zankalooni
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتديات زنكلوني الأدبية ...شعر ..قصص قصيرة...روايات
 
الرئيسيةالرئيسية  البوابةالبوابة  أحدث الصورأحدث الصور  التسجيلالتسجيل  دخولدخول  

 

 اشعار مدني النخلي

اذهب الى الأسفل 
كاتب الموضوعرسالة
Admin
Admin
Admin


المساهمات : 35
تاريخ التسجيل : 12/11/2011
العمر : 33

اشعار مدني النخلي     Empty
مُساهمةموضوع: اشعار مدني النخلي    اشعار مدني النخلي     I_icon_minitimeالسبت ديسمبر 10, 2011 7:03 am

اشعار مدني النخلي

كمدخل لاشعار مدني النخلي لم اجد احلي من هذا التقديم لاشعار النخلي وخاصة انها كانت في دار الموردة وما ادراك ما المورده 00000============
في حضرة القدال والكتيابي والنخلي
المناقل تسهر شعراً وموسيقى

المناقل: نشأت الإمام

الشاعر محمد طه القدال الذي صهر اللهجات السودانية وصبها في قوالب الشعر، فأخرج ذلك الكائن الاستثنائي البديع، وهو يمنح بذلك لهذا الوطن فرصة لكي يكون موحداً ومتحداً، ووصيته دوماً لأبناء شعبه «أختا الرملة ما تقع المكان الهش»، وبمعيته الكتيابي الذي عاد إلى السودان مع «شهرزاد» حاملاً «عصاه» ومتصرفاً بكامل حريته في ترقيع «جبته» أو «تطريزها من اللالوب»، ومدني النخلي شاعر ما زال يقف «براه» في سماحة كلماته وحنيتها، ولا تزال كل يوم تصنع شيئاً جميلاً في دواخلنا..

هكذا ابتدر الأستاذ ضياء الدين بلال ترحيبه بهذه الثلة من الشعراء، والذين شاركوا يوم الجمعة الماضي في احياء ليلة ثقافية كبرى بمؤسسة الموردة التربوية بالمناقل والتي أقامت مهرجان الابداع الخامس، وجاء تحت شعار بين مطرقة اليانكي وعشم الوصول لليل الشتاء الدافئ..

مسجد محمد ادريس بوسط المناقل، لم يصل فيه أحد صلاة مسبوق في وقت التراويح، الجميع حرصوا على الحضور مبكرين، وذلك حتى يتسنى لهم اللحاق ببرنامج نادي الموردة الثقافي، والذي يجاور المسجد في نفس الرقعة من الأرض، تدافع أهل المناقل تجاه النادي، يبدو واضحاً للعيان، في كل الطرق التي تؤدي الى «حي المزاد».. وحينما أعلنت شارة الوقت تمام التاسعة.. بدأت الليلة..


Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®



واقف براك

استهل الليلة الفنان اسامة الحوري بأغنية «واقف براك» والتي قدم من خلالها الشاعر مدني النخلي.. مدني الذي حيّا المناقل بطريقته الخاصة حينما قال:

ديما تسطع.. شمس تطلع

نيل يدفق ويبقى منبع

وغيرا حالف ماني قابل

من زمان ليها حانِي

وبيها جاني

إلا حامياني المشاغل

ولو لقيت الحب سحابة

ناس بتقدل في مهابة

عِزّة عنوان للغلابة

والمكارم فاتحة بابا

ابقى داخل.. دي المناقل

بعدها اهدى النخلي ديوانه «واقف براك» لأسرة نادي الموردة، وتنقل في بيادر شعره، منتخباً من كل بستان زهرة فقرأ:

فرحانة بيك كل النجوم

لا نام بريقا ولا انطفأ

ما الريدة يا أم قلباً وفي

زاد القلوب المرهفة

وتابع النخلي قراءاته الشعرية، وقدم:

من جديد جيت تاني كيف

تبني فيني الانهدم

وهي الأغنية التي سطع بها نجم الفنان خالد الصحافة، وقام بتلحينها الراحل مصطفى سيد أحمد، والذي كان قاسماً مشتركاً بين شعراء هذه الأمسية.. ويطرز النخلي عباءة يحاول أن يدثر بها حلم الوطن الذي أضحى نائياً، ويحكي فيها عن واقع صعب عبر قصيدة مطلعها:

أمس والليلة أو باكر

شبه واحد ونفس الشي

وجهين للنقيض والشي

حلمك ما بيمشي معاك

يحنس فيك أكان ترشي

وتعبيراً عن التواصل مع الأمة العربية، كان اهداء النخلي لمقاطع مفعمة بالشجن المؤلم، أهداها للمجاهد حسن نصر الله وهو يرفع رأس العرب بعد أن نكس طويلاً:

مجد الأمة الغابر طلّ

قمر العز العربي إتدلّ

ولم يترك النخلي جمهوره طويلاً مع هذا الشجن، فنحا بهم نحو كتابات ذات أفكار كبيرة، ولكن بألفاظ بسيطة، شعر أشبه بالحلمنتيشي، يحكي فيه على لسان أهلنا الحرفيين، وأصحاب المهن البسيطة، كيف يعشقون، وكيف يعبرون عن هذا العشق..

علي بابك

وفيما كان الفنان اسامة الحوري يتهيأ للترحيب بالشاعر الكتيابي، وذلك عبر غنائه لقصيدة «علي بابك»، قدم شاعر المناقل محمد خليفة نصاً شعرياً ألهب أكف الحاضرين تصفيقاً، ووجد الاشادة من الشعراء المشاركين في الأمسية، مطلعه:

طالب طلب قاسي وصعب

ليت العقول لو تفتكر

كيف القلم مر في سطر

كيف الكلام أصبح شعر

وجاء الكتيابي يحمل عصاه، يتوكأ عليها ويهز بها عندما تعتريه نشوة الشعر، وأهدى أسرة النادي مجموعته الشعرية التي تضم ديواني، «رقصة الهياج»، و«هي عصاي»، بعد أن شكر لهم حسن وفادتهم، وقرأ الكتيابي:

على بابك نهارات

الصبر واقفات

بداية الدنيا هن واقفات..

وعن المسلول والمذهول والمجذوب من الشعراء، حكى الكتيابي عن تساقط قامات الشعراء، والتي يحسبها أدت للوطن حقه، تساقطت وقضت نحبها ولم تجد من الدولة إلا وقفة برهة على قبورها، وقرأ الكتيابي:

مكاني آخر الطابور

والجلاد يرضع

من لسان الصوت شهوته

ويرمقني كما لو كنت.. قهوته

ثم واصل الكتيابي بوحه، موضحاً أنه مازال على كيفه طالما لا ينتمي إلا لهذا الوطن، دونما املاء من جهة أو شخص:

على كيفي

ارقع جبتي أو لا ارقعها

اطرزها من اللالوب

ألبسها على المقلوب

أخلعها.. على كيفي

ثم انتقل الكتيابي إلى نص دارجي، تفاعل معه الجمهور الذي ضاقت به جنبات النادي فبقى معظمهم وقوفاً، يعبرون مع الكتيابي بحراً ويشدون ساعداً على المجداف معه:

لمحتك

قلت بر آمن وبديت أحلم

حليوة

وقبل أغنية «حليوة» التي قدمها الحوري وابتدر بها الشاعر محمد طه القدال قراءاته الشعرية، قدمت المناقل الصوت الشعري ماجدة كرم الله في نصين، أولهما:

مدي ساقيك

كيف أعزف عليهما

أنشودة العشق الوليد

افردي ضفائرك المجعدة

كي ارتمي عليها حينما أتعب

ثم جاء القدال، يضمخ الأرجاء بصوته، ويغتال فينا التوجس والخوف ويمنحنا من لدنه بريقاً لونه لون الجروف، وطعمه طعم الحب البكر، يضوع دعاشاً فنتنسمه ونحن نستمع اليه وهو يقول: يستغرب البعض من تعدد الألسن الذي يرونه في شعري، لكني أكتفي بأن اردد دوماً أني من الجزيرة وكفى، وأنا «العوض» الذي لا غنى له عن أهله، وهم قبائلهم وسحناتهم شتى، ولكن قلبهم واحد.. وقرأ القدال وصفاً في الجزيرة:

خمسين سنة

وإيدينا في طول مدهن

لا فترنا من مد اليدين

لا صبنة جاتك يا رسن

ولم يترك القدال فرصة للأكف حتى تعود لانعقادها مرة أخرى، بل تابع إلقاءه الشعري فجعل الأكف تلتهب تصفيقاً، وقرأ:

بقول غنوات

في البلد البسير جنياتا

لي قدام

وفي الولد

البتل ضرعاتو في العرضة

ويطير في الدارة صقرية..

ولو السمحة مدت ايد

وتلت جيد

يقوم شايلاهو هاشميه

وتلاها بتعريف لليانكي، وذكر أن الفعل (تو يانك ) يعني ينتزع، يغتصب، وغيرها من معاني الغطرسة، وذكر أن ما تقوم به اسرائيل وأمريكا في العالم، وخاصة العربي والمسلم، أنكى وأمر أنواع الاذلال التي تمارس على الشعوب، وقرأ مسدار أبو السرة:

أماتي القبيل بحنهن لجني

كرفة وقلدة كيف..

شوف اللبن رجني

حزنا جاني

في ميع الصبا يلجني

اطلع مني

يا جلدي المنمل جني

واطلع مني

يا حزنا بقى مكجني

وكان ختام الأمسية بالفرقة الموسيقية التي صاحبت الفنان اسامة الحوري في أداء فاصل غنائي، لكن سبقتها كلمة رئيس نادي الموردة الاستاذ حسن ميرغني شريف، والذي شكر الحضور من تنفيذيين ووزراء وتشريعيين بالمناقل، وأوضح أن النشاط الفني سيتواصل بإذن الله لتصبح المناقل منارة سامقة للثقافة والمعرفة..

وتم تكريم الشعراء ثلاثتهم اضـــافة إلى مقدم البرنامج الأستاذ مصعب الصاوي والذي بهر الجميع بحضوره الوسيم، وكذلك الأستاذ طاهر محمد علي، والأستاذ أنور عوض..

وانفض سامر الأمسية والجميع يهنئ الجميع، فشوق أهل المناقل لمعانقة هذه القامات الشعرية السامقة، لا يضاهيه سوى توق هؤلاء الشعراء لتنسم رائحة الجروف البكر والتي كانت المناقل ساحة لها..



Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®


اشعار مدني النخلي

فرحانة بيك كل النجوم
=============
فرحانه بيك كل النجوم لا نام بريقا ولا انطفى
ما الريده يا ام قلبــاً ندى زاد القلوب المرهفه
وإن شاء الله طول ما حبي ليك لا يطل حزن لا يكون جفا
شفتيني كيف...؟
شفتيني كيف انا ببقى بيك سيد الفرح والريد براى
تشرق شموس زمن الهنا ويرحل جفاف عمرى وصباى
وإن شاء الله طول ما عمري ليك ما تنجرح عزة هواى
بحلم معاك...
بحلم معاك إنو الحزن غيمه وخلاص رحلت بعيد
وانو اللي باقي من الزمن ومن عمرى كلو بعيشو عيد
إن شاء الله طول ما حبي ليك ما نعيش زمن قاسى وعنيد
جيتي ومعاك..
جيتي ومعاك جاني الصباح عْم الشروق حزن الحروف
يا طيبه زي دفقة طمي بالخير غشت جدب الجروف
إن شاء الله طول ما عمري ليك ما نلاقي يوم قسوة ظروف



Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®



اشعار مدني النخلي

علمي عيوتي السفر
--------------------
علمي عيوني السفر ..
ما البسافر في عيونك ..
سكتو تبقى السلامة ..
بنسى أحزانو ..
وبعرف الدنيا جنبك إبتسامة ..
ضللي الناس بي حنانك ..
أبقي ليهم ضُل غمامة ..
الشقا اللازمني مدة ..
يوم إفوت ، والفرحة تبدأ ..
ما بقول فارقني عدَّا ..
عشان بخاف ترحل عيونك ..
وتنهزم فيني الأماني ..
وبي أساهو وبي شقاهو ..
تاني إتوشح زماني ..
أصلو غير عينيك وحاتك ..
ما في للأفراح معاني ..
جينا ليك .. شوق في عيونا ..
وفي عيونك شوق إناغم ..
الشجون باكر بترحل ..
والزمن يصحى ويسالم ..
الحلم يصبح حقيقة ..
وتنسجم في الحب ظروفه ..
والحنين تزهر غصونه ..
والعشم دانيات قطوفه ..
شوفي كيف يوم بكرة عامر ..
هاتي إيدك شان نشوفه ..



Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®




اشعار مدني النخلي

واقـــف بــــراك
-----------------------

واقف براك والهم عصف ..
ريحاً كََسَح زهرة صباك ..
ليلاً فتح شُرفة وَجَع ..
قمراً رحل فارق سماك ..
مطر الحزن عاود هطل ..
جدد عذاب الأرصفة ..
ضي المصابيح البعيدة ..
أتعب عيونك وإنطفأ ..
لمتين مواعيدك سراب ..
والريد شقا وحرقة جفا ..
واقف براك ..
بعد المشاوير البقت ..
ممدودة في نبض التعب ..
بتعود وتلقى رجاكا زول ..
حفظ الوداد زمنا صعب ..
والباقي من ليل الهوى ..
وعطر الصبابة الما إنسكب ..
والباقي من كل الغنا ..
وسيل الكتابة الما نضب ..
واقف براك ..
واقف براك ..




Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®




اشعار مدني النخلي

إحساس بالأمل
---------------
أديني إحساس بالأمل ..
مع كل رحلة شوق تطول ..
وأدي الخطاوي الراجعة ليك ..
في سكتك وهم الوصول ..
ما الدنيا كلها إنتظار ..
والإرتحال قدر الفصول ..
الموجة تحلم بالضفاف ..
والغيمة تحلم بالهطول ..
راحل معاي ضي الأماني ..
وذكرى للأيام هناك ..
لحظات بتذخر بالمعاني ..
وكيف أنسى تذكارات هواك ..
تتخلل الغربة ونعاني ..
ونصبر عشان نكسب رضاك ..
ونغني لو زار الحنين ..
يا ريتو كان سفراً معاك ..
شايف مداينك في البعيد ..
وبيناتنا ممدود الطريق ..
كيف الخيول بدت الرحيل ..
جوانا كم جرحك عميق ..
جفت حدايق الروح وراك ..
والزهرة عدمانة الرحيق ..
أدينا إحساس بالندى ..
في سكة الضنا والحريق ..
وأدي الخطاوي الراجعة ليك ..
في سكتك عشم الوصول ..



Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®




اشعار مدني النخلي

مـا بــان عــليـك سـفــر العـمـر
لســة الربـيـع يـادابــو زار
لسّــة الضـفـاف المـتـرعــة
بـتـفـيـض نـدى ... وتـطـرح ثـمــــار
الـنـاس عـلـيـك نــاداهـا .. فــــال
فى عـيـونـا نـام الإنـبـهـار
وأنـا جـّــوة قـلبى الـمـشـتـهـيـك
.... نـزفـت جـراحـات الـودار

********

جــّوة العـيون غــطـّى الـفـرح
... لـمّ الـزفـــاف
جـــّوة العــيــون تـشـرق شـمـوس
... يـرحـل جـفـاف
أزمان بـتـغـرق فى الـنـعـيــم
... وحـنـان غـمر عـاشـقـيـن رهـاف

*********

يـازهـــرة طــالت بى الـفـــرح
بـتـراقـص أنـوار الـمســـــــا
مـا بــان عـــلـيــك أثــر الــقــطــاب
... ولا جـاتــك أيــام الـقســــا
ما أروعـــك وإنـتى الـشـــبــاب ..
بى حــمــرة الـريــد إكـتـســـــا




Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®




اشعار مدني النخلي

أملنا الباقى يسرح بى
وأسافر لى زمن تانى
تبقى الدنيا فى عينى
هجعة خطوة .. فى سكة فرح مفقود
ورحلة موجة فى بحر الأسى .. الممدود
ورجعة غنوة من درب الضنى المهدود
.. وأفتش ليك

*******

وأفتش ليك حنانى معاى
أمانى تصارع المكتوب
عشانك لا مسافة تطول
ولا بتصعب معاكى .. دروب
وقلبى عليك
وعلى الوعد الحزين .. مصلوب
وراجع ليك

*******

وأفتش ليك
أجوب الدنيا .. وأرجع ليك
أجيك فارساً يشق صمت المتاهة .. الطال
يواعدك بى حكاوى الشوق
وبى شمساً .. وراها منال
وبى فرحاً يغرد .. فى سماك ألحان
ويجيب البهجة للأطفال



Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®




اشعار مدني النخلي

السفر باب العبور للحنين لهب الدواخل
عايني في عمق الحقايق ووهدة الليل والمجاهل
تلقي إنسان في إنتظارك ضيعت حلمو الشواغل
لاسفاينو عليك تعدى ولاوصل بيها السواحل
البحر وطن النوارس والضفاف ساحات نديه
الوطن في عيون جميله وفي القلوب نبض الوصيه
ورغم إنك رد ندايا ولمسة الحب الوفيه
برضي فاقدك لما أبكي وتمطر الدمعان رويه
شلت ريشتي بديت الون
صورتك الحلم الحقيقه
مدت الغيمه الظلال
وضحكت النسمه الرقيقه
الجدوال سمفونيه
دافقه أشجان الموسيقي
والشجر مرسي ومطارح
للعصافير الصديقه
وصورتك الحلم الحقيقه ...
صورتك
الحلم
الحقيقه...


Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®




اشعار مدني النخلي

عشـــــم باكـــــر
---------------------
في عينيك عشم باكر ..
ما إنتي القمر كلو ..
والشمس والوشاحة ورود ..
وزغرودة بتزف للناس ..
خبر زمنا جديد مولود ..
لقيت غيرك بضيع إسمي ..
وأكون أنا حي وزي مفقود ..
وفي عينيك عشم باكر ..
لاقيني يا عشقي الخرافي ..
لاقيني قبال الزوال ..
لاقيني في كل المرافيء ..
زفات ربيع وفرح طوافي ..
وانشر في حزن السنابل ..
زي ضياع كل المشاعر ..
وأمشي قبال الصباح ..
وزعي الطل للأزاهر ..
وأبقى يا شوقي الخرافي ..
خير يغيم شقى الفيافي ..
لاقيني يا شوقي الخرافي ..
لاقيني قبال الخيال ..
غنوة من أزمان بعيدة ..
طالعة من صخب الدميرة ..
تلقيني راجيك بالأماسي ..
وفي المراسي والملمات الخطيرة ..


Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®




اشعار مدني النخلي

أمل البنفسج
--------------
واقفه بين الليل وصمتو
نازفه من جرح القصيده
شمعه في قلب العتامي
تبكي في الشرفات وحيده
إنتي يا أمل البنفسج
يا صدى الغنوه البعيده
زافه للناس البشاره
وللطفوله الضايعه عيدا
وواقفه بين الليل وصمتو
جايه يارش السحايب
في عوينات الازاهر
وساطعة يا شمس البداري
الناشره ضيك في المشاعر
داخله اكواخ المساكين
المشتته في البنادر
زافه للناس البشاره
وصارخه في كل المنابر
واقفه بين الليل وصمتو
نازله عز الزمهرير في زحامات الشوارع
تشبهي القطن المندي ودابو فرهد في المزارع
عازفه الحان الجداول
رافعه هامات المعاول
زافه للناس البشاره وصامده في وش المدافع
وواقفه بين الليل وصمتو ...


Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®




اشعار مدني النخلي

صـرخــــة
--------------
مردودة من صرخة وصدى ..
مولودة في الزمن العقم ..
رغم المسافة .. الدهشة ..
والشوق والندم ..
أدمنت تحديق السراب ..
هدمت في الليل الحزن ..
أوغلت في الزمن الغياب ..
أدمنت فيك عشق الحروف ..
رغم إنهزامي مع الظروف ..
لا المدارات المسافر فيها ..
لعيونك مداي ..
لا هواك كان مبتداي ..
لا مداك كان منتهاي ..
كنت فارد للحلم ..
في ليل الرحيل مليون جناح ..
كنت فاتح صدري ديمة ..
وما بخاف عصف الرياح ..
إيدي في الزمن الخرافي ..
ودمي كان باقي المداد ..
نبضي في حزن القوافي ..
وصبري في الليل الوداد ..
ديمة أنسج في الغناوي ..
والتواشيح القديمة ..
أعشق الأمل البعاين ..
في المسافات الأليمة ..
تسخر أقداري العنيدة ..
وتبكي أحزانها القصيدة ..
لا زفافك كان مطاف للأماني وللعفاف ..
وخاصمت عيني الغمامة ..
وداس فرح عمري الجفاف ..


Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®




اشعار مدني النخلي

مــن جديـــــد
----------------------
من جديد جيت تاني ..
تكسِر صمتي بالنظرة الخجولة ..
يا أمل عمري القبيل ..
ويا سنين عامرات فصولا ..
ما قِدِرت أنساك من زمان ..
بس ضاعت أحلام الطفولة ..
الحنين الجيتني بيهو ..
جاني في لحظات ندم ..
في زمان ، ضيَّع صبانا ..
وحتى أشتات العشم ..
من جديد تاني كيف ..
تبني فيني الإنهدم ..
ما قدرت أنساك من زمان ..
بس ضاعت أحلام الطفولة ..
ما بفيد أنا لو ألملِم ..
من عيونك ذكريات ..
أو أصحِّي الماضي فِيهِن ..
وأنسى حزن الأمسيات ..
برضو زمن البهجة عدَّا ..
وعمري فات فيهو الفوات ..
وماقِدرت أنساك من زمان ..
بس ضاعت أحلام الطفولة ..
لحظاتــاً نـَدِيــَّـــــة


Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®





اشعار مدني النخلي

شــــروق
---------
فرح لميت حروف مغناي
نضمتها شوق وحنيه
فتحت على الأمل شرفه
تغرد فيها قمريه
عشان زولتي الوجيها شروق
.يزور الكون صباحيه . . .
ترافقني ومعاي تمشي تشق صمت الزحام فيني
معاها أغني للاطفال وللزمــــن البصافيني
أمد الشوق جزر أحلام على الفرح البلاقيني
وحبيبتي انا الفرايحيه . . .
حبيبتي أنا الربيعيه . . . أمل حرفي البغنيلا ..
ويطير بالشوق يعديلا . . .
تمس الريشه بالالوان
أحس اللوحه تتكلم
تداعب حسي بالالحان
اطوف في روعتا وأحلم
حبيبتي أنا الربيعيه . . .
بشاير غيم خريفيه
مداين ضي . . تعاين لي
تواعد جد بي فيضا . . .
حبيبتي أنا الفرايحيه
تزور الكون صباحيه . .


Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®



اشعار مدني النخلي

لحظاتــاً نـَدِيــَّـــــة
---------------------------
في خاطري لحظاتاً ندية ..
وإنت ساعة المغربية ..
قعدتك جنبي وعيونك ..
سابحة في الدنيا البهية ..
خِفْنا من سفراً يودِّي ..
للمسافات القصيـَّـة ..
قِصة الزول المسافر ..
وقلبو عشرة على الوصية ..
وأبقو عشرة على البِنَيَّة ..
كنت جد ناوي الرحيل ..
إلا شايل ذكرى منك ..
خفت في الغربة البعيدة ..
المسافات يبعدنِّـك ..
العيون الشايلة سيرتك ..
بُكرة يبكن ويفقدنـِّـك ..
والأماسي الحالمة تحزن ..
والمشاوير يتعبنـِّـك ..
شُفْتِي كيف ..
شفتي كيف لما الشمس ..
مدَّت نوافير الشعاع ..
والضفاف بِعْدَت كتير ..
والريح مَلَت جوف الشراع ..
كيف هناك بدت الضفاف ..
تتلاشى في زمن الضياع ..
وإنتي ساعة المغربية ..
خايفة من كلمة وداع ..

Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®




اشعار مدني النخلي

بوح
-----
قولي قولي وكلميني جيبي لي فرحاً نساني
قبلك الايام ظلومه ليلا حالك وكم طواني
يا الرميتي طلال جميله في هجير عمري البحرق
ويا البقيتي امل تواصل في الزمان الكان بفرق
قولي قولي وكلميني...
مدي ايدك يا غمامه رشي في دربي السلامه
وكوني يا امل القصايد للفرح سكه وعلامه
شوفي وين انا شلتو ريدك وطفت بيهو الكون أهلل
وشوفي كيف أنا برضو بحزن لما ليل الشوق يفلل
وابقي اكتب في القصايد وفي الخيال أرحل وأأمل
قولي قولي وكلميني..
يا فرح في السكه عايد يا نزيف قلب القصايد
يا سنا اللحظات وعيدا يا أمل عمري المواعد
قولي قولي وكلميني جيبي لي فرحاً نساني


Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®






اشعار مدني النخلي

كلمتنا الوردة
--------------
يا موزعه في الفصول والبطاقات والهويه
شن بلم فرح البنفسج بالرياح الموسميه
شدي حيلنا على المسافه وهدي جدران الاسيه
وعلمي الاطفال كلامك والحروف الابجديه
كلما تمر فوقنا غيمه تغني للمطر الخرافي
وكلما يغازلنا خاطر نهدي ليك فرح القوافي
يا موزعه في الفصول والمسارات والمرافي
ردي للشتلات نضارا ورجعي الفرح المجافي
مره أهديتينا ضيك والبشارات والاماني
احنا فتشناك حقيقه في الصباحات والاغاني
ياموزعه في العوالم والمداين والمواني
العمر لوعدي راحل بالامل ناديهو تاني
كلمتنا الوردة قالت
النسايم ما بخيله
والبحبك يا أصيله ..
يعشق الخطر المسور
غيمتك الحبلي وظليله
يا موزعه في المنا في
والمسافات الطويله
مدى بيناتنا الوصال
ورددي
الغنوة
الجميله ...




Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®

الرجوع الى أعلى الصفحة اذهب الى الأسفل
https://zankalooni.hooxs.com
 
اشعار مدني النخلي
الرجوع الى أعلى الصفحة 
صفحة 1 من اصل 1
 مواضيع مماثلة
-
» اشعار مصطفي سند
» اشعار الكتيابي
» اشعار اسماعيل حسن
» اشعار عمر الطيب الدوش
» اشعار سيف الدين الدسوقي

صلاحيات هذا المنتدى:لاتستطيع الرد على المواضيع في هذا المنتدى
zankalooni :: منتدى الشعر السوداني-
انتقل الى: