق ،،

يطلبج لا غِرِق لا عامْ

الليل يا تباب الشوق ،،

على تقروقة الأنغامْ

نهار العاشق المحروق على دلجة شتا الأيامْ

هرست مراية الأحلامْ

وبي ساسويي ... فكيت راسي من قدامْ

لقيتو ضلامْ

لقيت ذاكرتي معطوبة ومعضّي كلامْ

مفوتة في انفلاتة سلامْ

خواخي الكتمة غاماها

صدى الأيام معمّاها

خطوط النسمة مشطوبة

ومدارا .... حُطامْ

خُفْتَ من الفصام .. قوّامْ

قفلت دماغي واستلقيت على طوبة

ورجالة غفيتْ

نجيت من سُهْدِ كمّين عامْ

باعجوبة .. ؟؟

غشاني منامْ

في أول دفرة في الأحلام

حلمت ..

جمعت في راس خيتْ

حلمت ..

حلمت إني صحيتْ

حلمت صحيتْ

( وطن منضوم بلا حظرِ وطواريء أحوم )

أتَكْرِنْ بالخبر لفّيت .. شوارع المدهشة الخرطوم

نطحت من الفرح للطابية .. طِرْتَ

دمـ ..........ـوم

وفَتْ .. فتّحتَ وانشلوحتَ ..

عِن جفلة حمار النّوم .. على الحصحاصْ

شهق بي احساسْ

حماس من كل جيهة حماسْ

وما من راس ..... فجيعة النّاسْ

وانا الرّاس الفجيعتو النّاسْ

بكيت وبكيت

نخجت براي ..

بُكاي قلب الغضب تبكيت

إتلفت غادي ... وجاي

تبنت أساي

في الوضع الحطب لا فاس .... معاي لا قشة من كبريت !!!

ولا من يرفع الأنقاض

يثبت بي لمينة القُدرة

مِرْقْ البيت ...

تفاديت الصنين الفَاضْ

وِكِرْ في دوشة الديناميتْ

نتقتَ خُطاي .. تجاهي جريتْ

جريت ... وجريت

جريت قدامْ

رجعت أمامْ

لقيت ساقيني دون أقدامْ

بـر كـت حبيتْ

وفي حجرة غناي الغاضْ

وحِلْتْ في أريتْ

جبدت ايديني في إصرارْ

تجيني كُدُر بلا كفين

اتحسّسْت للما فيّ ...

شكّيت إني حيّ ؟؟؟..

ما حيّ ؟؟؟

شكّيت إني جيت ما جيتْ ؟؟؟

وكيف ؟؟

ومتين ؟؟

وداقس وين ؟؟

رقص وسواسى واللاّوازْ

على النِّيل التمطّى جنازْ

رقص في سُخْف ... باستفزازْ

رقص

بالسُّونكي

والسِّكينْ

وسوط الدِّينْ !!!!

صرختَ .. معاذْ

ندهتَ ... معاذْ

معاذك يا وطن ..

يا فازْ ..

جناك منّك .. عليك وملاذْ

خطاوي الكفّت إيدا جوازْ

...................................

مكثت صراع ترابلة وطين

أقاوم في الغبينة سنين

ولا قدميني لاالكفّيْن

ومقطوع راسْ

لا نوبة وزنوج وحِجازْ

لا بجة لا كُتُر طيبين

ولا عُكّازي لا حَجّازْ

ولا زال المطر في سماهو في طور الدعاش ورذاذْ ؟؟؟؟؟

قرّطت عمر غُنايا

لقيتو ...

باقي فِرِدْ وَتَرْ مشدودْ

ضحكت حزينْ

أنا الفاتح سَد الجايين ؟

أم المسدود بفتح مبينْ ؟؟

شفقت على الشُّدر في حينْ

عِرِق فالوا اطمئن .. تحينْ

تباشير الصباح ويبينْ

بعد ما نموت ؟؟

بعد ما يشيخ ؟؟

أبيت

حتمية التّاريخ

أبيت حتمية التاريخ بلا عرقاً يخضِّر ودمْ

وانا الباغتني ريح الغمْ ..

وابيت انغمْ

وصَادَنِّي الجراح الجّمْ ..

وابيت إنجمْ

ما بضّعتَ .. لا ساومتَ فيك مين كانْ

تعبتَ

من المطر

خلّيتو

ما بين البيوت الطينْ ..

وما بين التَضوِّي قزازْ

يرايي ويبدي .. وين ينحازْ ؟؟

ولى يات جيهة يبقى حبيبْ ؟؟

وضد يات جيهة يطغى حزازْ

.......................................

غرست انفاسي في الزيفة .. الخريفا بَجيكْ

مطعّم بي لهج شفتيكْ

خمشت من الدُّعاش لونو وهرعتَ إليكْ

لقيت كبد البلد مكشور .. وقافلة عينيكْ

دَخلتِك بي مسام الرّعشة ..

من فرقات اصابع ايديكْ

مَرَقْ بِكْ .. وفُتّ بِكْ .. تالاكْ ..

مَضَبْلِنْ

والمطر ..... جا ....... عليكْ

أتيرب في أوجّ العينة .. تُربال التّوحّدو فيكْ

إرادة وقُدرة الإنسان ْ

وكت يبقى إنبعاثو وشيكْ

إرادة وقُدرة الإنسان ْ

وكت يبقى إنبعاثو وشيكْ






Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®


ياتو وطن?..
الاستاذ محمد سالم حميد

ياتو وطن في الكون الواسع
دون عينيك راح يبقي وطن
وياتو سكن في الدنيا الغنوة
دون عينيك راح يبقي سكن
ياتو شمس راح تشرق تطلع
لو عينيك بادمعة بكن
وقام منديلك.....غازل خدك
غطي عيونك....غصبا عنك
هاج منديلك..اغمي عليهو..وقع من ايدك
ومن الدهشة الفيهو رطن
ياتو وطن؟؟
تعرفي ناس عنتر حبو؟
وليلي وقيس ضاقوها محن ؟
اصل القصة عيونك انتي
كانت نجمة تضوي سماهم
وكانت كل كلمات الالفة مسطرة فيها
كان عاشقين السما والنجمة
عبدو النجمة لانك انتي وانو السما في ذاتا ملابسك
كيرت بيهم احلام حبك
وقام رسموك في كل قصيدة
عيون بتحدد نوع القصة
وقصة تعبر عن تحديدك
كرسي وكنبة ورحلة طلبة
يزورو النيل والموية العزبة
يلاقو النيل كان دمعك انتي
واصل الرحلة..........
دهشة وخلعة يوم عينيك بالدمعة بكن
وقام كنديلك.....غازل خدك
غطي عيونك.....غصبا عنك
هاج منديلك......اغمي عليهو
ومن الدهشة الفيهو رطن
قريش يوم عبدت الله حجار
كان فاقدين لي حنك وعطفك
عبدو اللات والعزة وغيرن
حج وطواف تقديس ووهن
انا سويتك نفس القصة
احلي يمين من احلي وثن
قلت اذوب في حبك راهب
واعبد الله الرسمك جوة
واقفل بعدك محراب حبك
واقعد جوة احبك واعبد..
احبك واعبد..احبك واعبد..

احبك واعبد..احبك واعبد.
وارسم دنيا تكون ترنيمك
واصنع دنيا تكون تحديدك
واكتب في عنوان دنيانا
مافي وطن في الكون الواسع
دون عينيك راح يبقي وطن
ومافي سكن في الدنيل الغنوة
دون عينيك راح يبقي سكن



Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®



مكتبة الاستاذ محمد سالم حيد

حَق الغُنى
محمد الحسن حسن سالم



ومن حقي أغني العالم .. إبداع وعلم حرية
إنساني شعوب تنسالم .. تنسالم بي حنية
على نخب الود نتنادم .. لا جنس ولا لونية
لا عِرق لا آه نتقادم .. سكتنا بياض النية
مش كلنا جينا من آدم .. مش آدم ابو البشرية
السجن إذاً يترايم .. نبنيها قلاع ثورية
عقبال الخير يترادم .. والدنيا تمش دغرية
مد كفك يا بني آدم .. حرية سلام حرية"

من حقي أغني .. أغني لشعبي .. ومن حق الشعب عليّ
لا بي إيدك تمنع قلبي .. ولا قلبي كما بايديا
علمني أغني .. الطين .. المخرطه .. والطورية
الناس الصابرة .. سنين بالحالة .. الما دغرية
القابضة الجمرة في إيدا .. والجمرة تلهلب حية
لا قادرة الجمرة تقيدا .. لا قادرة تولع هيّ
يا قلبي بلاش نستعجل .. في الدرب شوية شوية
واصلين الما بتأجل .. لليوم الشمشو قوية
علمني الشوق نترجل .. نستحمل وجع الجية
لا القش بيهاب المنجل .. لاطب .. النار .. الكيه
يا صقر الآه يا ريح .. لا تنفض عش قمرية
من حقو يغني صريح .. ذرية ورا ذرية
ومن حقي أغني العالم .. إبداع وعلم حرية
إنساني شعوب تنسالم .. تنسالم بي حنية
على نخب الود نتنادم .. لا جنس ولا لونية
لا عِرق لا آه نتقادم .. سكتنا بياض النية
مش كلنا جينا من آدم .. مش آدم ابو البشرية
السجن إذاً يترايم .. نبنيها قلاع ثورية
عقبال الخير يترادم .. والدنيا تمش دغرية
مد كفك يا بني آدم .. حرية سلام حرية




Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®



مكتبة الاستاذ محمد سالم حيد

عم عبدالرحيم




فتّاح يا عليم

رزّاق يا كريم

صلى على عجل

همهم همهمة

حصّن للعباد .. وهوزز سبحتو

دنقر للتراب .. هم فوق هم هما

صنقع لى السما

وكان فى الجو فى غيم

وكم نجمات بُعاد

وكان الدنيى صيف

لا قالتلوا كيف

.. كيف أصبحت .. كيف

لا لمسة وداد

لا لمسة حنان

لا رمشة طِريف

من قلباً وفى

زى أيام زمان .. أيام الدِفِى

كانت ماهافِى .. كانت فى المراح

شدَّتلو الحمار .. تحلب الغنم لى شاى الصباح

والطير ما نضم .. ما رسـّل نغم



عم عبدالرحيم

إتوكـّل نزل .. فى المُشرَع لِقَى

زُملان الشقا

الجا من الجريف .. الجا من الجبل

علْ الناس بخير

صبّح هاظرُمْ .. نقْنقْ ناقَرُمْ

غاظوهو .. ونعَل

وعم عبدالرحيم ما بخَبِر زعل

كل الناس هنا ما بتخبِر زعل

تزعل فى شِنو .. وتزعل من منو..

كل الناس هِنا .. كل الناس صِحَابْ .. كل الناس أهَل

والماهُم قُرَاب .. قرّبـُمْ العمل



الطاق اليَطُقْ .. عشتْ.. آ .. أبوالزَمَل

بى الحال العليك .. بى الفال .. بى الأمل

عم عبدالرحيم ..

كُتْ فلاح فى يوم

فى إيدك تنوم .. على كيفك تقوم

لا دفتر حضور .. لا حصة فطور

تزرع بالقمر .. تقرع بى النجوم

لكن الزمن .. دوّار .. آ .. بِدُوم



عم عبدالرحيم ..

ماشى على الشغل

فى البال القديم .. من عار التُكل

تنشايح جِراح

.. كيف الغُسُل

الدِنيِى أم صلاح تبدا من التُكُل

من حِجـّة صباح .. فى حق المُلاح

فى الغُبُن الجديد .. فى القسط القديم

وبيناتِن عشم .. فى الفرج القريب



أمونة الصباح ..

قالتْلُو النـِّعال والطِرقى .. إنَهَرَنْ

ما قالتْلُو جِيب

.. شيلِن يا الحبيب غشّهِن النُقُلْتـِى والترزى القريب

بس يا ام الحسن ..

طقّهِن .. آ .. بِفيد .. طقّهِن .. آ .. بزيد

إنطقّن زمن

وإن طقّ الزمن .. لازمِك توب جديد بى أيـّاً تمَن

غصباً لى الظروف .. والحال الحَرَنْ

شان يا أم الرحوم .. ما تنكسفى يوم

لو جاراتن جَنْ .. مارقات لى صُفاح

أو بيريك نجاح

ده الواجب .. إذن

وأيه الدِنيِى غير .. لمّة ناس فى خير

أو ساعة حُزُن



عبد الرحيم يا حُر

ماكا حُر

يا ريت التمر .. ياريت لو يشيل كلِّ تَلاتْ .. أشـُرْ

ولاّ أيام زمان كانت ما تمُر

كان ماجاك هوان .. ما لاقاكى ضـُر

كان لا ضِيق يضيق

لا أنغرغَرْ صبر

ولا شابيت غريق .. ولاطلوَحْ فقُر

كان ماكان .. وكانأكسيكى دُر



حيكومات تجى

وحيكومات تغور

بتحكم بى الحِجِى .. بى الدجل الكِجُور

مرّة العسكرى .. كسـّار الجِبُور

ويوم بإسم النبى .. تحكمك القبور

تعرف يا صبى

مرّة تلف .. تدور

وللاّ تقول بَرِى .. أو تحرق بخور

هِم ياالفنجرى .. ياالجرف الصبور

كل السقتو ماباقى علىالتِمور

وأرضكراقدِى بور

لا تيرابوصل .. لابابور يدور

والماهية أُفْ

عيشة هاك .. وكُف

فى هذا الزمن .. تـُف يادنيا .. تـُف

يا العَبِد الشقى

ما أتعوّدْ شكى

لكن الكفاف فوقك .. منتكى

حالك ما بتسـُر

إِلِّى كمان فى ناسفايتاك بى الصبُر

ساكنين بى الإيجار .. لا طين .. لا تمُر

وواحدين بى الإيجار .. ما لاقين جُحُر

سِلعـتُمْ الضُراع .. والعرق اليخُر

عمال المدن

كلاّت الموانى

الغُبُش التعانى

بحّارة السُفُن

حشّاشة القصوب

لقاطّة القطن

الجالبة الحبال

الفِطن الفُرُن

الشغلانتو نار

والجو كيف سُخُن

عيشُنْ كمّهو .. وديشُن هان قَدُر

وناساً حالا زين

مصنع .. مصنعين

طين فى طين .. ووين

ما مرابا مُر.. بارد همها

لا يعرق جبين .. ولا وشاً يصُر

عين والله .. عين

كلها كمها .. وهمها هان قدُر

فى الجنة أم نعيم .. فى الجنة أم قُصُر

يا عبد الرحيم إلِّىِ ورا القبُر

ويلكد فى النعال

فتاح يا عليم

وإن كان الفقر يا عبدالرحيم

أشبه بى الكُفُر



ونقرط لى الحمار

نقريط الحمار .. لاتنسى النِعال

الطِرقِى الخدار

اللِّبِس الجديد

تسريح السفر .. لى الماشى الصّعيد

ماشى الدّيش .. نَفَر

والبال إشتغَل

بى الأبى ما يعِيد .. الحول ما أشتغل

الغُبُن الشديد .. السابا ورحَل

الضيق .. المحَل

والفرج القريب

الجا .. وما وصَل

زى الحال ده يوم .. لا كان .. لاحصَل

والبال إشتعَل

السكة الحديد .. يا عمو القَطَر

يا عبدالرحيم قِدّامك قطر

...........

وسال الدم .. مطر

وطارت دمعتين .. وإنشايح وتر

يا طاحن الخبر

ما بين القضا .. ومَرْحاكة القدر

الشِّهدوا الدموم .. والدمع الهَدَر

إيدُمْ فى التُراب .. والعين فى القطر

عارفين الحصل

عارفين فى حذر

الخبر اليقين .. بوّخ .. وإنتشر

أطفال القرى .. وعمال الحضَر

أدوهو الطيور .. ودنّوا البحر

إنصاعت سحاب

وإنْدافَقْ مطر

عم عبد الرحيم .. فى الشارع عَصر

لى تالا اليسار

متفادى الكَجر .. دورية الكجر

جفّلت الحُمار .. وطلوَح زى حجر

وعم عبد الرحيم .. إتلافاالقطر

فتاح يا عليم .. سال الدم مطر

جرتق لى التُراب

منشور بى كتاب

روشتّة .. وجواب

مفتاح أب قُراب .. أورنيقين سَهَر

جنب لِبدة حُمار

مقطوعين ضَهر

... عم عبد الرحيم ..يا كمِّين بشر

صحِّى الموت سلام

ما يغشاك شر ..

Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®

--------------------------------------------------------------------------------



مكتبة الاستاذ محمد سالم حيد


عـــيوشة

منبوشة .. منبوشة
نبشوها قبالك .. بت حالا زي حالك
ذي كلمة مربوشه
عودها إنبعت حرقان .. زي شتلة معطوشة
عينيها رماشة .. أم لمبة فتاشة
من طاقة جاتا الريح
كتر البكا .. التجريح
خلاها دعموشة
تلوشة .. ولا ضفاف
خيم عليها جفاف
زي صرخة الغرقان فوق موجة بين فيضان
شعراتا منفوشة
وشفع مبارياها .. عيوشة .. عيوشة
الليل هديماتا .. وشمش الله برطوشة
تشرب من الشارع .. وتاكل من الكوشة
عيوشة .. عيوشة
وترقص لهن رقبة ، صقرية ، جابودي ، السامبا .. كاروشة
عيوشة .. جامايكا .. الهورس عيوشة .. اسلولي عيوشة
وعيوشة ما بترقص .. لكنها الدوشة
وتفلت من الشفع
في الفلتة تترتع ..
تدخل على بيتاً .. ستاتو منمدِّي .. ناساً بعرفوها
لكن بعافوها
دايرين غسيل عدي .. شاكرين يا دقلوشة
ويدوها عيشايي بي دمعة مرشوشة
وتنملك الشارع .. خطواتا مربوشة
السوق مع الأطفال .. عيوشة .. عيوشة
الليل هديماتا .. وشمش الله برطوشة
تشرب من الشارع .. وتاكل من الكوشة
عيوشة .. عيوشة
على قدر ما كاست .. عينيها ما لاقت غير مطبقة وبصلة
المطبقة انهردت .. والبصلة مقروشة
ما قلنا مقشوشة
قشوها قبالك .. ديشك يا عيوشة
يا الحاضر الغايب .. في الدنيا ما جايب خبر المدينة الكان
على رغم ما فيها من فاقة من حرمان
مرات اياديها تعطف على الإنسان
بي فكة في قروشا
بي كلمةً طيبة .. بي فضلة في مطعم او برتكانايتاً ضرباني في كوشة
والليلة بانت زي .. بيتاً في آخر الحي .. ناساتو منبوشة
يا جرحنا الهايم .. طول النهار حايم
يلبد إذا ما شاف صحبانو مكشوشة
يضحك إذا الكومر .. قبل على كوبر
ولا المديرية .. ينمطق الفرحة .. بس فرحة مغشوشة
إن تنجا من كشة .. دردير وتلتيلة ..
كيف تنجا من جوعة .. من بردها وليلا
عزت برنداتا واوكارها مطروشة
بيت الله قافلنو
مستشفى غافرنو .. ساحاتو مرشوشة
كم يوم يعز النوم
رغماً عن المشموم .. والدوخة والدوشة
دي مدينة ما هيلك
مافي البيشبهلك .. ما في البناديلك
لافي البخاويلك
غير ناس أحاويلن قطعن أحاويلك
أصحابك الساعتك لا بد يعاينولك ..
صمتاً يجيبولك
باكر تلاقيهن .. في وجبة فوق كوشة
جنب مجرى يحكولك
ودونا لي ضابط .. كالعادة وانكفرن قال وين أوديهن
والعندي ما قادر بالموية أكفيهن
والعسكر أدونا
سوطين وفكونا
كالعادة يا اخونا .. حيكومة مربوشة
دايرين شغل .. مافيش
غير نغسل العربات غير نضرب الاورنيش
عتالة .. جرسونات .. شغلاً ما يوكل عيش
وبالحالة دي الكشة
بلدية والبوليس ... مرات يجيك الديش
ما يقبضوا الباعوض .. ما يقبضوا الضبان .. والما بدور فتيش
الارزقي السمسار .. إشمعنى نحنا وليش
إحنا الحرامين ولا البدسو العيش
الزول يخاف يكفر .. يرجع يقول معليش
شقيش نقع شقيش .. حتى السجن مافيش
مافيش يا عيوشة
من تكبري آهة وآه
وآدم بدور حواه
الطيرة بي عشوشة
الفارة بي جحارة .. الكل بي مأواه
وهنا في إبن آدم تاه
ملجاه أرض الله
لا أوضة لا حوشة
يا أبونا يا الأسود
يا أمنا القرقد
يا داجي وين نرقد
جاك المحل قاسيت .. لامن هجرت البيت
فض المطر صديت ..
أو صددوك غصب
دارك لقيتا حرب
كرت عليك فريت .. كان مافي غير تنفد
بي لونك الأسود .. بي شعرك القرقد
وبي فالك الشامخ زي تاج أبو الهدهد
لامن يطير في الجو .. من ها المدن ينفد
حاشاك من عيب تب
لي شينة ما ختيت .. دغري وعراض إيديك
بس كفها إتعود في الأرض يرمي الحب
ما قنبلة وديناميت
جيت المدن لاقيت
من سيدا ما لاقيت
تحرس عماراتو .. علشان تمسي تبيت
ويتربو زي ما ربيت
كم للعرق شديت
زوغت أمن .. كريت
جاملت جاراتو
وأو تتم ترحل لي سيد خلاف السيد
يتغيروا الأسياد .. لكنو نفس القيد
نفس الربط ذاتو
يا ماشي دون راس خيت
وين كنت لما الناس إنقسموا الواطة
في مدن تجز الراس كان زولو ما طاطا
كت مافي ولا أبيت .. واصبحت مقطوع راس
زي ديل كتير من ناس لا أوضة لا ضل بيت
وفتحنا لاقيناك .. أول ما شالنا الحيل
بالراحة في ذات ليل
يا أبونا خليناك .. خففنا ليك الشيل
تقلت بنا الخرتوم
وفرنا لقمة عيش .. موية ومحل للنوم
سامحنا .. عافينا .. يا أصلنا الحنّان
غيرنا اسامينا شان نحيا باطمئنان
دينق إنقلب عثمان .. هاشم بدل دلدوم
من وين ؟؟
من ام درمان وناس بيتنا منوفين
بس لكنة الرطّان تفضحنا .. بعض الحين
وإن كنا يوم في يوم ماشين بننعوّد على لهجة الخرتوم
في ولاد عرب بالكوم
طالعين سوا ونازلين .. يفرقنا إلا النوم
ما الحالة من بعضا .. مطروش ومطروشة
وأكوان وقد قابل .. في كوشة عيوشة
يا التحكي دون تبكي .. وفي وشو بتعاين
شوف فيهو شن باين .. غير دمعة مقشوشة
قشوها ناس أخوان .. أكوان وعيوشة
بي صبر كم طول
على حال حا يتحول
قصر الزمان يا زول ولا الزمن طوّل
لا بد يتحول
ما فيهو من آلام .. في يوم من الأيام لي دنيا مفروشة
بالعافيي والطعام لي كل فم .. ما دام في غلابة بي ديوشا
وبجاي و بغادي قلة وكتر بوشة
تخمت حكام مندلدلة كروشة
فاوة وتفل لاقّي
ونار الغضب باقّي
تالاها محموشة
جرفت لبقة الليل وانطنبجت دينك لا عينا بي شموشة
الحال حا يتحول .. قصر الزمان يا زول ولا الزمن طول
لابد من فوقة .. ومن تنتهي الدوشة
قولاً قبل قلنا .. وكتين نصر نحيا مافي البكتلنا
قولك يا عيوشة .. يا اب نفس طماعة غاشاك ومغشوشة
الدنيا دنيانا
زرع إيدنا نديانا .. لا صيص لا كدموشة
وماك ماشي جيت غاشي .. ليك خيرها ينسبّل
لا كُتّي شحّادة .. نديك وتتوكل
لا جيتنا دنّاعة .. نمسح لك الجردل
أخرت للساعة وتلبت في حوشة
في حزك المنجل وشوالة مخموشة
ناسي انو مزروبة ..
بي شوق حبايبنا وحارساها كلوبة
وكلوبة بات ووبة .. ويات لوبة بتحوشة
يا النفسو ماهية
شن جبهة متكية
بي عمة كاكية .. وطاقية طربوشة
جنب جبهة دغرية .. العمة مكوية .. فوق راسها ملوية
ترقش بياض نية .. وبالهيبة منقوشة
زي وشم فوق أكوان .. شلخاً في عيوشة
يا جرحنا الطوّل
جاييك زمن طيب .. خيراتو ليك أول
صدقني يا طيب .. يا أرض يا جدول
كارتنو بي معول
والليلي تتجول .. عينيك مدهوشة
من كنت تتسول .. في مدينة ما هيلك ومن كوشة لي كوشة

Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®



الجابرية
محمد الحسن حسن سالم حميد



كان ضحوية ... وكنّا نسنّد في المحروت
فجأة يدوي مكبر صوت
قال الريس مار بي فوقنا
من شغلتنا قلعنا عروقنا
إن شغلتنا بلا ماروقنا
فكّينالو حبل واسوقنا
وإنماسكنا يطمّن روقنا
قمنا جميع الحلة مرقنا .. البيشوفنا يقول وا شوقنا
كان ضحوية .. وكانت عين شمش الله قوية
وكان الريس في عربية .. واقف طولو تحت شمشية
هللنالو وهلجنالو .. ولوحنالن بالطورية
فرّ عبايتو وهزّ عصايتو .. وهزّو بنادقن الضابطية
صفقنالن صفقة قوية
زغردنالن .. وهّدن عندنا خمسة دقائق
قدمنالو كتاب الله درقة وسيف .. تبروقة هدية
قفة تمودة .. وفاس دهبية
وكنا قبل بيّتنا النية
وبين بنتين علّينا اليافطة .. اليافطة ام زيق الدمورية
وانعبينا هتافاً واحد :
( الجابرية تحي الثورة ..
دايرين بوسطة ومدرسة وسطى
والشفخانة وسوق منضبطة )
روح باسم .. قام خاطبنا بنهج الثورة الصارم وحازم
أمّن لازم من شفخانة والتعمير بالعون الذاتي
أمّن لازم من شفخانة ومدرسة وسطى
والتعمير بالعون الذاتي .. إلا البوسطة دي ينظر فيها
اما السوق .. السوق منضبطة
وبالتأكيد .. للتجار الأسعار واضحة
للمستهلك باينة وواضحة .. وإن جاملتوهن تبقى الغلطة
إنكيفنا .. رفعنا إيدينا وهزيناهن بالتأييد :
( لا تفريط في قوت الشعب ..
سحقاً سحقاً للرجعية
الجابرية ضراع الثورة ..
بالإنتاج حا نبني بلدنا )
وكانوا في جيهة ونحنا في جيهة
هُن إنهببو بالكابات .. وما همانا الصيف وعرقنا
فات الريس وانفرتقنا
انفرقنا على الجابرية .. كلنا ننضم وما صدقنا
بالجابرية تجيها البوسطة
الشفخانة ومدرسة وسطى
قلنا يا ريت لو زارنا فطور
وانحزمنا ضبحنا التور
كنا اقلاّ ضمنّا النور
أو ياريت لو زدنا الصفقة وعاش .. ويسقط ويوية اليوية
كنا أقلاّ ضمنا الموية
كنا بننضم بي إيدينا .. ( ده أحسن ريس مرّ علينا )
من الله خلقنا وشُفنا خلقنا .. ده أول ريس ذاتو يجينا
وكونه يجينا يقنّب بيننا .. يشوف البينا .. كفاية علينا
آ الجابرية يجوكي الحكماء
آ الجابرية تواصلي البرة
آ الجابرية ولادك تقرا
نمشي الليلة نصاقر الرادي
نمشي الليلي نحضر النشرة
كنا نرجع في كلماتو
إلا في ستة من الجابرية .. قالوا تعبكم خارم بارم
يذهب حاكم خلف الحاكم
والجابرية تظل في حالا .. حلة حياتها تسر الظالم
صدفة تموِّت وتحيا اطفالا
لا جلكوز لا تقرا رسالة .. لا راح يطلع منها عالم
ما بينصفكن إلاّ ضراعكن .. عبّو ضراعكم يا رجّالة
وخلو بصركن دغري وسالم
حكم العسكر ما بينشكّر
كلّه درادر .. كلّو مظالم
ما هو قدركن تحيو همالة
مقصودين والقاصد فاهم
وقاطعناهن .. حاربناهن
تمّيناها البينا شتائم
حالَتُن احسن ناس في الحلة
إيدا نزيهة .. عقولا نبيهة
وقلنا يفرزوا وقلنا فواهم
يطلعوا فالصو وقطاع رحمة
عينة شماتة وخارم بارم
وإحنا القصّر واثقين فيها
وقطعناها معاهم جملة وقاطعناهن
وصاروا في جيهة ونحنا في جيهة
مرّ اليوم .. الشهر .. الحول .. والجابرية بلد في حالا
قواسي شيوخا .. مآسي أطفالا
عذابات ناسا .. حلة تعافر ومقطوع راسا
من القُرّاصة ولي قَرّاصا .. حلة تعافر ومقطوع راسا
عشرين كيلو من الجابرية .. صبية تساسق بي كرّاسا
آ الجابرية عذابك فينا .. لاكي القرية ولا كي مدينة
وفد في وفد يقوم ويجينا
عايزة دراسة واجراءات
عون امريكي قرض ألماني وحاحاءات
وحد ما نشوفلنا مسعولين .. مسعولين أو خواجات
نجري نلم قدحاتنا عليها .. ترطن ترجع زي ما جات
الشفخانة وعايزة دراسة .. ومدرسة وسطى وإجراءات
لما المطوحة طالت بينا .. إنذكرنا العون الذاتي
إنحزمنا وقلنا برانا .. نبني نقوم لي الشفخانة
طوبة في طوبة .. وقومناها
ويوما التمت جات السلطة عربي وعجمي ومرة رطانة
الشفخانة ده ما هو بُكانا
هاك يا تلتلة هاك يا ورطة
وغصباً عنك يا الجابرية .. غصباً عنك يا أحوالا
وحمياتا وموت أطفالا
وحمرة عينكن يا رجالة
قوة إنشكت بيننا النقطة
وفي الجابرية تحوم الشرطة
هووا كلاب الحلة وصنّوا
ومن يوم داك ما شفنا الستة
وفد الحلة السافر جانا .. قال إنأكد شاف الخرطة
ونحن بدل نبني الشفخانة .. إنسرعنا بنينا النقطة
الشفخانة ده ماهو بُكانا .. وكانت غلطة إنقلبت ورطة
إنفاهمتو مع المسعول ؟؟؟ إنفاهمنا مع المسعول
وقال حا يقوِّم للشفخانة ؟؟؟ أو يدفع لنا حق الطين
مع إنو النقطة وكت بُنيانا قومتوها بلا زنزانة
في تقديرنا كلام معقول .. كون يقوِّم لي الشفخانة
حاجة تضحك .. محرقة ... هانة
انتو تقيفو مع المسعول
واللا الكنتو تقيفوا معانا
وقلنا وخفنا نصد الجاي .. خفنا نفشل باقي الخطة
فضلت جايي .. هي فضلت خطة
وانفرقنا على الجابرية .. وانعلقنا تجينا البوسطة
ومدرسة وسطى والشفخانة قصاد النقطة
تجينا .. تجينا .. تجينا ... تجينا
وما إنيقنّا ..
ناس إنولدوا وواحدين ماتو
لمّا الريس ودوشتو فاتو
فاتو العسكر .. وجو الأحزاب
ونفس الحلم إنجدد تاني
نفس الوجع الراح تحتاني
حتّلناهو جمعنا رفاتو
نفس اليافطة في نفس الحتة :
( الجابرية تحيي الشعب
دايرين بوسطة ومدرسة وسطى
والشفخانة بديل النقطة )
فينا إنكلم شيخ الحلة
صنقع .. دنقر .. سلم وصلّى
وكانوا كلاب الحلة بهووا
وقال كلمتنا تكون فد واحدي .. شان ننقوى ما ننزلا
شان مشهادنا وعدل الحلة .. نحن نفوِّز حاج البلة
وزاد هوهيو كلُّوب الحلة
وبعضنا عارض .. ردّ وفاوض
شيخ الحلة القام حمسنا .. بلة الح

مكتبة الاستاذ محمد سالم حيد

قص البلد


تعال قص البلد وارجع
تعال ادي الغبش طلة
بقالا اليل غطى ومقنع
سترتك يا صباح الله
ضراعك مدو لي رضع
ضروع اماتا قطن قط
مراكب شوفا لا مشرع
ولا بان في مداين شط
تعال يا شافي يا كافي
شموخاً في زمن منحط
من الفي تعال بجي المافي
معاك وهطنا نتوهط
تعالنا نحن من شفع
نفك الحيرة بي حيرة
متين ما الليل نصن
نسمع وراء الاهات غلب نوره
ابوى قالولنا جيبن ده
صباحات الله بخيرها
تويب امي الزمن هدا
صباحات الله بخيرها
وصباحات الله لاقيتا
لا كراسا لا قلما
صباحات الله لاقيتا
ململم في العيون الما
صباحات الله لاقيتا
تجود في الضحى وتضفر
صباحات الله لاقيتا
تليس في شقوق بيتا
صباحات الله لاقيتا
اكان لاقيتا في مشرع
محل لاقيتا تنذمر
مكان خليتا تتوجع
اكان لاقيتا في مستشفى
في طندايا جامع سوق
محطة ملمة اكان في بيتا أو مصنع
محل لاقيتا تنذمر
مكان خليتا تتوجع
تكد تكدح تباصر كم رجاء اتقطع
ابت تطلع طلع خازوق
خوازيق البلد زادت
طلع نمراً وراهو ضباع
وضاع ما ضاع
وكان ما كان
طلع خازوق
يفيض النيل نحيض نحن
يظل حال البلد واقف تقع محنة
طلع خازوق
خوازيق البلد زادت
سالت عليها
مشيت ومشيت
مشيت خشيت على حلة
لاقيت شعاع ضال
من ضو صباح الله
لاقيت شعاع اسمر
قاعدلو فوق بنبر
كابي المرس يسكر
قنبت جنبو معا
دار الحديث ما دار
حدثني بحرقة
حبيتا من جواي
حبيتا حبيتا
في الحلوة والمرات
شايلا القداحا معاي
ادتني واديتا
حبيتا حبيتا
في يوم من الايام
هلوست مع الفجاج
هلوست دون احلام
من دكة الحجاج
ضلوا الشمس ريحين
واحد عماك يا ام زين
والتانى شالك وطار
باعوني للفرقة
ملعون ابو الدولار
ان الشعاع الضال
انينا انينا
غنا الشعاع الضال
صنينا صنينا
غنالي بحرقة
غنالى يا هاجر
عقبت يا باكر
قاطعني يا هاجر
رددت يا هاكر
في الضلمة اولادك
في الفيها طول اليوم
لازادا لازادك
يا مرمى لا ضل بيت
لا ارث من اجدادك
يلا وجراحاتك
طحلب ضلام الليل
دهده صباحاتك
السولبك خلاك
برد الخمور مفتون
في افقر وضع ختاك
فاجر وسخ مافون
يلا وهياك يلا
لا عن صباح الله
صبح الغنا الميمون
صن الشعاع الضال
غنا الشعاع الضال
ما صن غنا وقال
يا هاجر التسعى
بين الوطن والبال
باب الفجر بفتح
فتح القلب موال
فتح اللبق في الصيف
تالا الشتل تربال
باب الفجر بفتح
يا وضع يا دجال
باب الفجر بفتح
عند دقة الرجال
غنا الشعاع الطال
غنينا طلنا سوى
شال النغم عتال
بايتين عيالو قوى
باكرنا سترة حال
ياكر رغيف وروى
باكرنا بقة فال
باكر كتاب ودوا
باكرنا للاجيال
ينشر نور وهوا
لا تلاقي فيهو وبال
لاهم بعاد لاجوى
باكرنا يا ضلال
لسع بلال ما زال
وما دام بلال لسع
على الرمضا وهجير يلسع
ما دام في اطفال بتتوجع
صباحات الله يا بيضا
لحيحة نوره لاهسع
فجيعة يا نوره يا فقرا
ترف من شدره لشدره
تلف الدنيا كايسلكم
صباحاتو ما انتو
بقوا من الارض مطره
تعالى وشى الوطن دركان
عساكر اخر الزمن واطه
تعالى وما على كيفك
تعالى وريحي الواطه
بلدنا أن جيتي دي الكوكب
تعالي من اليسار شمساً
تشرق الغربوا المركب
تغربي يا غرب يا باني الكلب
يا تجار الموت والرعب
لو ريح ليلكم طف الصحوة
نسل الصحوة في جوف الشعب
بق وضو نواحى الدرب التالا الفجر
الوطن القلب
القلب الشايلك وما ختاك
وكان ختاك ابداً ما خطاك
بس يا نوره الصاح و الصبر
لمي معانا قطنة البدري
نغزل منها كفن الليل
ننسج منها توب الفجر
فجر تكسو محنتو الفقرا
من التعب البلا صالح
يجبد الكدح الاجرا
يلا بوليس بلا اجرا
شنو الخايفينلو يا فقرا
بيوتا جنها المطره
دقيقاً ما يفك الريق
سمكة مافي في بحرا
شنو الخايفينلو يا فقرا
شديراتن بقت حطبها
تمرة ما تفك طلبها
شنو الخايفينلو يا فقرا
بهيماتاً تسوى الميع
مغبش كالترب بصرا
شنو الخايفينلو يا فقرا
كلبةً لا قلب لا حيل
وهوت في شبح فوق خيل
كان يتداعر اخر الليل
نجرت والشبح حدرها
صدت للصريف فى ترى
كان صوت الرصاص قفرها
انت والخلق نايمين
صنت والخلق نايمين
عفنت البلد يومين
كلب العمدة جاب خبرا
شنو الخايفينلو يا فقرا
شنو الداخرنو في متره
ابو الاربل لابو الواسوق ابو المحرات
وساقية تسوق لابو بقرا
يا بقر السواقي السايقى للامرا
شنو الخايفينلو يا فقرا
ابو البوليس اذا ما كان
اباتم من طرف فقرا
يحرسوا القصر للتلفان
وللفي الليل زنى ودعره
ويقوموا مع النهار وزراء
ابو اذا ما كان اراضيهم
يبس شدرا
يحرسوا طلمبة الجازولين
يقيفوا على الينوك غفرا
اذا ما الشارع استنفر
غبش عزل بستنكر
على القيصر خساستو
تقول للغيم محل مطر
قراب منك دالفينك
يضم صدر الوطن حاني
يهز للظلم ساساتو
تحن لباكر الاخضر
يعم بخيرو ناساتو
تنادى الفارس الاسمر
تطالب بي قصاصاتو
من الفجار من العسكر
ابو البوليس اذا فكر
يفك فيهم رصاصاتو
ايابوليس يا نازل من المريخ
جباة الدم من التاريخ
أيا واقفهم كالسيخ
تقيفلنا لامتين دغري
حقارتك تبقى فى فقرا
فضيحة فجيعة يا بوليس
وجايين من فرد شدرا
جنانا العاق متين تصحى
تشوف الحاصل المذري
متين تدري
يانو الصوت ده ما مكري
معتق للوطن دغري
و بانو الجاري
ما منك
على صدر الوطن يجري
وخطاهو التيربت
بس قدرها
تلاقى الفجر والفقرا


Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®



مكتبة الاستاذ محمد سالم حيد



إن رجع وايدنا فاضي

إن رجع وايدنا فاضي
يابا ما راح تبقي راضي
والبلد ما بتبقي راضي
ونفسي ماراح تبقي راضي
والنخيل الكان بشابي
يهش ينادي يصد يقبل مني غادي
والدروب الكان بتفتح ضفتين
احضانها نادي
عليها اه تسب خطايا
تكب ترابها علي قفايا
تقوم تعتر لي جوادي
والقلوب الكان بتفرح
تكشح الشوق في الايادي
جيتي ليها بلا ابتسامة
تبقي زي جيت الغمامة
للاراضي الغبشة فاضي
با نخل ياطين سلام
يا غلب في المغربية
لما تتزمر صبية والا حبوبةً قبيلك
باركة لي امي الشهادي
في التراب الراجي لي
تنقلب بي شد علي
وتنكسر قدر الولادي
يا غلب لو عدت فاضي
للغمت في ايدي موادع
او عصر حق الزوادي
يا بحر مابي الزيادي
يانخل ياطين سلام
ياضراع في التقله يكدح
يامدارس ياحدادي
ياغبش صر ياغلابة
يامقاطيعاً في وادي
وضالتن ضلت في وادي
وداي كفرن فيني شعوت
خيل قراطيسي ومدادي
من مداين غيمة دافق
نيل سلام يروي البوادي
او يبل ريق امي يمة
شوقي جاي اشواقي غادي
مشتهيكن نشتهيكن
في صهاري ايامي يلمع
في ضلاما يبق وشيكم
وفي خطاوي الناس بفتش
لو اصادف يوم مشيكم
وحد ما اعاين في عيونن
ما الاقي متل عيونكم
وغربل الالوان وحاتكم
ما لقيت يا يمة لونكم
ما انتو لونكم لون بلدنا
لون جناينا لون سماها
لون ترابا و لون نخيلا
لون قماريها وهديلا
وضفتينا الماسكا نيلا
وبينا هادر زي مسيره
انتو صوتكم صوت بلدنا
صوت تواريخا وضميرا
وصرختو الدواية العزيرة
وباقي زي نار الهجاير في حطب
غابة الظهيرة
حس شروقا الفي عروقا
حس جداولها في شتيلا
حس بهايما في المغارب
و النسيمات الهميلا
حس وليداتا وغناهن
فوق عميرن ليله ليلا
يسالو القمر النجميات
عن شيليلا ويا شليلا
يا شليل ما شف بطانا
هد ظلم الدنيا حيلا
يجروا عاجين الشوارع
واحليلي ويا حليلا
ياحليلكم بشتهيكم
انسي وارجع بشتهيكم
إلا عاد كيفن بجيكم
وماني شايل الجيت عشانو
عشانو فارق ضو عينكم
عايز اقولك بي صراحة
من وصّل ما جاتني راحه
جاري فوق الفوق افتش
للشغل ما سبت ساحة
كم برد جا إتغت بي
وكم هجير سواني واحة
كم شمس صحيتا قامت
ما لقت فردة جناحا
والرياح باليل تعافر
تورت في الذات جراحا
وكان حبيت العرجي قالت
ما ح ترجع لي مراحا
في بحر ممسوح مأسي
شاقي تحلم بالمراسي
ما الشغل يا يمة قاسي
الفراغ يايمة قاتل
في انتظار ما عندو رحم
وكل شي بيناتو زحمة
البرد يايمة كافر
وصيف غريب ماضاقلو نسمة
وكم بطون احلاما لقمة
وكم بيوتا انوارا ضلمة
ياني زيك بينا يودر
بالو يضهب ضمة ضمة
يما يتعب حالو يصعب
ما المعايش قاسي يمة
يابا يالكدح المضارع
ياوتر نغم الطواري
المدن شرقت غناي
توكت صوت الغفاري
وادت اولاد الحرام
الكرابيج و الامارة
ميضنة جامعنا تنقز
ما تصل كتف العمارة
أن دعت الحضارة والرياح
بيها تتعوز حصن النفس الابية
وارخي اضانك يابا لي
ساعة اقولك بباسطة
هنا الشغل داير وساطة
ومن وسيط قاموسي خالي
والمكاتب من تشوفني
تصفد البابين قبالي
ما اتملت بي الفيها فاضت
وما غريب مالا ملي
وما حارجع يابا لالا
لا حاهاجر الا تالا
نجمتين خاتك في بالا
نجمة للخير والجمال
واحدة للحق والعدالة
ما انت عارف اني حالف
بالكسالى المو كسالى
بابتهالات العطاله
بجريهم في هجاير بقت النار من رمالا
بالبلد بى الشالو شيلن
وفي وجيعتا وقالوا لا لا
بانتظاركم طول نهاركم
شرقت الشمس وزوالا
بالصغار المرة تفتل ومرة تجلب في حبالا
وبالايادى الياما شادت
ناقشا عزتا بالزباله
بكنايسنا اليتيمة وكوم جوامعنا الثكالى
وبي مدارسنا العليهم دقت اجراس الدلالة
بي جدودنا الماتو ساكت
يابا بالضايعين همالا
بي تميراتن تضاددي
لاحيت لا موتا شالا
بي مشاريعنا البتحلم زي عوانس
راجية يوم جية رجالا
بي خضارنا القام مهضلم
عينو موية النيل قبالا
بي بكية اختي البترضع
والضياع واقف قبالا
بي تويب امي المفضل
خير وشر ساتربو حالا
بنكرب يايابا واصبر
رغم انها ماها حالا
رغم انفك يا عوارض
يا تفاهات ياسفالة
ما ح اركع ما ح اسجد
ما ح اعبد للخمالة
وبنكرب يا انتو واصبر
رغم انها ماها حالا
وكان حفاير الصبر قلت
في الضلوع بحفر دالة



Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®







مكتبة الاستاذ محمد سالم حيد

شوك الشوق

شوك الشوق لى الشوف آ خَىْ
ضارب فِطن النسج الحى
يا منقاش أحزانى إنشرت
وادى الفرح إتمدد صَى
يا راحلين ــ عِـنْ ــ دُغُش الليل
ما لاقيتو جناياً زى ..
تكية نخل الفجُر الجاسِر
فوق فى المتَرَة .. عَرَاجِنْ ضَى
آ رعاوة .. العرب الرُّحّل
ما لاقاكُنْ فى المطرانى ؟
فى كاويقْ الجرف الأمحل
بين أسراب الرهو الراحِل
ساند أكتاف الليل الميّل
عِنْ ساساق الغيمة عليكُن
بين رقراق الخيمة معاكُن
ما أديتوهو شِوَىْ ... بى حرجل؟
آ رطّانة الليلُن ليّل
ما لاقاكُن فى ونساتكُن؟
بين الشادِى وبين كاساتكُن
فى صلواتكن .. عِنْ دعواتكن
أو .. دقساتكُن عِز خلواتكُن
.. زول .. زول الله
إن مِحِن .. آ .. بِسأل
الهبّاد لى غُلبْ أخواتو
الفرّاح عوّان الحلّىِ
الفدّاع لى الليل ظُلماتو
آ نجمات .. شقيش قولن لى
ما لاقاك طالِع .. متدلّى ؟
المطيوب من طيبة أُمّاتو
كالفجّاج .. الندّ نباتو
موج البحر اللّحَمَر هوجتو
وعِرق العِرِق .. اللاّوى ثباتو
جانا الشَدر الأخَدَر منو
ونار الشدر الأخَدَر جاتو
فات شِقيش ...
أب قولاً واحِد ..
وليش ما يرجع من غُرباتو
طوّل طُول .. ما طلّ علينا
وقاطِع مِننا جواباتو
الغابات جات تنشِد منو
والعربان راجين جياتو
أديناهم عرقو .. وعَلَقو
صورتو يقلِّب فى كِتْباتو
ضُل رشاشو .. ركيزة زولو
ساعة سِلمو .. ويوم حوباتو
سِن طوريتو ولون أبرولو
حِس طنبورو البى نغماتو
لهْلَب عِشق الناس الفقرا
وبرّد جوفُن .. بى غنواتو
... ويا غنواتو
الدخلت فينا
تمرق .. جينا على جِلاّتو
وجِيداً جينا .. طلقنا وشينا
وش الدنيا الليلة حلاتو
وش أطفالنا الليلة حلاتو
وغنى معانا غنانا هويتو
غنِّى العالم
غنى حياتو
لا ساومنا عليها قضيتو
ولا فكينا من إيدنا .. وَصَاتُو
ألف شليل يا نورة يفوتو
عشان ما يجيك شليلك زاتو





Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®



مكتبة الاستاذ محمد سالم حيد

مســـاورة...

يا جمة حشا المغبون في الزمن الهلاك منجا
تكون حانت مواعيدك يكون وقت المطر قد جا
شرق ضو البلد عيدك وطابت نسمتو العرجا
نكون يا طيبة تمينا وبدينا ولفنا .. غنينا الغنا الراجا
وبدت كاس المودة تلف عشق من حلفا لي راجا
ألف في ألف حبابك ألف إيه يا عنزنا القرجا
يا لـبّانة في الزمن المراحو نشف ..
يا جـبّانة للخوانة للعوج البدور ويلف
دميرتنا البتروي جرف
ضفيرتنا وعرش بيتنا تميراتنا اللي كانو وقف
أصابعين الرجال رصاص صمغ راس البنية سقف
أصابعين الرجال رصاص عضم ضهر القضية سقف
تكون دارة الزمن عمرت ..
نكون لمينا في الفاتو
وتكون فاقت ملامحنا وتضاريسنا القبيل غمرت
دغش ساقت بوابيرنا وندت شتلات بعد ضمرت
ضراعيك يا الولد كبرت .. مراعيك يا البلد كترت
خدار خدرت
غزار غزرت
نضاراً زين
برغم الصيف وصناتو ..
وسموم البين وأناتو
عصافير الجلد قدرت تباصر غيمة منتحرة
تضاير نسمة مندحرة
تضاير الغابة والصحرا
من الغمة وضلاماً شين ..
ومنك يا دقين ننفك تكون فكت عقدة الدين ..
عقب سيرة البلد سارت على الدرب العديل والزين
بعد ها الحال بلا مرسال يجو العمال يجوز الزراع يجو الكداح
يجو الناس البخبرو شليل وشقيش راح
وقمريتين جناحن دلّ فوق الصاح
من الغفلة وعساكر الليل ولي الدنيا الجديدة جناح
صباح نندلّ شدة حيل بلدنا وما بنقيف بين بين
فيا خيالة عدو الخيل ولي الطيبة البتملى العين
مدى ونياه في حز القلب غنوة وآه
حنان بلدو وحنين منفاه
يا بت العز يا ست الجاه
يا هسع دية يا بكرانا يا ماضينا .. يا بعدين
نكون كنا وبقينا متين
وكيف تكدح مواعيدك مواعيدنا ونساورك وين
نحن بنو الحسـين والزهراء حبوبتنا
يوم الدق النحــــاس اياه يوم حوبتنا
نحن الصالحين شربوا عقاب كوبتنا
نحن السم شربناه والدابي في عببتنا



Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®




مكتبة الاستاذ محمد سالم حميد



بين الموجة والخزان حلم انسان


هَرَدْتَ لهاتي بالغنوات
وقُتْ يبُردْ حَشَاك يا امِّي
ومن التّعب البلا صَالِحْ
تفيقي
تروقي
تنجمِّي
تسوِّي مكانسِكْ المطرة
تضوِّي البيت وتنحَمِّي
تمرقي صبوحة للجيران
قدح فوق ايد وفي ايد أَلمْي
يلاقوك شُفّع الكُتّاب
نُضاف وظُراف بلا النّسْمي
ويغنولِك
يغنّولِك غناوي السّابْ
وفي بيّوضة مافي سرابْ
جُبال كَجَبي وفيافي الكاب
تميد بالخُضرة منقسمي
ولا غابار ولا هو سحاب
وتنهجمي من الدّهشة
وتحاحيهُن
غناكُن نيي
غناكنُ نيي
غُنا الوهْمي
ويهتفوا زي كلاب الحي
على الأغراب
حوافي الصّي وبيوضة
البراسيم فيها مفروضة
خدارا يراري شوف عيني
على الأبوابْ
قماريها
وحواريها
وطواريها
بقت روضة بقت تشرب من الحامدابْ
تشربي عافيي من إيديّ
تدوِّي اليوية بي حِشْمي
تسوّي السّي وتبتسمي
تشوفي رهاب بُعُد نجمي
واشوفو قريب قُرُب نَضْمِي
اشوف العالم التِّحْتَاني
هيلا هوب وقف ناهِضْ
ودكّ عمايد الفوقاني
جوه الُّجب رَمى العارضْ
وفي السّابو الدّمَار أفراق
عريق الحب نَبَضْ قابِضْ
مِتِل قَبْض الحروف في اسمي
غناوينا القبيل رَقْرَاقْ
علينا تَصُب بَرِدْ قَارِضْ
أَلُكْ طيناتا من دمّي
وارْمُلا من عصب عشّاق
أنُطْ تُلُّبْ واجيك عارِضْ
واجُرْ نمَيِّ
أدودي لهاتي بالغنوات
عُقُب يبرد حَشاَك يا امِّي
تسوِّي السّيْ وتبتسمي
تسمِّي الشّعب وتعتّصْمِي
بحبل القُدرة تتفرّقْ
ظُلُمةً فيها تتحرّقْ
صُرُمةً قالوا ليك قِسْمي
أدودي لهاتي بالغنوات
عُقُبْ يبُردْ حَشَاك يا امِّي
تقلبي الكلمة بي الكلمي
ضُراعِكْ يرْمِي ما يَدْمِي
تقيفي بعيد عن الشُّمات
تكوني اقرب لي من إسمي
واضُمِّكْ بارتياح يا امِّي
أحبِّكْ صَاحْ
وصَاحْ حلمي
ولاكي سعية للضَبّاحْ
ولا شمش الصّباح حِزْمِي
ولا كَتْف السِّلاح سوّاحْ
ولا نزف الجراح ألمي
هيا انحزْمي
هيا انخلْقي
هيا انعتْقي
متين مو دايرة ري تسْقِي
ولا في إيد النّزيف نبقَى
ولا في إيد الخريف تبقِي
ولا الفيضان يبدِّع بِكْ .
ولا في القيفة تنهدْمِي
ولا انْ جَاتْ حارّه تنهزْمِي
ولا يغشى الغُلُب قلبِكْ
ولا تشقِي
ولا انتِ تخافي لا تَدْمِي
ضُراعِكْ يرْمِي ما يَدْمِي
فيا حزن البلد عوك كَرْ
ويا سعد الولد
ضَرْ ضَرْ
مع النّسْمِي
و ألِوْ قيمة العَمَل عِمِّي
وافتحي ظلمَتِكْ للضّي
سِنِّي على النضال إيدي
سوِّكي بالهُتَاف فَمِّي
شوارعِكْ لَيْ
دَويها عَلَيْ
اذا ما اخر العلاج الكَيْ
مراويدِكْ حُمُر صَمِّي
مراويدِكْ حُمُر يا امِّي
بليلتي ولا ضبايح طَيْ
قليلتي ولا كُتُر سِمِّي
وطني ولا مِلي بطني
سُكَاتي ولا الكلام النيّ


Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®



مكتبة الاستاذ محمد سالم حيد

ما طال في بحرك في مي

ما طال في بحرك في مي
وتمرك مفدع بالجريد
شدرك امد حد السمى
طينك معتق بالطمي
نبيتك اكيد نبيتك هوى
نبيتك ايوة سوا ..سوا من جديد .. نبيتك جديد
ايد ابوي على ايد اخوي على ايد انا
على ايد على ايد تجدع بعيد في اللجة في من راس ميضنة
حيكومة الفقر الدمار
الكضبن والصهينة
اللي ناقص ايامنا كاس
اليالطيف سوس البحر نردم قفاهو حجر .. حجر
من ها الرصيف
الما قدر قدام سريحة الموج يقيف
الما انستر الرزقية وناس وايه
نسقيها كاس اسقينا
نوريها كيف عشق الحياة
سنانا فوق حجر القصاص
سوانا ناس ضرب البحر
جوانا احد من الرصاص
يا ضو حبيبين القسا
طول ما انت غرقان في الاسى
تبت يدين ما ترمي ساس
ما تبني مجدك من جديد
تفتح شبابيك الخلاص
تدخل نسيمات النشيد
بيت القصيد يستقبله
مستقبله والحاضر الماضي التليد
يا بلدي يا فردة جناحي التاني
وكت الناس تطيرلي عالمة
وا فجعة الزول البيجيك
ما يلقى فيك غير الهجير ناسا تواي مسالمة
مل البشاشات القبيل تلقاها ميتة مسممة
والجاته جاتة من الارض ما جاته من السما
ما اعتى غبنك يا ولد
واعدل قضيتك واعظمة
لا ترجع السيف الجفير
والدنيا فايرة مصادمة
من غير تجيب تار البلد
ريح العوارض تهزمة
تطرد مع ابليس الاخير دعة الضلال
من جنتك ادمة
تأكل من الشجر الحلال
يغشاك نعاس في ضل رمى
تختال هضاريب الصعب
كربة ليالي المظلمة
يا نيل قبل خاطرك يطيب
ارضك تفزع باللهيب
تكشح تواريب الغضب صعب المراس
نوبة و زنوج وبجة وحلب
رطانة عربان مواشو
ومولدين تلقانا او نلقاك ضو
ظلمة لياليك العجاف
رعشة نهاراتنا النشاف
امنا بيك وموحدين
في ايدينا فاس وقلم رصاص
شتلة وكمنجة ومسطرين
وطبنجة في خط التماس


Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®



مكتبة الاستاذ محمد سالم حيد

طيبة

محمد الحسن حسن سالم (حميد )
كل ما تباعد بيننا عوارض .. كل ما هواك يا طيبة مكنّي
تلد الغربة القرب الواحد .. وبيكي أسمي الشوق وأكنّي
لما أفوتك من دون خاتر .. أو دون خاتر مني تفوتي
بلقى حبايب في كل حتة .. وكل بيوت الفقرا بيوتي
لا غيرت وراكي الجتة .. ولا بدلت ملامح صوتي
لا غفلني وهادن فني .. غامل المدن الما عرفتني
وتبن الصبر الشوقو مصوبر .. في الأرياف الكم وفّني
وبالإحساس الجاك مستعجل .. جيت متأنّي
للأطفال الناشفة ضلوعا ..
ونازفة .. بغني ..
أهدي دموعا .. وأطمّن روعا ..
ببسمة بكرة الماها تمني .. ولا مصنوعة
بتمرق منها .. تدخل مني .. شديرا فروعا .. تميد متّنّي
تكوفت فيها نسيمة حنّي
تلاقي طيورا الما ممنوعة .. تجول وتغنّي
عديل لا راجفة ولا مفزوعة .. خطاها نبياً داخل الجنّي
أغني لشعبي ومين يمنعني ..
أغني لقلبي إذا لوعني
مخير دربي الما رجعني
إذا طلعني نخلة القرب .. واللا الغربة الكدرومية
بتنـزل غنوتي بي قمرية
أو وقعني في بطن الجب .. بطلع يوسف بالأغنية
أغني .. أغني
أغني الناس الما بتسمعني
المني بعيد المبعد عني
الإيدي في إيدا .. وإيدا بتبني
في دنيا جديدة .. اليوم راح تدني
وأريت غنواتي في ناس شغالة
تكون سندالة وعود طورية
ضراع رجالة .. كتاب أطفالا ..
وجملة بالا الما مقرية
سدة مالا وبقة فالا
في ليلة الدخلة على اسمى قضية
حبيبة قلبي يا سودانية
يا أسمى معاني .. في زول بعاني
يا ود ضكران .. يا بت دغرية
وانا إن سامعاني .. فضلت أغاني غبش فقرية
حويتك منك .. يا دافعاني براحة إيديا
كما الأشواق .. ويا جابداني .. برفق عليّ
ما بتحير بين الفوق وبين الناس التحتانية
إلا مغير .. واللا عقوق .. واللا كفيف الإنسانية
ومنك وين يا كاشفة عينيّ
بنور الإلفة .. ضيا الحنية
وحلم العالم ناس تنسالم .. والبني آدم صافي النية
والأطفال الناشفة ضلوعا
إنمرتق روعا .. وجاتنا تغني
غناوي البكرة الكم مسموعة
سماع بلاّل .. في الدنيا الصنّي
حسيس طمبارة مع نقارة
صفقةّ حارة ودارة تهنّي
زفاف اغرودة .. نهار العودة .. أو زغرودة في ليلة الحنّي
فيا حلتنا عليك ترابك
وإنت شبابك زينة الجنّي
أحلى عروس البلد اللتنا .. واللا الغبش الرابة تهنّي
واللا هدير المدن التصحى وتمحى ضلام الحاصل عنّي

Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®



مكتبة الاستاذ محمد سالم حيد

انطفاءات القصيد-حميد

جيت وانتظرتك فى المسافة الخاصة
بين الف المغنى وانطفاءات القصيد
نفس المحطات القبيل مشدودة بحبل الضياع
بحز الحرف الموسم بنداك....
فاقد صباحات الفرح
وصباحى من طلة خطاك
نفس السحوب سارت
اهازيج الامل فى وسط الدروب
سالب مشاويرى المعاك
نشوه مناداة الرؤى الوضاحة بلون الغروب
سحق التطلع لبروز جذوة خطاك
قص المحطات القبيل
غربة ومحطات اختصار
مسره عدم مروية بمطر العشم
ونغمة نسيم.... هبة نشاز... لحن الودار
جيتك مؤقر بعذاب الانتظار
وقبول الجوة فى الاطار
تسقينى مرة بمر حواسك والاديم
كل الحلول هجعة اصيل
تسقينى مرة ثدى الصبر
من نفس المحطات القبيل


Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®





مكتبة الاستاذ محمد سالم حيد

رسائل ست الدار بت احمد جابر
للزين ودحامد
محمد الحسن حسن سالم (حميد )

( جواب أول )

باسم الحاضر والمستقبل
ست الدار بت أحمد قالت :
ليك يا الزين ود حامد شوقنا
أما بعد ،
المبعوتة المنك .. وصلت
ورُح فكيت الطلب الفوقنا
باقي الدين يا الزين خلصتو
قدر الفاضل .. مصروف راشد والتومات
والجايات من جاي .. لا جاي
زي ما قت لك قبال ده
شهر إتنين حا نطهر راشد
شهر إتنين المدرسة تأجز
الله يبعد العارضي تجينا
وراشد حالف ما يطهر
إلا أبوهو وعمتو تحضر
وإلا يجيبو الغنايين
شان الشوق بت سرنا ترقص
قلنا نجيب المداحين
طنطن .. أنا جاي من الحج
وعارف راشد لما يطنطن
كل الدنيا الفيي تطنطن
غايتو بشر .. بس ربو يهون
ما كلمتك بالتومات
أول البارح جني يرطنن
قالن نحنا الخواجات
بسم الله .. مرق حصلت
لقيت لك جعفر زارد البيت بالخواجات
يبقى حداشر وخواجية
ناس البلد الكسرو عليهن
صدو يقلبو في إيديهن
عدمانين من إسم حكيم
ولا خبيراً للمشروع
علماء آثار .. فضلت في آثار
ما خموها الجونا قبلكن
شن خلولنا بلا حجار
الله يصرف الخواجات
بينات جعفر والمحجوب
والمحجوب والخواجات
طقت حجي .. العمدة طفاها
باقي الناس الجات للفرجي
قنبو قيلو شبعو لحوم ..
والخواجة يصور ساكت
ستة خرفن وتيس ما كفن
ستة خرفن في فد يوم
المعدوم أشكال وألوان
أي خدار في اليوم داك في
كملن رف كمين دكان
أول كفو الخواجات
بعدو العمدة وصمد الساقية
ناس المجلس والمشروع
بعدو الطلبة وباقي الناس
حتى الشفع والحروم
ستة خرفن وتيس إنصفن
ستة خرفن في فد يوم
جات من صالح بت كلتوم
تسكت تخبز طول اليوم
لمن حرقت الدولاب
قنبت المسكينة تدعي
الله يصرف الخواجات
غاية الليلة السقا يشولق
واطات الله دي ست رشاها
ما في غنوتاً ما غناها
ما في مدحتاً ما سواها
حمارو صبح لحق أمات طه
سب الدين والأمريكان
جنس بدع
زولك ده يحير
عند الجد كان أده ينقنق
عند الفارغة يشيل ويبعزق
إذكرت كلامك ليا ..
إنو في ناس لاعبين بالدين
وناس لاعبابا الأمريكان
الله يصرف الأمريكان
الله يصرف الصرفيكان
ما خلوني نشدتك منك
كيفن حالك والخرتوم
كيف المصنع والعمال
حالم لسع نفس الحال ؟
وما رقوك سووك باشكاتب ؟
يورينا الله زيادة الراتب
كيف الناس والحالة عموم ؟
والعزابة الكحيانين
سيد البيت عل ما زكاكم
لسع تقعو تقومو براكم ؟
قلبي معاكم
ربي يخدر عود ضرعاتكم
بالي معاك يا الزين ود حامد
بالي هناك والشوق الشوق
خلى شدير الجوف محروق
راجي مطيرة الزين ود حامد
نحنا نصاحاً زي واطاتنا
نحنا نصاح إلا القراص والتجار
والحاصل البحصل كل صباح
شتلاتك قبضن
الحملان كبرن بلحيل
العضمين الروكة إنزرعن
اوعك تشفق من تالانا
ولا نبقالك مشغولية
زيك واحد مستورين
وما ناسين المسئولية
هي يا الزين زغرد
بت ام زين جابت لها بت
ستة أولاد حتان البت
المحجوب ينشد من خبرك
شافعو محسب من يومين
التومات طيبات ونصاح
إلا غباش بلحيل آ الزين
راشد كرر .. شهر اتنين
كان ما جيت أنا ما بطهر
الله يبعد العارضي تعال
كان فد دور يدوك يا تعال
كان بالخصم إن شاء الله تعال
وما تتوصى .. وداعة الله
أوعى البشغل والعربات
والحيكومة السمها فاير

أم أولادك ست الدار بت أحمد جابر

ست الدار بت أحمد كيفك
جاني جوابك مفتوح شارع
جاني جوابك
وانا بتذكر في ناس راشد والتومات
في الشتلات والحالة عموم
ناس حلتنا التحت .. الفوق
الليهم الله وعيشة السوق
جاني جوابك وانا بتصور
في المشروع وعمايل جعفر
ولما بكيت .. يا ست الدار
أيوة بكيت .. يا ست الدار
لما قريت علماء آثار
علماء إيه يا بت الناس
سواح إيه .. ما عندك راس
ست الدار تتوهدبي ليه
ديلا جماعة السي آي إيه
تعرفي إيه السي آي إيه ؟؟
امريكان في كل مكان
ديل مالين الدنيا ملي
ديل قالين الخلق قلي
باسم الدين والأمريكان
أي عوج مبدي ومختوم
صوتنا هناك وهنا مكتوم
ومافي فرق في الوقت الراهن
بين واشنطن والخرطوم
أنا مأزوم .. مأزوم .. مأزوم
يا خرطوم وينك وينك
يا خرطوم شن شبّ وقلبك وسلبك
حلبك ؟ زنجك ؟ بجتك ؟ نوبتك ؟ عربك ؟
أنا مأزوم .. مأزوم .. مأزوم
يا خرطوم أزمني الصلبك فوق الطلحة الأمريكية
يا خرطوم .. أوه خرطوم .. أوه واشنطوم
طن .. لفتك فجراً يقطع رحطك
ست الدار سامعاني
يا اخيتي ومرتي وامي وأم الكل
أنا بندهلك من شارع الله
فوقي هجير والتحتي بقل
سبي معايا الشردو راجلك
والحرمونا شوية الضل
سبي الحالة العالة علينا
حتى احكيلك بالتفصيل
حاصل الحاصل يا بت أحمد
جاني وفد في المصنع زاير
وكان الوفد ده أمريكاني
لفّ وفات اليوم التاني
جانا مدير المصنع فاير
وشو حمار العمدة العاير
نف المصنع فيهو خساير
وقالوا يخفضوا مئتين عامل
مئتي عامل في فد مرة
مائتين عامل .. مائتين عامل
يبقوا هوامل .. يبقوا هوامل ؟؟
ما يهموش .. الهم المصنع
تفّ قراروا وفات في حالو
مسئولين ونقابيين مافي العارض واللا اترجى
العمال من سمعوا احتجوا .
سيرو موكب صامد وصامت
إتضامنا معاهم سرنا
أب عرام دور عربيتو .. العربية الامريكية
زنقح خلا الموكب ثابت
احتجينا مع الإحتجو
إتكلمنا كلام موضوعي
قلنا المصنع حق الدولة
والعمال أصحاب الحق
هي اللي تقرر والتتولى
هي البتحدد سير المصنع
إيد العامل هي العاد تنتج
ما المكنات الأمريكية
زيت العامل ياهو البطلع
مو المكنات الأمريكية
ودرن الأيدي العمالية
أنضف من لسنات الفجرة
ودين الدقن الشيطانية
ومن كرفتة البنك الدولي
وكل وجوه الراسمالية
وأشرف من ..............
داك الحين المصنع هاج
جات عربات اللات بوليس
فضوا العالم بالكرباج
والبمبان الأمريكاني
شرقت شمس اليوم التاني
كنا حداشر ونوباوية
متهمنا بالتخريب والتحريض والشيوعية
البوليس صاقع شيوعية
وفاكر نفسو بنبذ فينا
هي آ بوليس أمك مسكينة
البوليس عمدني شيوعي
التحقيق طلعني مدان
التحقيق طبعاً تحقيقهم أو تحقيق الأمريكان
اسبوعين عشناهم جوه
اسبوعين زادننا قوة
ست الدار ما تشفقي خالص
ست الدار أنا ياني الزين
ست الدار سامعاني كويس ؟
كل الهم ما يغشى الغم بيتنا وراشد والتومات
وكل الناس الحالهم شاهد
ست الدار الشوق الواحد
لي حلتنا وليكم ليكم
وللإشراق في عينيكم
وكل الناس الزولهم صامد
شوق وسلام .
الزين ود حامد
ردي سريع .. باليد .. باليد
في دورين موعود بي شغلة
لمت لمت .. كان ما لمت أنا جاييكم وما ندمان

( بعد الحاصل والإتحصل ست الدار بت أحمد تكتب ) :
زيني الزين .. أب حالاً زين
جاني جوابك .. يا المبروك
وسابني أشوف الدنيا كويس
وأعرف غلط الصاح مظبوط
سابني أميز .. وأقدر أفرز .. أرجع أميز
فرحانابك يا أحزان
فرح النار بي لوح الزان
مبسوطابك يا المبسوط
ما هزاني مصيرك
قدر ما هزوني الميتين عامل
ميتين عامل في فد مرة
ميتين اسرة تروح وين
في الأيام النجسة المرة
ميتين عامل؟؟
والله مهازل
والله عمايل
يا أوغاد .. وينا نقابة السجم الشوم
وين عمال السكة رماد
وين الطلبة ووين الوين
بعتو شفيعكم يا عمال
بعتو وجيعكم للراسمال
وشن راجين يا تعسا الحال
هاكم دي ..
والله مهازل
ميتين عامل ؟
والله عمايل
عامل ساكن في آخر الدنيا
وصل المصنع بآخر بنية
ينتج كيف؟ شغال بي فونيا؟
عامل ينتج عشرين حتة
تلحقو منها قيمة إتنين
ستة بغطوا المنصرفات
سبعة.. تمانية .. تسعة بغطوا
أدها تسعة المنصرفات
كل الفايض .. بدخل وين؟
قولوا البفضل بمشي لي مين؟
وبرضو خساير؟
والله مهازل
يا مضغوط .. خفض ميزك حبة تين
تنك القعدة تلاتة خطوط
خفف مرتك توب مضغوط
من التمسحبو كبابي الصين
خفض عمرك يا ابن الفانية
وبي نظارتك واجه ثانية
ثانية عيون الشغالين
ثانية وبس
والله مهازل
ميتين عامل ؟
ميتين بيت ؟
ميتين اسرة بلا راس خيط؟
ميتين اسرة ملوها جراح
ميتين اسرة حا تولد صاح
وليكم يوم يا أولاد الهرمة
ليه يا الزين بتوصي عليّ
وانا بت احمد ست الدار
ام اولادك وهم صغار
ام اولادك وهم كبار
وياك الزين ود حامد داك
كان متوظف .. ياكا الزين
كان متوقف .. ياكا الزين
ليش يا الدخري توصي عليا
اسبوعين قضيتن جوه
يبقى غصب .. زادنك قوة
ليش يا الزين بتوصي عليا
ليش يا الدخري توصي عليا
وعارف ام راشد والتومات
مرتاً دغري وغلباوية
آه يا الزين .. لو كنت معاكم
كنت بقيت النوباوية
ما تهتم يا الزين بالحاصل
واصل سعيك .. واصل واصل
واصل سيرك
كان ما كنت الزين ود حامد
كان حا يكونك واحد غيرك
في فضاء فالك يا إنسان
نسمة تقولك في الإمكان
أبدع واحسن من ما كان
ياتو مطرتاً سوت شو
فرقو غيما الأمريكان
ياتو رصاص ما عقبو خلاص
ياتو سجن يا الزين ود حامد
ياتو محن تمحى الإحساس
لما يكون في الساس والرأس
ياتو وطن يا الزين ود حامد
ياتو زمن دام للأنجاس
طه ترابلتو راحو الديش
غزّا بكانا اتنين رطانة
صاقع كلو من اسماعين
هو الفسر لهن الشغلانة
ويا اسماعين
ما كان الديش شقّ مسيمعك بالجبخانة
لو المجلس قبل اوراقك
أو في الثانوي لقيت لك خانة
لكن قدرك يا إنسان ..
بلداً هاص هيصة جبانة
طالو الناس التريانين
ضلو الله الما ضلانا
أخّدو نورة الحاج بالدق
باكر دور ما خشّ عليها
خاتي اللوم قطع التمرات الفوق راس بيتو
الخلفاء شكوهو وما لقو حق
المحجوب إتلقى اخبارك وقال جاييك في أول بص
البرسيم طهرنا البارح
نعجة راشد صبحت والدة
الحيضان سقناهن لوبي
التومات طيبات ونصاح
راشد طيب
وانا طيبين
كل الناس يا الزين طيبين
ينشدو منك في الأفراح
وفي الأتراح .. الزين الزين
ما تشغل بالك
بس يا الزين كان درت مشورتي
اصلو كتالك ياهو كتالك
تجي مندلي
الواطة تراها
وبي جاي جاي .. بندبر حالك
ما الحيكومة الضاقت دمك
عينا محل قبلت قبالك
شورتك عندك
عندك شورتك
والببقالك .. الببقالك
التمرات بعناها آ الزين
خفنا السوس ونزالة السوق
مبعوتالك عشرة جنيه
والأشواق من هنا لا عندك
ست الدار أحمد جابر
تلغرافات :
تلغرفين في وقت واحد :
نوري . السوق .. ست الدار بت أحمد جابر
المحجوب في قطر اليوم
عفش الزين
النوباوية
الخرطوم .. الخرطوم بحري .. كشك الشعلة .. الزين ود حامد
راشد راقد والواطة جعفر طالق فيها بهايمو
ست الدار بت احمد جابر
نوري السوق المحجوب ود أحمد جابر
كتب الزين .. كل الاوراق .. راشد كيف
النوباوية
الخرطوم .. الخرطوم بحري .. كشك الشعلة
النوباوية
أنا في السكة وست الدار
راشد ود الزين ود حامد



Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®


اشعار محمد الحسن سالم حميد

آه يا غبش

ما عندي ليكم غير نغيم .. برجوه ينفض لي غبار زمن القسا .. الكتاحة
يهد عرجون نخل صبر الغلابة الطال ..
يحت يخرت .. تباريح الأسى الممدودة فوق نور الدغش
يا نورة آه ..
يحرد كنائسنا المسيح .. يعرش مدارسنا الصدى
ييبس يباس حلق العصافير الوديعة من البكا
إندردر الصوت البعيد أسيان تصر من دون صدى
ينكفرن الفجر الصبوح .. يحمي الزهيرات الندى
تختا الدراويش الضريح .. يسكن خلاوينا الجنون
يهجر جوامعنا الإله
يا نورة آه
تطرح غيوم الشوق تئن .. تشرق تموت خيل كلمة الحق التناهد في الشفاه
يعقر بسيمة الصح مع لوبي الجروف
تغرز ضريعات الحروف
ينشف مراح الأمسيات .. تتمطق الأرض المروق والأغنيات
اللي الشروق .. والأرض والحب والمطر
تضهب تتوه .. وكتين يضيع عرق الجباه الشم .. شمار في مرقة
آه يا نورة آه
من دربك التور نفس خيل الصبر .. فتر خطاوي الشوق وراه
يا نورة آه
ساعة الشموس الغر .. تهضلم تلحق الصح في المغارب
تدفر الضو الكهارب
وفي وشيك تدفر المدن الضبابية السرابية الكآبة
وحائط التيه والطشاشات فوق قفيك
يا أم عوارض .. مو دعاشة .. ماها شبورة وتقيف
جاي ليك يا نورة غيمة .. تملا ماعونك خريف
يملأ عينيك ويفضل .. يروي جواك العطاشة
مو دعاشة
يا مطر عز الحريق
يا مصابيح الطريق
يا المراكبية البتجبد من فك الموج الغريق
يا الجزاير النتحويبا .. لما إنشعوز بحرنا
يا المراسي النتحويبا .. لما إنشعوز بحرنا
يا نشوق روحنا ودمرنا
يا المحطات الحنينة القصرت مشوار سفرنا
يا ما شايلك بين حايم
أيوة شايلك بين حائم
في الأرض تكون قضية .. في السما الاحمر غمايم
بي برد نغما السلامي .. رطبت حلق الحمائم
طنبر النخل التبلدي .. راقص الأبنوس وصفق
لعبت الصقرية موجة
خلت النيل هاجلو هوجة
بشرت بالخير بلدنا .. شالت الشبال نسائم
جددت زلفي القديم .. أمشي بالماشيبو أقاوم
لا بتكبر راسي فورة .. لا بتصغرني الهزائم
جنس يا نورة ابن آدم حلمو في عالم مسالم
لا الليالي الماها ليا .. لا الشماتات العليّ
لا البنوك المخملية
لا تفاهات الحضارة ..
لا عفاريت المدينة .. لا العمارات السوامق .. فوق ضهر ناساً فقارى
لا الهتاف الفاوة ضارى
غطى بالي من الفوارق .. لا الألوف الطمطمية
لا البرندات الوسيمة .. ولا الأسامي الأجنبية
بتمحى من عيني ملامحك .. وإنتي جاية المغربية
جاي دايخي المغربية ..
وشك المقبول مكندك .. سامسونايتك زمزية
كونشبر .. مرزبة مقطع
ريشة فانوساً مدردح
قلت بيهن لي زمانك .. يا زمان الحجة عندك
يا زمان الآفة حدك .. لا تطا الوردة الصبية
يا نفس فجر القصائد .. يا بلادي
القطع قلب الروادي
باللواج الجاي وغادي
ده ما هو صوتك .. لاها صورتك
دي بترقش ناديي فوق صدر الجرائد .. ماها صورتك
لا هو صوتك .. لاها صورتك
إنتي يا الفي إطن الصحارى
شفع العرب الفتارى
البفنو الشايلا إيدن .. ويجرو كابسين القطارة
يجرو باريين القطارة
لا سراب الصحراء موية .. لا حجار سلوم موائد
إنتي في الغابة اليصارع .. جوفو للآهات تلكي
يا مدفق غيم رجاهو .. لكن الأيام كركي
في خلا حالنا اليمحن .. ويملأ بالسهد الوسائد
إنتي غيمة .. شديرة .. خيمة .. إنتي جاهنا ..
والتقا الطلقت وشينا .. فرقت غمة جباهنا
فرجت في الحارة ضيقنا
فرحت شفع فريقنا
والمواعيد الحزينة .. وإتجاهنا
يا النغيم البقّ فينا .. وشدّ لي وتر إنتباهنا
يا تباشير يا بشارة
إنتي يا ضرعاً تكرمش .. شان يرضعني الجسارة
إنتي في منفاي رفيقة .. وفي حشا الأشواق حرارة
يا هدى الناس الحيارى
يا ندى الفجر اليبلل صور عوينات الفقارى
جاي ليك .. آه جاي ليك .. يا نورة آفة
آفة للسوس الجا ينقر .. عود عشيماً داخرو فيك
وأصلي لمن أدور أجيك .. لا بتعجزني المسافة
لا بقيف بيناتنا عارض .. لا الظروف تمسك في إيدي
ولا من الأيام مخافة
يا نفس فجر القصائد .. ما ضهب في بعدي عنك
واصلي متغرب عشانك .. راضي بالبيجيني منك
ما بكيت شح الليالي
لا شكيت نُح .. شلتو حالي
رغم إنو الحال بيفسخ .. إلا كُت في الحارة بنده
يا وطن عز الشدائد



Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®




اشعار محمد الحسن سالم حميد

نـادوس

ايوة بحبك حباً جمة
وياما بعزك يا نادوس
ساقات حنك فيهن منك
ومني المشق والقادوس
يا ترقوة الحلم الواحد
من شرا ريح الزمن السوس
ايوة بحبك حباً جمة
وياما بعزك يا نادوس
احبك وانتي ماساتي
في زولا حب ماساتو
بحبك صاح
احبك يا ندى الاصباح
يا بهجة صدى الافصاح
شايلك وفكرو شقبش راح
عيونك ياها ناساتو
احبك وانتي ماساتي
في زولا حب ماساتو
بحبك من زمن مو اسع
واحبك لزمن لسع
يا عشم البدو النجع
قاصدك ومستحيل يرجع
قلب تالاكي خطواتو
احبك وانتي ماساتي
في زولا حب ماساتو
صحيح يا دفة التاريخ
فقدتك وروحي مشتاقة
فقدتك الا ما نهنه
ولا قلت دنيا فراقا
لاني على يقين أنك
حترجعي في حنتلاقي
حنتلاقى وشديرة الالفة زي اول
تدنقر فوقنا باشواقا
خطاوينا الزمن صنت
يعربد تانى ساساقا
ليالي الحن تطول تغزر
وراك ما باتت افراقا
حنتلاقي وهجيرة الغيبة من فوقنا
تبارى الشوفه رقراقا
الاقيك انا الطولت راجيك
انورق في الزمن ضايق
متين يكمل والاقيك
انا البستنى جية الليل
عشان انجع مناجيك
واصن جنب نجمة راجيك
حزين لكني مطامن
مشارط للزمن فيك
مغالط وحاشا ما خنتي
ولا هنتي وبلاك انتي مباديك
اعيش ساكت واموت ساكت
حروفاً لي عيوناتن تدوخ الدهشة بيناتن
وسط لجة عيون الكل
عيونك زي عصا موسى
بريدك يا شديراتن
تقوم فجراوى مريوقة
تقطع للهجير فوقا
عشان تدي التعابة الضل
احبك وانتي ماساتي
في زولا حب ماساتو



Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®




حوش الربيع

يا مبيتانى الليل قوي
ورجياني أجيب ليك الشمس
طالقنى فيك عكس الهوي وسابقانى
بى فسراع .. وامش
نقرشتى قلبى عشان يكون
يوم مهرجان سعفك .. برش أنا ما انقدت
حب العيون لا من يحاجينى الرمش
ساعالى ناموس الشجون
وحامانى بى غنواتى اهش
مابين مرايات الظنون
فيك كل مرة
بلاقى وش
بقبقتى بى ريح السراب
فانوس رؤاى والشوق عطش
وصقعالى بى داك السحاب بار البروق
وأوعاك تطش
ولا همسة يا بنية الغمام
الرش واديك مندهش
ليش لا قبض شت الغرام
طيروا فيك سوالو عش
نوبة المجاذيب اترخت
ودرويشي ينقز مندرش
وانا روحى تقابة بخت ليها الله
لى رب العرش
فى الضلمة لسه بنات نعش
يابنية بارى العنقريب
ضارب العريجي مجرد غش
فى سكة الشوق الخبيب
إندهدهت راجى الهواء
وعود التباشير يملأ طيب
ينفخ مزامير الهوى
وعلى نقرة العشق الرهيب
تصدح معانينا السوي
وتسكت زنازين الوجيب
وانا بيكى ببقى الكون ندى
وكل المواسم همبريب
لا ريدة تتحترب صدا لا ظن
حبيب فى حبيب يخيب
العمر بالبسمة إبتدأ والصرخة
ما صرخة نحيب
صرخة اريحية ورضا
وأنا راضى بي ذكراك نصيب
يا بنية ما اكتر من بشر فى خير وشر
يختى ويصيب
يسعدنى اكونك من مطر
ما شرط طينك يستجيب
المهدى وين المنتظر عز الكدر
غير فى الحبيب
دي الكتمة
وكشر المطر
حوش الربيع الهمبريب



Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®



اشعار محمد الحسن سالم حميد

نفسي أقدّم لك جميل

نفسي أقدّم لك جميل
في حدود الإستطاعة
فليكن هذا الجميل
غنوة بين الناس مشاعة
ولاّ سرية وتقاوم
في الجمود .. حمّى المياعة
المهل ضيقا النبيل
شان بلد تاخدلو ساعه

غنوة قالت يستحيل
يصبح الأسف البديل
للتماسك والتواصي
بي مشي الدرب العديل
راح تموت البركة بركة
واللي نيل راح يحيا نيل

ويا عروق السنبلاية
الأرض ما قط خيرة
لسَّه يا بيوضة جايي
ألفِ غيمة وألفِ غيره
لا تزال القبلي طايي
والأرض باشة عشيره

خابرتني نسيمة شافت
طيرة خالت لي شديرة
من الشديرات التلبِّد
كلمة السر في صديره

والعصافير ماب تكضِّب
لاب تحوم فوقا الإشاعة
قالت النار إندلاعه
في المساخر حار قراعه
و لابد الدنيا وضِياعه
عنوة ترجع لي جياعه

وينطلق ضهر التواريخ
المعبية سيرة .. سيرة
تجي الطراوة ..
تجي المطيرة
تجي النقاوة
تجي الدميرة
بحر غنانا من الحجيرة
يغرِّق الذمم العضيرة

وللتقدم بي هداوة
التلاميذ البي خيره
بي ضراوة
تدق براوة ..
وبي شقاوة
تسوّي قيرة
للمطيرة المافي غيره
راتي ياخد لي خبيره

تحكي عن عزة مهيرة
رزتا وهزة ضراعه
نفرته الولد المظفَّر
وكيف سفه دنياه ومتاعه
في سبيل سودانو قطّر
دمّو سطر فكرو واعي
سرُّو كان في اللهُ أكبر
ونفسِ شورتا بي جماعة

نفسي أقدِّم لك جميل
فليكن هذا الجميل
حكوة عن عبد الفضيل
التماسَك وما تداعى
ولاّ عن عبد اللطيف
ورحلة المنفى الشجاعة

سنَّ حنجرتو الخليل
بينو بين حجر الجداعة
وكان مسبب من قبيل
وانتفض فارس رفاعة

شلتَ من جودة الرماد
وقمت مورقت الزراعة
بتَّقت كل البلاد
بي ولاد طول باله باعه

شهداك الهيلا قاموا
وبوغوا التاريخ جداعة
توروني وراحوا ناموا
في حِضن سيد الوداعة
اللي ما خان الوداعة

حملوني أمانة أغنِّي
معجزاتك بي براعة
ولا أبالي تكنِّي جنِّي
ماهُن أدُّوني الشجاعة

يا برية متل جناياً
مستمِخ حصة رضاعة
أو شقية متل غناياً
سرُّو يدِّينا المناعة
ضد مناحات التسول
والتوسل والضراعة

أيوا أحبِّك لا شكية
لا حراق روح لا إلتياعه
ذهني قادر بيك يفكِّر
إيدي قابضي على يراعه
لي ضراع أخضر يخدِّر
وكفِّي فالح في الصناعة

في بحار الحق مراكبك
ليْ صلاح يعجب شراعه
فيِّ سِر نهمة مواكبك
دون جرائد وهوشة إذاعة

ويات مطر بتشاور الريح
والبوادي دغت مجاعة
يات سيولاً ترجى تصريح
ولاّ تصديق لإندفاعه

ماب أبدل فيك وأساوم
لاني تاجر لاك بضاعة
شعبِ غلباوي ومقاوم
وأمّة ما أنبل طباعه

قول ونسمع لي كلامك
يا وطن سمعاً وطاعة
قلبي ضاق بالغنية حامك
ورؤيا زيّك في وساعه

نفسي أشهد من غرامك
آخر آهاتك وداعه
وتشرق الدنيا السلامك
بينا يتبختر شعاعه

لو أغنّيك عمري أجاهد
وإستلف من ميتِّي ساعة
ماب أوفّيك دا أنا واحد
وإنتَ أمجادك جماعة


Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®



اشعار محمد الحسن سالم حميد

عروس الطين
بيني وبين النهر ضحايا
وكم من قتلة ونصّابين
وقدر الغيم اللمّا سمايا
شالوا الريح وبي حُمرة عين
حبل البئر ودلوها منتّف
وحارساتنها دابيين
ريقي دقيق .. والخطوِ مكتّف
ما بين كهنة وربّاطين
وانا ناذرلِكْ ، كان أسقيكِ
وترجعي طيبة عروس الطين
ويرجع عصب العشم الفيكِ
وزي ما كان من قبل سنين
يا ترقوة الحلم الزّامِكْ
ما أقواك على السكّين
لما غِشَاكِ الصيف الحارق
حتحتيهو الصفق الأصفرْ
والنوّار اليا دوب مارِق
علمتيهو تمُام ينضرضرْ فرعك عِز الزّمن الزانق
عاهد ليفك وابى مِنْ يكبْر
شان ما يبقى حُراب ومشانق
واللاّ مطارق في ايد العسكرْ
وشان الساق الناجرو الخالق
ساترو لحاهو ... يفضِّل أخضرْ

روّضتيها جذورك ترحل تالا الموية التحت الأرضْ
وفوق الزمن الريحي الأمحل
كيف تنماسك وتسند بعضْ
ما كان عَرضِك الا الطُّول
لا كان طولِك غير العرضْ
وين بالساهلة يفرِّط زولِك
واللاّ يفوت المال والعِرْضْ

قال طيراً نفد بي حِنّو
لى جملة عَقابو يغنوا
يا أكباد الرفاق لا تئنو طرِّقوا لى المناقير سِنّو

شن طعم العرق والدم
واحنا عوجنا ما عدلنو
هِبّن يا طيور من جم
رخمتين فوق صقر كتلنو
حُلماً زانو ليك كابوس
وراجنبو الليالي يصِنّو
والوعد المشتت روس
وكاويق شِنْ بترْجِن منو ؟؟

وما بتنغشّن ... حاشا وحاشا
وما بتنكسرن .. أي والله
وما بتندلّن لي حباية
ودود معقود في شبك الباشا
وكم هبّرتِنْ شركو وطِرتَنْ
لي قندولكِن في الحواشة
وقلتِن شارق
فجراً حارق
وكل الوخم الزيف يتلاشى
وتنفض طيبة غبارا العالق
وتقبض نسمة خير ودعاشة

وبيني وبين النهر ضحايا
وكمين قتلة ونصابين
وقدر الغيم اللمّا سمايا
شالو الريح وبي حمرة


Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®



اشعار محمد الحسن سالم حميد

خوفي من تلحق رفيقك

خوفي من تلحق رفيقك
يا بريق نجم الحيارى
وإنت لا نّور طريقك
لا شرق فجر السهارى
من زمن يا صحوة طلعك
غصة في حلق الصحارى
حتى شال النمة فرعك
دودى زي وهج البشارة
قلنا يا سعد المواسم
عودك المليان جسارة
عودك الفجري المصادم
بالبصيرات والبصارى
مستحيل يرضخ يساوم
مهما كان الريح حصارا
يفضل النخل البقاوم
في السقوط نخل الفقارى
يااندلاع صوت الغفاري
في حلق دغش الغلابا
لو خريفك تاني يطرح
آه يا اخر سحابة
لمايا شرف المواكب
يبقى هم الناس إمارة
تندحر كل المناصب
ينكسر كرسي الوزراة
كنتو وين وين إنتو كنتو
كنتو وين
لما الشوارع ما ثبت قداما مرتق
نفضّت صمت المسافة
مّدت الشوق المضارع
للصباحات التجرتق
كف شهيدا البق مارق
من فرقة الظلمة فجرًا
تم بي دموّ الشرافة وضم حضن الارض عاشق
كنتو وين وين انتو كنتو
لما كان في سجنو ثائر
بي جلابة السونكي نومتو
ويصحى بي امر العساكر
قومتو في الزنزانة يمحى
ويفتح الاف الحناجر
ت.. الاطفال ويكتب انبل الاشعار لباكر
تشطب السجان وصوتو ويبقى فنانا البساسق
كنتو وين . وين انتو كنتو
لما فضل الدين عباية
تربي فوق كتف الغنايا
تنتصب في الجو طوابق
تنقلب في التو بنوكة
للبداهن
والبنافق
والبوافق
لما كان نفس العبايا
تتنفخ بي قدرةحبلا
لي قصار عمر الكحايا
من جُنب تنسلا سيفًا
عبّر السواهو سارق
شدة الفقر الخرافي
حدة الشغل اللي مافي
رُغم الاف المتاجر
والخوازيق والمرافق
كنتو وين انتو كتو
لما البيوت في الشمال قامت خنادق
بالكتابات البتنزل فوق ضهاريهم
مطارق
لما طلاب الحقيقة كانو بختارو المشانق
ولما لسة الله بموت في الجنوب
بين البنادق
كنتو وين وين انتو كنتو
آه يا وطني المستف
في المطارات القصية
آه يا كفني المنتف
في مدارات القضية
آه يا صمتي المكتف في العبارات الندية
آهي يا نفسي الملطف بالنهارات الصبية
آهٍ من رفع المصاحف بالرماح الاجنبية
المعاطف اج