ﺍﺳﻤﻚ ﺣﻠﻮ
ﻫﻴﺎﻡ ﺍﻻﺳﺪ
ﺍﺳﻤﻚ ﺣﻠﻮ.. ﺩﺍﻳﻤﺎ ﺑﻘﻮﻟﻮ ﻭﺃﻛﺮﺭﻭ ﻳﻤﻨﺤﻨﻲ ﺍﺣﺴﺎﺱ ﺍﻟﻔﺮﺡ.. ﻳﻤﺴﺢ ﺍﺳﺎﻱ ﻳﺒﺪﻟﻮ.. ﺍﺳﻤﻚ ﻣﺤﻜﺮ ﻓﻲ ﺍﻟﻘﻠﻴﺐ.. ﻏﺎﻟﻲ ﻭﻣﻜﺎﻧﺘﻮ ﻣﻘﺪﺭﻩ ﺍﺳﻤﻚ ﻣﺪﻭﻥ ﻓﻲ ﺍﻟﻌﻘﻞ.. ﻓﻲ ﻛﻞ ﻣﻮﺍﻗﻊ ﺍﻟﺬﺍﻛﺮﻩ ﺍﺳﻤﻚ ﺑﻨﻨﻄﻘﻮ ﺑﺎﻟﻠﺴﺎﻥ.. ﻛﻠﻤﺎﺗﻨﺎ ﺗﺒﻘﻲ ﻣﻌﻄﺮﻩ ﻭﺍﺳﻤﻚ ﻳﻤﻴﻦ ﺣﻴﻦ ﻧﻜﺘﺒﻮ.. ﺗﻤﺸﻲ ﺍﻟﺤﺮﻭﻑ ﻣﺘﺒﺨﺘﺮﻩ ﻋﻠﺸﺎﻥ ﺗﺨﻄﻮ ﺗﺴﻄﺮﻭ.. ﻭﺍﺳﻤﻚ ﺣﻠﻮ ﺍﺳﻤﻚ ﺣﻠﻮ.. ﻭﺃﻧﺎ ﺑﻘﺘﺮﺡ ﻛﻞ ﺍﻟﻤﺪﺍﺭﺱ ﻓﻲ ﺍﻟﺒﻠﺪ ﻓﻲ ﻛﻞ ﺩﺭﻭﺳﺎ ﺗﻘﺮﺭﻭ.. ﻳﺒﻘﻲ ﺍﻟﺤﺴﺎﺏ ﻫﻮ ﺣﺮﻭﻓﻮ ﻛﻢ؟ ﺑﻲ ﻳﺎﺗﻮ ﺯﺍﻭﻳﻪ ﻧﻤﻴﻠﻮ ﺗﺎﺭﻳﺨﻨﺎ ﻳﺼﺒﺢ ﻣﻦ ﻣﺘﻴﻦ ﺍﺳﻤﻚ ﻧﺸﺎ.. ﻭﻣﻦ ﻭﻳﻦ ﺑﺪﺍﻳﺘﻮ ﻭﺃﻭﻟﻮ.. ﻭﻓﻲ ﺍﻟﻌﺮﺑﻲ ﻧﺪﺭﺱ ﻛﻞ ﺩﻻﻻﺕ ﺍﻷﺳﻢ.. ﻛﻴﻔﻦ ﺣﺮﻭﻓﻮ ﻧﺸﻜﻼ.. ﻭﻛﻴﻔﻦ ﺧﻄﻮﻃﻮ ﻧﺴﻄﺮﺍ.. ﻭﺍﻋﺮﺍﺑﻮ ﻛﻴﻔﻦ ﻧﻌﻤﻠﻮ ﻭﻓﻲ ﺍﻟﻔﻦ ﺣﻨﻌﺮﻑ ﻛﻴﻒ ﺍﺳﻤﻨﺎ ﻧﺠﻤﻠﻮ ﻭﺍﺳﻤﻚ ﺣﻠﻮ ﺍﺳﻤﻚ ﺣﻠﻮ.. ﻭﻟﻮ ﻛﻞ ﺯﻭﻝ ﺑﻲ ﺭﻭﻗﻪ ﺑﺲ ﺍﺗﺄﻣﻠﻮ ﻭﺣﺲ ﺍﻟﻤﻮﺳﻴﻘﻲ ﺍﻟﺒﻴﻦ ﺣﺮﻭﻓﻮ.. ﻭﻛﺖ ﻧﻘﻮﻟﻮ ﻭﻧﺬﻛﺮﻭ ﺻﺪﻗﻨﻲ ﻣﺎﺑﺴﻤﻊ ﻏﻨﺎ.. ﻻ ﻟﺤﻦ ﺗﺎﻧﻲ ﺑﻴﻘﺒﻠﻮ ﻭﺻﺪﻗﻨﻲ... ﺍﺳﻤﻚ ﺟﺪ ﺣﻠﻮ ﻭﺍﻷﺣﻠﻲ ﺍﻧﻚ ﺍﻧﺖ ﺳﻴﺪﻭ... ﻭﻣﺼﺪﺭﻭ ﻭﺍﺳﻤﻚ ﺣﻠﻮ