zankalooni
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتديات زنكلوني الأدبية ...شعر ..قصص قصيرة...روايات
 
الرئيسيةالرئيسية  البوابةالبوابة  أحدث الصورأحدث الصور  التسجيلالتسجيل  دخولدخول  

 

 اشعار محمد بشير عتيق

اذهب الى الأسفل 
كاتب الموضوعرسالة
Admin
Admin
Admin


المساهمات : 35
تاريخ التسجيل : 12/11/2011
العمر : 33

اشعار محمد بشير عتيق Empty
مُساهمةموضوع: اشعار محمد بشير عتيق   اشعار محمد بشير عتيق I_icon_minitimeالسبت ديسمبر 10, 2011 7:01 am

اشعار محمد بشير عتيق

ما بنسى ليلة كنا تايهين في سمر
محمد بشير عتيق
سنة 1941
لحن وغناء كرومة
* * * * * * *
ما بنسى ليلة كنا تايهين في سمر
بين الزهور أنا وأنت والنيل والقمر

وين يا جميل يوم كنا تايهين في سمر
من انسنا اتمتعنا بي جني الثمر

كم قلبي بالأنفاس لأنفاسك غمر
الجو سكر من ريك اتعطر خمر

ما بنسى ليلة كنا في شاطىء النهر
نتعاطى خمر الحب بكاسات الزهر

والبدر مزق ظلمته وسفر ازدهر
في النيل سطع بي نوره واتقطع بهر

الليل هدأ والجو صفا وغاب الأتر
النسيم يجيب من توتي أصوات النتر

انا يا جميل بي صوت ضميري المستتر
من شعري كم اسمعتك ألحان في وتر

شفت النجوم تنظرنا بي نظرة شذر
لما القمر في افقه بغيابه اعتذر

صافين عفاف يا حبيب خالين من قدر
في هوانا لا واشي ولا مراقب حذر

أنا بي غرامك يا حبيب دمعي انفجر
انا غناك ايقظت سكان الشجر

قبال اراك انا كنت في حيره وضجر
اليوم حظيت بلقاك يا ظبي الحجر



Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®






اشعار محمد بشير عتيق

أنا مشتاق و راغب
محمد بشير عتيق
........................
أنا مشتاق وراغب
مهما لى تعاقب
وياحلو الشمايل
وياسمح المناقب
** ** **
قبلك كنت عاقل . والآن صابني حُبك
سبب لى مشاغل
يامهبط شعوري
أنت لروحي شاغل
أضحى الكون يردد لى أشعاري ناقل
** ** **
يا كاسي وسلافي وياموحي القوافي
لى كُل معنى وافي
** ** **
ومن أدهى الغرايب
مقتول دمي ضالع والقاتل يقاضي
وأنا لى مين أقاضي
مادام خصمي قاضي



Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®






اشعار محمد بشير عتيق

على نار الحب
كلمات : محمد بشير عتيق
*********
على نار الحب
ساكتين صابرين
عاوزين وماقادرين
** ** **
على درب الشوق جادين سايرين
في ليله دوام ضالين حايرين
مالقينا دليل
ولاحتى خليل
أرجوك ياليل
هات لينا صباح علشان نرتاح
ونكون راضين
في الحب ماضين
** ** **
نحن الضايعين
في هوى الأحباب مالينا مُعين
نديك مقياس
من دون الناس
بنذوب إحساس
وكِملنا خلاص
وكلا الحالتين . لانزال ثابتين
على نار الحب حيين ميتين


Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®





اشعار محمد بشير عتيق

الصبح البديع
محمد بشير عتيق
..........................
في رونق
الصبح البديع
قوم يا حمام يا حمام
اسمعني الحان الربيع
قوم يا حمام حي الغمام
انا لي فيك شوق واهتمام
اسمعني من شدوك صدى
أهو ده الربيع ناضر بدا
ومن الرياض يدا
وشاها بي قطر الندا

في رونقا الصبح البديع
صحت الورود في كل روض
وتبسم الزهر الربيع البديع
اهي الطبيعة الكون تحلى بمنظرا
للعالمين سفرك بأحلى مناظرا
من روضى تغني لناظره
أطيارا عائدة عاشقة زائره
هي والنسيم

هي والنسيم في مناظرا ترسل حقائق وجوهرة
هي نزهة بل
هي آية من صنع البديع الوديع
قوم ياحمام أنا أنا
حي الغمام أنا
اسمعني

أسمعني عن تصويرو كيف
هو اية في الجنس اللطيف
وبالأختصار
هو حسن صار فوق الجميع
..



Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®




اشعار محمد بشير عتيق

أيام صفانا
محمد بشير عتيق

:::::::::::::
أذكري ايام صفانا واذكري عهد اللقاء
والليالي الفي حبور
اذكري ايام صفانا والليالي الفيها متبادلين وفانا
جينا بي كل اقتراب
من حديث يشفي الجراح
بي مغازلة وانشراح
والقمر بي ضياهو آالق والنسيم يهدينا انفاس الزهور
كنا داخل روضة مافيش حد سوانا
غير ان القمري يهتف بي هوانا
من اهازيج فنه يسمعنا اسطوانة
اما ارواحنا الخفاف
رافلة في اثواب عفاف
زي عرائس يوم زفاف
والنجوم بي عيون تسارق في اشتياق
تنظرنا من خلف الستور
الرياض مبتهجة داخل اقحوانا
والزهور نديانة تستقبل اوانة
زاهية يانعة ورايعة في توب ارجوانا
والنهر لينا اقترب
والطيور تسجع طرب
عاملة موسيقة قرب
انحنا صار مجلسنا عامر في طرب
في قبطة في نشوة وحبور
يا امير الحسن يا سامي المكانة
من عواطفك حبي لو فاقد مكانة
اهدي لي تفاحة بس او برتكانة
فهي غير شك مرضية
بيها اقتبس الضياء
بل اذوق طعم الحياة
انت ملهمني الاغاني
وانت مصدر فني
احساسي وشعوري


Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®







اشعار محمد بشير عتيق

اذكرينى يا حمامه
محمد بشير عتيق
...........................
أذكريني يا حمامة كل ما ساجع ترنم بي هواي وحب جمالك
أذكريني يا حمامة كلما هطلت غمامة في مساءك أو في صباحك
وفي غدوك أو في رواحك وكلما بارق تبسم أو نسيم الصبح نسم
عني دايماً يكون سؤالك..
***
فيمَ هجراني وعلام يالهواك صار لي علامة
شاهر لي داماً سلاحك
وموتي واجب في اصطلاحك
طرفي عن رؤياكم يحرم وذنبي ايه غير اني مغرم
ولي هواك من بدري مالك..
***
كل من في الكون ناما وعيني ليه فقدت مناما
وإنت يالكاحلك نعاسك يزدري الأغصان مياسك
حظي زي ليل فرعك اسحم
والجحيم من هجرك ارحم عني يالشاغلك دلالك..
***
صرت اعشق فيكي قاما خصرها يعيرني السقاما
فيها اشرق نور صباحك لي سنا البرق افتضاحك
فكري في خصرك مقسم وخطبي ذي ردفك مجسم
هل يصح ويرضيكى ذلك..



Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®






اشعار محمد بشير عتيق

ياناعس الاجفان
محمد بشير عتيق
.....................
ياناعس الاجفان انا من صفاك مسحور
بالله انت ملاك ؟ ولا من حسان الحور
* * * ***
تذرف عيونى بحور اقضى الليالى قيام ما بين شوق و هيام
ارعى النجم فى سحور
و فؤادى اه منحور مقتول بغير سلاح و اقول بكل صراح
سببى العيون الحور
* * * * *
فيك الكمال محصور اكظمت كل حسود و حسنك مقامة يسود
على كل جيل فى عصور
وطرفك لحاظة تريع اسدا شجاع و هصور
ليك نفرة الغزلان مع جبرة الفرسان فى هيبة المنصور
* * * * *
اهيف رشيق متبور تتهادى تية و دلال مابين غرف وظلال
ننعمة و ترف و حبور
سهمك على مهبور ايه ذنبى غير هواك انا يا جميل بهواك
من قلبى ما مجبور
* * * * *
يا البى العفاف مشهور ندك عبير فياح
و قوامك المياح اينع ثمر وزهور
بى حبى دمعى جهور
انا فى دجاك ياليل نجمك بقالى خليل
فارقت نومى دهور
* * * * *
انا لى زمن ماسور
هجرانى ما هماك ياللى قاسى لماك
من طول جفاك محسور
و حياة خديدك و جيدك و طريفك المكسور
انا شعرى ما بيوفيك مهما ابالغ فيك
منظومى و المنثور




Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®




اشعار محمد بشير عتيق

بالبدر او بالزهر هم ما انصفوك
يا جميل
لو أوصفوك

كيف يجهلوك..
وعلي الجمال العادي راحو يمثلوك
ولو بادلوك عين الحقيقة
او بالبصيرة تأملوك
بالنور او بالنار
أو بي قدر ما صاغ الخيال
ما عادلوك
يا جميل
لو أنصفوك

كوكب منزه في علوك
سحرك قريب شخصك بعيد
او كان قريب انواره آخذه بدون سلوك
يبرق ثناك في غيهب الليل الحلوك
اظرف شمايلك زاملوك
وهم اكملوك
ادبك هبة
فيك موهبة
حسن الظبا
وطبع الملوك
يا جميل
لو أنصفوك




Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®





اشعار محمد بشير عتيق

لغة العيون

--------------------------------------------------------------------------------

خاطبتو بي لغة الهــوي فاجابني بي لغة العيون
في مرة كنا انا وهـو في روض جميل ثمره استوي
وريته مابي من شجون ومن عطفه اظهر لي شجون
ما دمنا نحن علي الهواء يا حبيبي متعاهدين سوا
قلت ليه قلبي الليك غوي في حبو ما ضل وغوي
وحياة جمالك يا مصون
حلي وانقسم ولي ابتسم وزاني تحت الغيم سنا وكشف عن العناب جنا
قال لي ما معني القسم بي جمالي في شعرك هنا قتليه يا سمح القسم
كيف ما افاخر بيك انا وانت اللي اوحيت لي غناء
في قلبي شخصك اترسم
واعلم يقين انا في غني عن حب سواك وعلي هواك
حتي المنون
قال لي صحيح قلبك جريح وهواك صريح
شعرك رفيع في مستوي
لحنه البديع يطوي الجوي
كم اطفا للظمان روي بل احيا اموات الهوي
قلت ليه برضك لي ظلوم كيف ما غرامي عليك يدوم
وانا فكري عندك كل يوم
يستوحي من حسنك علوم قال لي خلاص يا خوي نقوم
ودعني بي لغة العيون ودعتو بي قلبي الحنون




Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®




اشعار محمد بشير عتيق

من يوم حبي فارقني

الشاعر محمد بشير عتيق
غنـاء خضر بشير

من يوم حبي فارقني
منامي و طرفي ما إتلاقوا
ملاك في ظلاله متهني
رشيق ذو قامة متثني
إذا استقبلنا محياهو
سحر أنظارنا بي ضياهو
و جذب أفكارنا بي حياهو
أنا ال بحبه شاغلني
كيف لا أعشقه و أغني
و أذوب من لطفه و أخلاقوا

أروم بي لقاهو يفرحني
أخاف من لحظه يجرحني
أفكر مرة أستنى
و أرجع برضي أتمنى
و أقول أصبر و أتأنى
حبيبي عساهو يسمع لي
و بنظرة عطفه يلمحني
و يكون بي حالتي اشفاقوا

مرضني و ما سال عني
أحبه و برضو يجهلني
فنيت أفكاري في فني
و شبت مع صغر سني
و مهما يكون صرف عني
أحبه ,, أحبه و قلبي يشتاقوا
و من يوم ما بقى فراقوا
منامي و طرفي ما إتلاقوا




Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®






ارجوك يا نسيم كتبها الشاعر محمد بشير عتيق ببورتسودان عام 1936 ولحنها وادَاها المبدع كرومة


أرجوك يا نسيم روح ليه
بي أشواقي صرح ليه
وأذكر صبوتي وسهادى
******
روح يا نسيم قول ليه
مثل شخصي واشرح ليه
إخلاصي وشعوري إليه
والأغرب كمان قول ليه
مع شغفي وميولي عليه
في تعذيبي برتاح ليه
بذكر حسنه في إنشادى
فأعجب مني شاعر وشادي
******
باللفظ الجميل آتيه
بين حالي واستفتيه
لو يصحى وبفيق من تيه
يتعطف يلين عاتيه
يشفي جراحي
وألقى صراحي
ويكون راحي
في رؤية خديده النادى
وقوامه الرشيق متهادى
******
هو حبيبي هو طبيبي
هو سميري هو أميري
حسن الكون تجسم فيه
يزدرى بالقمر لصفيه
ما دام كل عيب نافيه
أوصاف شعري كيف توفيه
ده الساكن ظلال في فؤادي
واختار في الهوى استعبادي




Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®





اشعار محمد بشير عتيق

جسمي المنحول
من روائع شاعرنا محمد بشير عتيق

جسمى المنحول.جسمي المنحول براه جفاك يامليح الزى
******
كيف حبي يحول وفؤادي معاك يازينة الحى
حلمك ياجميل انا دانى رحول
تركني هواك بين ميت وحى
******
كيف ليك وصول ...وسكونك فوق لى سهيل وثرى
النوم من عيني دوام مفصول
دموعي تلاقى وتسرف رى
******
دى الساحره عقول ... بروق في غيم ولا در فى لمى
خدودك أم ازهار في حقول
سقاني غرامك صافى حمى
******
الطرفه وأقول ..احور متناعس ولحظه صحى
تشوف في قوامه المال مفقول
الظلمة شعور والقمره محى
******
أنا دمعي هطول ...احن لي لماك وقاسى على
يصح في هواك تعذيبي يطول
بالبين أترابك لاهي خلى
******
من ردفه كسول ..بى جيده وعينه يسبى ظبي
بالشوق يا نسيم ابقالى رسول
لو يعطف ثانية يزيل البى





Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®






اشعار محمد بشير عتيق

يانسيم

محمد بشيرعتيق

::::::::::::::::

يانسيم بالله اشكيلوا تباريح شوقي وهيامي
يا نسيم عن شخصي اروي له حديث الحب وتأويله
وبالغ شرحي تطويله
لعله يسيب ده كله او اقله
يرجع قلبي في محله
يكون في عطفه اكرامي و افوز بي حظي و مرامي
دوام انا شوقي نامي له جداول دمعي تهمي له
صرف عن حبي صار ميله وانا اللازال احامه له
واحبه وافتخر به اهوي قربه واخشي حربه
يزيد في هجري و اضرامي
وازيد في حبي و غرامي
جفاك زاد قلبي في ويلاه تعال يا حبيبي داوي له
بخمرة لحظك اروي له عزولك سيب اقاويله
واوهامه واباطيله
ياخي اهديك
اوع من ديك
هم اعاديك
ختام ياروحي اهديك تحيات حبي وسلامي
جواهر شعري و كلامي



Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®





اشعار محمد بشير عتيق

حارم وصلى مالك
كلمات: عتيق
حارم وصلى مالك يا المفرد كمالك
مع طول إنصرامى وتعذيبى وضِرامى
ما إستهوانى غيرك وما إتبدل غرامى
أسهر ليلى وحدى أروى غناك وجدى
وبى حسن إختيالك لى قلبى إغتيالك
ولا زال شوقى نامى
استلطف منامى واستعطف خيالك
طرفى إذا تأمل
فى حِسان المواكب وضياء الكواكب
والبدر المكمل
برضى أراها دونك بل وحياة عيونك
أنت لطيف وأجمل
يا حلو الأمانى ويا روح المعانى ويا لحن الأغانى
يا درة نظامى ويا زهرة ظلالك
أنا واحد غرامى وأنا شاعر جمالك




Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®





اشعار محمد بشير عتيق

--------------------------------------------------------------------------------

الرشيم الأخضر
في الخديد الأنضر
هم ســـبب آلامي
فكري أضحى مبحتر
من غرايب سحره
ومن عيونه الفُتر
حكمة لو يتمايل
أو سفر واتبختر
إيه بثينة وعزه
وإيه عبيله وعنتر
حسـنه أمامي
مين سواك يتجسر
في فؤادي وحسنك
ليه عامل سِنسر
قلبي بيك أتأسر
وفيه حبك أثر
وبإنكسار لحظاتك
حظي أضحى مكسر
يا رفيع يا سامي

السحاب ما أمطر
أروى ساحة ربعك
ومن شذاك اتعطر
ما تغزّل شاعر في
محاسنك سطر
هاك سلامي الخالص
يا جميل ما مبطر
وليك جزيل إكرامي




Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®









اشعار محمد بشير عتيق

ذبت وجدا في هواك

محمد بشـر عتيق

:::::::::::::::::::::

ذبت وجدا في هواك
يا حبيبــي لــــــم أزل
عايش على سفح الأمل
يا من صليتني بنار هواك
رفعــــت فنـــي لمسـتواك
أنا في الغرام حامـل لواك
في قربى أو في حال نواك
قـط لم أفــكر في ســــواك
رغم العـزل لي فيك غــزل
برتاح لأنشــــودة غـنـــاك
وأنظم عقود زي نور سناك
أنا في الغرام حافظ ولاك
شعوري ما أستيقظ بلاك
والحكمة يا زينة حـــلاك
تزداد جمال وأزداد هلاك
حسنك ضمر حامى السمر
تيهك أمــر ليـه يا قمـــــر
تتواري عنى في ثوب حياك
ويبهر عيوني شعاع ضياك
يا المن خيالك اختشاك
بخمور دلالك انتشـــاك
بحبي ليك لو انتشــــاك
بالله سل نسمات عشاك
وبيك جواي ومبلغ هواي
وأنا طبي في خمرة لماك
لكن محال ألحـــق سمـاك



Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®




اشعار محمد بشير عتيق

كل ما اتاملت حسنك يا رشيق
القي اية تضاهي اية
***
كيف تزيد ناري وشقايا
وحبي ليك انا حب مكمل وسامي غاية
الوشاة يا روحي هم اكبر دعاية
دع ملامن وسيب كلامن واستلامن
اوفي قربك وخلي قلبك يكون معاي
***
يا شموس افقي وصفايا
يا خلاصة الحسن والغيرك نفايا
ارجوك لا تهمل شقايا
نظرة منك ولو خيال فيها الكفاية
بي ظماني مع الاماني يقر زماني
يسمو فني وتروي عني لزيز غنايا
***
انت قاضي ولي حكمك سيفه ماضي اباح دمايا
وحبك استعمر حواسي وللفؤاد اعلن حمايا
الف عام في خمسمية
ياخي لو صار انتهايا برضو بهواك للنهاية
شوقي دايم وقلبي هايم وفي النسايم



Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®





اشعار محمد بشير عتيق

وحى سواكن

فى رياض الساحل بين أعالى قصور ليله ما أحلاها
ليله كانت ساهره بإحتفال البدر والكواكب الزاهره
المآرب طاهره والعواطف ظاهره
فى إمتزاج أنفسنا البى الصبابه مجاهره
بى كؤوسنا وراحنا رفرفت أرواحنا
فى سماء أفراحنا
فرصة ما أحلاها الجمال أوحاها والشعر صحَّاها
نحن فى عالينا رقنا واتجلينا
وفى سمرنا حِلينا
السرور حوالينا
والسعاده ترفرف بى جناحه علينا
كان سميرنا الأهيف الوديع المترف
ذو الشعور المرهف
روحه عاليه سماها
إستمال أرواحنا وفى حبايله رماها
وإستحلَّ دماها


Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®






اشعار محمد بشير عتيق

زاهى فى خدرك

زاهى خِدركْ ناعساتْ عيناكْ تسحر النظركْ
يا جميل
اشتهرْ بدرك قوامْ وثمار أينعن صدْركْ
يا الرفيعْ قدركْ للعقولْ حُسنك وصفه لم يُدركْ
يا جميل
يا فريد عصرك ليك جنودْ ألحاظْ ساهرهْ سيف نصرَكْ
للعقولْ حصرَكْ وقلبى آه مطعونْ بى رمحْ خصْركْ
حِرت فى أمركْ ذبت شوقْ ومحال اقتطفْ ثمركْ
مره فى عُمركْ
أهدى لى نغيمْ فيه روح خمْركْ



Copyright ©2010 - 2011 zankalooni.hooxs.com
جميع الحقوق محفوظة لمنتديات زنكلوني®

الرجوع الى أعلى الصفحة اذهب الى الأسفل
https://zankalooni.hooxs.com
 
اشعار محمد بشير عتيق
الرجوع الى أعلى الصفحة 
صفحة 1 من اصل 1
 مواضيع مماثلة
-
» اشعار محمد سعد دياب
» اشعار محمد الفيتوري
» اشعار محمد طه القدال
» اشعار لعالم عباس محمد نور
» جميع أشعار محمد الحسن سالم حميد

صلاحيات هذا المنتدى:لاتستطيع الرد على المواضيع في هذا المنتدى
zankalooni :: منتدى الشعر السوداني-
انتقل الى: